اتسرقت قبل كدة !!!

[A.Saad]

قبل كدة محفظتى ضاعت وانا فى مامورية فى اسكندرية
بفلوسى بالفيزا بالبطاقة بكل حاجة

ستر ربنا فى حاجتين
انى دفعت حساب الفندق قبلها
ان كان معايا 50 جنيه فكه فى جيبى ركبت منها السوبر جيت
واتغديت فول
من يومها وانا بعزه جدا

مرة تانية وانا فى الكلية اتنشلت وانا فى مترو عبد العزيز فهمى

اتعلمت من واحد صحبى حاجة
وانت هتركب المترو او هتتزنق فى زنقة ميكروباص
خللى موبايلك ومحفظتك فى ايدك
وماتتخيلوش يا شباب الحرامية اديهم خفيفة اد ايه

[nab!l]

ودى كمان حصلت لى انا كمان ... بس الفرق انى لم اشعر بأى شئ ... لما قعدت فى المكروباس لقيت الجيب الخلفى للبنطلون مشروط بالموس وفاضى طبعاً

لغاية دلوقت مش قادر اتخيل الاستاذ الدكتور الجراح ازاى شق الجيب البنطلون الجينز بالمهارة دة من غير ............. بنج !!!!!

ضحكتنى والله ياباشا

[ezzatfox]

و انا فى مرحلة الثانوى كنت بركب اتوبيس 710 عشان اروح الدرس حصلى فية مواقف كتير فى مرة انا واقف ورا عند الباب- جنب الكمسرى - و ببص لقيت واحد مادد ايدة فى شنطة واحدة و بيلعب فيها غمزت للكمسرى و شاورتلة على الراجل لقيتة قام من الكرسى و هو قايم قلى ملكش دعوة و راح قدام عند السواق .. شوية لقيت الحرامى واقف ورا الشخص اللى جنبى قلت احذره .. وشوشتة براحة قلتلة خلى بالك اللى وراك دة حرامى .. تخيلوا قالى اية
متقلقش يا كابتن دة تبعى قالها و هو على وشة ابتسامة غريبة كدة .. انا تنحت و فضلت ساكت .
و اكتشفت بعد كدة ان الحرامى مبيبقاش لوحدة دول بيطلعوا اتنين او ثلاثة مع بعض و الكمسرى مبيتكلمش حتى لو عارفهم عشان بيخاف حد يديلة مطوة و ينط من الاتوبيس .

الموقف التانى الحرامى حاول يحط ايدة فى جيبى و حسيت بية و مسكت ايدة و هى ماسكة المحفظة و رحت شايل ايدة حطتها جنبة و فى ثانية لقيتة اختفى .

الموقف الاخير دة من حوالى 7 سنين كنت راكب اتوبيس بردة و شايل الموبايل فى جيبى و جيت انزل من الباب اللى ورا لاحظت ان فى اتنين واقفين على الباب و عشان يعدونى عصرونى و حسيت ان فى حاجة غريبة حطيت ايدى على الموبايل ملقتهوش .. اتوماتيك رحت ماسك فى رقبة واحد منهم .. و قلتلة طلع الموبايل بالذوق .. يا بية عيب الكلام دة .. رحت مزود العيار و هو حس انى مش هسيبة .. لقيت التانى بيقول الحق يا بية الموبايل وقع اهة فى الشارع ..و كان الاتوبيس ماشى نطيت منة و خدت الموبايل و الحمد لله محصلوش حاجة . طبعا هما عشان يخلصوا من الموقف رموا الموبايل فى الشارع .

[ganash]

مره واحده بس كنت فى 3 ابتدائى وكنت جايب كتاب جديد واخدته معايا وفرحان بيه بقا طلعت الفسحه جيت ملقتهوش عملت حداد عليه اسبوعين

[Ralliart]

دة حراامي خوااف قوي
طيب ماتقلنا قلك اية وقلتلوا اية

اول مرره كنت في ثانوي وكنت ماشي انا وواحد صاحبي في حته مقطوعه ومبيعديش فيها ناس غير قليل وفجأه طلعلنا واحد شارب وسكراااان ومعاه مطوه مقفوله وطلعو اللي في جيوبكم يا ولاد الـ........ ساعتها قعدت افكر اني لو طلعتله حاجه مش هسامح نفسي وانه ممكن ياذيني كده كده المهم دعيت ربنا انه ميقربش من وشي
وصاحبي كانت ركبه بتسقف مش بتخبط
وقعدت اتكلم معاه على امل ان في حد ييجي ينقذنا واقوله انت مش عارف انا ابن مين والحوارات دي ،وهو اصلاً كان شكله مش قادر يتحرك من كتر ما هو سكران
المهم مكملتش ثواني وجه واحد بسم الله ما شاء الله جته ومعاه واحده وطبعاً دي فرصته يعمل فيها ابو تريكه قام قايله انت بتعمل ايه ياض
واول ما الواد شافه طلع يجري ودا جري وراه لحد ما مسكه وجابه وقالي اخد منك حاجه قلتله لأ راح قايلي وسايبني اجري وراه ليه ،وانا واقف قلتله معلش يا باشا والف شكر وجري عالبيت انا والواد اللي معايا ومن ساعتها مروحتش من الطريق ده تاني

المرره التانيه كنت جايب n95-8gb جديد وكان لسا منزلش مصر وكنت ماشي في شارع العشرين -فيصل وكان فيه ماتش للاهلي شغال والشارع فاضي والحته دي كان متقلب فيها واحد قريبي عن طريق ان واحد يقولك خد يا كابتن ويكلمك وبعد ما تسيبه تكتشف ان موبايلك اتنشل وكان لسه حاكيلي عالموقف ده
المهم قابلني واحد وقالي كابتن فانا نفضتله ومشيت قام قالي خد هنا مش بكلمك قلتله خير قالي تعالى مش تسلم طيب فافتكرت الحوار بتاع قريبي قمت حاطط ايدي على جيبي اليمين ومسلم بايدي الشمال قام قايلي متسلم زي الناس قلتله معلش انا اشول قام قالي انت ضربت اخويا الصغير ومش عارف ايه وقعد يحور عشان اشيل ايدي من على جيبي وانا مفيش في الآخر قام مطلع موس وقالي شيل ايدك من على جيبك يا ابن الـ..... رحت قايله على جثتي مش هتاخد مني حاجه قام قايلي كده ماشي يا اسطى ومشي وسابني

والحمد لله اني طلعت من الحوارين دول على خير وربنا ما يورينا حاجه من الحاجات دي تاني

[Mohamed.Ramah]

انا حصلي موقف زي الفل
كنت مره راكب المترو من محطه فيصل ورايح الشغل الصبح وطبعا زحمه جدااا مدارس وموظفين وجامعه
المهم انا دايما بحوط معايا فلوس فكه في جيب القميص مثلا بدل ما كل شويه اطلع المحفظه وكده وكان معايا 5 جنيه فكه حاططها في جيب القميص وحاسبت منها على التزكره بتاعت امترو
وركبت المترو وكان في واد كده شكله مريب شويه واقف ورايا وحاطط ايديه الاتنين في جيبه ولابس نظاره شمس جوه المترو وباصص في السقف وعمال يتلفت يمين وشمال
المهم ضربت في دماغي فجأه اطمن على المحفظه في جيب البنطلون الخلفي واذ اتفاجأ انها مش موجوده ..
طبعا الدنيا لفت بيه ده فيها كل الورق بتاعي بغض النظر عن الفلوس
يعني كان فيها البطاقه ورخصه القياده ورخصه العربيه وكمان كارنيه الشغل اللي مش هعرف ادخل من غييره كمان
المهم بصيت ورايا لقيت على يمين راجل كبير وشكله محترم وعلى شمالي الواد الامور ابو نظاره شمس طبعا قلت اكيد ابو نظاره شمس خصوصا ان انا كنت متنحله وده ولا هو هنا وعامل فيه عبدو العبيط وباصص في السقف وايده الاتني في جيوبه وعمال يتلفت ومش معبرني خالص
المهم الدم ضرب في نافووخي وروحت قايله وش
كابتييييييييييين انت مغلطتش وحطيت ايدك في جيبي ؟!!
قالي نعم ..
قلتله منن الاخر مختش المحفظه بتاعتي ؟
الواد طبعا اتجنن وقالي انت بتقول ايه ياعم انت قلتلته مهو من الاخر المحفظه كانت في جيبي اللي وره وانا راكب بيها المترو ومتأكد انها كانت معايا قبل مركب المترو ومفيش غيرك واقف ورايا من ساعت مركبت وانا مش مرتحالك
قالي ياعم اتكلم على قدك ومش عارف ايه
قلتله طيب طلع ايدك من جيبك وريني كده
قالي مش مطلع
قلتله يبقى انت يا أمور اللي اخدتها
طبعا الناس اتلميت اكتر مهوما ملموين وفيه ايه وخير يبني وايه اللي حصل
روحت حكيلهم الحكايه
طبعا كله تتطوع بالتدوير واللي بنده بعلو صوته محدش لقه محفظه يا خوانااااا
وانا ماسك في الواد عمال احنطر معه عشان يطلع ايده من جيبه وهو مش راضي
المهم واحد تتطوع في الزحمه وقالي ماجايز يا استاذ نسيتها في البيت
طبعا رديت بكل شجاعه واصرار لا دي كانت معايا وانا راكب المترو بها
المهم اقنعوني اني اتصل اشوفها في البيت وانا اصلا هتجنن لاني خايف المترو يوصل المحطه والناس تنزل وابقه خلاص كده فرطت مني
المهم طعا اتصلت على صحبي اللي قاعد معايا في الشقه وطبعا كان ميت قصدي نايم لان شغله كان شفت ليلي كان شغال في المطار وفين على ما رد عليه وقعدت اقنعه ان انا شريف اللي معه في الشقه مش واحد بيعاكس ههههههههههه
وقالي طيب هدورلك عليها
قعد يدور وبعدين كلمني والمترو يدوب بيقف في المحطه وانا كنت خلاص ايدي على قلبي وهتجنن وانا واقف
وقعد يتاوب شويه وبعدين قالي لقيتها تحت السريررررررر
هههههههههههههههههههههههههههههههههه
طبعا انا قالي كده وكل الناس بقه واقفه معايا وكله باصص لي عشان يطمن عليه ههههههههههه
وانا مش عارف ارود اقول ايه
المهم روحت قايله بصوت عالي طيب يا محمد خلاص اشكر لنا عم عبدو قوي قوي وقولوا ليك الحلاوه لما ارجع من الشغل كويس ان عم عبدو اللي لقاها مش واحد غريب
وطبعا صحبي مش فاهم انا بقول ايه اصلااا ومين عم عبدو ده اصلا وروحت قافل مع صحبي
وكله بقه هااااااااااااا لقيتها يا استاذ ؟
قلتلهم اه اصلها وقعت مني يظهر قدام المترو وعم عبدو لقاها وجابها على البيت
وطبعا بصيت للأمور ابونظاره شمس وقلتله معلش يبو الكباتن حصل خيرر وهوب روحت ناطط وتوهت في زحمه المحطه ويا فاكيييييييك قبل ما حد يتهور من الركاب عليه
وطبعا روحت الشغلل معرفتش ادخل لاني مش معايا الكارنيه ولا البطاقه حتى عشان ادخل زائر ولا اي حاجه وخته اجازه ولفيت ورجعت تاني واخدت اليوم نوووم ونا واخد المحفظه في حضني

بس استفدت حاجه جميله من الموقف

اني معونتش اسيب المحفطه في جيب البطلون ابداااااااااااا
يعني بقيت قبل مركب اي مواصله زحمه مترو او اتوبيش او قطر
بشيل المحفظه من جيبي اللي وره واحوطها في جيبي اللي قدااامي
ههههههههههههه
بس ده الموقف اللي انا عمري منساه

ههههههههههههههههههههههههههههههههه ينهار ابيض طب كويس انك طلعت من الموقف سليم وبعدين ذنبك اية برضوا مخضوض وكنت متاكد من وجودها معاك هههههههههههههه بس كويس انك توهت ومقولتش دا انا نسيتها كنت حتاكل ضرب او كلام ملوش لازمة وممكن يفتكروك حرامى ههههه

[Mohamed.Ramah]

مرة كنت مسافر مكانش معايا عربية ومفيش مواصلات فا ركبت القطر القشاش دة كان الساعة 11 بالليل تقريبا والقطر شبة فاضي ، وحاطط جنبي هارد في الجراب بتاعة وفوقية الموبيل و ورايا علي طول باب القطر ، وفي حتة في الطريق القطر هدي حاجة بسيطة بس ماشي عادي ومرة واحدة لقيت واحد راح جاي جري من ورايا خطف الموبيل ونط من القطر وهو ماشي في وسط الغيطان ! انا قمت جري لفيت وراة طبعا بس علي ما وصلت للباب كان هو نط وخلاص علي كدة


المرة التانية كنت في الموقف ومفيش عربيات وزحمة جدا جدا وعربية دخلت الموقف ، في الحالات اللي زي دي كل اللي تعملة انك تروح ناحية العربية و بقوة الدفع هتلاقي الناس شالتك وركبتك العربية ، ودة اللي حصل دخلت في وسط الناس وزنقة رهيبة طبعا وحسيت بحاجة في جيبي اللي ورا ، انا عادة بحط البطاقة و الرخصة في جراب فقط في الجيب الخلفي مبشيلش محفظة أصلا ، المهم حطيت ايدي علي جيبي ملاقيتهمش فا رفعت ايدي ورا ضهري بشوية كدة راح الحرامي حاططلي البطاقة في ايدي ههههههههههههههههه ، انا اصلا من الزنقة مكنتش عارف ابص ورايا حتي

ههههههههههههههههههه تلاقية كان بيعمل شيك على البطاقة او الرخصة

[Mohamed.Ramah]

كنا بنتغذى مره فى بتزا هت أنا والمدام والأولاد ... وكنا عاوزين نجيب دواء لابنتى .. فأنا قلت لزوجتى روحوا انتم اعملوا طبق السلطات على ما اروح اجيب الدواء من أى اجزخانة قريبة وسألت الجرسون عن اقرب صيدلية لقيت شاب قاعد فى الترابيزة اللى جنبى بيقول لى : فيه واحدة حضرتك فى الشارع ده ... طبعاً الولد لابس كويس وراسم نفسه زى ما يكون طالب محترم مثلاً
زوجتى علقت شنطتها فى مسند الكرسى بتاعها ,,, وللحظ الغريب الولد كان قاعد فى الكرسى اللى وراه
المهم روحت الصيدلية ورجعت لقيت زوجتى والاولاد لسه فى بوفيه السلطات ولما جيت اقعد لقيت شنطتها مفتوحة وهى متعلقة على مسند الكرسى.... ناديت عليها وجت بصت لقت المحفظة بتاعتها اختفت ...
العمال اخدوا بالهم .. وقلت لهم احنا اتسرقنا عندكم هنا .... وكان فيه عامل واقف قريب من الكرسى واتجهت الانظار والظنون اليه انه هو اللى سرقها "طبعاً أقرب واحد لمسرح الجريمة!!!" الولد انكر وزمايله دافعوا عنه واقتنعنا فعلاً أنه مش هو.
وبعدين افتكرت الولد اللى كان جالس فى الترابيزة اللى جنبنا ,, قلت لهم كان فيه شاب قاعد فى الترابيزة اللى جنبنا ... هو فين ؟ قالوا لى دا كان منتظر ناس ييجوا يقعدوا معاه ...وماجوش ومشى فتأكدنا انه هو.
العمال ماكدبوش خبر وخرجوا معايا بسرعة على المطعم المقابل ليه (تقريباُ كان تكا) وسألوا الجرسونات اذا كانوا شافوا الولد ده قالوا لنا فعلاً هو دخل عندنا وقعد يلف بين الترابيزات وخرج على طول ,,, وان شكله ما ريحهمش .... خرجنا وقعدنا نجرى فى المربع حول المطعم لعل وعسى نلاقيه لكن هيهـــــــــــــــــــات
المهم رجعنا المطعم وادارة المطعم مشكورين رفضوا بشدة ان ادفع فاتورة الحساب ,,, والحمد لله المحفظة كان فيها 200 جنيه فقط وكانت المشكلة فى الأوراق والكارنيهات اللى ضاعت.

وطبعا اتعلمنا من الموقف ده ما نسيبش حاجاتنا على الترابيزات واحنا فى المطعم ونروح التواليت مثلاً ... لازم حد يقعد ياخد باله منها

الحمدلله على كل شىء انا بقى واحنا فى مشوار فى مصر الجديدة جة موتسيكل سرق شنطة والدتى من ايديها بس ستر ربنا الحمدلله جبناة مع اننا مش معانا عربية او حاجة نلحق بيها الحرامى ومكان ماشى عكس جسر السويس كلة شاب محترم لاقيناة قام مزمرلنا وفارك وراة مسبوش غير لم خبطة ولما الحرامى وقع جرى وساب الشنطة والموتسيكل حسبى الله ونعم الوكيل ورجعتلنا زى ماهى ماعدا الايد مقطوعة فعلا موقف صعب وعمرى ما انساة

[Mohamed.Ramah]

اول مرره كنت في ثانوي وكنت ماشي انا وواحد صاحبي في حته مقطوعه ومبيعديش فيها ناس غير قليل وفجأه طلعلنا واحد شارب وسكراااان ومعاه مطوه مقفوله وطلعو اللي في جيوبكم يا ولاد الـ........ ساعتها قعدت افكر اني لو طلعتله حاجه مش هسامح نفسي وانه ممكن ياذيني كده كده المهم دعيت ربنا انه ميقربش من وشي
وصاحبي كانت ركبه بتسقف مش بتخبط
وقعدت اتكلم معاه على امل ان في حد ييجي ينقذنا واقوله انت مش عارف انا ابن مين والحوارات دي ،وهو اصلاً كان شكله مش قادر يتحرك من كتر ما هو سكران
المهم مكملتش ثواني وجه واحد بسم الله ما شاء الله جته ومعاه واحده وطبعاً دي فرصته يعمل فيها ابو تريكه قام قايله انت بتعمل ايه ياض
واول ما الواد شافه طلع يجري ودا جري وراه لحد ما مسكه وجابه وقالي اخد منك حاجه قلتله لأ راح قايلي وسايبني اجري وراه ليه ،وانا واقف :o_stupid[1]: قلتله معلش يا باشا والف شكر وجري عالبيت انا والواد اللي معايا ومن ساعتها مروحتش من الطريق ده تاني

المرره التانيه كنت جايب n95-8gb جديد وكان لسا منزلش مصر وكنت ماشي في شارع العشرين -فيصل وكان فيه ماتش للاهلي شغال والشارع فاضي والحته دي كان متقلب فيها واحد قريبي عن طريق ان واحد يقولك خد يا كابتن ويكلمك وبعد ما تسيبه تكتشف ان موبايلك اتنشل وكان لسه حاكيلي عالموقف ده
المهم قابلني واحد وقالي كابتن فانا نفضتله ومشيت قام قالي خد هنا مش بكلمك قلتله خير قالي تعالى مش تسلم طيب فافتكرت الحوار بتاع قريبي قمت حاطط ايدي على جيبي اليمين ومسلم بايدي الشمال قام قايلي متسلم زي الناس قلتله معلش انا اشول قام قالي انت ضربت اخويا الصغير ومش عارف ايه وقعد يحور عشان اشيل ايدي من على جيبي وانا مفيش في الآخر قام مطلع موس وقالي شيل ايدك من على جيبك يا ابن الـ..... رحت قايله على جثتي مش هتاخد مني حاجه قام قايلي كده ماشي يا اسطى ومشي وسابني

والحمد لله اني طلعت من الحوارين دول على خير وربنا ما يورينا حاجه من الحاجات دي تاني

والله الموضوعه بيبقى جراة ولما شافك واثق كدة مقدرش يعملك حاجة بس خلى بالك فى اشكال ضالة اهم حاجة يسرق حتى لو حيديلك سكينة اى حاجة وربنا يسلم طريقنا

[أحمد كمال]

أنا ليا رأي في الموضوع ده

مفيش حاجة في الدنيا تستاهل اني اخد بشلة في وشي و لا عيني تطير و لا اتدبح

موبايل؟ في داهية ...... محفظة ..... هاتقرف في تطليع الورق و الفلوس انا باحاول دايما ما امشيش بفلوس كتير ...... و حتى لو كتير ..... في داهية

و يقاس على ذلك اللابتوب و العربية و اي حاجة ........ في داهية .....

فيه قريب واحد توفى عشان ماشي باللابتوب و عربية جت تنتشه منه تمسك بيه و ما رضيش يسيبه راحت عربية تانية شايطاه و مموتاه

بالذمة اللابتوب يستاهل عمرك ؟؟؟؟

او حتى يستاهل انك تتضرب بالمطوة في وشك؟


العمر مش بعزقة ......


على فكرة انا مش ضد انك تقاوم او تجري ...... انا مرة اتثبتت بعربيتي في احمد فخري في مدينة نصر بعربيتين و نزلوا يستعبطوا عليا بس كنت قافل السنتر و القزاز و رجعت مارشدير و جربت منهم .... كان موقفي اقدر اجري فيه .... بس لو على رجلي و اتثبتت هارميله كل اللي هو عايزه و في ستلاف داهية

[nab!l]

لا يامعلم
انت بتبص من زاوية تانيه خالص
لكن مش عاوزين نكون سلبيين لدرجة اننا نخاف من حرامى جبان ونديله اى حاجة معانا وربنا اللى يعلم الحاجة دى جت ازاى

[أحمد كمال]

لا يامعلم
انت بتبص من زاوية تانيه خالص
لكن مش عاوزين نكون سلبيين لدرجة اننا نخاف من حرامى جبان ونديله اى حاجة معانا وربنا اللى يعلم الحاجة دى جت ازاى

و لو حرامي ضارب الدنيا صرمة و ضربك مطوة في رقبتك موتك؟

مفيش حاجة تستاهل عمرك ...... نهائي .......

[M.Osman]

على فكرة انا مش ضد انك تقاوم او تجري ...... انا مرة اتثبتت بعربيتي في احمد فخري في مدينة نصر بعربيتين و نزلوا يستعبطوا عليا بس كنت قافل السنتر و القزاز و رجعت مارشدير و جربت منهم .... كان موقفي اقدر اجري فيه .... بس لو على رجلي و اتثبتت هارميله كل اللي هو عايزه و في ستلاف داهية

+1
و انا في سنة اولى في الكلية واحد ثبتني بمطوة .. كان عايز الموبايل و الفلوس
اديتهومله

ياااه
عمري ما هنسى الموقف دا
المطوة كانت على رقبتي

[magyver]

+1
و انا في سنة اولى في الكلية واحد ثبتني بمطوة .. كان عايز الموبايل و الفلوس
اديتهومله

ياااه
عمري ما هنسى الموقف دا
المطوة كانت على رقبتي

ياااااااااااة للدرجااااادي

[karim fathy]

المهم قابلني واحد وقالي كابتن فانا نفضتله ومشيت قام قالي خد هنا مش بكلمك قلتله خير قالي تعالى مش تسلم طيب فافتكرت الحوار بتاع قريبي قمت حاطط ايدي على جيبي اليمين ومسلم بايدي الشمال قام قايلي متسلم زي الناس قلتله معلش انا اشول قام قالي انت ضربت اخويا الصغير ومش عارف ايه وقعد يحور عشان اشيل ايدي من على جيبي وانا مفيش في الآخر قام مطلع موس وقالي شيل ايدك من على جيبك يا ابن الـ..... رحت قايله على جثتي مش هتاخد مني حاجه قام قايلي كده ماشي يا اسطى ومشي وسابني

حصلى برضو نفس الموقف بتاع حضرتك بس من غير ما يطلع موووس و لقيتو بيقولى متعرفش العنوان دة فين انا رحت واقف بشوف الورقة اللى مكتوب فيها العنوان ودة فى اقل من ثانية بل فينتو ثانية كان مطلع الموبيل من جيبى وانا ولا حسيت بايدوو وانو خد الموبيل الا وانا بحط ايدى على جيبى ملقتش الموبيل روحت اقفش فى رقبتو بايديا الاتنين ولسة بقولو الموبيل فيييييين لقيتو راح مديهولى وطااااااااااااير الموضوع دة كلة تم فى دقيقة واحدة بس اللى استغربتلو انة ايده كانت خفيفة جداااااااااا وطلع الموبيل من جيب البنطلون الجينز بس الحمد لله جت سليمة وقدرت انى ائفشو قبل ما يفك بالتليفون