فضيحة مباراة الأهلي وإنبي

[dr-mohamed]

عزيزى
تفويت المباريات ماركه مسجله للاهلى انت نسيت ولا ايه ده شوبير قال ان الاهلى بيعمل ده عادى قبل كده و مش فاكر ديه افتكر الاهلى و الجزيره و ديه متسجله هوا اعتراف اللاعب
وحد الله و قول يا باسط

لا اله الا الله
بس على فكرة اللاعب اللى قال انه فوت المباراة لصالح الجزيرة الاهل وقفه وبعدين استغني عنه لانه مينفعش في الاهلى لاعب يفوت ماتش او يتخاذل ايا كان السبب
اما تفويت حبايبنا في الزمالك فطبيعي جدا ومتعودين عليه واخرها الموسم اللى فات لما كان الاسماعيلي بيدخل الجون في عبد الواحد وهو ودفاع الزمالك بيضحكوا

و عزيزى كريبتون منافشات الكوره كده بالنسبه للبدرى انا عاجبنى جدا مشى ابو دراع اللى بيقلع و جه اللى بيرمى ازايز الميه و يشتم لاعيبته

والله يا سيدي ابو دراع ورغم اعترضي علي الحركة دي جدا الا انه في كل الاحوال اوروبي مش مصري
واللى مش عاجبهم ان البدريشتم فرانسيس وانا معاهم ان ده غلط جدا ومرفوض تماما يا ريت محدش يجي بعد كدة ويبرر
الاسوا المدرب المصري المحترم اللى بينزل الملعب ويحاول يضرب الحكام وبيشتم شتيمة قذرة جدا كلنا عارفينها وبرغم كدة محدش حاسبه ولا حد اتكلم عنه وتقولوا حماس ومعرفش ايه

http://www.youtube.com/watch?v=7lg3wuhdcs0

مش كدة وبس لا وبيضرب لعيبة الفرق التانية ويسب لهم الدين كمان

http://www.youtube.com/watch?v=qn_kee2yidm

وكفاية مش هجيب فيديوهات تانى
ولا اجيب ؟؟؟؟

و عزيزى كايرو - اقرا شويه عن خسائر الاهلى من اللاعيبه و صلت فى عهد جوزيه ل حاجه و ستين مليون جنيه و الموسم اللى احنا فيه الخسائر هتوصل حوالى 12 مليون

بلاش نتكلم عن خساير اللاعيبن راجع جريدة الفرسان ورئيس تحريرها اسامة خليل الزمالكاوي المتعصب جدا السنين اللى فاتت هتلاقيه كل موسم بيكتب كل فريق اشتري كام لاعب وباع كام لاعب وخسر اد ايه هتلاقي دايما الزمالك في القمة اكتر فريق بيشتري لعيبة ويمشيها ويخسر فيها ومش هقول امثلة هنا لان لو قلنا الامثلة مش هنخلص

اولا البدري مغلطش لو انفعل اثناء المباراه و لازم نبقى حيادين يعني منجيش نسب و نلعن في كل حاجه و احنا بنتفرج على ماتش و منفعلين و نيجي نقول ميصحش البدري يعمل كده.
تانيا ثقافة السب عندنا موجوده من زمان و منتشره, الام بتشتم ابنها و الاب بيشتم عياله و الزوجه بتشتم جوزها و الراجل بيشتم مراته و الطلبه بيشتموا بعضهم هزار و جد و الفاظ اجارك الله منها. و الصنايعيه بتشتم و السواقين بيشتموا, احنا عندنا الشتيمه زي الاكل و الشرب للناس كلها الا من رحم ربي لما يجي البدري يقول يخرب بيت ... واللا كده دي متبقاش شتيمه في وسط اللي بأسمعه كل يوم في كل مكان. لو حنحاسب البدري نحاسبه على مستوى الفريق في المباراه و الحكم بتاع المباراه لازم يتشطب من لائحة حكام مصر و ينضرب بالنار في ميدان عام. و لك الله يا انبي , اجتهد و تعب و بزل مجهود خرافي و ضاع كل مجهوده بسبب الظلم

بجد اغرب كلام قريته فى حياتى

مش عارف بكره هنجادل فى ايه

مش عارف ليه انا كمان معاك
مجتمعنا مبقتش الشتيمة فيه بالطريقة دي ابعد بس عن الميكروباسات والصنايعية وانت هتلاقي الشتيمة قليلة اوي معرفش مين اللى قالك ان الست بتشتم جوزها والراجل بيشتم مراته بلاش تخلي الاستثناءات هي القاعدة

[dr-mohamed]

مش باتفق معاك في إن الدوري في الملعب
الدوري في الأهلي السنة دي زي اللي قبلهم

بالمناسبة أنا زملكاوي جداً ومقتنع تمام الاقتناع إن الأهلي مشتراش الحكام
اللي بيعمله الأهلي والزمالك هو وضع الحكام تحت ضغط عصبي يخليهم متأهبين ضد منافسيهم وبالتالي ده اللي بيخللي الأهلي والزمالك يستفيد من أخطاء الحكام لما صعّد من لهجة الاستياء والتهديد في الفترة اللي فاتت بادعاءه إن التحكيم ظلمه وده شئ كان غير شائع مع إدارة الأهلي.
وده نفس اللي بيعمله الزمالك
هما الاتنين بيستفيدوا من أخطاء التحكيم سواء كانت عن عمد أم لا

والله انت راجل صح

[human]

بلاش نتكلم عن خساير اللاعيبن راجع جريدة الفرسان ورئيس تحريرها اسامة خليل الزمالكاوي المتعصب جدا السنين اللى فاتت هتلاقيه كل موسم بيكتب كل فريق اشتري كام لاعب وباع كام لاعب وخسر اد ايه هتلاقي دايما الزمالك في القمة اكتر فريق بيشتري لعيبة ويمشيها ويخسر فيها ومش هقول امثلة هنا لان لو قلنا الامثلة مش هنخلص

راجع انت بقى صوت الامه عشان كاتبه عكس الكلام ده

و لو على الفيديوهات عندك من اول احمد حسن لغايه الحج البركه و هو بيقول اعراضيه اسكندرانيه مرورا بجميع اللاعبين بيسبوا و يشتموا

و انا مكسوف من ماتش الاسماعيلى اكيد

بس المشكله فى اللى مش شايفين المصايب اللى بيعملوها

[dr-mohamed]

راجع انت بقى صوت الامه عشان كاتبه عكس الكلام ده
و لو على الفيديوهات عندك من اول احمد حسن لغايه الحج البركه و هو بيقول اعراضيه اسكندرانيه مرورا بجميع اللاعبين بيسبوا و يشتموا
و انا مكسوف من ماتش الاسماعيلى اكيد
بس المشكله فى اللى مش شايفين المصايب اللى بيعملوها

صوت امة ايه يا راجل بكرة يطلع مدير القسم الرياضي فيها زي على السيسي

وبلاش الجملة الاسكندرانية دي احسن انا وعضو مهم تاني في المنتدي اخدنا وقف بسببها لمجرد اننا لمحنا بس زي حالاتك كدة الحق امسحها
ومين قالك اننا عاجبنا ماتش انبي ولا فرحانين بيه ولا شايفين ان اللى حصل فيه صح ؟؟؟؟؟؟
المشكلة يا هيومان ان المنسأ العام هو اللى فجر الأزمة كلها وبيته كان ازاز وحدف الناس بالطوب

[human]

صوت امة ايه يا راجل بكرة يطلع مدير القسم الرياضي فيها زي على السيسي

وبلاش الجملة الاسكندرانية دي احسن انا وعضو مهم تاني في المنتدي اخدنا وقف بسببها لمجرد اننا لمحنا بس زي حالاتك كدة الحق امسحها
ومين قالك اننا عاجبنا ماتش انبي ولا فرحانين بيه ولا شايفين ان اللى حصل فيه صح ؟؟؟؟؟؟
المشكلة يا هيومان ان المنسأ العام هو اللى فجر الأزمة كلها وبيته كان ازاز وحدف الناس بالطوب

انا اللى بيضايقنى موضوع النزاهه و المبادئ و الكلام الاجوف ده
فيه تجاوزات بالهبل فى كل حاجه و الجدع اللى بيعرف يخلص مصلحته و سبوبه الكوره كبيره و احنا بنشجه و نهيص

خلينا فى الدورى - عايزين نشوف البدرى مع بتروجت انهارده لو البدرى كسب اعتقد ممكن يروح يحج بكره الصبح
المره اللى فاتت راح عمل عمره

[aliabutaleb]

انا اللى بيضايقنى موضوع النزاهه و المبادئ و الكلام الاجوف ده

انا كمان
مقتنع تماماً إن مفيش حد فيهم نزيه تماماً ولا عنده مبادئ
وممكن نعيش لغاية السنة الجاية كل مشجع لنادي يقول دقات عدم نزاهة النادي التاني
التاريخ مبينساش
الفرق بين الزمالك والأهلي زي الفرق بين الأسود الفاحم والأسود الأفتح قليلاً

[أبومعاذ]

مفيش حد ليه بيتكلم على ماتش بتروجيت؟ ولا عشان الأهلي هو اللي كان مظلوم تحكيميا ؟

[human]

مفيش حد ليه بيتكلم على ماتش بتروجيت؟ ولا عشان الأهلي هو اللي كان مظلوم تحكيميا ؟

شوفت البلنتى بتاعه الزمالك :)

[CryptonX]

شوفت البلنتى بتاعه الزمالك :)

جميل :)


3 نقط هدية للزمالك اهو علشان محدش يزعل من ماتش الاهلي و انبي .

3 هنا و 3 هنا :)

[human]

جميل :)


3 نقط هدية للزمالك اهو علشان محدش يزعل من ماتش الاهلي و انبي .

3 هنا و 3 هنا :)

ايوه هوه ده الشغل الجامد

بس برضه البلنتى صعب يتشاف من الملعب و ده اللى بقول عليه انه مختلف عن اللى حصل :)

بس كويس ان حسام و ابراهيم جابوا للزمالك خبرات الاهلى فى التعامل مع التحكيم :)

[أبومعاذ]

شوفت البلنتى بتاعه الزمالك :)

بص هي من جميع الكاميرات مش واضحة أوي فمش هقدر اقولك انها مش بنالتي بس اذا كان احنا من الكاميرات مش قادرين نحدد صح يبقى الحكم عرف يتأكد انها بنالتي ازاي؟؟؟

[human]

:c_laugh[1]::c_laugh[1]::c_laugh[1]:
بص هي من جميع الكاميرات مش واضحة أوي فمش هقدر اقولك انها مش بنالتي بس اذا كان احنا من الكاميرات مش قادرين نحدد صح يبقى الحكم عرف يتأكد انها بنالتي ازاي؟؟؟:u_thin1[1]:

الجديد ان الحكام ماكنوش بيحسبوا الحاجات ديه للزمالك و كانت ماركه مسجله لصاحبنا دلوقتى بعد نقل الخبرات بقينا بنشوف الزمالك بيستفيد من الشك و شوفنا ماتشات الجول من كوره مشكوك ان هيا اوفسايد
وده للزمالكويه تقدم كبير جدا ان احنا نشوف جانب من الحب

لسه فاضل الماتشات يبقى الوقت بتاعها يتمدد لغايه مانكسب و بعدين تخلص و فاضلنا الظاهره الكونيه الفريده اللى حصلت فى ماتش انبى و بكده نبقى ممكن ننافس على كاس العالم :)

[M.Mosaad]

الجديد ان الحكام ماكنوش بيحسبوا الحاجات ديه للزمالك و كانت ماركه مسجله لصاحبنا :)

يا راجل دة كفايه جمال حمزة و ضربات الجزاء اللي كان بياخدها

[human]

يا راجل دة كفايه جمال حمزة و ضربات الجزاء اللي كان بياخدها

هوه كان بياخد؟!!

ده كان مموت نفسه على بنلتى و على طول يرمى نفسع و مافيش حاجه
ده عمل كل حاجه و برضه مافيش حاجه بتتحسب ده كان ممكن يدخل اجوان و كان بيقع عشان ياخد بنلتى و برضه مش بيتحسب!!!

على العموم اهو جالكم اهوووههه :)

[aliabutaleb]

يا راجل دة كفايه جمال حمزة و ضربات الجزاء اللي كان بياخدها

بعد أبو تريكة ولا تقول جمال حمزة ولا غيره
الراجل نفسه معترف بكدة