Tweet
من كام يوم احتجت فلوس وماكانش فيه اي مكن سحب خاص ببنك اتش اس بي سي (البنك بتاعي) جنبي قلت اسحب من اي بنك لأني كنت مستعجل (بجدد رخصة العربية)
المهم اقرب ماكينة كانت خاصة بالبنك الأهلي سحبت منها ورخصت وكله تمام
بعدها بكام يوم بابص على الحساب لقيت البنك خاصم ستين جنيه اي نعم
60 جنيه
اللي انا اعرفه اني لو سحبت من بنك مش بتاعي باتحمل عمولة بقة ولا غرامة ماعرفش اسمها ايه بس قيمتها 4 جنيه .
كلمت خدمة العملا بتاع البنك قالولي
حضرتك الماكينه بتاعت البنك دخلتك على شبكة بلاس (plus) علشان شبكة 123 كانت واقعة في البنك ده وقت ما كنت بتسحب
طيب انا مالي يعني الماكنة كان عليها اللوجو بتاع 123 وده اللي على اساسه باسحب من الماكينة
قال لي لأ حضرتك لو دخلت على 123 هتلاقي الماكينة بتكتب
Welcome to 123
لكن لو دخلت على plus مش هتكتب حاجة
الموضوع ده بيحصل مع البنك الأهلى والقاهرة وعودة
يا سلام وانا اعرف منين بقة الحاجات دي وانتوا ليه ماتعرفوش العملا
قال لي دي معلومة انا بقولها لحضرتك كدة لكن مش حاجة رسمية
قلت له لأ اديني حاجة رسمية. الستين جنيه دي ليه انا ادفعها بمناسبة ايه
قال لي حضرتك اخدت الخدمة (المكنة طعت الفلوس ) ودي المصاريف بتاعت الخدمة
الموظف
لت له يا سلام من 4 جنيه لـ 60 جنيه يعني 15 ضعف
ده مين اللي حط النظام المتخلف ده
طبعا كلام كتير من ده والموظف مش بإيده حاجة يعملها
قلت له هات لي السوبرفيزور/المشرف بتاعك
قال لي معاه مكالمه
قلت له استناه معاك
وبعد حوالي ربع ساعة جه السوبرفيزور يكرر نفس الكلام وانهم مالهمش سلطة على اي بنك ولا على الشبكة
قلت له بالراحة كدة
يا تحطوا ماكينة ايه تي ام كل خمسين متر يا تقولولي هاتاخدوا مني كام قبل ما تخصموا
ما فيش حد في الدنيا بياخد الخدمة وبعدين يبقى يعرف تكلفتها
وبعدين الشبكة اللي انتوا مشتركين معها دي اكيد يعني في اي نوع من الاجريمنت بينكوا وبين بعض
ازاي هما يسيبو بنك يحط اللوجو بتاع شبكتهم على ماكنة مش شغاله؟
قال لي مافيش حاجة اقدر اعملها
قلت له لأ اعملي لي شكوى
قال لي روح الفرع
قلت هي الشكوى محتاجة التوقيع بتاعي
قال لأ
قلت له خلاص انت بالنسبة لي تقدر تعمل اي حاجة مش محتاجه توقيعي
قال لي ماينفعشي اعمل شكوى لان مافيش حاجة تتحط في الشكوى
اتنرفزت طبعا و قلت له امال انا مجنون مثلا باتكلم في الهوا ولا انت شايف ان اللي حصل ده طبيعي
قال لي السيستم مافيهوش شكوى من اللي حضرتك بتقوله
المهم عمل شكوى وطبعا عالفاضي
الكلام الكتير ده الهدف منه ان أي حد قبل ما يسحب من اي تي ام ماشين (مش تبع بنكه) يتأكد انها قالت له
Welcome to 123
علشان مايدفعشي 60 جنيه عالفاضي
واللي طلعت منه برضه ان البنوك الأجنبية ماتفرقشي اي حاجة عن بنوك الحكومة كلهم موظفين روتينين ولا يهمهم عملا ولا اي حاجة. عقليات متجمدة صممت نظم متخلفه هدفها النصب على الناس
المهم اقرب ماكينة كانت خاصة بالبنك الأهلي سحبت منها ورخصت وكله تمام
بعدها بكام يوم بابص على الحساب لقيت البنك خاصم ستين جنيه اي نعم
60 جنيه
اللي انا اعرفه اني لو سحبت من بنك مش بتاعي باتحمل عمولة بقة ولا غرامة ماعرفش اسمها ايه بس قيمتها 4 جنيه .
كلمت خدمة العملا بتاع البنك قالولي
حضرتك الماكينه بتاعت البنك دخلتك على شبكة بلاس (plus) علشان شبكة 123 كانت واقعة في البنك ده وقت ما كنت بتسحب
طيب انا مالي يعني الماكنة كان عليها اللوجو بتاع 123 وده اللي على اساسه باسحب من الماكينة
قال لي لأ حضرتك لو دخلت على 123 هتلاقي الماكينة بتكتب
Welcome to 123
لكن لو دخلت على plus مش هتكتب حاجة
الموضوع ده بيحصل مع البنك الأهلى والقاهرة وعودة
يا سلام وانا اعرف منين بقة الحاجات دي وانتوا ليه ماتعرفوش العملا
قال لي دي معلومة انا بقولها لحضرتك كدة لكن مش حاجة رسمية
قلت له لأ اديني حاجة رسمية. الستين جنيه دي ليه انا ادفعها بمناسبة ايه
قال لي حضرتك اخدت الخدمة (المكنة طعت الفلوس ) ودي المصاريف بتاعت الخدمة
الموظف
لت له يا سلام من 4 جنيه لـ 60 جنيه يعني 15 ضعف
ده مين اللي حط النظام المتخلف ده
طبعا كلام كتير من ده والموظف مش بإيده حاجة يعملها
قلت له هات لي السوبرفيزور/المشرف بتاعك
قال لي معاه مكالمه
قلت له استناه معاك
وبعد حوالي ربع ساعة جه السوبرفيزور يكرر نفس الكلام وانهم مالهمش سلطة على اي بنك ولا على الشبكة
قلت له بالراحة كدة
يا تحطوا ماكينة ايه تي ام كل خمسين متر يا تقولولي هاتاخدوا مني كام قبل ما تخصموا
ما فيش حد في الدنيا بياخد الخدمة وبعدين يبقى يعرف تكلفتها
وبعدين الشبكة اللي انتوا مشتركين معها دي اكيد يعني في اي نوع من الاجريمنت بينكوا وبين بعض
ازاي هما يسيبو بنك يحط اللوجو بتاع شبكتهم على ماكنة مش شغاله؟
قال لي مافيش حاجة اقدر اعملها
قلت له لأ اعملي لي شكوى
قال لي روح الفرع
قلت هي الشكوى محتاجة التوقيع بتاعي
قال لأ
قلت له خلاص انت بالنسبة لي تقدر تعمل اي حاجة مش محتاجه توقيعي
قال لي ماينفعشي اعمل شكوى لان مافيش حاجة تتحط في الشكوى
اتنرفزت طبعا و قلت له امال انا مجنون مثلا باتكلم في الهوا ولا انت شايف ان اللي حصل ده طبيعي
قال لي السيستم مافيهوش شكوى من اللي حضرتك بتقوله
المهم عمل شكوى وطبعا عالفاضي
الكلام الكتير ده الهدف منه ان أي حد قبل ما يسحب من اي تي ام ماشين (مش تبع بنكه) يتأكد انها قالت له
Welcome to 123
علشان مايدفعشي 60 جنيه عالفاضي
واللي طلعت منه برضه ان البنوك الأجنبية ماتفرقشي اي حاجة عن بنوك الحكومة كلهم موظفين روتينين ولا يهمهم عملا ولا اي حاجة. عقليات متجمدة صممت نظم متخلفه هدفها النصب على الناس
Comment