هنا الاستشارات القانونية

[Donzi]

شكرا على الموضوع المفيد و جزاك الله عنو كل خير

عندي سؤال في قانون العمل بعد اذن حضرتك

انا بشتغل في شركة خاصة بعقد سنوي ( محدد المدة سنة ) يجدد تلقائيا و تاريخ التعيين 1/4/2009 و حصلتلي حادثة في شهر 2 اللي فات و من وقتها و انا في اجازة مرضية و كدة العقد اتجدد تلقائيا في 1/4/2010 و انا في الأجازة المرضية و دلوقتي انا المفروض ارجع الشغل كمان اسبوعين تقريبا في اول شهر 8 و طبعا هما جابو حد بدالي في الفترة دي و عرفت من زميل ليا في الموارد البشرية انهم هاينهو عقدي اول ما ارجع

فا ايه هي الحقوق المادية اللي ممكن اطالبهم بيها ؟؟ انا قريت قانون العمل من موقع الحكومة المصرية و فهمت منو ان انا ليا الحق في مرتب شهرين عن كل سنة اشتغلتها دة الى جانب شهرين مدة الأخطار بانهاء العمل ( مع العلم ان انا لم يتم اخطاري رسميا حتى الان بإنهاء عقدي ) الى جانب ما تبقى ليا من رصيد الأجازات السنوية محسوب لحد مدة انهاء العقد اللي هيا اخر يوم في شهري الأخطار

هل الللي انا فاهماه دة صحيح ولا لأ ؟؟ و ازاي اضمن حقوقي دي ؟؟ و الاجراءات اللي ممكن اخدها لو رفضو يدوني حقوقي ؟؟

و كنت عرفت من شخص انهم المفروض يدوني راتبي لحد نهاية عقدي 1/4/2011 ، بس ماعتقدش ان دة صحيح !!

اسفة للأطالة

.

[thedeveloper87]

السلام عليكم ورحمة الله وبركاته

جزاك الله خيرا على هذا الموضوع الطيب ونفع الله بك...

لي واحد قريبي اشتغل في شركة وهو عايز يسأل على حاجتين:

1. استماره 6 ممكن ياخدها من مكتب العمل لو معرفتش ياخدها من شركته الأصليه؟
2. لو عليه عهد في الشركه اللي هو فيها ومضوه أو عاوزين يمضوه على وصل أمانه بسداد المبلغ ، ايه معنى الحركه دي؟؟؟؟ حركه تحفظ حقه ولا تبهدله ؟؟؟

مع العلم إنهم بيقولوا إنها بتحفظ حقه

[A.Saad]

فيه عندى محل متاجر قانون جديد
المستاجر متاخر فى سداد الايجار
رفعت قضية طرد وفسخ التعاقد
وخدت حكم من اول درجة والمستاجر لم يستانف
تم تقديم طلب للحجز على منقولاته لدى قاضى الامور الوقتية ولكن تم رفضه
حاليا هو قام بنقل منقولاته من العين
ايه التصرف اللى ممكن اخده للحصول على مستحقاتى – الايجار المتاخر – من المستاجر

[شريف]

هو فين صاحب الموضوع

[metenawy]

فيه عندى محل متاجر قانون جديد
المستاجر متاخر فى سداد الايجار
رفعت قضية طرد وفسخ التعاقد
وخدت حكم من اول درجة والمستاجر لم يستانف
تم تقديم طلب للحجز على منقولاته لدى قاضى الامور الوقتية ولكن تم رفضه
حاليا هو قام بنقل منقولاته من العين
ايه التصرف اللى ممكن اخده للحصول على مستحقاتى – الايجار المتاخر – من المستاجر

لماذا رفض قاضي الامور الوقتية طلبك بالتنفيذ؟؟؟؟؟؟؟؟؟؟

[Donzi]

طب و الاسئلة السابقة مافيش رد عليها ولا ايه ؟؟؟

[Fouad Ezz]

ممكن سؤال بخصوص القانون 82 لسنة 2002 الخاص بحماية الملكية الفكرية؟؟؟؟

[شريف]

طب و الاسئلة السابقة مافيش رد عليها ولا ايه ؟؟؟

ارجو من الاداره اغلاق الموضوع
فالموضوع فقد هدفه

[metenawy]

يا جماعا الموضوع داه للاستشارات القانونية و عشان لما تروح لمحامي تبقا فاهم انت موقفك ايه؟ عشان مفيش محامي يشتغلك لكن الموضوع داه مش مكان لحل القضايا او كتابة عقود او صيغ لان الحاجات دي لازم تروحو لمحامي يعملها ليك بمقابل لان دي مهنة و ليها كيانها

[metenawy]

ممكن سؤال بخصوص القانون 82 لسنة 2002 الخاص بحماية الملكية الفكرية؟؟؟؟

ايه السؤال يا باشا؟؟؟؟؟؟

[metenawy]

شكرا على الموضوع المفيد و جزاك الله عنو كل خير

عندي سؤال في قانون العمل بعد اذن حضرتك

انا بشتغل في شركة خاصة بعقد سنوي ( محدد المدة سنة ) يجدد تلقائيا و تاريخ التعيين 1/4/2009 و حصلتلي حادثة في شهر 2 اللي فات و من وقتها و انا في اجازة مرضية و كدة العقد اتجدد تلقائيا في 1/4/2010 و انا في الأجازة المرضية و دلوقتي انا المفروض ارجع الشغل كمان اسبوعين تقريبا في اول شهر 8 و طبعا هما جابو حد بدالي في الفترة دي و عرفت من زميل ليا في الموارد البشرية انهم هاينهو عقدي اول ما ارجع

فا ايه هي الحقوق المادية اللي ممكن اطالبهم بيها ؟؟ انا قريت قانون العمل من موقع الحكومة المصرية و فهمت منو ان انا ليا الحق في مرتب شهرين عن كل سنة اشتغلتها دة الى جانب شهرين مدة الأخطار بانهاء العمل ( مع العلم ان انا لم يتم اخطاري رسميا حتى الان بإنهاء عقدي ) الى جانب ما تبقى ليا من رصيد الأجازات السنوية محسوب لحد مدة انهاء العقد اللي هيا اخر يوم في شهري الأخطار

هل الللي انا فاهماه دة صحيح ولا لأ ؟؟ و ازاي اضمن حقوقي دي ؟؟ و الاجراءات اللي ممكن اخدها لو رفضو يدوني حقوقي ؟؟

و كنت عرفت من شخص انهم المفروض يدوني راتبي لحد نهاية عقدي 1/4/2011 ، بس ماعتقدش ان دة صحيح !!

اسفة للأطالة

.

رغم ان قانون العمل ليس مجالي و لكني سائلت لك بعض الزملاء الذين اكدو علي الي انتا فهمتو صح و اذا مدوكشي حقك قدم شكوي في مكتب العمل التابع اليه

[metenawy]

ارجو من الاداره اغلاق الموضوع
فالموضوع فقد هدفه

لو ليك سؤال اطرحه لو ملكش روح شوف موضع تاني تعمل فيه مشاركة و معتقدشي ان حد ليه 25 مشاركة يعرف هدف موضوعي عشان يطلب غلقه

[شريف]

لو ليك سؤال اطرحه لو ملكش روح شوف موضع تاني تعمل فيه مشاركة و معتقدشي ان حد ليه 25 مشاركة يعرف هدف موضوعي عشان يطلب غلقه

انا سالتك من 1/7 سؤال و لا رد وصلني - مش مهم بس فيه كذا واحد برضه سالوك من فتره و مخدوش اي ردود
دي حاجه تطوعيه جزاك الله خير عليها بس لو انت مش فاضي للرد عن استفسارات الناس يبقي الموضوع فقد هدفه
و بالعكس دة كده بيضيع وقت صاحب الاستفسار

[noureymo]

استفسار

السلام عليكم
السنة الي فاتت كنت اشتريت شقة دوبلكس في التجمع الخامس ومن سنة وانا بدفع الاقساط والشركة الي انا كنت شاري منها كلمتني النهاردة وقالتلي ان الكهرباء هتدخل وعاوزين قيمة عداد الكهربا مبلغ 900 جم
ولو عاوز الكهربا تدخل باسمي على طول اخلص باقي تمن الوحدة طبعا الكلام منطقي ومافيهوش مشاكل)
المهم قلتلهم عاوزين مني ايه دلوقتي قالولي
1- مبلغ ال 900 جم قيمة عداد الكهرباء
2- شيك باجمالي القيمة المتبقية من الاقساط علشان يعملوا توكيل باسمي للتصرف في العقار ونقل الملكية باسمي في الجهاز والتوكيل مش هيسلمهولي الا بعد سداد قيمة الشيك
وبعد كده سالتهم على العقد النهائي قالولي مش هتحتاجه علشان التوكيل الي معاك تقدر بيه تنقل الملكية باسمك في الجهاز
بس بصراحة انا اصريت على العقد النهائي اصروا ان الشركة مش بتطلع عقود نهائية وممكن يدوني حاجة من اتنين
1- مخالصة نهائية باني مفيش عليا اي مستحقات للشركة وان الوحدة بتاعتي تمنها خالص
2- اوياخدوا مني العقد الابتدائي ويدوني عقد خالص القيمة وفيه تمن الوحدة 110 الف بس مع اني دافع 580 الف تقريبا
طبعا اصروا على اني بموجب التوكيل الي هيتعمل كل حاجة في الجهاز هتكون باسمي
ارجو من السادة الافاضل الي عندهم خبرة في الموضوع ده يفيدوني علشان انا محتار جدا ومش عارف اعمل معاههم ايه خاصة اني مش في مصر
هل كلامهم صح ولا غلط
وهل في مشكلة اني بالتوكيل اقدر اغير الملكية في الجهاز وهل ده كافي
وشكرا مقدما

[Donzi]

رغم ان قانون العمل ليس مجالي و لكني سائلت لك بعض الزملاء الذين اكدو علي الي انتا فهمتو صح و اذا مدوكشي حقك قدم شكوي في مكتب العمل التابع اليه

شكرا على مجهود حضرتك و شكرا على الرد مع انه اتاخر شويتين بس مش مشكلة ربنا يعينك

س}ال بسيط تاني معلش اقدم الشكوى في مكتب العمل بايه ؟؟ يعني ايه الورق و هما مش مديني حاجة تثبت انهاء العقد و عاوزني انا امضي على استقالة و مايدنويش اي حاجة ؟

اشتكي بايه و اثبت حقي ازاي ؟