حدث في ميت غمر

[dr_magdi2009]

والله عندكم حق هي بلد مظاهر
بس يا دكتور احمد هي اللوح السودا ده بتتعمل ازاي؟؟؟!!

سهلة جدا

1- هات مفك و فك اللوحة الامامية
2- هات مفك تانى( او نفس المفك ) ة فك اللوحة الخلفية
3- اتركهم ليله كاملة عند واحد واحد بتاع دوكو و لازم لازم يباتو فى الظلمة
4- ركبهم تانى بنفس المفك اللى فكينه بيه
5- امشى فى الشارع و عيش بقى

[A7MED_PHARMA]

اللوحات السودا سهلة
لوحات المرور العادية ..تسنفرها
وتجيب عليه إسبراي إسود ..وترشها..وده طبعا بعد لما تلزق على النمرة والكلام لزق علشان مايجيش عليهم اللون الإسود

والطريقة التانية ..ودي خطر شوية
إنك تعمل لوحتين فايبر ..وتروح عند واحد بتاع كماليات يكتبلك عليهم باللزق
ودي عقوبتها ..غرامة ضخمة

بس كله ماشي سبهللة..ولما تيجي تسافر على طرق سريعة
ركب لوحات المرور

[shadinasr]

ايه ده انتو بتتكلمو بجد !!!!!!!!!!!!!!!!!!!!!!1
وانا اللي فاكر لازم تتعمل في المرور وبواسطه وحوارات ده طلع الموضوع بسيط جدا

[eng.octooo]

بجد حرااااااااااااااام
التليفون والساعة والعربية (دول اقرب 3 حاجات لقلبى )
دة انا لو واحد بص لحاجة منهم باحس انة بيعاكس مراتى .......

بجد ربنا يكون فى عونك يا احمد


اقولك ...علق شبشب زى التوتوك هههههههههه

[romeo_6887]

(أنا عامل لوحات سودا ..وبادج النيابة العامة)

و الله انت برنس انا كنت بحط نسر علي الازاز الواراني و الراااااااااااااجل كان يتكلم

بجيب أدوية للصيدلية

افرض دلوقتي السواقين شافوا كميه الادويه اللي انت جايبها هيقولوا ايه ؟ شغال وكيل نيابه الصبح و دكتور بعد الضهر ههههههه بهزر طبعا

[romeo_6887]

المشكله ان شكلي مينفعش ظابط خاااااااااالص ... اصلي بعمل سبايك هههههههههههههههه

[ahmed4000]

خلى بالك يا دكتور احمد انت بتعملها كتير
ومش كل مرة حتصيب

[mada121977]

مالوش حق الدكتور ... هى زى مانت قلت بس !!

على وزن المثل القائل (ادعى على ابنى واكره اللى يقول امين )
انتقد بلدى وازعل من اللى يشتمها
ومعلومه لصاحب الموضوع اللى ماسك مجلس المدينه من الزقازيق

[crazylambada]

انا نفسي يبقى عندي الجراه بتاعتك

[A.Saad]

احمد انت جرئ
بس ممكن تتاذى قبل ما تلحق تقول حاجة
كان ممكن تديله سارينة وبس
انا بس بخاف عليك

[AHMED12345678]

دة انا يا راجل وكيل نيابة ومبعملش الى انتا بتعملة دة
وانا خايف عليك علشان مش كل مرة تسلم الجرة
لان فى كماين وفى الشرقية بالذات بيطلبوا يطلعوا على الكارنية لما تقولهم وكيل نيابة
وساعتها هتخش فى انتحال شخصية وحوارات ما يعلم بيها الا ربنا
وانا شغلى فى محافظة تانية وبينى وبين الشغل ساعة واحدة بالعربية بس من كتر ما كرهت السواقة والمواقف الى بتحصل على الطريق بقيت اسافر بالقطر او الاتوبيس حسب المتاح

[Ralliart]

خلي بالك من موضوع وكيل نيابه ده عشان ممكن في كمين يسألوك على الكارنيه
والله بلد مقرفه بس مبحبش طريقة الكارنيهات والوسايط والحاجات دي وابقى مظلوم احسن من اني ابقى ظالم وتقمست شخصيه واحد هو اصلاً ميصحش انه يعمل كده

وربنا يستر من عيون الناس الحقوده

[A7MED_PHARMA]

ياشباب

أنا مش هعملها مع ظباط أو ماشابه

أنا بعملها على السواقين ..وفي ظروف معينة
مش على الفاضي والمليان كده..

[adel_2346]

ربنا يكفيك شر العين

اخوك عادل 3 صيدلة الزقازيق
والله ادتنى امل ان فى حد بيتخرج من الكلية دى ده انا اتخنقت منها

[AHMED12345678]

انتا فكرتنى بنفسى اول ما اتعينت
كانت العزة وخدانى اوى مع انى اتعينت بتقديرى ومن غير واسطة ولحد دلوقتى معرفش ازاى ومفيش اى حد فى عيلتى ولا حتى والدى شغال فى السلك القضائى
المهم
كنت مرة من كام سنة بعد متعينت بفترة بسيطة سايق ورايح قريتنا ومعايا والدى ووالدتى وبردة واحد سايق موتسيكيل كسرعليا وفديتة بس وقع من على الموتسيكل على الارض وقعة بسيطة ومحصلوش حاجة فوقفت اشوف الى حصل لقيتة جاى عليا يزعق ويعلى صوتة محستش بنفسى وعملت الى عملتة ومحدش بعد اذنكوا يسالنى عملت اية لانى بضايق من نفسى كل ما افتكر
لدرجة ان والدتى نزلت من العربية ومسكتنى وقعدت تشدنى علشان تبعدنى عن الراجل.
ومحدش طبعا قدر يعملى حاجة
وبعد ما الموقف ما خلص وهديت ولحد دلوقتى وبعد السنين دى كلها مقدرتش اصدق انا الانسان المتربى المحترم الى عمرى ممديت ايدى على حد اعمل كدة واشتم الشتايم الى شتمت الراجل بيها حتى اذا كان هو الى غلطان وقدام ابويا وامى
ومن ساعتها بقيت ماشى بمبدا العفو عند المقدرة وبقيت اخد المواقف بهدوء
لان اللة يمهل ولا يهمل
واحنا فى النهاية بشر
وربنا اقوى من كل البشر
ورغم مميزات عملى واننى احمد اللة عليها
لكن من جوايا بقيت اكرة عملى
لان شغلى عرفنى الوجة القبيح للحياة فى مصر
وهو
انا البقاء للاقوى