فضيحة مباراة الأهلي وإنبي

[Mohamed.Raafat]

السلام عليكم و رحمة الله

اولا و قبل كل شيء ( انا اسمعلاوي و بموت في حاجة اسمها الدراويش )

ليا سؤال للأخوة الأهلاوية
ايه رأيكم في شكل فريق كبير زي الاهلي و هو بيكسب بالطريقة المخجلة اللى حصلت في ماتش انبي؟؟؟!!!!!
و قبل الرد بعد اذن حضراتكم ( محدش يقول ان الاهلي كان بيتغلب بسبب اخطاء التحكيم )
التحكيم في مصر زي الزفت ( حقيقة مسلم بيها ) بس مش للدرجة دي
مش لدرجة ان مساعد الحكم مش عارف يعني ايه اوفسايد....
مش لدرجة اني احسب في ماتش 8 دقايق وقت بدل ضايع مع العلم ان الكورة ما وقفتش اكتر من دقيقتين بس
مش لدرجة ...
مش لدرجة .....
الاخطاء التحكيمية لنادي القرن كتيييييييييييييرة جداااااااااااااااا لا تعد و لا تحصي
و طبعا زي ما فيه اخطاء تحكيمية للنادي الاهلي اكيد بتتحسب عليه اخطاء برضه ( بس مش بالطريقة دي ) حراااااااااااااااااااااااااااااااااااااام

حرام على الاهلي اللى بيحصل ده
و الله الدور الاول كان الدوري زي الفل و المنافسة كانت جميلة جدا
دلوقتي الدورى مالوش اي طعم ولا لون ولا اي حااااجة خالص

بقيت بحس ان لما فريق يلاعب الاهلي بكون متاكد ان الاهلي لازم يكسب باي طريقة سواء باللعب او بالتحكيم او باي طريق تاني

ليه؟؟؟

هيبقى الاهلي و الحك...........
حرام على اتحاد الكورة اللى بيحصل ده



و في النهاية ماننساش المقولة المأثورة ( الخلاف لا يفسد للود قضية )

[mada121977]

انا برضه اهلاوى .. وللاسف اللى حصل فى الماتش ده مهزله كبيره جداا ..والاهلى المفروض يطلع خسران 1\3 والفريق تايه فى الملعب واللاعبين واكلين سمك ونايمين على نفسهم ولا فيه خطه ولا منظر ..ياريت البدرى ده يرحمنا ويستقيل وياخد معاه اللى اسمه احمد على ده

[أحمد كمال]

تحياتي لكل أهلاوي محايد ......

[Ahmed Anwer]

المباراة فضيحة ده أكيد ،،

و الأهلي لا يستحق التعادل حتي ،،

بس بلاش مبالغة دول تلات نقط اتاخدوا بأخطاء تحكيمية مش أكثر ،،

حقائق ،،

1- كل عشر مواسم ،، الأهلي بياخد الدوري 7 مرات و باقي فرق الدوري بتاخد الباقي

2- لو الأهلي كويس اي فريق مصري تاني لو بيدربه و يلعب فيه مين مش هياخد الدوري

و الصراحة السنة دي كانت فرصة بقية الفرق انها تاخد الدوري

لأن الأهلي في أسوأ حالاته

أن مش ضد البدري ،، بس حاسس انه مالهوش فكر يعني الغيابات خلصت و المفروض يثبت فريق يكون خليط من اللاعيبه الكبيرة و اللاعيبه الجداد

لكن حتي الان هوا مالهوش رؤية واضحة

[AshTurbo]

أنا مستغرب بصراحة من الأهلاوية اللي بيقولوا الأهلي يستحق يخسر هو الهدفين اللي جابهم الأهلي فيهم أي شك ؟ الأثنين سليمين بشكل قاطع وبرأي جمال الغندور وعصام عبد الفتاح فهل أنتم أحسن من الحكام دي ؟

بالنسبة لمشجعي نادي الأسماعيلي اللي بيسألونا كأهلاوية عن رأي أداء النادي الأهلي في المتش دة .. آه الأداء سيء ولكن هل هو دة سبب فقدان الأسماعيلي أو الزمالك أو أي نادي للقب الدوري ؟

معلش لو هو دة أملكم في الوصول للقب الدوري أن الأهلي يخسر أو يلعب ماتش وحش يبقى عمركم ماهتشوفوه وشوف آخر ماتش للأسماعيلي لما خسر أمام الجونة وعلى أرضة ووسط جمهورة في الأسماعيلية فهل دة بردة بسبب الأهلي ؟

أقولكم أن دة أسمه أيه أسمه تعليق فشل الأندية على شماعة الأهلي كالعادة يارجالة سيبكم من الأهلي وركزوا على أنديتكم .

[bassem.naguib]

اولا انا ذملكاوي
لاكن بالامانة اول مره اشوف اهلاويه بيتكلمو بحيادية وبحق شفتهم هنا فى اول المشاركات وبحييهم على كدة
لاكن للاسف بدا دخول المتعصبين وهي دى الكورة فى مصر

والله يا باشا الأهلي والأهلوية السمه الغالبة فيهم هي الحيادية (إلا قله طبعاً بس الغالبية محايدة) .. وجمهور الأهلي مبيحبش فرقته تكسب بالأونطة زي ماتش أنبي .. بس صدقني برضه الأهلي اتظلم في ماتشات كتيرة الموسم ده .. وضاع منه نقاط كتيرة بسبب التحكيم فمعلش لو التحكيم جه في صف الأهلي ماتش ، مش كل حكم ولا لاعيب ولا فرقة عاوزين يشتهروا يستأسدوا على الأهلي كأن معاه تار بايت .
مش معنى كدة أن الأهلي كويس الموسم ده .. وأنا بقولها بالفم المليان الأهلي وحش جداً جداً جداً وزي الزفت .. وميستحقش الدوري الموسم ده خالص لأسباب راجعة لبناء فرقة تنافس 5 أو 7 سنين قدام .

السلام عليكم و رحمة الله

اولا و قبل كل شيء ( انا اسمعلاوي و بموت في حاجة اسمها الدراويش )

ليا سؤال للأخوة الأهلاوية

ايه رأيكم في شكل فريق كبير زي الاهلي و هو بيكسب بالطريقة المخجلة اللى حصلت في ماتش انبي؟؟؟!!!!!
وأيه رأي حضرتك لما الإسماعيلي كسب الزمالك الموسم اللي فات علشان ينافس الأهلي على الدوري .. أو بمعنى أخر الزمالك فوتله الماتش وباعتراف الزملكوية والاسماعلوية .. كانت كويسة !!!!

و قبل الرد بعد اذن حضراتكم ( محدش يقول ان الاهلي كان بيتغلب بسبب اخطاء التحكيم )
التحكيم في مصر زي الزفت ( حقيقة مسلم بيها ) بس مش للدرجة دي
مش لدرجة ان مساعد الحكم مش عارف يعني ايه اوفسايد....
مش لدرجة اني احسب في ماتش 8 دقايق وقت بدل ضايع مع العلم ان الكورة ما وقفتش اكتر من دقيقتين بس
مش لدرجة ...
مش لدرجة .....
الاخطاء التحكيمية لنادي القرن كتيييييييييييييرة جداااااااااااااااا لا تعد و لا تحصي
و طبعا زي ما فيه اخطاء تحكيمية للنادي الاهلي اكيد بتتحسب عليه اخطاء برضه ( بس مش بالطريقة دي ) حراااااااااااااااااااااااااااااااااااااام

مش للدرجة دي يعني .. ومع ذلك الأهلي لما بيخسر ولا يتعادل ظلم بسبب الحكام .. مبيقومش الدنيا ويقعدها ولو اتحسبت بالورقة والقلم حتلاقي عكس كلامك ده تماماً .

حرام على الاهلي اللى بيحصل ده
و الله الدور الاول كان الدوري زي الفل و المنافسة كانت جميلة جدا
دلوقتي الدورى مالوش اي طعم ولا لون ولا اي حااااجة خالص

يا راجل هو كان فيه منافسه خالص .. وإلا مكنش فيه فرقة زي الأهلي تبقى راكبة الدوري من أول الموسم وهي بالمستوى ده .. الزمالك كان واقع وبينافس على الهبوط والاسماعيلي برضه كان واقع ومتخبط في متشاته يعني ماتش فوق وماتش تحت .. وده اللي أدى فرصة للأهلي أنه يبقى أول الدوري .. لأن الأهلي كان بيلعب بالروح مش أكتر ولا أقل .

بقيت بحس ان لما فريق يلاعب الاهلي بكون متاكد ان الاهلي لازم يكسب باي طريقة سواء باللعب او بالتحكيم او باي طريق تاني

ليه؟؟؟

هيبقى الاهلي و الحك...........
حرام على اتحاد الكورة اللى بيحصل ده



و في النهاية ماننساش المقولة المأثورة ( الخلاف لا يفسد للود قضية )

تمام لسيادتك متفق معاك .. الخلاف لا يفسد للود قضية .. وبلاش حدف كراسي .. ها ها ها
وتحياتي للإسماعيلي برازيل مصر .. اللي لما بيكون فايق بنتفرج على كرة عالمية .. وربنا يوفق الأهلي والاسماعيلي والحرس وبتروجيت في أفريقيا

[dr-mohamed]

اولا انا ذملكاوي
لاكن بالامانة اول مره اشوف اهلاويه بيتكلمو بحيادية وبحق شفتهم هنا فى اول المشاركات وبحييهم على كدة
لاكن للاسف بدا دخول المتعصبين وهي دى الكورة فى مصر

والله يا استاذ محمد فيه اهلاوية كتير عاقلين وحياديين وبردو فيه زملكاوةية كتير بنفس الطريقة
لكن للاسف المتعصبين واللى صوتهم عالى ه9ما بس اللى بيظهروا ويوجعوا دماغنا ويولعوا جماهير الفريقين

السلام عليكم و رحمة الله
اولا و قبل كل شيء ( انا اسمعلاوي و بموت في حاجة اسمها الدراويش )

يا اهلا بيك وبكل مشجع للدروايش بس بعيد عن التعصب اياه

ليا سؤال للأخوة الأهلاوية
ايه رأيكم في شكل فريق كبير زي الاهلي و هو بيكسب بالطريقة المخجلة اللى حصلت في ماتش انبي؟؟؟!!!!!
راينا في الاهلى ان هو الاهلى
الحكام غلطوا اه
طب ما هم ياما غلطوا ضد الاهلى والموسم ده لوحده مضيعين على الاهلى 8 نقاط ظلم فادح ومديين الزمالك 11 نقطة بظلم فادح بردو
اشمعني لما التحكيم اهدانا 3 نقاط ولعتوا الدنيا وظهرتوا
صحيح قبل ما انسي ايه رايك في شكل فريق كبير زي الزمالك وهو بيفوت ماتش السنة اللى فاتت مع الاسماعيلي علشان الاسماعيلي ينافس الاهلى على الدوري؟؟؟؟؟؟؟؟
وايه رايك في شكل فريق كبير زي الاسماعيلي وهو بيفوت من سنين ماتشه مع الزمالك علشان يقدر ينافس الاهلى ؟؟؟؟؟؟؟؟؟؟؟
وايه رايك في منسق عام الكورة في نادي واتحدي لو حد قالى يعني ايه منسق عام كل ماتش فرقته هتلعبه قبل الماتش يعلن انه بيتفاوض مع لاعب او اتنين من الفرقة دي
على فكرة المنسق العام ده هيلاعب المحلة الاماتش الجاي وعلشان كدة اعلن انه بيتفاوض مع عبد الحليم شبانة مهاجم المحلة؟؟؟؟؟؟؟؟؟؟؟؟

و قبل الرد بعد اذن حضراتكم ( محدش يقول ان الاهلي كان بيتغلب بسبب اخطاء التحكيم )

يا راجل بقة ده كلام يعني نخسر 11 نقطة بسبب اخطاء التحكيم وتقولي ان الاهلى مكانش بيتعادل ويضيع منه نقط بسبب التحكيم ؟؟؟؟؟؟؟؟
امال اقول ايه ان الحكام كانوا طول الموسم بيدوا الاهلى حقه
ده حتي كدة نبقي كدابين ونروح النار

التحكيم في مصر زي الزفت ( حقيقة مسلم بيها ) بس مش للدرجة دي
مش لدرجة ان مساعد الحكم مش عارف يعني ايه اوفسايد....

يعني هو مساعد الحكم في ماتش الحرس لما الكورة وصلت للمهاجم وهو بعد مدافعي الاهلى ب8 متر كان المساعد ساعتها عارف يعني ايه اوفسايد
ولما متعب جاب جون وكان فيه باكين مغي\طيينه ب2 متر واتلغي الجون واتعادلنا كان المساعد عارف يعني ايه اوفسايد
ولما احمد جعفر جاب جون كسبوا بيه 3 نقط وكان اوفسايد بمتر كان المساعد عارف يعني ايه اوفسايد
اقول تانى ولا كفاية دول ؟؟؟؟؟؟؟؟؟

مش لدرجة اني احسب في ماتش 8 دقايق وقت بدل ضايع مع العلم ان الكورة ما وقفتش اكتر من دقيقتين بس

لا هو حسب 3 دقايق في الشوط الاول و5 دقايق في الشوط التانى
ال3 دقايق بتوع الشوط الاول طبيعي جدا
وال5 دقايق في الشوط التانى كان اللعب وقف فيه 3 دقايق بس في ضربة الجزاء بسبب الاحتجاجات وعندك كمان 5 تغييرات بيتحسب لكل تغيير نص دقيقة غير بقية لاوقت الضايع يبقي الحكم مزودش وقت ضايع كتير رغم ان الوقت الضايع في الشوط التانى مكانش لصالح الاهلى ابدا
وبعدين افتكر الموسم اللى فات او اللى قبله كان الزمالك بيلعب ماتش والفرقة التانية اتعمدت تضيع وقت بشكل رهيب والحارس اترمي على الارض حوالى 3 مرات وكان الحكم بردو سمير عثمان وحسب 15 دقيقة كاملة وقت ضايع في شوط واحد ومحدش اتكلم ساعتها


الاخطاء التحكيمية لنادي القرن كتيييييييييييييرة جداااااااااااااااا لا تعد و لا تحصي

يا راجل بقت لا تعد ولا تحصي هو ماتش واحد بس اللى فعلا الاهلى اتجامل فيه هو ماتش انبي لكن في المقابل اتظلم وبعنف في 5 مباريات
وفي المقابل الزمالك اتجامل وبعنف نفس اللى حصل في ماتش انبي في 5 مباريات متكلمتوش ساعتها ليه ؟؟؟؟؟؟؟؟؟؟؟
اه معلش نسيت الاسماعيلي والزمالك اخوات ومفيش مانع يعدوا لبعض


و طبعا زي ما فيه اخطاء تحكيمية للنادي الاهلي اكيد بتتحسب عليه اخطاء برضه ( بس مش بالطريقة دي ) حراااااااااااااااااااااااااااااااااااااام

يعني صعب عليك تقول الجملة اللى في صالح الحق وتسيبها لازم تكملها بجملة تخلي الجملة الاولى ليس لها معني ؟

حرام على الاهلي اللى بيحصل ده
و الله الدور الاول كان الدوري زي الفل و المنافسة كانت جميلة جدا
دلوقتي الدورى مالوش اي طعم ولا لون ولا اي حااااجة خالص

طيب يعني حضرتك شايف ان الدور الاول كان الدوري زي الفل والمنافسة جميلة جدا
والدوري دلوقت مالهوش اي طعم ولا لون
افكرك بحاجة مهمة جدا ان الدور الاول اللى كان الدوري فيه زي الفل حسب كلامك:
كان الاهلى في المركز الاول ب35 نقطة
والاسماعيلي في المركز التالت برصيد 28 نقطة
والزمالك في المركز الخامس برصيد 21 نقطة بفارق الاهداف عن انبي السادس برصيد 21 نقطة
يعني لما كان الدوري حلو على حسب كلامك كان الاهلى بردو الاول وفارق عن الاسماعيلي التالت 7 نقاط وعن الزمالك الخامس مكرر ب14 نقطة
لسة بردو شايف ان الدوري الاول كان الدوري زي الفل والمنافسة جميلة جدا ؟؟؟؟؟؟؟؟؟؟؟



و في النهاية ماننساش المقولة المأثورة ( الخلاف لا يفسد للود قضية )

ماشي هايدك في الجملة دي

انا برضه اهلاوى .. وللاسف اللى حصل فى الماتش ده مهزله كبيره جداا ..والاهلى المفروض يطلع خسران 1\3 والفريق تايه فى الملعب واللاعبين واكلين سمك ونايمين على نفسهم ولا فيه خطه ولا منظر ..ياريت البدرى ده يرحمنا ويستقيل وياخد معاه اللى اسمه احمد على ده

ليه يا اهلاوي ومكنتش بتحس بالمهزلة دي والحكام بيقطعوا في الاهلى وبيجاملوا الفرق التانية على حسابه ليه ؟ ومكنتش بتحس بالمهزلة ليه والحكام بيعملوا مجاملات اكتر من كدة مع الزمالك ؟.؟؟
وليه الاهلى يطلع خسران 3-1 هو ضربة الجزاء مش صحيحة ؟ وهدف تريكة مش صحيح ؟
والبدري مدرب مفيش احسن من كدة على الاقل لعب الدور الاول كله من غير لعيبة وكان كل اللى معاه الناشئين والاحتياطي والباقي يا اما مصاب يا اما في المنتخب ولما رجعوا في الدور التاني كان نصهم مصاب زي تريكة وفضل 3 شهور يتعالج من ماتش السودان واحمد حسن واقع من بعد كاس الامم بسبب الارهاق وجمعة راجع متعصب يعني مستلم فرقة منهارة وبرغم كدة واخد بيها المركز الاول طول الموسم لانه بيلعب وسط مكسحين وبرغم كدة بيعمل فرقة ل7 سنين جايين مطلوب منه ايه اكتر من كدة ؟
امال لو كان بيتغلب من طوب الارض ونص الدور خلص وهو السادس ولا السابع كنتم عملتوا في الراجل ايه ؟؟؟؟؟؟؟؟؟؟؟

تحياتي لكل أهلاوي محايد ......

وتحيات مش من كل اهلاوي بس لا من كل نايل موتورزاوي لاحمد باشا كمال

و الصراحة السنة دي كانت فرصة بقية الفرق انها تاخد الدوري
لأن الأهلي في أسوأ حالاته
أن مش ضد البدري ،، بس حاسس انه مالهوش فكر يعني الغيابات خلصت و المفروض يثبت فريق يكون خليط من اللاعيبه الكبيرة و اللاعيبه الجداد
لكن حتي الان هوا مالهوش رؤية واضحة

انا بايدك جدا في الجملة الاولي ان فعلا كانت فرصة لكل الفرق خصوصا الزمالك انه ياخد الدوري السنة دي ليه ؟؟؟؟؟؟؟؟؟؟:
1- الاهلى متوسط الاعمار فيه كبير جدا ومنحني الاداء في النازل بشكل رهيب ما عدا اخر 3 مباريات الموسم الماضي لما الاسماعيلي شكل خطورة حقيقية وخوزيه ساب المركب تغرق وخلع على انجولا
2- الاسماعيلي ومع احترامي ليه وانه بيقدم كورة جميلة عادة عنده كارثة اسمها دكة الاحتياطي دايما الاساسيين والاحتياطي اللى على الدكة نص مستواهم وبعد كدة مفيش حد خالص يلعبوا بيه غير عدم الاستقرار الاداري والمالي وتطفيش المهاجمين اول الموسم والاستعانة بالحضري بمبلغ كان يجيب خط هجوم كامل رغم انهم عندهم محمد صبحي لما بيلعب بمزاج لا يقل عن الحضري وكمان علشان منساش عبد الواحد بردو رائع
والفريق اول مرة تخلص منه الاصابات الاسبوع ده وان كان مش بشكل كامل لان عندك الباك الشمال سيد معوض وكان مصاب ورجع ماتش انبي وقبلها كان مصاب هو وجلبرتو الحتياطي بتاعه لنهاية الموسم والبدري نزل ايمن اشرف الناشئ مباريات ونصبر عليه لما يظبط الفرقة شوية بالعنصرين مع بعض والاهلى معودنا دايما ان الحساب اخر الموسم مش بالقطعة

[OlaOsman]

من زمان ما حضرتش نقاش عن الكورة بالتحضر ده

تحياتي لكل من شارك في النقاش

أنا أخدت بالي إن أبو تريكة أول ما الحكم صفر صفارة النهاية نزل جري على أوضة اللبس.. يا ترى كان هو كمان متضايق من مستوى التحكيم و لا ايه؟

[M_Marwan]

ياريت تشوفو الفيديو ده

MEGAVIDEO - I'm watching it

مش بس الاهلى ايلى بيفوز باخطاء التحكيم

[dr-mohamed]

يا مروان باشا والله فيه كتير جدا والموسم ده بس لكن مشكلة الاهلي انه بيسكت على طول من ساعة ما راح صالح سليم
ومشكلة الزمالك دلوقت ان مسكه الثنائي حسن ودول كارثة
حسام مفيد جدا مع اي فرقة في الاول بس زي ما عمل قبل كدة مع المصري والاتصالات بيقدر يدي اللعيبة شحنة معنوية عالية لكن اول ما قوة الدفعة بتاعة الروح المعنوية تنتهي يبدا يظهر مستواه كمدرب وهو انه لا يصلح
اما ابراهيم فلا تعليق غير ان اللى ممكن يتسبب في كارثة الموسم ده هو ابراهيم وافتكر كلامي
على فكرة الزمالك هيلعب مع المحلة وابراهيم اعلن انه اتفق مع عبد الحميد شبانة مهاجم المحلة
انا حاسس ان على ما الدوري يخلص هيكون الزمالك ضم كل لعيبة الفرق اللى الزمالك هيلاعبها
كل ماتش الزمالك هيلعبه يخرج هيما الصحاف يعلن انه اتفق مع افضل لاعبي الفرقة التانية

[dr-mohamed]

تصدق يا مروان انا اول مرةاخد بالي ان لعيبة الزمالك كانت بتلعب ماتش الجون وهي فاكرة انه في كرة اليد مع الفيديو بتاعك

[mostafabakry]

بصراحة انا مستغرب من كل الإتهامات دي
اولا لو افترضنا ان ضربة الجزاء مش صحيحة و الحكم غلطان فيها طيب ما الأهلي خسر نقاط كتيره بسبب اخطاء الحكام
اشمعنا في دي الناس زعلانة

يا جماعة كرة القدم من اسباب المتعة و الإثارة فيها هي اخطاء اللاعبين و الحكام و احيانا بتكون هي سبب رئيس في حسم نتايج مباريات و مع ذلك بتعتمد نتايج المبارايات بالررغم من وضوح الأخطاء في الفيديو

انا شايف الموضوع طبيعي و الأهلي مستواه سئ بس هو مازال في المركز الأول و بفارق عدد مش قليل في النقاط

و بالنسبة لحسام البدري يا ريت ما نظلمش الراجل و نصبر عليه دا بيعتبر بيعمل فرقة جديدة و بيلعب بخة و تكتيك جديد علي اللاعيبة و حتي الأن هو ناجح في ادارته للفرقة و بيحاول انه يجدد الفرقة باشراك لاعيبه من الشباب و اظن ان دي نقطة كويسه في حق البدري

اما موضوع الشتيمة فانا لا اوافق البدري عليه و لكن احيانا اللاعيبة بتستهبل فيها شوية و بيطلعونا احنا المشاهدين من شعورنا فما بالك بالمدير الفني المسؤول اما الإدارة و الجماهير عن كل كبيرة و صغيرة في الفرقة

و بعدين صحوة الزمالك الأخيرة تحت يد حسام حسن اعطت للدوري نكهة المنافسة و الكر و الفر و طبعا دا له تأثيره علي الطرفين الأهلي و الزمالك

و في الآخر ما فيش حاجة تستاهل ان نزعل عشانها انا بعد فشل المنتخب في الوصول لكأس العالم ماعدش عندي اي قبول علي الكرة و لا الدوري

[mohaismail]

البدرى بيسلك نفس طريق امير عبد الحميد ورمى ودنه للجماهير والنقاد واعصابه شدت وكده مصيره بره الاهلى
بالنسبة للتحكيم انبى فعلا له جونين صح بس الاهلى برضه اكتر فرقة اتضرت من التحكيم كفاية بلن بركات فى متش الجيش 2-2 والنتيجة كانت هتبقى 3-0 والمتش يخلص وهدف الحدود التسلل فى الاهلى وجون فضل فى بتروجيت ومتعب فى بترول اسيوط والزمالك استفاد كتير اوى من التحكيم ضربة جزاء الجونة فى اخر دقيقة وجون فاول لاحمد جعفر فى متش الاتحاد فى اسكندرية وجون معتصم سالم وضربتين جزاء للمقاولون فى الدور الاول والنتيجة كانت هتبقى 4-0 والزمالك اتعادل فى نهاية الماتش بجون فاول لسيد مسعد !!

[M_Marwan]

تصدق يا مروان انا اول مرةاخد بالي ان لعيبة الزمالك كانت بتلعب ماتش الجون وهي فاكرة انه في كرة اليد مع الفيديو بتاعك

عندك حق !!

[hh]

يا جماعة يا ريت الزملكاوية ميزعلوش و ما يحاولوش يتكلموا بالمنطق مع الأهلوية. كلام مسئولي و مشجعي الأهلي و الله العظيم بيفكرني بالحزب الوطني و كلام الأخ أحمد عز عن رفاهية الشعب المصري. نفس طريقة المغالطات و قلب الحقايق. يكفينا فخرا اننا بنشجع كيان نضيييييييييييييييييييييييف, و اذا كان الزمالك عنده 69 بطولة فهي بطولات بيضاء نظيفة غير مشبوهة. لكن اللي عمال يسرق في بطولات و يعد فيها و فرحان قوي هو حر, دي مش أخلاقنا.