المصلحجية ....

[الغزالى]

انا اكتر واحد عرفتة وعلم معايا من النوعية الزبالة دى عرفنى عشان الامتحانات اول ما اتنقل السنة دى لجنة تانية غير الى انا فيها سقط وشال 4 مواد ضج تقربيا
وكان طول السنة ميتصلش ابدن غير ليلة الامتحان او يوم الامتحان نفسة زى الترم دة

[Samah AbdAllah]

يا نور النوعية دى من الناس نحمد ربنا انه بيكشفهم على حقيقتهم
لان عدم معرفتهم افضل بكتير حتى لو كان هاييجى من وراهم خير
مش عاوزينه

[SunSet]

المصلحجية لفظ مهذب بدل من لفظ الاندال اللي ممكن يثير حفيظة البعض
تعيش طول عمرك تكون علاقات صداقة مع المحيطين اللي القدر وقعهم في طريقك ووقعك في طريقهم
مرددا لشعار الصداقة جميله ... والصديق وقت الضيق
ومتتأخرش في تقديم المساعدة للاخرين مادامت في قدر استطاعتك وممكن كمان تفضل الاخرين على نفسك بوقتك ومجهودك وتفضل اخرين على اخرين
ومادمت قادر على العطاء ومظهرش حد غيرك قادر على العطاء اكثر منك فأنت ديما في المقدمة عندهم
سؤال شبه يومي بالتليفون ومجاملات ببعض العبارات الرقيقة يليها بعض الطلبات
وتعالى قصر في الطلبات دي لاي سبب من الاسباب مرة وراء التانية
تلاقي التليقونات اتقطعت والمجاملات اتقطعت .. حتى في وقت احتياجك لهم مش هتلاقي حد
للاسف ده السيناريو السائد دلوقت بنسبة 90 % من المحيطين والمعارف اللي ممكن يكون من ضمنهم اقرب الناس لك
مدام مصلحتهم معاك قلت او انتهت اذن انت كمان كشخص كنت تمثل بعض الاهمية في اي جانب من جوانب حياتهم سواء شغل او اجتماعيات او اي مصلحة اياً كان مجالها...خلاص مبقاش لك اي اهمية
وممكن متكونش قدمت حاجة لحد لكن احتجت لهم وممكن تكون الحاجة دي بسيطة وتافهة وعندك عشم فيهم وتلاقي التنفيض التمام لاي حجة لكن لو في مصالح متبادلة يا سلام كل حاجة تبقه تمام
صدق المثل اللي بيقول الصديق وقت الضيق ... ومثل اخر الناس معادن
ومع الوقت كل شخص بيظهر معدنه اذا كان دهب ولا الماظ ولا صفيح مصدي .... وما اكثر الصفيح المصدي في حياتنا المطلي بطبقة لامعة تعتقد انها دهب ويستغل لمعانه في استغلالك لاقصى قدر ممكن وبمرور الوقت الطبقة اللامعة المزيفة تبدأ في الزوال ويظهر كل انسان على حقيقته
عشان كدة لازم الواحد مننا تكون علاقته بالناس علاقة سطحية وميجيش على نفسه لاي سبب من الاسباب او يسمح للاخرين باستغلاله عشان فعلا مفيش حد يستاهل

معاك في كل حرف

الناس بقت صعبة قوي واحنا اللي خياليين ونفسنا نعيش في المدينة الفاضلة التي ليس لها ادنى وجود

صياغة عصرية وشرح وافى لمفهوم النفعية البرجماتية الحديثة

سؤال بالمناسبة

هو كلمة برجماتية ممكن تحمل معنى غير النفعية؟
بمعنى هل تستخدم احيانا بمعى العملية؟

لا لا الدنيا مش سودا للدرجادي
دورو كويس بس هتلاقو ناس تستاهل والله
بس برضو ميمنعش ان الواحد دايما يبقى حريص
واجدع ناس تلاقيهم جمبك هما صحابك من صغرك لانهم ما كانوش عارفينك عشان مصلحة

فعلا و الحمد لله انهم لهم وجود في حياتنا مهما تباعدت اماكنا

[بحري]

الدنيا أساسا قائمة على تبادل المنافع والمصالح حتى في علاقة الآباء بالأبناء وهي الصورة الأروع والأسمى في العطاء (نحن قسمنا بينهم معيشتهم في الحياة الدنيا ورفعنا بعضهم فوق بعض درجات ليتخذ بعضهم بعضا سُخريا)..أي مسخرين..فالغني يوظف الفقير والفقير يشتري بماله من البائع والبائع يستعمل الصانع بما كسبه من الفقير وهكذا

...ولا يعيب الإنسان بحثه عن مصلحته، وإنما يعيبه أن يكون في بحثه عن مصلحته أعمى عن مراعاة مصالح غيره بما فيها مصالحه المعنوية. لذا جاء في الحديث (من أسدى إليكم معروفا فكافئوه فإن لم تجدوا ما تكافئوه فادعوا له، حتى تعلموا أنكم قد كافأتموه)
فكلمة الشكر ونظرة الامتنان قد تحقق من الإشباع للإنسان ما لا تحققه الأموال والمنافع المادية
فأرى أن ما يمكن أن نعيبه هو البحث عن المصلحة مع إهدار مصالح الآخرين

سؤال بالمناسبة

هو كلمة برجماتية ممكن تحمل معنى غير النفعية؟
بمعنى هل تستخدم احيانا بمعى العملية؟

ممكن...لكن غالب الاستخدام يأتي بما يوحي أو يفيد بإعطاء الأولوية لرغبة الفرد في تحقيق شئ ما سواء وافقت المعايير الأخلاقية أم لا

[peregrine]

سؤال بالمناسبة

هو كلمة برجماتية ممكن تحمل معنى غير النفعية؟
بمعنى هل تستخدم احيانا بمعى العملية؟

البرجماتية كمفهوم او كمنهج فلسفى تهدف إلى توضيح الأفكار والمعاني وبيان صدقها ونفعيتها بقدر ما تحقق للإنسان فائدته بمعنى....
الغاية هية ما تحدد الوسيلة فى المنهج البرجماتى

[center][font=arial][size=3][color=navy][b]

ممكن...لكن غالب الاستخدام يأتي بما يوحي أو يفيد بإعطاء الأولوية لرغبة الفرد في تحقيق شئ ما سواء وافقت المعايير الأخلاقية أم لا

يبدو يا قبطان انك خالطت بين الزرائعية والسلطوية الميكيافيلية بمعنى أذا كانت البرجماتية هية الغاية ما تحدد الوسيلة
فما حضرتك اشرت الية هو الغاية تبرر الوسيلة من اجل المنفعة
ويوجد فرق ضخم ما بين تحديد الوسيلة وتبريرها

[بحري]

البرجماتية كمفهوم او كمنهج فلسفى تهدف إلى توضيح الأفكار والمعاني وبيان صدقها ونفعيتها بقدر ما تحقق للإنسان فائدته بمعنى....
الغاية هية ما تحدد الوسيلة فى المنهج البرجماتى


يبدو يا قبطان انك خالطت بين الزرائعية والسلطوية الميكيافيلية بمعنى أذا كانت البرجماتية هية الغاية ما تحدد الوسيلة
فما حضرتك اشرت الية هو الغاية تبرر الوسيلة من اجل المنفعة
ويوجد فرق ضخم ما بين تحديد الوسيلة وتبريرها

أهلا بحضرتك
مفيش خلط خالص...
الأخت سألت عن استخدام الكلمة وأنا أجبتها عن استخدامها بغض النظر عن دقة المدلول بالنسبة للمستخدم شأنها شأن أغلب الكلمات الشائعة -الكبيرة بالمناسبة- فهي كلمات ربما يكون لها عمق فلسفي كبير واختلافات في تفسيرها العلمي وتطور لمعناها واستخداماتها عبر السنين ولكن يبقى لها استخدام شائع على ألسنة الكثيرين ممن لا يشغلون أنفسهم بالتدقيق ومن ذلك على سبيل المثال كلمة الأصولية...تجد العديد من مستخدميها وربما كانوا من السايسيين يقصدون بها معنى مختلف تماما عما صيغت لأجله

بالنسبة للكلمة والفرق بين تحديد الوسيلة وتبريرها...فلو نظرنا بمنطقية تجاهها لن تجد كبير فارق بين الاثنين اللهم إلا اختلاف الفعل (التحديد- التبرير) لكن عمليا تجد الآتي
كل إنسان أمامه مجموعة من الخيارات المتاحة وفقا لخلفياته وضوابطه ومعاييره الأخلاقية، والواقع يوحي إليه - وربما يجبره- على استخدام وسائل محددة لا يمكنه الخروج عنها، وفي هذه الحالة يتطابق تحديد الوسيلة مع تبريرها..أرجو أن تكون فكرتي وصلت
الفرق بين الاثنين فرق ذهني كما يقول المنطقيون ولو حاولت فصله واقعيا ما استطعت
أخيرا يمكن اعتبار الميكافيللية تحمل نزعة أكبر تميل إلى مخالفة المعايير الأخلاقية..وبهذا تختلف نوعا ما مع البراجماتية التي تحمل دلالة تشير إلى الرغبة في الفعل وليس مجرد إشباع الرغبات بغض النظر عن موافقتها للمعايير الأخلاقية
تقبل تحياتي

[SunSet]

[human]

بالنسبة للكلمة والفرق بين تحديد الوسيلة وتبريرها...فلو نظرنا بمنطقية تجاهها لن تجد كبير فارق بين الاثنين اللهم إلا اختلاف الفعل (التحديد- التبرير) لكن عمليا تجد الآتي

كل إنسان أمامه مجموعة من الخيارات المتاحة وفقا لخلفياته وضوابطه ومعاييره الأخلاقية، والواقع يوحي إليه - وربما يجبره- على استخدام وسائل محددة لا يمكنه الخروج عنها، وفي هذه الحالة يتطابق تحديد الوسيلة مع تبريرها..أرجو أن تكون فكرتي وصلت
الفرق بين الاثنين فرق ذهني كما يقول المنطقيون ولو حاولت فصله واقعيا ما استطعت

أخيرا يمكن اعتبار الميكافيللية تحمل نزعة أكبر تميل إلى مخالفة المعايير الأخلاقية..وبهذا تختلف نوعا ما مع البراجماتية التي تحمل دلالة تشير إلى الرغبة في الفعل وليس مجرد إشباع الرغبات بغض النظر عن موافقتها للمعايير الأخلاقية
تقبل تحياتي

ده المقصود
فيه فرق اخلاقى كبير

المراقب للموقف ممكن ماشفش ده و مايقدرش يفهم نوعيه الصراع النفسى اللى بتأدى لاى منهم منهم او اى اختيار

ممكن تشوفه قاسى القلب و ممكن يبقى مجبر على كده من اجل الفعل اللى هوه فيه رحمه جايز و مش باينه للمراقب

الفرق بينهم كبير جدا فى نفس متخذ القرار

[kok3]

للاسف الشديد كلنا هذا الرجل زمن الجدعنه والرجوله والشهامه بخ خلاص على راى اللمبى زمان كان فيه شهامه حتى فى الشارع حتى فى الناس اللى متعرفش بعض بس بتخاف على بعض النهارده كل سنه وانتو طيبين والله الجرايم عينى عينك ومحدش بيعمل حاجه الناس بتقف تتفرج كله بيقولك وانا مالى الصحاب بقى كانو ايام زمان برده احنا اتغيرنا الشعب كله اتغير انا وانت وانتى كلنا اتغيرنا والله اتغيرنا بس للاوحش يعنى مثلا كلنا كان عندنا صحاب يوم بيوم وساعه بساعه ودايما مع بعض فى كل حته واى وقت كبرنا واتغيرنا وهما كمان اتغيرو والنتيجه كلنا عايشين فى وحده حتى لو كان حوالينا صحاب بس حاسين انه ساعه الشده مش هتلاقى حد والله مهتلاقى حد يقف جمبك واذا وقف يوم التانى مش هيكون فاضى وبالتالى احنا كمان بقينا كدا المعامله بالمفارقه او بالمثل يعنى ياه دانا كان عندى صحاب زمان والله لو حلفتولى على ايه انه هيجيى يوم ومنكلمش بعض بالسنين وهنخاصم بعض كمان مكنتش اصدق بس جه اليوم وكله بان على حقيقته مفيش صحاب بجد فى الزمن دا اقسم بالله ما فى ولا حتى ال 1% اللى الاخ بيحكى فيها كلهم ممثلين او بمعنى اصح كلنا كدا علشان لما بنلاقى كله كده التطور الطبيعى للحاجه الساقعه اننا كمان نبقى كدا يا جماعه المجتمع كله منهار والمبادئ بح وانتو خلتونى اتفتح ليه ماكنت مقفول ههههههههههه منه لله صاحب الموضوع ههههههههههههه

[Karim_Monir]

عايزة تعرفي صاحبك
في موقف او ضيقة
حتى لو مش صاحب
العلاقات الانسانية كتير كانواع ودرجات
يعني مثلا ماينفعش زميلي في الشغل اطلب منه واتقل علية الا لو ترقى لدرجة اني فعلا بقى ليا عندة رصيد يسمحللي اطلب منه
مع ان في ناس من غير مايكون ليا عندهم رصيد بيطلعو اكتر مما اكون متخيل
خدى مثال وانا في وقت المفروض ان الحساسية عندي زيادة فيه لاني مريض والمريض حساسيتة اعلى من الشخص العادي

زميلي في الشغل وشايل عنه بلاوي وفي اي زنقة بيلاقيني في ضهرة
مفيش اتصال ولا رسالة يسال عليا
ولو اتصل وانا قافل التليفون هاعرف لانه بيجلي رسالة لما بفتح التليفون تفيد بالاتصال الساعة كام
رغم اني عامل العملية من اكتر من اسبوع وزميلي دكة واحدة _مكتب واحد زي ما بيقولو)
بلاش ده زميل
قرايبي ومن دمي واقارب درجة تانية وقبل العملية بيومين كنا في مناسبة عائلية وعارفين وبيهزروا عن العملية ومعايا في نفس الشركة وسكنهم قريب قوي مني
مش هاقولك زاروني في المستشفي لالا مش فاضيين
مش هاقولك زاروني في البيت لالالا البيت بعيد (10 دقايق بالكتير بعربياتهم)
مش هاقولك هروني اتصالات لغاية ما قرفت لالالالا

والله ولا حتى رسالة يتيمة على الموبايل
وقبلها باسبوع كان واحد منهم قارفني عشان اكلمة التوكيل اللي حاجز منه يستعجلة الحجز بدل من 3 شهور خليتهولة في نفس الاسبوع
!!!!!!!!!!!!!!!!!!!!!!!!!!!!!!!!!!!!!!

رغم انك تلاقي اتصالات دولي من ناس زمايلنا مش عايزين يقولو اساميهم ويقوللي بنطمن عليك بس وتقوم بالسلامة
وزيارات من ناس علاقتي بيهم مازادتش عن شهر او اتنين وبيسموها علاقة سطحية مش وطيدة
ورسائل من ارقام معرفهاش يدعولي فيها من غير مايقولو اساميهم تجنبا للرياء
ده بيسموة بقى حب في الله

تستنتجي من ده كله ايه
تعاملي الرب مش العبد
وانا بقيت اعمل كدة عشان اخد الفايدة في الاخرة
واحتسب

[SunSet]

انا عاوزة اقول حاجة

هو ليه علاقات النت والمنتديات بتبقى افضل؟

يعني ما ممكن هو نفس الشخص يكون في العالم الحقيقي ليس الشهم او الصديق الصدوق ولكن في العالم الافتراضي جدع جدا ولو حد طلب منه حاجة يلبي على طول وحتى لو تطلب الامر مشوار وليس كلام فقط

مش عارفة اقول ايه بس

هو احنا بقى عندنا انفصام مثلا

والا لما اتوجعنا من الناس الحقيقين بقينا كدة لكن جوانا لسه عاوز جو نظيف فبيدور عليه في عالم خيالي افتراضي؟

[human]

عايزة تعرفي صاحبك
في موقف او ضيقة
حتى لو مش صاحب

من الاخر
ماتتوقعش من الناس كتير عشان ماتحسش دوما باحباط او بنوع من الاستغراب او الضيق لما تبقى متوقع حاجه من الناس

دايما توقع ان مافيش عشان لو حد قالك صباح الخير تبقى مبسوط


هيه كده يا كريم

[M.Osman]

انا عاوزة اقول حاجة

هو ليه علاقات النت والمنتديات بتبقى افضل؟

يعني ما ممكن هو نفس الشخص يكون في العالم الحقيقي ليس الشهم او الصديق الصدوق ولكن في العالم الافتراضي جدع جدا ولو حد طلب منه حاجة يلبي على طول وحتى لو تطلب الامر مشوار وليس كلام فقط

مش عارفة اقول ايه بس

هو احنا بقى عندنا انفصام مثلا

والا لما اتوجعنا من الناس الحقيقين بقينا كدة لكن جوانا لسه عاوز جو نظيف فبيدور عليه في عالم خيالي افتراضي؟

مع احترامي لرأي حضرتك
و طبعاً هنا في ناس كتير محترمة ...

بس في الأول و الأخر هم هم نفسهم المصريين اللي موجودين في الشارع... فيهم الكويس النادر و فيهم الوحش

[SunSet]

مع احترامي لرأي حضرتك
و طبعاً هنا في ناس كتير محترمة ...

بس في الأول و الأخر هم هم نفسهم المصريين اللي موجودين في الشارع... فيهم الكويس النادر و فيهم الوحش

يبدو حضرتك فهمتني غلط

انا لا اقصد حد بعينه انا باتكلم بشكل عام

[icehearted girl]

مين مضايقك يانور؟؟


شاوري بس