احترس من الـ atm

[iunknown]

كقاعدة عامة 123 دايما واقع في ماكينات البنك الأهلي المصري .......

يا استاذي طيب ليه البنك مايحافظشي على عملاؤه ويقول لهم كدة

ليه مالوش تأثير على الشبكة انها تخلى البنوك اللي مش ملتزمة تشيل اللوجو بتاع الشبكة من ماكيناتها


موضوع ان hsbc مالوش ذنب انا مش مقتنع بيه

دلوقتي انا عميل للبنك ده وهو اللي خصم مني الفلوس مين في النص مش مهم خالص
انا شايف انها مسؤوليه البنك

خد المثال ده
لو الكارت بتاعك اتسحب جوة مكنه بنك تاني هترجع لمين

لو بتسحب من بنك تاني والمكنة خصمت وماطلعتشي فلوس برضه بتكلم مي

في الحالتين بنكك مسئول يرجع لك الكارت والفلوس


ولا ايه

[fady.bekatcho]

انا حصلت فيا فى 460

علشان سحبت من ماكينة بنك غير البنك بتاعى

انا الفيزا بنك اسكندرية

كنت بشترى اللاب من مول الكمبيوتر الى فى ميدان سفنكس المهندسين

قعدت ادور على بنك اسكندرية ما لقيتش لقيت ماكينة قلت اسحب منها والسلام

اكتشفت انهم خدوا 10 % من اجمالى المبلغ

وانا سحبت حوالى 4600 جنية او اكثر بشوية

وعرفت بعد كدة انهم بيسحبوا 10 % من المبلغ بحد ادنى 15 جنية

[Mzeid]

شكرا لتحذير حضرتك
بس أنا أول مرة أعرف حكاية ال 123 و plus هو الفرق بينهم لأن أنا بسحب و خلاص من غير ما ابص عل أي حاجة

[romeo_6887]

مره وحيده جربت اسحب فلوس من atm بنك تاني خالص ... الكارت اتحشر في المكنه و مكنش راضي يطلع و بقيه فرجه الشارع يومها و انا بحاول اسحب الكارت من ال atm بالعافيه ... بلد بتاعت شهادات صحيح

[A_H_M_A_D]

شكرا على التحذير

بس أنا أحيانا بسحب من مكنة تانية غير بتاعة بنكي و عمره مقالي Welcome to 123

بصراحة مكن ال ATM كله مشاكل

[ahmed4000]

انا اتش اس بى سي برده والحقيقة ساعات بسحب من الاهلى بس دايما بيخصم 4 جنيه لو اشتغل اصلا :)

[GMakram]

انا hsbc وحصل معايا نفس موقفك ده بالضبط بس كان من مكنه nsgb كنت فى اسكندريه عند كارفور وماكينه hsbc كانت عطلانه فرحت سحبت من nsgb وعرفت الموضوع بتاع الستين جنيه ده بعدها وطبعا اتقاللى نفس الكلام اللى اتقال لحضرتك وعلشان عارف انى مش هعرف اخد لا حق ولا باطل معاهم قررت اتعلم من الدرس ده وطبعت من على السايت بتاع بنك اتش اس بى سى قائمه بكل فروع ماكينات البنك فى كل الجمهوريه ومتقسمه بالمناطق ومخليها معايا فى العربيه علشان لو اتزنقت فى اى وقت اعرف اوصل لاقرب ماكينه بسهوله,هو مش حل ايجابى اوى بس انا حبيت افكر تفكير عملى و اهو الواحد لما بيعمل اى خطوه كرد فعل للموقف بيحس انه فش غله شويه

تقبل مرورى وتحياتى

[shouk_1987]

انا hsbc وحصل معايا نفس موقفك ده بالضبط بس كان من مكنه nsgb كنت فى اسكندريه عند كارفور وماكينه hsbc كانت عطلانه فرحت سحبت من nsgb وعرفت الموضوع بتاع الستين جنيه ده بعدها وطبعا اتقاللى نفس الكلام اللى اتقال لحضرتك وعلشان عارف انى مش هعرف اخد لا حق ولا باطل معاهم قررت اتعلم من الدرس ده وطبعت من على السايت بتاع بنك اتش اس بى سى قائمه بكل فروع ماكينات البنك فى كل الجمهوريه ومتقسمه بالمناطق ومخليها معايا فى العربيه علشان لو اتزنقت فى اى وقت اعرف اوصل لاقرب ماكينه بسهوله,هو مش حل ايجابى اوى بس انا حبيت افكر تفكير عملى و اهو الواحد لما بيعمل اى خطوه كرد فعل للموقف بيحس انه فش غله شويه

تقبل مرورى وتحياتى

أنا عملت زيك تقريبا بس أنا خدت من البنك كتاب صغير كده بأماكن ال atm فى القاهرة كلها و شايله فى المحفظة

[kh_fawzy]

المشكله مش زى ماقالولك فى البنك لان دول مش فاهمين .
اللى حصل انك سحبت بكارت الماستر فالبتالى حسب عليك الفوائد دى والاتش اس بى سى هو الوحيد اللى بيعمل كدة وعلشان تتفادى الموضوع دة اعمل كارت atm من البنك على نغس الحساب واسحب من اى ماكينه باربعه جنيه بس والكارت مش هايكلفك الا 25 جنيه بس انما لو استخدمت الماستر تانى وحتى على 123 هاتدفع نفس المبلغ تانى

[GMakram]

المشكله مش زى ماقالولك فى البنك لان دول مش فاهمين .
اللى حصل انك سحبت بكارت الماستر فالبتالى حسب عليك الفوائد دى والاتش اس بى سى هو الوحيد اللى بيعمل كدة وعلشان تتفادى الموضوع دة اعمل كارت atm من البنك على نغس الحساب واسحب من اى ماكينه باربعه جنيه بس والكارت مش هايكلفك الا 25 جنيه بس انما لو استخدمت الماستر تانى وحتى على 123 هاتدفع نفس المبلغ تانى

لا اسمحلى اوضحلك,هو سحب بكارت atm مش الفيزا والشبكه المسماه 123 دى شبكه للربط بين البنوك داخليا فى مصر اما 123 plus دى شبكه دوليه يعنى تقدر تخليك تسحب بال atm بتاعك من اى مكان فى العالم علشان كدا تكلفتها اعلى من العاديه لكن لو كان سحب بالفيزا فى الحاله دى بيتحمل عليه فوائد يوميه يعنى خراب بيوت رسمى

[GMakram]

أنا عملت زيك تقريبا بس أنا خدت من البنك كتاب صغير كده بأماكن ال atm فى القاهرة كلها و شايله فى المحفظة

[iunknown]

لا اسمحلى اوضحلك,هو سحب بكارت atm مش الفيزا والشبكه المسماه 123 دى شبكه للربط بين البنوك داخليا فى مصر اما 123 plus دى شبكه دوليه يعنى تقدر تخليك تسحب بال atm بتاعك من اى مكان فى العالم علشان كدا تكلفتها اعلى من العاديه لكن لو كان سحب بالفيزا فى الحاله دى بيتحمل عليه فوائد يوميه يعنى خراب بيوت رسمى

بالظبط كدة

انا استخدمت كارت الـ atm مش الكريديت كارد

[AmatoALLAH]

شكرا ليك انك نبهتنا
لان انا دايما بسحب من مكن مش تبع البنك بتاعي اي ماكنه عليها 123 و مش باخد بالي من جملة welcome to 123

[memohamada]

طب سؤال يا جماعة
انا معايا كارت atm سعودى من بنك سامبا لو سحبت بية من اى ماكينة atm فمصر هياخدوا منى كام رسوم ؟
و طبعا الحساب بتاعى بالريال و السحب هيبقى بالجنية هل سعر التحويل هيبقى اعلى من الطبيعى ؟

[GMakram]

طب سؤال يا جماعة
انا معايا كارت atm سعودى من بنك سامبا لو سحبت بية من اى ماكينة atm فمصر هياخدوا منى كام رسوم ؟
و طبعا الحساب بتاعى بالريال و السحب هيبقى بالجنية هل سعر التحويل هيبقى اعلى من الطبيعى ؟

رسوم كم دى بتتوقف على ماكينه البنك اللى هتسحب منه مش مبلغ محدد يعنى,سعر التحويل بيبقى العادى المعلن عنه فى البنوك يوميا مش مبلغ خرافى يعنى