موضة جديدة ظهرت في المنتدى

[Abdo_Eldesokey]

لاحظت في الفترة الأخيرة إن فيه موضة جديدة بدأت في الانتشار بالمنتدى ، وهي

الرد باللغة الإنجليزية

من فترة .. كان نادراً إنك تلاقي حد بيرد بالإنجليزي

لكن دلوقتي الموضوع كتر قوي

متهيألي إحنا في منتدى عربي ، ولغة الحوار المفروض تكون عربي

ومش كل الناس كويسة في الإنجليزي

وأنا كنت راسلت أحد الإخوة الأعزاء الي بيردوا بالإنجليزي وسألته عن السبب

وأجاب إنه معندوش كيبورد عربي

بس الموضوع ده ليه حل من زمان مع موقع
ظ…طط±ط± Yamliâ„¢ - ظ„ظˆطط© ط§ظ„ظ…ظپط§طھظٹط ط§ظ„ط¹ط±ط¨ظٹط© ط§ظ„ط°ظƒظٹط©

أتمنى محدش من إخواتي يزعل مني

ومنتظر آراءكم

[3ateef]

مؤيد وموافق.....

[KHALED AYMAN]

انا مش عارف اقولكو الردود الى بالانجيلزى بتسببلى احراج اد ايه ههههههههههههههههههههههههههه
وبتبقى مشكله لما يكون الرد موجه ليا انا شخصيا ....
بس الحق يقال ..
انا من يوم ما دخلت المنتدى رديت مره واحده بالانجليزى ..
كان عضو بيسال على حاجه مستعجله ورديت عليه ..(بس انجليزى من بتاعى انا بقى ...)
و شكرا على الموضوع و معاك فى كلامك ....

[محمد محمد]

انا اخري ف الأنجليزي اوكيه وباركيه.

[النوبي]

اسمحلي اختلف معاك (وارجوك تحملني)
الصراحه انا معنديش مانع ان كل واحد يكتب باللغه اللي يحبها لانه في الاخر بيخاطب فئه هو عايز يخاطبها
يعني لو ملقيش حد يرد عليه او يتفاعل معاه مش ممكن هيكتب باللغه دي تاني
لاكن انا ضد ان حد يلعب باللغه العربيه ويحولها لفرانكو اراب لمجرد انه معندهوش كيبورد عربي وبرضه مقدرش افرض علي شخص انه يستخدم برنامج او صفحه لتحويل الكلمات الي عربي (طبعا دي حريه شخصيه)
وعلي مااعتقد ان معظم الاعضاء هنا ناس مثقفه وعلي درايه بالكمبيوتر يعني مش ممكن يكون الانجليزي او الفرنساوي عقبه
يكتب بالانجليزي احسن (دي وجهه نظر مش اكتر)

[M.Osman]

في أحسن من Yamli :

http://www.microsoft.com/middleeast/egypt/cmic/maren/

[Abdo_Eldesokey]

مؤيد وموافق.....

شكراً ليك

انا مش عارف اقولكو الردود الى بالانجيلزى بتسببلى احراج اد ايه ههههههههههههههههههههههههههه
وبتبقى مشكله لما يكون الرد موجه ليا انا شخصيا ....
بس الحق يقال ..
انا من يوم ما دخلت المنتدى رديت مره واحده بالانجليزى ..
كان عضو بيسال على حاجه مستعجله ورديت عليه ..(بس انجليزى من بتاعى انا بقى ...)
و شكرا على الموضوع و معاك فى كلامك ....

ده الي أنا أقصده يا خالد .. مش كل الناس كويسة في الإنجليزي

حتى الي كويسين فيه أكيد قراءته مش مريحة زي العربي

انا اخري ف الأنجليزي اوكيه وباركيه.

ده كده انت مستواك أعلى من ناس كتير ، فيه ناس متعرفش باركيه دي

اسمحلي اختلف معاك (وارجوك تحملني)
الصراحه انا معنديش مانع ان كل واحد يكتب باللغه اللي يحبها لانه في الاخر بيخاطب فئه هو عايز يخاطبها
يعني لو ملقيش حد يرد عليه او يتفاعل معاه مش ممكن هيكتب باللغه دي تاني
لاكن انا ضد ان حد يلعب باللغه العربيه ويحولها لفرانكو اراب لمجرد انه معندهوش كيبورد عربي وبرضه مقدرش افرض علي شخص انه يستخدم برنامج او صفحه لتحويل الكلمات الي عربي (طبعا دي حريه شخصيه)
وعلي مااعتقد ان معظم الاعضاء هنا ناس مثقفه وعلي درايه بالكمبيوتر يعني مش ممكن يكون الانجليزي او الفرنساوي عقبه
يكتب بالانجليزي احسن (دي وجهه نظر مش اكتر)

يا باشا انت تقول .. وإحنا نسمع
بس صدقني فيه ناس كتير ضعيفة في الإنجليزي ، وحرام يتحرموا من الاستفادة الي في الموضوع بسبب اللغة
وبعدين يا جماعة إحنا منتدى مصري ، ودي لغتنا ولازم نفتخر بيها

في أحسن من Yamli :

http://www.microsoft.com/middleeast/egypt/cmic/maren/

ألف شكر يا باشا على الإضافة

[محمد محمد]

يا باشا انت تقول .. وإحنا نسمع :s_thum1[1]:
بس صدقني فيه ناس كتير ضعيفة في الإنجليزي ، وحرام يتحرموا من الاستفادة الي في الموضوع بسبب اللغة
وبعدين يا جماعة إحنا منتدى مصري ، ودي لغتنا ولازم نفتخر بيها

انا من الناس الضعيفة في الأنجليزي وماليش تقل اني اترجم واول ما افتح موضوع مكتوب بالأنجليزي اروح قافله وماكملهوش.... المفروض اللى يتكلم يكلمنا بلغتنا.

[Khaled_Nowaihy]

يا جماعة لازم برضه نحترم اللغة القومية بتاعتنا ونغير عليها
انا قرأت كثير جدا جدا عن تجارب مصريين سافروا فى الخارج وكانوا مابيعرفوش يتكلموا غير انجليزى فقط، وكانوا لما يكلموا أى حد من اهالى البلاد اللى بيزوروها بالانجليزى كان رد فعل أهالى البلاد دى محرج جدا للمصريين.
عن نفسى تعرضت للمشكلة دى مرتين فى ايطاليا وفى فرنسا
وحسيت بمدى احترامهم وتعصبهم والغيرة على لغتهم الأم.
وفاكر مرة قابلت 2 جزائريين مقيمين فى امريكا وكنا قاعدين ندردش فى احوال بلادنا وبلادهم ... وحدث ان الاخوة الجزائريين اختلفوا مع بعض فى النقاش على نقطة معينة ,,,, قام واحد منهم قال للتانى (ابقى روح علم ولادك عربى الأول وتعالى اتكلم معانا)
لاتتخيلوا مدى الخجل والحزن اللى اصابوا الرجل التانى من الكلمة دى.

الخلاصة يا جماعة زى ما قال الأخ اللى فتح الموضوع ده : مفروض نحترم اللغة الأم بتاعتنا لأن دى هويتنا
اللى عاوز يستخدم الانجليزى براحته ... بس اللى مش قادر افهمه ازاى بيقرا عربى ويفهمه وبعدين يكتب الرد بالانجليزى !!!!

[icehearted girl]

انا معنديش مشكلة ان حد يرد بالانجليزي

لكن اللي بيجبلي حول ان حد يرد بالفرانكو آراب

اهودا بقي اللي زي مبيقولوا اقرع ونزهي

[menocomp]

في أحسن من Yamli :

http://www.microsoft.com/middleeast/egypt/cmic/maren/

البرنامج ده جامد جدا .

[aif]

النبي عربي

[Khaled_Nowaihy]

انا معنديش مشكلة ان حد يرد بالانجليزي

لكن اللي بيجبلي حول ان حد يرد بالفرانكو آراب

اهودا بقي اللي زي مبيقولوا اقرع ونزهي

يسلم فمك يا ام حماس

[eino666]

اخواتى الاعزاء اعضاء المنتدى الكرام
( لغتنا العربية يسر لا عسر ولنا ان نغير فيها او نضيف اليها من الفاظ لم تكن مستخدمة فى العصر القديم) طه حسين
ولا تعليق بعد عميد الادب العربى
............................
محمود عينو

[Khaled_Nowaihy]

اخواتى الاعزاء اعضاء المنتدى الكرام
( لغتنا العربية يسر لا عسر ولنا ان نغير فيها او نضيف اليها من الفاظ لم تكن مستخدمة فى العصر القديم) طه حسين
ولا تعليق بعد عميد الادب العربى
............................
محمود عينو

وده كمان مثال على احترام وحب اللغة الأم كمان
طه حسين برغم انه درس فى فرنسا لم يتخلى عن جذوره، وصال وجال فى الأدب واللغة العربية بعد عودته