إعـــــــلان

Collapse

.

,
See more
See less

باركليز-أسوء بنك في مصر-تجربه شخصية

Collapse
X
 
  • Filter
  • الوقت
  • Show
Clear All
new posts

  • #61
    المشاركة الأصلية كتبت بواسطة amrbakly مشاهدة المشاركة
    مش عايزكم تقلقوا

    علي حد علمي مفيش اي ازمة مع البنك المركزي إلا لو مجموع مديونيتك زادت عن 30 الف جنية، غير كدة يضربوا راسهم في الحيط

    و يا ريت حد محامي يأكد لنا المعلومة دية
    لا يا فندم حضرتك ممكن تنزل black list على أقل حاجة و عن تجربة

    Comment


    • #62
      الحل بسيط جدا ...
      هما مش عايزينك تستمر لاخر السنة ... ماشى ...استمر ومتستخدمش الفيزا بتاعتهم خالص...
      وقبل ما السنة تخلص بثلاثة شهور .. انذار ظريف على يد محضر بطلب وقف الفيزا لعدم الاستفادة بها وتنبية بعدم تجدبدها والا ستطلب التعويضات المناسبة .... وانسى الموضوع ....
      طب لو جددوها تلقائى ... يبقى ياسعدك يا هناك ... أطلب التعويضات .. ومتنساش نسبتى ...
      أنا اول مره اعرف الموضوع ده, بس الكلام ده جامد جداا يا كريم... جرب و مش هتخسر حاجه

      و كويس انك قلت الموضوع ده, لأن ناس كتيير متخيله ان باركليز بنك محترم, و انا كنت فاكر كده

      أنا والله اتحرق دمي لما قرأت الموقف و تخيلت ان انا فيه.... كنت ولعت في اللي اسمها فاطمه دي

      دول حلهم فعلا (( يتجرسوا )) في كل حته و عند كل الناس, و طقم شكاوى في كذا جهه...
      [U][CENTER][SIZE="5"][COLOR="DarkOrange"][FONT="Century Gothic"]Eng. Mohammed Ghazy[/FONT][/COLOR][/SIZE][/CENTER][/U]
      [SIZE="4"][U][CENTER][COLOR="RoyalBlue"][FONT="Century Gothic"]The New Mercedes-Benz C 300[/FONT][/COLOR][/CENTER][/U][/SIZE]
      [CENTER][SIGPIC][/SIGPIC][/CENTER]

      Comment


      • #63
        كريم باشا عن تجربة مع أسوأ بنك في مصر وهو سيتي بنك كنت حاطط مبلغ تافه جدا وديعة وبعدين جيت أفكها بدون مبالغة فضلت شهر كامل كعب داير عليهم علشان تتفك وفي الأخر واحد قريبي قالي على الحل السحري وهو:

        تروح عادي خالص البنك وتقول اللي انت عاوز تعمله هيردو عليك بأي رد المهم تقوم قايل بصوت عالي قدام العملاء (براحتكم أنا هطلع من هنا على البنك المركزي علطول ومعايا الشكوى جاهزة)

        مش عاوز أقولك بعد لما قولت الكلمتين دول حصل ايه:) سبحان الله وبقدرة قادر الوديعة اتفكت لوحدها وانا واقف

        Comment


        • #64
          وده عمر طاهر متكلم عن نفس الموضوع

          تلخيص الإبريز في حيل بنك باركليز


          الأحد, 2010-03-28 19:27تلقيت رسالة من المهندس شريف إبراهيم يروي فيها قصة مع واحد من البنوك التي صارت تتنافس في توريط المصريين في أي التزامات تدر عليها أرباحًا وكله بالقانون، في البداية يتصل بك مندوب البنك (ماتعرفش جاب نمرتك من فين) ويستأذنك بأدب مفتعل في أن يعرض عليك خدمة كارت الائتمان المجاني، يمنحك البنك رصيدًا مقدمًا ويطلب منك أن تستخدمه ويعطيك مهلة للسداد، كل بنك وطريقته، البنك هنا (بيشغل) الفلوس الموجودة في أرصدته بإقراضك مبلغًا سيستعيده بسهولة لكن مجرد موافقتك عليه تضمن عودة المبلغ مصحوبة بتكاليف استخدام ماكينة السحب ومصروفات إدارية وغرامات تأخير ومصروفات المراسلة وإصدار تقارير الحساب الشهري ومصروفات تجديد البطاقة، مبالغ يستدرجك البنك ويورطك في الالتزام بها دون أن تملك الاعتراض عليها أو مناقشتها، مبالغ ومصروفات تتكشف لك مع كل يوم يمر عليك وبطاقة الائتمان في جيبك.


          قد تحاول في البداية أن تتهرب من الموافقة علي هذا العرض، لكن زن موظفي البنوك ليلاً ونهارًا عليك للاستفادة من مميزات العرض والتسهيلات التي يقدمها لك البنك والامتيازات التي ستحصل عليها عند الإقامة في فندق كذا في شرم الشيخ أو عند دعوتك شخصين علي العشاء في مطعم اسمه بالإنجليزي أو عند شراء مجوهرات من محل كذا (وأنت أصلاً لو كنت بتروح الأماكن دي ماكنتش هتحتاج بطاقة بخمسة آلاف جنيه)، يكرهك الموظف أو الموظفة معنويًا علي قبول العرض ويؤكد لك أنه مثل شكة الدبوس وأنك ستصبح في أقل من خمسة دقائق مالكًا كام ألف جنيه من الهوا، تفرح في البداية أنك تحمل في بطاقتك كارت فيزا ثم تفاجأ بأنك مالحقتش تفرح بيها حيث بدأ البنك يطاردك ليطالبك بكل المصروفات التي تراكمت عليك.

          رسالة المهندس شريف تتعلق ببنك باركليز لكنني في كلامي أقصد معظم البنوك الموجودة في مصر حاليًا، وربما يكون بنك باركليز صاحب حق وقادر علي تغليط المهندس شريف (وكله بالقانون)، لكنها مناسبة للفت نظرك يا صديقي حتي لا تتورط في مثل هذه المهاترات...

          تقول الرسالة:

          "منذ أكثر من سنة طاردني مندوب مبيعات لأسابيع لأقبل فيزا كارت مجانيًا وبدون ضمانات سوي ما يفيد أني أسدد للبنوك الأخري وأعطاني أعلي حد متاح 26600 جنيه شهريًا

          ألح المندوب في عرضه وقال لي إن بنك باركليز سيمنح مزايا أكثر من كل البنوك التي أتعامل معها...

          وشروط التجديد المجاني أن أستعمل البطاقة في مشتريات بـ 7000 جنيه أو أدفع 200 جنيه للتجديد.

          وحيث إن البنك لم يقدم أي عروض فلم أستخدم البطاقة سوي مرتين تقريبًا عند الضرورة واستعملت بطاقات البنوك الأخري كعادتي.

          ثم فوجئت بمديونية 200 جنيه في ديسمبر 2009 رسوم تجديد 2010 فاتصلت بالبنك لأشتكي من هذا الخطأ فاعتذر الموظف لوجود عيب في السيستم.

          اتصلت تاني يوم لأجد عيبا في السيستم.

          اتصلت بعد عطلة نهاية الأسبوع لأجد نفس العيب (مفروض كل المكالمات مسجلة).

          فأصررت علي أن يحولني إلي المدير المسئول وإلا لن أغلق الخط، فاضطر لتسجيل الشكوي وأخبرني بأن الرد خلال أسبوع فرفضت حتي لا أدخل في يناير وأتحمل غرامة تأخير لشيء لم أطلبه فأعطاني عنوانًا بريديًا، ففعلت كما هو موضح بالأسفل لأفاجأ بالرد أن التجديد إجباري ولا يحتاج إلي موافقتي وأنني مجبر علي الدفع حتي ألغي البطاقة.

          تخيل هذا بنك أجنبي.

          فرفضت فاتصلوا بي لأدفع 100 جنيه وأجربهم سنة تاني فرفضت.

          فبدأوا في إرسال غرامات تأخير 58 جنيهًا شهريًا يعني حوالي 28% شهريًا.

          ماذا أفعل لبنك مثل هذا؟ هل أعمل لهم محضرًا في القسم ولاَّ أبعت للبنك المركزي ولا أشكو لجهاز حماية المستهلك؟

          هل يعاني البنك ضائقة مالية فيقوم بمثل هذه الطرق لتحصيل مبلغ ضخم كهذا 200 جنيه يعقبه غرامة تأخير شهرية حوالي 60 جنيهًا من الهواء؟

          مهندس شريف إبراهيم.
          [CENTER]Me on Twitter
          @aliabutaleb[/CENTER]

          Comment


          • #65
            أبو حمزة

            شكراً لنقل المقال يا فندم

            Comment


            • #66
              المشاركة الأصلية كتبت بواسطة m.osman مشاهدة المشاركة
              أبو حمزة

              شكراً لنقل المقال يا فندم
              لا شكر على واجب :)
              لي زميل في العمل مر بنفس اللي مر بيه كريم بالظبط
              بس الغريب إنه زعق لهم جامد في التليفون وبيقول إن المبلغ اللي عليه اتشال
              ودي قصة أنا مش مقتنع بيها وحاسس إنها اشتغالة من ناحيتهم
              [CENTER]Me on Twitter
              @aliabutaleb[/CENTER]

              Comment


              • #67
                المشاركة الأصلية كتبت بواسطة أبو حمزة مشاهدة المشاركة
                لا شكر على واجب :)
                لي زميل في العمل مر بنفس اللي مر بيه كريم بالظبط
                بس الغريب إنه زعق لهم جامد في التليفون وبيقول إن المبلغ اللي عليه اتشال
                ودي قصة أنا مش مقتنع بيها وحاسس إنها اشتغالة من ناحيتهم
                في فرع المنصورة
                كان فيه واحد متقدم لوظيفة (مش عارف اية بالظبط)

                تخيل الInterviewer طلب منه اية؟؟

                طلب منه 10 ضغط !!
                ايوا ... 10 ضغظ ...

                الـapplicant سابه و مشي
                و دا عادي من بنك يتمتع باعلى turnover في مصر و معروف عنه الكوسة في التعيين

                Comment


                • #68
                  المشاركة الأصلية كتبت بواسطة m.osman مشاهدة المشاركة
                  في فرع المنصورة
                  كان فيه واحد متقدم لوظيفة (مش عارف اية بالظبط)

                  تخيل الinterviewer طلب منه اية؟؟

                  طلب منه 10 ضغط !!
                  ايوا ... 10 ضغظ ...

                  الـapplicant سابه و مشي
                  و دا عادي من بنك يتمتع باعلى turnover في مصر و معروف عنه الكوسة في التعيين
                  مظنش إنه عاوزه يعمل الـ 10 ضغط
                  هو أكيد عاوز يشوف رده قصاد الاستفزاز اللي ممكن يتعرض له
                  [CENTER]Me on Twitter
                  @aliabutaleb[/CENTER]

                  Comment


                  • #69
                    المشاركة الأصلية كتبت بواسطة أبو حمزة مشاهدة المشاركة
                    مظنش إنه عاوزه يعمل الـ 10 ضغط
                    هو أكيد عاوز يشوف رده قصاد الاستفزاز اللي ممكن يتعرض له
                    ساعات فعلاً اسئلة الإنترفيو بيكون وراها حاجة
                    بس لما يكون الموضوع ملوش علاقة بالوظيفة ... حقيقي مش عارف ... ممكن يكون صح

                    Comment


                    • #70
                      المشاركة الأصلية كتبت بواسطة ezzatfox مشاهدة المشاركة
                      لا طبعا اى مديونية او متأخرات لو متدفعتش بتنزل بلاك ليست فى البنك المركزى .. و لو اى بنك تانى عمل استعلام iscore هيلاقى حضرتك بلاك ليست .
                      انا تجربتى مع باركليز للامانة كانت ايجابية و عامل عندهم فيزا من سنتين بستعملها فى المشتريات و على النت و مفيش اى مشاكل - و للعلم كانت بدون رسوم للسنة الاولى و عليها عرض لو المشتريات السنوية زادت عن 5000 جم فى السنة تجدد البطاقة بدون رسوم سنوية و دة اللى حصل معايا فعلا .

                      بس طبعا اللى عملتة الموظفة دى مع استاذ كريم مينفعش يتسكت علية لان حتى لو الموظفة دى متخلفة اكيد مش هتعمل كدة من دماغها لان دى سياسة بنك و واضح انة مش خايف على سمعتة و عملاءة لانة معلمش الناس دى حدودها و طريقة التعامل مع العملاء .

                      لازم شكوى لمدير الفرع و المركز الرئيسى و البنك المركزى برقم وارد و تابعها و اتأكد ان الموضوع مش هيعدى بالساهل و الموظفة دى هتتظبط و يا ريت لو فاكر اليوم و الساعة اللى حصلت فيها المكالمة ممكن يكون مرجع لو ادارة البنك بتسجل المكالمات .
                      طب قلي اعمل ايه لقيت نفسي نازل بلاك ليست في البنك المركزي من باركليز الله يخرب بيته عشان اتاخرت عن ميعاد السداد 20 يوم و علمت الحركة دي مرتين لقيت واحد صاحبي من سي اي بي بيقولي انت نزلوك بلاك ليست او حاجة زي كدا علما باني بقالي سنتين و شهرين واغلب الاوقات بدفع قبل الميعاد قلي اعمل ايه ؟؟
                      [B][COLOR=Green][/COLOR][/B]
                      [B][COLOR=Green]من وجد الله ماذا فقد و من فقد الله ماذا وجد

                      [/COLOR][/B][B][COLOR=Green]
                      [/COLOR][/B]
                      [URL="http://www.postimage.org/image.php?v=gx1x5ItA"]
                      [/URL]

                      Comment


                      • #71
                        انا عملت الفيزا مع باركليز و لم استخدمها و جددها لي و نزلي غرامات و نزلي بلاك ليست في البنك المركزي , و سويت معاهم المبلغ لكن قالوا لي لازم تكمل السنه و رفضوا اني اقفل الكارت ,, مش عارف اعمل ايع

                        Comment


                        • #72
                          معلش هوا الموضوع قديم ولكن ممكن نحييه تاني:
                          انا المدام عندي راحت بنك مصر تحول فلوس لحساب في البنك و حصلت مشكله بينها و بين الصرافه اللي في الشباك و عملت شكوى و كبرت بعديها بيومين اتصل بيها مدير فرع البنك و بعديها بدقيقتين مسئول تحته تقريبا مسئول صاله الشباك على ما اعتقد و اسف و اعتذارات من هنا لبكره على تصرف الموظفه و طلب منها أنها لو جت تاني انها تعرفه بتواجدها و هوا حيجي مع الموظفه يقدموا الاعتذار لايف تاني و طبعا قولتلها كبري دماغك خلاص هما اعتذروا و تعدي و للعلم اصلا المدام بهدلتها ساعتها اصلا و بعديها عملت الشكوي لتعنت الموظفه و ردها عن جهل
                          كووووول ده من بنك مصري محلي و بنك المفروض عالمي ده تصرفه و تصرف عامليه!!!!!

                          Comment


                          • #73
                            معلش هوا الموضوع قديم ولكن ممكن نحييه تاني:
                            انا المدام عندي راحت بنك مصر تحول فلوس لحساب في البنك و حصلت مشكله بينها و بين الصرافه اللي في الشباك و عملت شكوى و كبرت بعديها بيومين اتصل بيها مدير فرع البنك و بعديها بدقيقتين مسئول تحته تقريبا مسئول صاله الشباك على ما اعتقد و اسف و اعتذارات من هنا لبكره على تصرف الموظفه و طلب منها أنها لو جت تاني انها تعرفه بتواجدها و هوا حيجي مع الموظفه يقدموا الاعتذار لايف تاني و طبعا قولتلها كبري دماغك خلاص هما اعتذروا و تعدي و للعلم اصلا المدام بهدلتها ساعتها اصلا و بعديها عملت الشكوي لتعنت الموظفه و ردها عن جهل
                            كووووول ده من بنك مصري محلي و بنك المفروض عالمي ده تصرفه و تصرف عامليه!!!!!

                            Comment


                            • #74
                              معلش هوا الموضوع قديم ولكن ممكن نحييه تاني:
                              انا المدام عندي راحت بنك مصر تحول فلوس لحساب في البنك و حصلت مشكله بينها و بين الصرافه اللي في الشباك و عملت شكوى و كبرت بعديها بيومين اتصل بيها مدير فرع البنك و بعديها بدقيقتين مسئول تحته تقريبا مسئول صاله الشباك على ما اعتقد و اسف و اعتذارات من هنا لبكره على تصرف الموظفه و طلب منها أنها لو جت تاني انها تعرفه بتواجدها و هوا حيجي مع الموظفه يقدموا الاعتذار لايف تاني و طبعا قولتلها كبري دماغك خلاص هما اعتذروا و تعدي و للعلم اصلا المدام بهدلتها ساعتها اصلا و بعديها عملت الشكوي لتعنت الموظفه و ردها عن جهل
                              كووووول ده من بنك مصري محلي و بنك المفروض عالمي ده تصرفه و تصرف عامليه!!!!!

                              Comment


                              • #75
                                للرفع برده
                                A.Saad

                                Comment

                                Working...
                                X