المصلحجية ....

[م.محمد علاء]

كلام حضرتاك منطقى..بس مينفعش ان الواحد يغير من طبعه...عشان فيه شوية ناس سيئه معاه..
الطبع غلاب..
و الوحش وحش و حيفضل طول عمره كده...
الواحد لو كويس وقابل ناس وحشه..وعملت فيه مقالب..كل اللى مفروض يتغير فيه..
انه يكون حذر شويه.
وربنا يعينا على ان نتحمل

[Karim_Monir]

انا عاوزة اقول حاجة

هو ليه علاقات النت والمنتديات بتبقى افضل؟

يعني ما ممكن هو نفس الشخص يكون في العالم الحقيقي ليس الشهم او الصديق الصدوق ولكن في العالم الافتراضي جدع جدا ولو حد طلب منه حاجة يلبي على طول وحتى لو تطلب الامر مشوار وليس كلام فقط

مش عارفة اقول ايه بس

هو احنا بقى عندنا انفصام مثلا

والا لما اتوجعنا من الناس الحقيقين بقينا كدة لكن جوانا لسه عاوز جو نظيف فبيدور عليه في عالم خيالي افتراضي؟

عشان انتي اللي بتختاريهم مش هما بيتفرضوا عليكي
يعني انا عمري ماكنت هاتعرف على حضرتك في اي مكان لا ظروف شغل ولا نادي ولا غيرة
لكن هنا انتي اتعرفتي وطلبتي وناس جاوبتك ولقيتي ناس ممكن تجيلك لغاية بيتك تساعدك مش عايزة منك حاجة لله فقط (لحساسية كونك انثى في مجتمع افتراضي ده صعب لو كنتي رجل كنتي هاتعرفي ان كلامي صح)
وماتقارنيش نايل موتورز باي مكان تاني مش عشان انا واحد من اللي ساهمو بصنع المكان ده
بس الناس هنا طبيعتها مختلفة
واللي مش كويس بيحاول يكون كويس عشان المكان واهله بفضل الله كويسين
ربنا يديمها نعمة

[ابوهاشم]

تستنتجي من ده كله ايه
تعاملي الرب مش العبد
وانا بقيت اعمل كدة عشان اخد الفايدة في الاخرة
واحتسب

الكلمتين دول هما الخلاصه
ونطلب من الله الهدايه للجميع

[م.محمد علاء]

عشان انتي اللي بتختاريهم مش هما بيتفرضوا عليكي
يعني انا عمري ماكنت هاتعرف على حضرتك في اي مكان لا ظروف شغل ولا نادي ولا غيرة
لكن هنا انتي اتعرفتي وطلبتي وناس جاوبتك ولقيتي ناس ممكن تجيلك لغاية بيتك تساعدك مش عايزة منك حاجة لله فقط (لحساسية كونك انثى في مجتمع افتراضي ده صعب لو كنتي رجل كنتي هاتعرفي ان كلامي صح)
وماتقارنيش نايل موتورز باي مكان تاني مش عشان انا واحد من اللي ساهمو بصنع المكان ده
بس الناس هنا طبيعتها مختلفة
واللي مش كويس بيحاول يكون كويس عشان المكان واهله بفضل الله كويسين
ربنا يديمها نعمة

الله عليك يا كريم باشا والله..
كل يوم بعرف فعلا ان شخصيتك انت ومن معك هي اللى طلعت منتدي بهذا الشكل فعلا.
ربنا يكرمك.يا رب.
و نبقى في يوم أصحاب برغم فارق السن..
بس متقوليش تشيكن شنغهاي بردو..معلش مليش فيه

[Eng_Mostafa_89]

بمر بنفس الاحساس دة حاليا
احد اقرب الاصدقاء ليا كان هرينى اتصالات ورسايل كل دة علشان كان طالب منى طلب
وفى الاخر بعد لما خلصت الطلب وقضيتهولة مبقتش اشوف اسمة على التليفون ولا حتى سؤال
برغم انة احرجنى مرتين مع الناس وقلت معلش
واتزنقت فى مرة وكنت عايز اكلمة افضفض معاه
اتصلت بية وقلتلة انت فاضي قال لي لية انت عايز حاجة ؟
قلتلة عايز ادردش معاك شوية
قلى طيب معلش انا برة والتليفون ممكن يفصل منى شحن لما اروح بليل هرنلك ابقى اتصل.
استنى بليل الرنة مفيش
تانى يوم الاقية بيرن ويقولى كنت عايز اية ؟
قلتلة خلاص مفيش

واخدت قرار انة توفى خلاااااااااااااااااااااص بالنسبالى
وبجد دة واحد من اعز اصدقاء وكانوا قريبين جدا لنفسي
بس عادى يا ما الواحد خسر مجاش علية

والحمد لله ربنا كرمنى ب3 اصدقائى ربنا يخلينا لبعض فى الفرح موجودين وفى الحزن موجودين

وفى المنتدى هنا والله الكلام دة بقولة بكل صدق
بحب الناس هنا جدا لاننا بنخدم بعض من غير منعرف بعض وحتى كمان ممكن منعرفش اسامينا
ودى اكتر حاجة بحبها فى المنتدى
ربنا يبارك للى قاموا بانشاء المنتدى الجميل دة

[نور القمر]

انا لو قعدت احكي مواقف معينة مش هخلص من كترها
المهم اني دلوقت نفسي مسدودة من ناس كتير وبطلت اسأل عليهم ولو اتصلوا ببقه بتكلم من غير نفس بطريقة ملحوظة عليا
والكل بيتهمني حاليا بالتقصير في السؤال !!!!

[kemoelord]

اولا : انا اشكرك يا نور على الموضوع الجميل والمهم في الحقيقه نظرا لمعاناة معظم الناس زي ما احنا شوفنا في المنتدى

ثانيا : الف سلامه على اخونا الاستاذ كريم منير على العمليه وربنا يطمنا عليك يا رب على طول بس والله ما كنت اعرف الا دلوقتي من خلال الموضوع وعلى فكره انا بعاني زي حضرتك من الحساسيه .

ثالثا : انا تقريبا عامل زي الاخ روميو مش بعرف اقول لا لحد ودي مصيييبه كبرى لان انا كنت بسخر كل مجهودي على الاخرين وكنت بفكر في مصالحهم قبل مصالحي وكنت بعمل حساب اوي للناس بقيت اجي على نفسي وعلى صحتي وعلى اكلي بس في الاخر قولت لما يحصلي لا قدر الله مفش حد هيقدر ينفعني , الحقيقه زي ما ربنا رزقني بالناس المصلحجيه رزقني بناس تقدرني زي ما بقدرهم وبيساعدوني زي ما بساعدهم

رابعا : المصيبه ان الناس دي زي ما قال الاعضاء هنا لا بتتكسف ولا بيبقى عندها دم ولا احساس وهم بيطلبوا طلبات احيانا تكون سخيفه واحيانا تقولهم انا مش هقدر ويغصبوك واحيانا ترفض وتبقى كده انت ارتكبت اكبر جرائم في العالم وممكن يفضلوا مخصمينك لعشرات الايام ولا يفرق معاهم والمشكله لما تيجي انت تتطلب منهم طلب تقعد تتحايل عليهم ويتامروا عليك وعمرهم ما هيبذلوا جهد لخدمتك والواحد اساسا مخزن عندهم رصيييييد من الجمايل والخدمات

خامسا : الحل هو تجاهلهم بشكل تااااااااااام والواحد لما يجي يطلب يطلب من ربنا وليس العبد

[SunSet]

انا لو قعدت احكي مواقف معينة مش هخلص من كترها
المهم اني دلوقت نفسي مسدودة من ناس كتير وبطلت اسأل عليهم ولو اتصلوا ببقه بتكلم من غير نفس بطريقة ملحوظة عليا
والكل بيتهمني حاليا بالتقصير في السؤال !!!!

هم للاسف اكيد مش بيحسوا خالص انهم بيعملوا حاجة اصلا او عاوزين يفضلوا على طول يأخدوا وما يدوش فعشان كدة بيتهموكي انك انت اللي مقصرة

[icehearted girl]

معنديش كلام اقوله..

[نور القمر]

عندك حق يا مسلمة فعلا اللي بيتعود ياخد ميديش بيقفد الاحساس
انا ديما اقول يا رب ميكونش حد واخد عني الانطباع عشان كدة ديما اللي قدملي خدمة باي صورة بحاول اداوم على السؤال عنه بقدر الامكان

هههههههههههههه كفاية عليكي ال 3 كلمات دول يا ام حماس انتي هتقطعي نفسك

[icehearted girl]

لامعنديش كلام اقوله ملكسوف


انا حسة اني مقصرة فحقك

بدرجة كبيرة كمان..

[SunSet]

لامعنديش كلام اقوله ملكسوف


انا حسة اني مقصرة فحقك

بدرجة كبيرة كمان..

ايه ده ايه ده

هو الموضوع كدة

[Khaled_Nowaihy]

آه افتكرت دلوقت ..... على ما اذكر ان الأخت ام حماس كتبت عن الموضوع ده قبل كده الشهر الماضى .... بس كان من زاوية مختلفة عن تجربتها مع زميلاتها ....