م . خ . ن . و . ق . هــــ

[eng.octooo]

بصى يا ايس ...الحل الوحيد انك تجيبى ربع كوب مخلل +ربع كوب صراصير مجففة + 44 لسان برص عندة عمى اللون + صباع دبانة عندها السكر معاهم معلقة سكر

وتشربيهم مرتين كل دقيقة ههههههههههههههههههههه بهزر طبعااااا دة انتى دكتورة (على فكرة الكلام دة بيكون فية حاجات زية فى الطب الصينى الشعبى) بس بردة بهزر ههههههه


بجد بقا

ادخلى اطفى كل الانوار وهاتى كام شمعة ( او اباجورة باضائة خافتة) فى الاوضة او البلكونة او الصالة المهم تكونى لوحدك

وشغلى فيروز وياسلام لو شغلتى يا طير الوروار /جائت معذبتى/اديش كان فية ناس/ بحبك /نسم علينا الهوى / الحاجات دى يعنى

واعملى كوباية هوت تشوكوليت ومعاها 4 : 5 بار شيكولاتة كادبورى فليك
وبعدها على طول اضربى كوباية ايس كريم هوجا ندوز (نوع المانى بس تحححفة بس ب 13 ج حرااام ) ولو مالقيتهوش هاتى ايس كريم من موفنبيك

وبعدها هاتى ربع كيلو كاجو محمص بدون ملح وحطى علية شيكولاتة سايحة واتسلى فيهم لحد الفجر
وصلى الفجر
وناااااااااااااامى لحد الفجر الى بعدة


بجد احساس تحففففففففففففففففة تحسى انك كنتى مسافرة ورجعتى
انا عملت التجربة دى من كام يوم وجابت نتايج تحححححفة

بس طبعا الميزان زاد وبقا شبة عداد العربية بيجب ال 100 بسرعة ...بس مش مشكلة نبقى نعمل رجيم ...قصدى عمرة موتور هههههههه

[icehearted girl]

اوكتو

اوكتووووووووو

انت لسه راجع ملمدينة الفاضلة ولا ايه؟؟؟؟

وبعدين تاني فيروز؟؟ انت مبتحرمش يا ابنىىىىىىىى

وفجر اي اللي هستناه

لما اانا اصلا بقوم الفجر وابدأ يومي

بنصيحتك دي هطبق

قال شمع وكاجو قااااااااااااااااااال

حد يحرر مشاركته بسرعه

دنتا عصبتني زيادة

الله يسامحك

[eng.octooo]

تصدقى والله كل ما باسرح بافتكر فيروز وايامها السوداء بس اليومين دول بعد البركان فية مؤتمرات دولية لزيادة العلاقات بين البلدين ويمكن ( باقول يمكن ) تحصل عملية مبادلة اسرى واقولكم على خبر حلو !!!!


خلينا فى دلوقتى
ههههههههههه انت مش بتحبى الشمع والكاجو لية بس دول بيجيبوا الحظ ؟؟

طيب خليها لمبة نيون وفول سودانى بقشرة هههههههه

[M.almaghraby]

ايه يا دكترة سلامتك من الموود الوحش

اطلبي ديليفري و كلي حاجة بتحبيها و شغلي fox series علي مسلسل حلو او فيلم مع كوباية نسكافية باللبن و ارتاحي من الشغل والتفكير فيه


بس يا جماعة الي عدي المرحلة دي و دخل فاكتئاب مزمن حقيقي يعمل ايه...؟

[icehearted girl]

يتفرج علي fox movies يادكتور

هوا شكل باب النجار مخلوع مش بس مخلع

حتي انتمتي تليفونها مشغول

هي كباية نسكافية بلاك مع فوكس موفيز موقتا حلو اوي

قال كاجو وشمع قااااااااااال

عقبال منسمع خبر قريب عن عقد هدنة يا اوكتو

وليك عليه هديتي هتبقي كيس كاجو هرميكم بيه من ورا

[eng.octooo]

هاتحدفينا بالكاجو

هانلبس هدوم مضادة للرصاص والكاجو ههههههههههه


طيب جهزى الكاجو ..لانى بكرة هاشوف نتيجة لقاء القمة واعرف النتيجة وهاروح على طول على مقابلة كافية ليموزين مع الرجالة

واخر اليوم دة لو بقا فيا نفس ..هاقولكم على النتيجة ولو ماعرفتش يبقى يوم الخميس ان شاء الله
.
.
.
طيب ماتعملى قهوة تركى وشغلى اغنية عيون القلب ل نجاة

بجد بيليقوا على بعض اوى

وخصوصا لما تكونى زهقانة

وبلاش fox movies روحى الحقى يوميات ستار اكاديمى على ال lbc الساعة 12.15 بعد شوية

[solyahmed]

انا كمان مخنوق بس انا عارف السبب ... وناس كثير عندهم نفس الحاله

ممكن تشربي اكسبرسو و تاكلي شيكولاته لانها تعمل على تحسين المزاج انا قرات كده

وانا بعمل كده
وربنا يفرجها عليكي وعلينا كلنا

[romeo_6887]

عادي انا كده برضه علي طول
و لما بتخنق اخر حاجه
بنزل امشي في البلد علي رجلي
لغايه ما اجيب سولار

[hamedo0]

عادى يا دكتور انا كنت ومازلت بمر بهذه المرحله بس بحاول اكسر روتين اليوم حاولي اعملي اى حاجه مختلفه وبلاش تسمعي كلام اكتو عشان بيعالي الضغط

[د.محمود صلاح]

أجلس أتفرج على الصور العائلية والشخصية القديمة

[Terrible_DaRsH]

مـٌرجـيـحة ..

[hh]

ربنا يفك ضيقك و يخفف عنك يا رب. على فكرة الاحساس ده بيجيلي كتير و ده بيبقى نتيجة كثرة الضغوط اللي علينا من الشغل و البيت و الاولاد و الزوج.........الخ. الواحد بيحس انه في دوامه و ايامه كلها شبه بعض و معندوش وقت لنفسه خالص. و الله الستات دول غلابة و محدش حاسس بينا, يعني اي حد ممكن ياخد اجازة الا احنا. كونك زوجة و أم ده معناه انك عندك شغل 24 7 زي ما بيقولوا, ما فيش راحة حتى في الويك اند.

بصي انا مش عايزة اكئبك زيادة, انا حاقترح عليكي اقتراح. بكرة الجمعة أجازة لو تقدري ترتبي اي خروجة غير تقليدية مع جوزك - ده لو عرفتي تسربي الولاد طبعا - يعني ممكن تروحوا رحلة غدا أو عشا على اي مركب في النيل ويا ريت لو غدا عشان الصبح النيل بيبقى بجد تحفة. أو لو هو من النوع اللي ممكن يعمل حاجة فجأة من غير ترتيب (مع أن للأسف أغلب الرجالة مش كدة) أطلعوا قضوا اليوم في أي حتة عالبحر ,الاسماعيلية, أسكندرية, العين السخنة, أي مكان زي day use كدة بس مش لازم تبع فندق معين, مجرد أي شاطئ و بعدين غدوة حلوة و ترجعوا. و الموضوع ده حتى لو خدتوا معاكوا الولاد حيبقى تغيير جميل للكل. بس ده طبعا حيبقى متوقف على جوزك.

[mostafabakry]

ربنا يشرح لك صدرك و يخرجك من الحالة دي

حاولي تقرأي القرآن الكريم او تسمعيه من قارئ انتي بتحبيه يعني مثلا محمد صديق المنشاوي
يا ريت كمان لو تصلي رحمك يعني لو ليكي حد قريبك من فتره ما شفتهوش او مكلمتهوش حاول انك حتي تتتصلي تتطمني عليه
عن تجربة صلة الأرحام ليها مفعول السحر علي الحالة النفسية

و الأهم من كل دا كمان لو عندك وقت يسمح تعملي "عٌمرة" زيارة للأراضي المقدسة اكييييييييييييييييييييد هترتاحي جدا هناك

و ربنا يفرجها علينا جميعا

بصراحة مش انتي وحدك اللي بتعاني من الإحساس دا للأسف كلنا بنعاني منه و دا بسبب اسلوب حياتنا العقيم والروتيني و مشاكل الحياة المعتاده و المستمرة سواء في الشغل او في البيت

[Khaled Seif]

السلام عليكم ورحمة الله وبركاته

أختنا الفاضلة

لا يفرج الكرب ولايذهب الهم والغم والحزن إلا الله سبحانه وتعالى الذي علمنا على لسان نبيه صلى الله عليه وسلم دررا تكتب بماء العيون وتكون سببا في تفريج الكرب وذهاب الهم والغم ( وعن تجربة ليس لهذه الأحاديث حاشا لله ولكن عن تجربة لنفسي فهذه الأحاديث شافية كافية إذا صادفت إيمانا بها ويقبنا وتصديقا لقائلها صلى الله عليه وسلم بعد إرادة الله للشفاء) ألا وهي :

1- ما رواه الألباني عن بن مسعود رضي الله عنه قال أن الحبيب صلى الله عليه وسلم قال ما أصاب أحدا قط هم و لا حزن ، فقال : اللهم إني عبدك ، و ابن عبدك ، و ابن امتك ، ناصيتي بيدك ، ماض في حكمك ، عدل في قضاؤك ، أسألك بكل اسم هو لك سميت به نفسك ، أو علمته أحدا من خلقك ، أو أنزلته في كتابك ، أو استاثرت به في علم الغيب عندك ، أن تجعل القرآن ربيع قلبي ، و نور صدري ، و جلاء حزني ، و ذهاب همي ، إلا أذهب الله همه و حزنه ، و أبدله مكانه فرجا قال : فقيل : يا رسول الله ألا نتعلمها ؟ فقال بلى ، ينبغي لمن سمعها أن يتعلمها

2- ما رواه أبو داود عن أبي بكرة رضى الله عنه أن الحبيب صلى الله عليه وسلم قال دعوات المكروب : اللهم رحمتك أرجو فلا تكلني إلى نفسي طرفة عين ، وأصلح لي شأني كله لا إله إلا أنت

3- ما رواه مسلم عن بن عباس رضى الله عنهما أن نبي الله صلى الله عليه وسلم كان يقول عند الكرب " لا إله إلا الله العظيم الحليم . لا إله إلا الله رب العرش العظيم . لا إله إلا الله رب السماوات ورب الأرض ورب العرش الكريم

4- ما رواه المنذري عن أبي سعيد رضى الله عنه دخل رسول الله صلى الله عليه وسلم ذات يوم المسجد فإذا هو برجل من الأنصار يقال له أبو أمامة جالسا فيه فقال يا أبا أمامة ما لي أراك جالسا في المسجد في غير وقت الصلاة قال هموم لزمتني وديون يا رسول الله قال أفلا أعلمك كلاما إذا قلته أذهب الله عز وجل همك وقضى عنك دينك فقال بلى يا رسول الله قال قل إذا أصبحت وإذا أمسيت اللهم إني أعوذ بك من الهم والحزن وأعوذ بك من العجز والكسل وأعوذ بك من البخل والجبن وأعوذ بك من غلبه الدين وقهر الرجال قال فقلت ذلك فأذهب الله عز وجل همي وقضى عني ديني

5- ما رواه أبو داود عن بن عباس رضى الله عنهما أن الحبيب صلى الله عليه وسلم قال من لزم الاستغفار جعل الله له من كل ضيق مخرجا ومن كل هم فرجا ورزقه من حيث لا يحتسب

6- ما رواه الألباني عن سعد بن أبي وقاص رضى الله عنه أن الحبيب صلى الله عليه وسلم قال ألا أخبركم بشيء إذا نزل برجل منكم كرب أو بلاء من بلايا الدنيا دعا به يفرج عنه ؟ فقيل له : بلى ، فقال : دعاء ذي النون : لا إله إلا أنت سبحانك أني كنت من الظالمين

7- ما رواه الترمذي عن أبي بن كعب رضى الله عنه كان رسول الله صلى الله عليه وسلم إذا ذهب ثلثا الليل قام فقال يا أيها الناس اذكروا الله اذكروا الله جاءت الراجفة تتبعها الرادفة جاء الموت بما فيه جاء الموت بما فيه قال أبي قلت يا رسول الله إني أكثر الصلاة عليك فكم أجعل لك من صلاتي ؟ فقال ما شئت قال قلت الربع قال ما شئت فإن زدت فهو خير لك قلت النصف قال ما شئت فإن زدت فهو خير لك قال قلت فالثلثين قال ما شئت فإن زدت فهو خير لك قلت أجعل لك صلاتي كلها قال إذا تكفى همك ويغفر لك ذنبك

هذا ماتذكرته على وجه السرعة , أسأل الله العظيم رب العرش العظيم الله ياذا الجلال والإكرام ياحي يا قيوم يا بديع السموات والأرض يا مالك يوم الدين أن تفرج كرب أختنا أم حماس وأن تذهب همها وأن تبدلها به فرحا وسرورا


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
أخوك / خالد
خطيب وإمام بأحد المساجد ومعلم تجويد بأحد دور تعليم القرءان بحدائق حلوان

[Mzeid]

و الله ساعات بحس نفس الإحساس دة و معرفش ايه السبب
دة حتى كمان بكون مخنوق من الحاجات اللي بحبها