هي الناس دي زعلانه كده ليه ؟

[أحمد كمال]

انا اسمي احمد يعني مسلم و مش محتاج نصايح في ديني من حد
و كمان عندي 23 سنه و مريت بتجاب كتير جدا
و بعدين صغير كبير الواحد بعقله مش بسنه
و بعدين كل النصايح في الدين و محدش بيتكلم في اللي انا بتكلم فيه
و بعدين انا متضايق طبعا و تعبان نفسيا من الحال اللي احنا فيه
لان نفسي اشتغل في شغل محترم بشهادتي
مش افتح محل و اعد فيه زي الفازه و معملش حاجه بربع جنيه
لان ده هو حال بلدنا
و الله انا مش عايز اشتغل حاجه غير بشهادتي
لاني ضيعت 4 سنين من عمري عليها
و مش ناوي اخلي ال 4 سنين دول يروحوا هباء
فلو روحت فتحت مصلحه و قعدت فيها
يبقي لا عمري هتجوز و لا عمر هيكون معايا فلوس
عرفت انا متضايق ليه
انا قدامي عشرين الف مصلحه افتحها و الفلوس و الشركاء موجودين
و كل حاجه زي الفل بس و لا بربع جنيه اصلا
انا عايز دخل ثابت عشان اعرف اتجوز و افتح بيت
مش اروح اعد في مصلحتي و معملش حاجه
دي يا راجل المصالح اللي شغاله في ودنه
قفلت و الله العظيم قفلت و زعلان من قلبي علي صحابها
اللي معتش في ايديهم حاجه يعملوها
علم و معانا و فلوس و معانا و برضه مش عارفين ناكل عيش
يبقي مش حقي اتحر دمي من اللي بيحصل
و بعدين حضرتك متعرفنيش كويس عشان تحكم عليا صح
و والدي معلمنيش حاجه الا مثلا في السواقه و في حاجات تانيه
بس مش مفيده يعني او تخليني اعرف اكل عيش صح

ربنا يرزقك من وسع يا احمد ..... بس ليا تعقيب

1- الرزق بتاع ربنا .... ياما ناس مش متعلمين و ربنا رازقهم .... و ياما ناس معاها دكتوراة و شغالين بالليل على تاكسي جنب الشغل بتاع الصبح عشان يادوب يسد المصاريف .....

2- مش من حقك دمك يتحرق لسبب بسيط .... حضرتك حديث تخرج ... الراجل البنغالي ده بيشتغل في المصنع من اكتر من 10 سنين زي ما انت قلت و الله اعلم قبل المصنع ده كان شغال كام سنة و فين .... يعني كده كده هو ما اخدش مكانك .... فاهم قصدي؟

الكلام ده لو الوظائف بتاعة حديثي التخرج بقت مشغولة باجانب و انت شايف انك اولى منهم ساعتها كنت هاوافقك في الرأي

3- الدكتور بحري ما قالش انك صغير .... هو قال ان الناس اللي بتنصحك كلها اكبر منك بكتير سنا و خبرة ... و بينصحك تسمع منهم مش اكتر

4- والدك كفاية عليه انه شرب المر عشان انت تبقى بني ادم ..... ما تزعلش مني بس مفيش حد فينا ليه بركة الا والده

المدارس اللي انت دخلتها كانت من فلوس و شقا و عرق والدك

الهدوم اللي انت لابسها كلها كانت من فلوس و شقا و عرق والدك

الاكل و الشرب و العلاج كلهم كانوا من فلوس و شقا و عرق والدك

البيت اللي ساترك تحت سقفه و العربية اللي بتركبها كلهم من فلوس و شقا و عرق والدك

البامبرز اللي كنت بتعملها فيه و انت صغير و التطعيمات و غيرهم كانت من فلوس و شقا و عرق والدك

والدك - زي اي موظف في العالم - اكيد ياما شاف القرف في شغله و جه على نفسه و استحمل عشان مين؟ عشانك انت و اخواتك .... لو ماكانش مخلف كان قال لهم في الشغل ملعون ابوكوا و مشي !!!!

صدقني مش هتعرف قيمة والدك صح الا اما تتجوز و تخلف و تشرب المر عشان عيالك و تبقى مبسوط ...... و اما تشوف النكران من ابنك هتعرف غلطك ....

انا ابويا اما كان بيسافر مأمورية كان بيصرف كل فلوسه علينا احنا و ما يجيبش لنفسه حاجة الا حاجات هبلة و بسيطة جدا


و انا اول مرة سافرت فيها مأمورية لقيت نفسي باعمل نفس الشئ ..... عارف عملت ايه؟

و الله عيني دمعت ... و اتصلت بيه في ساعتها و قلت له انت لو كنت قدامي كنت وطيت بست رجلك .... ربنا يخليك لينا ......

[romeo_6887]

ربنا يرزقك من وسع يا احمد

شكرا للدعوه الجميله

هو ما اخدش مكانك

ما انا عارف انه مخدش مكاني يعني انا كنت انفع مدير مصنع اصلا بس اخد مكان غيري مصري و ابن بلدي و يستحق انه يكون في المكانه دي مش هو

صدقني مش هتعرف قيمة والدك صح الا اما تتجوز و تخلف و تشرب المر عشان عيالك و تبقى مبسوط ...... و اما تشوف النكران من ابنك هتعرف غلطك ....

ما انا عارف انه مش مبسوط عشان الغربه و كده بس هو اصلا مبيحبش مصر اساسا و بعدين انا منكرتش جميله عليا و حاسس بيه من غير ما اتجوز اصلا و لا يكون عندي عيال و بعدين هو طول عمره مسافر فعشان كده لما تتاح ليا فرصه عشان اتكلم معاه
انا اول ما اتخرجت قالي انا سايبلك قرشين و تعامل في الشغل مع نفسك مليش دعوه بيك و الفلوس مش كل حاجه انا كنت عايز اشتغل في دوله عربيه مش افتح مصلحه هنا مش هتجيب 3 تعريفه فجبت بجزء العربيه و الجزء التاني قاعد يتملح في البنك لانه بتاع الشغل المفروض

[أحمد كمال]

انا لسه متخرج من سنتين فبلاش كلام عن شغلي انا عشان بتضايق

مش قصدي اضايقك .... بس باحاول الفت نظرك ان الناس اللي بتكلمك دي كلها عندها خبرة حياتية و عملية اكتر منك .....

دي وجهه نظر مش هغيرها فقط لا غير

كلنا على مدار فترات مختلفة من حياتنا كانت وجهات نظرنا بتتغير ..... و مش عيب ان الواحد يراجع نفسه اما يلاقي نفسه كان غلطان

و انا متكلمتش عن حد من الاعضاء بطريقه وحشه اصلا

و محدش قال ان حضرتك عملت كده

انا اتعاملت مع الهنود و البنغولين لمده 7 سنين و عارفهم كويس
انا بكره الجنسيتين اصلا بس الحق يتقال
الهنود كويسين في الشغل جدا و عن جداره
لكن التانين لا

حضرتك اتعاملت معاهم ازاي

فيه فرق بين انك اتعاملت معاهم كزملاء عمل او اتعاملت تعامل تاني

ثانيا لو اتعاملت معاهم بحكم اقامتك في الخليج ..... يبقى انت اتعاملت مع ادنى طبقاتهم .... سواق التاكسي و عامل السوبر ماركت و غيره

و حكمك ده بالظبط نفس حكم - مثلا - الكويتي على المصريين باعتبار اغلب المصريين في الكويت عمال بناء و سواقين و فواعلية ......

[أحمد كمال]

ما انا عارف انه مش مبسوط عشان الغربه و كده بس هو اصلا مبيحبش مصر اساسا و بعدين انا منكرتش جميله عليا و حاسس بيه من غير ما اتجوز اصلا و لا يكون عندي عيال و بعدين هو طول عمره مسافر فعشان كده لما تتاح ليا فرصه عشان اتكلم معاه
انا اول ما اتخرجت قالي انا سايبلك قرشين و تعامل في الشغل مع نفسك مليش دعوه بيك و الفلوس مش كل حاجه انا كنت عايز اشتغل في دوله عربيه مش افتح مصلحه هنا مش هتجيب 3 تعريفه فجبت بجزء العربيه و الجزء التاني قاعد يتملح في البنك لانه بتاع الشغل المفروض

طيب يبقى ليه بتقول ما علمنيش حاجة و بتاع

و ليه تنتقده قدام الناس في موضوع تاني؟

و مين عارف .... مش يمكن والدك اما قال لك ماليش دعوة بيك في الشغل كان عايز يخليك تنشف و تعتمد على نفسك اكتر و بيهيأك للحياة العملية


صدقني ..... كمان 5 سنين هتفتكر الكلام اللي كنت بتقوله و هتضحك من نفسك ..... لان غصب عنك وجهة نظرك هتتغير .....

[romeo_6887]

وجهه نظري في الموضوع ده مش هغيرها و لمابتلاقي لنفسي غلطان بقول لان الاعتراف بحق من شيم الرجال و بعدين انا معاشرهم هنا في مصر في المنطقه اللي احنا ساكنين فيها مع بعض و بشوف طريقه كلام و نظره الناس لدول و لدول فعرفت الفرق كويس

[romeo_6887]

و ليه تنتقده قدام الناس في موضوع تاني؟

في موضوع تاني بتاع التعليم عشان هو ميعرفش اي حاجه عن البلد اصلا في الفتره الحاليه لانه مبيجييش الا شهر او اتنين و شكرا و بيعد مريحهم في البيت يعني ميعرفش الدنيا في مصر ماشيه ازاي لان عمره ما اشتغل في مصر اصلا و عارف المسيره التعليميه ماشيه في مصر ازاي حاليا عشان كده انا قلت انه بيفتي في موضوع التعليم و الكليات ده مش اي حاجه تانيه

[أحمد كمال]

وجهه نظري في الموضوع ده مش هغيرها و لمابتلاقي لنفسي غلطان بقول لان الاعتراف بحق من شيم الرجال و بعدين انا معاشرهم هنا في مصر في المنطقه اللي احنا ساكنين فيها مع بعض و بشوف طريقه كلام و نظره الناس لدول و لدول فعرفت الفرق كويس

بص حضرتك

اللي في المنطقة عند حضرتك دول كام واحد؟

الف؟ الفين؟ ...... ابالغ شوية و اقول 10 الاف بنغالي؟

طيب .... عارف بنجلاديش تعداد سكانها كام؟

162 مليون

ينفع تحكم على 162 مليون بتصرفات 10 الاف ..... يعني 0.006% (6 من ألف في المية ...... أو 6 من ال 100 الف !)

يعني مثلا ..... السعودية فيها 2 مليون مصري تقريبا

يعني 1 على 40 من تعداد المصريين

تقدر تحكم على المصريين لو عاشرتهم في السعودية لان كده انت بتقابل كل الشرايح بتاعتهم تقريبا

بس عارف يعني ايه 6 على 100 الف ؟؟؟

من الاخر ولا حاجة

و مش كل الطبقات

دي كمان الطبقات الفقيرة جدا اللي جت مصر عشان تلاقي اكل عيشها

ما قابلتش انت الدكتور و لا المحامي و لا المهندس مثلا

لذلك حكمك عليهم غير عادل

بس !

[romeo_6887]

يا سيدي محامين مهندسين بقالين علي عيني و راسي بس مش هنا عندهم هناك فهمت القصد

[أحمد كمال]

يا سيدي محامين مهندسين بقالين علي عيني و راسي بس مش هنا عندهم هناك فهمت القصد

انا باتكلم في حاجة و حضرتك بتتكلم في حاجة تانية

حضرتك بتقول انا عارفهم كويس

انا باقول حضرتك قابلت عدد قليل جدا و مفيهوش كل الشرائح

ثانيا

حضرتك بتقول عندهم مش عندنا

نفس الكلام بيتقال في الخليج على المصري ..... عنده مش عندنا

ترضى الناس تقول كده على والدك؟؟؟؟؟؟

[human]

مش عارف انت تاعب نفسك ليه يا ابو كمال

مانا قلتلك

اللى يراقب الناس مات كمدا و غيظا

وبعدين النقاش مش رايح اى سكه نفس الكلام بيتعاد تانى بس بصيغ مختلفه

ريح نفسك - عشان صحتك و الاحجار الكريمه تنادى

[romeo_6887]

اللى يراقب الناس مات كمدا و غيظا

و انا اراقب الناس ليه اساسا ؟ علي اساس اني شخصيه تافهه مثلا و لا ايه ؟ بجد ردودك مستفزه جدا
و انا غلطان فعلا اني حاولت اتناقش معاكم في اي موضوع اصلا

[human]

و انا اراقب الناس ليه اساسا ؟ علي اساس اني شخصيه تافهه مثلا و لا ايه ؟ بجد ردودك مستفزه جدا
و انا غلطان فعلا اني حاولت اتناقش معاكم في اي موضوع اصلا

اومال اللى حضرتك بتعمله ده اسمه ايه؟

متابع بيعمل ايه و بيروح فين و بيكسب كام و بيشترى ايه و بيبيع ايه و عايز يعمل ايه و بتشوف فى النت بلده ماشيه ازاى
انا لو حد بيعملى كده ممكن ابلغ البوليس

هوه ده مش اسمه مراقبه؟!!! ولا اسمه ايه؟

لو ردودى مستفذه فده بسبب الكلام المستفز اللى برد عليه --

اتعلم من اللى الناس بتقولهولك و لو مش عاجبك يبقى خلى ليك وجهه نظر مافهاش غلط فى حد و تقول النقطه اللى عايز تقولها و تقفل الحوار

مش تجادل و خلاص

[romeo_6887]

اومال اللى حضرتك بتعمله ده اسمه ايه؟

متالع بيعمل ايه و بيروح فين و بيكسب كام و بيشترى ايه و بيبيع ايه و عايز يعمل ايه

هوه ده مش اسمه مراقبه؟!!! ولا اسمه ايه؟

لو ردودى مستفذه فده بسبب الكلام المستفز اللى برد عليه --

اتعلم من اللى الناس بتقولهولك و لو مش عاجبك يبقى خلى ليك وجهه نظر مافهاش غلط فى حد و تقول النقطه اللى عايز تقولها و تقفل الحوار

مش تجادل و خلاص

لا براقبه و لا يحزنون لاني مش فاضي اساسا ده غير انهم مش شخصيات مهمه عشان اراقبهم اصلا دي حاله اتحطت قدامي بالصدفه بالبحته فاستغربت من اللي شوفته و اللي سمعته لا اكثر و لا اقل وانا افتكرت انكم هتستغربوا لكن اتلاقيتكم بتدافعوا عنهم كانهم من بقيه اهلنا و بعدين اشتمهم و لا مشتمشهمش دي حاجه ترجعلي طالما مبشتمش في حد فيكم او حد يخصني او يخصكم و مش عايز نصايح من حد في موضوع شخصي زي الدين او الكلام ده
و بعدين لو شفتني رديت عليك في اي حوار او دخلتلك اي موضوع ابقي اعمل فيا شكوي امين يا سيدي و انا اصلا غلطان اني بتناقش معاكم في حاجه اصلا امال لو كنت بتكلم عن واحد مصري كنت هتتكلم معايا ازاي ؟ دي حاجه غريبه جدا

[romeo_6887]

و بعدين انا مبجادلش مع حد اصلا
و لو في اي كلمه زياده مش هتعجبني
هعمل شكوي و لو الاداره مجبتش حقي
هسيب المنتدي خالص
و اللي عايز يتناقش يتناقش بقي مع نفسه
عشان الاهانات الشخصيه في الموضوع ده كتيره جدا

[human]

و بعدين انا مبجادلش مع حد اصلا
و لو في اي كلمه زياده مش هتعجبني
هعمل شكوي و لو الاداره مجبتش حقي
هسيب المنتدي خالص
و اللي عايز يتناقش يتناقش بقي مع نفسه
عشان الاهانات الشخصيه في الموضوع ده كتيره جدا

تخش موضوع او ماتخشش موضوع حضرتك حر ديه حريه عامه و مش هيفدنى او يضرنى ان حضرتك تدخل ولا لأ

حضرتك بتقول انك مش فاضى و مالناش دعوه اذا شتمت او لأ و حضرتك جايب الموضوع عشان نستغرب

1- ممنوع انك تشتم اى حد (راجع قواعد المنتدى و اعتقد المشرف نبهك للموضوع ده)
2- ماحدش مستغرب غير من كلامك و اسلوبك

3- لو حضرتك بتهددنى روح اعمل شكوى ديه حاجه ماتزعلنيش و لا تضايقنى

4- موضوع تسيب المنتدى ولا لأ راجع ليك احنا مالناش دعوه بالحكايه ديه

5- لو اعتقدت انك تقدر تفتح موضوع عشان تهاجم اعراق تانيه و ان ده هيعدى بالساهل تبقى غلطان

6- مين هيرجع حق الراجل الغلبان اللى انت عمال تشتمه و بعدين تقول ان الاهانات الشخصيه هنا كتير؟!!!

7- لو بتتكلم على واحد مصرى الردود هتبقى هيه هيه نفس الردود المفروض احنا مش بنراقب الناس و مالناش دعوه مين بيتعب اد ايه عشان يكسب كام

8- لو مش عايز نصيحه يبقى بلاش تفتح مواضيع عشان انت الناس بتنصحك كتير و انت مش عاجبك على طول - فعشان بس موش تضايق نفسك (زى موضوع الراجل القعيد بسبب الشلل)