هي الناس دي زعلانه كده ليه ؟

[romeo_6887]

انا مش عارف بجد هي الناس دي زعلانه ليه ؟
علي اساس اني متضايق من حد مصري
او حد من بقيه اهل بلدنا
انا متضايق من اللي جاي ياخد خير بلدنا
مع ان في ناس من بلدنا تستاهل الخير ده
و متضايق من نظام بلدنا الخاطئ
طبعا انا غلطان اني شتمت في الناس البنغوليين
بس الناس دي انا معاشرها بحكم انهم عايشين في منطقتنا
و عارف و متأكد انهم عندهم ضمير اكتر مننا ( الا من رحم ربي )
بس ميستهلوش المبالغ اللي بيخدوها و في ناس مصريين احسن منهم
علميا و علي الاقل من اهل البلد و هما اولي بالشغل ده
الناس دي شغاله في الفاعل و بيخدوا مرتبات ضعيفه
و البنجوليين بيخدوا بيقبضوا بالالاف الدولارات مش عارف ليه
مع ان كمان مستوي التعليمي في بلدهم صفر صفر
و كمان المصريين اللي شغالين في المصانع رجاله و تمام التمام
و بيأدوا شغلهم كويس ( طبعا في ناس لا )
و اللي اتلاقاه بقي معاه ملايين منين مش عارف
اكيد مش من المرتب
هو اه بقبض الالاف مؤلفه بالدولار و ساعات باليورو
بس ميعملش حركه 10 مليون برضه في ظرف 10 سنين
لو عملهم في بلد تانيه مليش دعوه ساعتها
لكن عمل الفلوس دي في بلدي
و في ناس بتنحت في الصخر و هما افضل منهم
و مش لاقيين ياكلوا
و في عضو بدون ذكر اسماء
مقدم فيا شكوي علي اساس اني شتمته واكلمته بطريقه وحشه
مع ان هو اللي داخل فيا شمال و اتهمني باتهامات مخجله
و انا اللي المفروض اقدم فيه شكوي مش هو
عموما ارجو من المشرف غلق الموضوع الاولاني
عشان الاهانات زادت عن حدها
مع اني عمري ما اتكلمت عن اي عضو هنا بطريقه وحشه ابدا
و الله شاهد عليا

[Abo_Lina]

لو كل واحد يرضى بالمقسوم كلنا هانرتاح ..
مافيش داعي نشغل نفسنا فلان معاه كام و يستاهل و لا لأ و الكلام ده ..
يا ريت احنا كمصريين نبطل نبص لبعض و كل واحد يركز مع نفسه أفضل ما يركز مع غيره ..
و شكرا

[romeo_6887]

لو كل واحد يرضى بالمقسوم كلنا هانرتاح ..
مافيش داعي نشغل نفسنا فلان معاه كام و يستاهل و لا لأ و الكلام ده ..
يا ريت احنا كمصريين نبطل نبص لبعض و كل واحد يركز مع نفسه أفضل ما يركز مع غيره ..
و شكرا

انا عمري ما ابص لحد من اهل بلدي عشان مليش دعوه و انا الحمد لله معايا اللي مكفيني بعيدا عن والدي اصلا فالحمد لله لكن ابص علي اللي من بره و جاي يغرف ملايين هنا و كمان يا ريته يستاهل

[PRO-DRIVE]

نفس الوضع اللي انت بتقوله بينطبق علي كل دول العالم !! مثلا الخليج ! خليجيين كتير مش لاقيين شغل ولا عارفين يتجوزو "معلش الصوره النمطيه اللي عند المصريين عن الخليجيين غبيه تماما"

و لو مش متأكد شوف المغتربين المصريين بيدخلو لمصر كام مليون كل سنه :)

[Terrible_DaRsH]

و جاي يغرف ملايين هنا [overline]و كمان يا ريته يستاهل[/overline]

ههههههه يا سيدى الموضوع التانى اتقفل بسبب كدا .

انت متعرفش هو شغال ايه ؟

طب هقولك على حاجة علشان تعرف اذا كان يستاهل ولا لا ؟

عندنا فى التخصص بتاعنا فى الجامعة لما تتخرج متتوقعش شغل بمرتب خيالى يعنى تمام ؟ كان فى معيد فى جامعة فلانية صديق لمعيد عندنا و هما الاتنين بيقبضوا زى بعض حوالى 800 جنيه .

فى يوم و ليلة واحد قبض 70 الف جنيه لانه عمل شغل بسيط لشركة جديدة و هو يستحق ال 70 الف جنيه لانه كسب الشركة و ريحها فى حاجات كتيرة , و صاحبه التانى لسه بيقبض نفس المرتب .

هل من حقه يقول ليه و ده معفن و كدا ؟؟؟ دى ارزاق ربنا كاتبها و كل واحد يرضي بيها .

هتقولى انك معترض على انه مش مصرى , طب انت تخيل معايا انك عندك معطم حلو ؟

و لاقيت مدير مصرى هيكسبك 10000 جنيه فى الشهر فى حين ان واحد اجنبي هيكسبك 40000 جنيه , انت هتشغل مين عندك بذمتك و دينك ؟؟

[M.Mosaad]

طب و المصري اللي رايح يشتغل في اوروبا و بينجح و بياخد مرتب اعلي من اهل البلد نفسهم زي مجدي يعقوب و زويل برضة ميستهلوش لانهم راحوا خدوا خير البلد اللي اهلها اولي بيه

مفيش حد بيدي حد مليم زيادة عن حقه الا لو شغال في الحكومه لكن في العمل الخاص اعتقد صاحب العمل بيخاف علي فلوسة جدااااااااا و ممكن يجيب حد يديله مبالغ كبيرة لانه عارف انه بيجيب من وراه مبالغ اكبر

[أحمد كمال]

انا مش عارف بجد هي الناس دي زعلانه ليه ؟
علي اساس اني متضايق من حد مصري
او حد من بقيه اهل بلدنا
انا متضايق من اللي جاي ياخد خير بلدنا
مع ان في ناس من بلدنا تستاهل الخير ده

يا روميو ..... الرسول عليه الصلاة و السلام قال "دعوها فإنها منتنة" ردا على العصبية القبلية لما مشاجرة قامت بين احد المهاجرين و احد الأنصار .....

البنغالي ده مسلم ..... يعني له عليك حق المسلم على المسلم ..... بنغالي بقى .... مصري ..... ان شالله من كوكب المريخ

ثانيا انت كده بتعترض على قضاء الله بتوزيعه للرزق و ده غلط شرعا

ثالثا صدقني الحداية ما بتحدفش كتاكيت يعني محدش هيديله فلوس الا لو هياخد من وراه اضعافها و محدش هيديله فلوس كان يقدر يوفرها

)
بس ميستهلوش المبالغ اللي بيخدوها

برضه ارجع و اقول لحضرتك ..... صاحب المصنع ادرى مني و منك بمصلحته .... و ربنا بيوزع الرزق كما يشاء .....

و في ناس مصريين احسن منهم
علميا و علي الاقل من اهل البلد و هما اولي بالشغل ده
الناس دي شغاله في الفاعل و بيخدوا مرتبات ضعيفه

يعني المصري اللي شغال في الفاعل ينفع يبقى مدير مصنع؟؟

و البنجوليين بيخدوا بيقبضوا بالالاف الدولارات مش عارف ليه
مع ان كمان مستوي التعليمي في بلدهم صفر صفر

أكيد اللي بييجي هنا مستواه مش صفر

احنا عندنا في شركتنا باكستانيين و هنود على ارقى المستويات العلمية ..... منهم واحد عايش طول عمره في الامارات بيقول لي هناك باكستاني يعني سواق تاكسي و الناس بتستغرب اما بتلاقيه مهندس !!!!!!! لا حول و لا قوة الا بالله

و اللي اتلاقاه بقي معاه ملايين منين مش عارف
اكيد مش من المرتب
هو اه بقبض الالاف مؤلفه بالدولار و ساعات باليورو
بس ميعملش حركه 10 مليون برضه في ظرف 10 سنين

يا سيدي رزق من عند الله ..... ملك الملوك اذا وهب .... لا تسألن عن السبب

و ممكن يكون بيتقشف و ما بيصرفش و بيحط فلوسه كلها ودائع و بتجيب فوائد مركبة او بيستثمر في البورصة او بيستثمر في عقارات و اراضي في بلده الأم و بتجيب له عائد ..... ايش عرفك؟؟؟؟؟؟

لو عملهم في بلد تانيه مليش دعوه ساعتها
لكن عمل الفلوس دي في بلدي

نفس النعرة القبلية اللي اهل الدول العربية بيتهموا بيها المصريين

يقولوا عالمصري كان حافي و متشعلق في اتوبيس جه عندنا و بقى بني ادم و ركب العربية و عمل القرشين و بنى بيت في بلده و بتاع

لا حول و لا قوة الا بالله

انت غلط و هما غلط .... هو عمل كده بعرقه ..... و لو كان فيه الاحسن منه هنا كان صاحب المصنع جابه ..... على فكرة تصاريح عمل الاجانب مش سهلة زي ما انت فاكر .....

انا عمري ما ابص لحد من اهل بلدي عشان مليش دعوه و انا الحمد لله معايا اللي مكفيني بعيدا عن والدي اصلا فالحمد لله لكن ابص علي اللي من بره و جاي يغرف ملايين هنا و كمان يا ريته يستاهل

يعني اهل بلدك دح و اهل البلاد التانية كخ ؟؟؟؟؟

و تاني بتقول يا ريته يستاهل؟؟؟؟؟

نفس الوضع اللي انت بتقوله بينطبق علي كل دول العالم !! مثلا الخليج ! خليجيين كتير مش لاقيين شغل ولا عارفين يتجوزو "معلش الصوره النمطيه اللي عند المصريين عن الخليجيين غبيه تماما"

و لو مش متأكد شوف المغتربين المصريين بيدخلو لمصر كام مليون كل سنه :)

+1111111111111111

نفس الكلام بيتقال عالمصريين برة .....

طب و المصري اللي رايح يشتغل في اوروبا و بينجح و بياخد مرتب اعلي من اهل البلد نفسهم زي مجدي يعقوب و زويل برضة ميستهلوش لانهم راحوا خدوا خير البلد اللي اهلها اولي بيه

مفيش حد بيدي حد مليم زيادة عن حقه الا لو شغال في الحكومه لكن في العمل الخاص اعتقد صاحب العمل بيخاف علي فلوسة جدااااااااا و ممكن يجيب حد يديله مبالغ كبيرة لانه عارف انه بيجيب من وراه مبالغ اكبر

+111111111

محدش اهبل و لا بريالة و مفيش صاحب عمل بيدي موظف جنيه الا لو جاي من وراه عشرة ......

[Abo_Lina]

انا عمري ما ابص لحد من اهل بلدي عشان مليش دعوه و انا الحمد لله معايا اللي مكفيني بعيدا عن والدي اصلا فالحمد لله لكن ابص علي اللي من بره و جاي يغرف ملايين هنا و كمان يا ريته يستاهل

أخي الفاضل أنا لم أكن أعنيك بالكلام لا سمح الله و لكني أعلق على حال الكثيرين يضيعون حياتهم في محاولة فهم لماذا فلان معاه كذا و فلان معاه كذا مع أن تقسيم الأرزاق بيد الله وحده
حضرتك ممكن تشوف شخص و يكون رأيك إنه غير كفء و لكن صاحب العمل قد يرى فيه صفات غير متوفرة لغيره سواء مصريين أو أي جنسية أخرى

[human]

انا هقولك الفوله

و ديه مكتوبه فى بورسعيد بعد القسم اللى عند التلاتينى فى يافطه متعلقه و مكتوب فيها

من راقب الناس مات غيظا و كمدا

حضرتك تاعب نفسك ليه بمين خد كام و مين بياخد كام

ايه اللى هيعود عليك؟؟ و بعدين والد حضرتك رباكوا و جابلك عربيه من فلوس بلد عربيه و علمك و كبرك من فلوس بلد تانيه
تحب اهل البلد ديه كانوا قالوا ليه ندفع الفلوس ديه لواحد مصرى؟؟؟

حب لأخيك ما تحبه لنفسك

و بعدين مالك انت و مال رزق ربنا هو حضرتك معاك صك من ربنا انك تحدد مين حقه ياخد ايه و بكام

انت ايه داخلك فى كل واحد بياخد كام؟!

هو اه بقبض الالاف مؤلفه بالدولار و ساعات باليورو
بس ميعملش حركه 10 مليون برضه في ظرف 10 سنين

سؤال واحد - انت مالك؟!! ايه اللى مضايقك

ماتسأل على المصريين اللى بيسرقوك و بيسرقونا جاى بتتكلم على واحد بيشتغل و بيتعب و كل ده عشان مش مصرى!!

[romeo_6887]

ههههههه يا سيدى الموضوع التانى اتقفل بسبب كدا .

انت متعرفش هو شغال ايه ؟

طب هقولك على حاجة علشان تعرف اذا كان يستاهل ولا لا ؟

عندنا فى التخصص بتاعنا فى الجامعة لما تتخرج متتوقعش شغل بمرتب خيالى يعنى تمام ؟ كان فى معيد فى جامعة فلانية صديق لمعيد عندنا و هما الاتنين بيقبضوا زى بعض حوالى 800 جنيه .

فى يوم و ليلة واحد قبض 70 الف جنيه لانه عمل شغل بسيط لشركة جديدة و هو يستحق ال 70 الف جنيه لانه كسب الشركة و ريحها فى حاجات كتيرة , و صاحبه التانى لسه بيقبض نفس المرتب .

هل من حقه يقول ليه و ده معفن و كدا ؟؟؟ دى ارزاق ربنا كاتبها و كل واحد يرضي بيها .

هتقولى انك معترض على انه مش مصرى , طب انت تخيل معايا انك عندك معطم حلو ؟

و لاقيت مدير مصرى هيكسبك 10000 جنيه فى الشهر فى حين ان واحد اجنبي هيكسبك 40000 جنيه , انت هتشغل مين عندك بذمتك و دينك ؟؟

يبقي اكيد الاجنبي عنده علم و خبره عن المصري و كمان مخه متفتح عنه
لكن البنغولي جاب العلم و الخبره منين بالظبط ؟ و بلدهم من افقر دول العالم
و بعدين انا اعرف هنود عندهم ملايين برضه و مفتحتش بقي ليه ؟
عشان دي دوله غنيه و عندهم علم و تكنولوجيا فاكيد يستاهل الفلوس اللي بياخدها
مع اني بكره الهنود اصلا بس بقول كلمه الحق
عشان الناس تعرف اني مش عنصري

طب و المصري اللي رايح يشتغل في اوروبا و بينجح و بياخد مرتب اعلي من اهل البلد نفسهم زي مجدي يعقوب و زويل برضة ميستهلوش لانهم راحوا خدوا خير البلد اللي اهلها اولي بيه

مفيش حد بيدي حد مليم زيادة عن حقه الا لو شغال في الحكومه لكن في العمل الخاص اعتقد صاحب العمل بيخاف علي فلوسة جدااااااااا و ممكن يجيب حد يديله مبالغ كبيرة لانه عارف انه بيجيب من وراه مبالغ اكبر

الدكتور احمد زويل ده عالم و عبقري فيستاهل انه ياخد ملايين في اي دوله في العالم و لو ميستهلش كنت برضه اتضايقت عشان بقول كلمه حق و المصريين اللي بيشتغلوا في دول الخليح عشان مش لاقيين شغل محترم يعرفوا يفتحوا منه بيت فاضطروا يروحوا الخليج عشان كده و كمان اكيد مبيخدوش فلوس هباءا كده اكيد يستاهلوا الفلوس اللي بيخدوها و لو العكس كنت هعترض برضه عشان بقول كلمه حق

[بحري]

متهيألي الموضوع التاني الناس اتكلمت فيه بما فيه الكفاية
وياريت يا أخ روميو تتفكر في نصائح الأعضاء وتاخد الموضوع بهدوء شوية حتستوعب الصورة كلها إن شاء الله وربنا يوفقك للخير
أرض الله واسعة ومسألة الحدود المرسومة على الخرائط خلت الناس تفكيرها محدود ..الدنيا قائمة على تبادل المنافع منذ فجر التاريخ والتجار والصناع يتنقلون بين البلاد بلا نكير
نهتم شوية بنفسنا ونحسن مستوانا ونتوكل على الله دون النظر لفلان أو علان نلاقي الموضوع سهل إن شاء الله
وطبعا لو في حد مقصر أو مفرط في حق الناس وأموالهم لا بد من محاسبته،،،ولو عندك شكوك معينة تجاه المدير البنغالي ده ممكن تقدم فيه شكوى رسمية وتبقى كده عملت اللي عليك...حد اهتم بالشكوى واتعامل معاها بجدية أو لأ دي مش مشكلتك

[human]

هوه حضرتك عايز ايه؟
من الاخر كده عشان انا مش فاهم الموضوع المغزى منه

حضرتك عايز تفرض علينا وجهه نظرك ان البنغالى ماعندوش علم؟

طيب اه هوه ماعندوش علم و مش بيفهم حاجه و صاحب المصنع بيحب يوزع فلوسه عليه و كمان هوه حر فلوسه و هو حر فيها و مش بيحب عم ابراهيم - فيه مشكله ؟ و بيحب الاجانب

يبقى الدرس ان حضرتك لما تفتح مصنع شغل فيه المصريين بس

و كمان نداء لاى واحد مصرى وزع فلوس على المصريين و بلاش النجلادشيين

ايه الاخبار؟ كويس كده؟


كويس كده؟

[romeo_6887]

و بعدين والد حضرتك رباكوا و جابلك عربيه من فلوس بلد عربيه و علمك و كبرك من فلوس بلد تانيه
تحب اهل البلد ديه كانوا قالوا ليه ندفع الفلوس ديه لواحد مصرى؟؟؟

والدي رجل عصامي بني نفسه بنفسه من الصفر و الحمد لله و بعدين هو متخرج بامتياز مع مرتبه الشرف من الكليه و طول عمره بيجيله عروض انا نفسي محلمش بربعها فوالدي يستحق كل مليم بيدفعله و خصوصا انه بيكسب الشركه اللي شغال فيها و هو نفسه يمشي و يروح شغل في السعوديه بس مش راضيين يسبوه و لو والدي ميستهلش كنت هقول انه ميستهلش

ماتسأل على المصريين اللى بيسرقوك و بيسرقونا جاى بتتكلم على واحد بيشتغل و بيتعب و كل ده عشان مش مصرى!!

ما دول حراميه ولاد كل* و يستاهلوا الحرق و بياخدوا فلوس مش من حقهم انا طول عمري بقول كلمه حق فقط

[human]

والدي رجل عصامي بني نفسه بنفسه من الصفر و الحمد لله و بعدين هو متخرج بامتياز مع مرتبه الشرف من الكليه و طول عمره بيجيله عروض انا نفسي محلمش بربعها فوالدي يستحق كل مليم بيدفعله و خصوصا انه بيكسب الشركه اللي شغال فيها و هو نفسه يمشي و يروح شغل في السعوديه بس مش راضيين يسبوه و لو والدي ميستهلش كنت هقول انه ميستهلش
[/b][/color][/size]

ابن الراجل النجلاديشى بيقول على والده نفس الكلام

ليه حضرتك فاكر انك بتفهم احسن منه؟
و برضه عامل موضوع فى بنجلاديش موتورز ان فيه واحد مصرى عندهم معاه فلوس كتير و بياخد حق الشعب البنجلاديشى
-

[romeo_6887]

هوه حضرتك عايز ايه؟
من الاخر كده عشان انا مش فاهم الموضوع المغزى منه

حضرتك عايز تفرض علينا وجهه نظرك ان البنغالى ماعندوش علم؟

طيب اه هوه ماعندوش علم و مش بيفهم حاجه و صاحب المصنع بيحب يوزع فلوسه عليه و كمان هوه حر فلوسه و هو حر فيها و مش بيحب عم ابراهيم - فيه مشكله ؟ و بيحب الاجانب

يبقى الدرس ان حضرتك لما تفتح مصنع شغل فيه المصريين بس

و كمان نداء لاى واحد مصرى وزع فلوس على المصريين و بلاش النجلادشيين

ايه الاخبار؟ كويس كده؟


كويس كده؟

انا مش عارف انت بتدافع عنهم كده ليه كأنك منهم مش مننا
عموما لو الموضوع مش عاجبك متخشش ترد فيه
و الكلمه دي قولتها للعضو amir برضه
اللي مش عاجبه كلامي ميخشش يرد في الموضوع
و اللي عايز يتناقش بهدوء و احترام من غير تجريح فيا
اهلا و سهلا بيه
و الله و لا كأني انا بتكلم عنك بطريقه وحشه
و برضه نفس الكلمه اللي قولتها للعضو amir
معنتش ترد في اي موضوع من موضوعاتي بعد كده