مشروع مبارك لاسكان الشباب هام وعاجل وياريت راى الاخوه فى المنتدى

[حسام كرم]

مشروع اوراسكوم لتكسين 50 الف وحده سكنيه


شركه اوراسكوم للإسكان التعاونى

مشروع 6 أكتوبر

لتسكين 50 الف وحده سكنيه

حسب برنامج الرئيس محمد حسنى مبارك

مكان المشروع

المشروع موجود خلف دريم لاند 6 اكتوبر , ليس ببعيد عن الطريق الرئيسى

المشروع عباره عن 50 الف وحده سكينه

مساحه الوحده 63 متر مربع

بدأ المشروع بفتح باب القديم على 300 وحده سكنيه

الاستلام

بعد 12 - 14 شهر

الشروط والقيود

ان يكون مرتب الاعذب اقل من 1000 جنيه مصرى وأكبر من 400 جنيه وللمتزوج أن يكون المرتب اقل من 1500 جنيه

ان يكون المتقدم لشراء الوحده لا يوجد عقار ملك بأسمه او ايجار قديم بأسمه

لا يجوز التقدم من قبل الزوجه والزوج ولكن يجوز ان تتقدم انت ويتقدم اخوك ايضا فى نفس المشروع

لا يجوز التعديل فى العقار مثل ان تفتح شقتان على بعضهما البعض عن طريق هدم الحائط بين الشقتين

الاوراق المطلوبه للتقديم

فقط صوره البطاقه الشخصيه - ويجب ان تكون رقم قومى

مفردات مرتب يبين ان مرتبك متوافق مع الشروط

سحب استماره تقديم ب 300 جنيه , مبلغ لا يرد فى حاله الالغاء

دفع مبلغ 500 جنيه اذا كنت تريد التقسيط ولا تريد الشراء الفورى

كدفعه مقدمه تحت حساب حجز وحده سكنيه بمشروع 6 اكتوبر

شكل المبنى

المبنى عباره عن طابقان فقط , كل طابق به شقتان , لا يوجد بلكونات فى المبنى بالكامل , لا يوجد اساس اسمنتى حيث انه مبنى بنظريه الحوائط الحامله , شكل العقار من الداخل عباره عن صاله حوالى 3.3 متر × 3.3 متر , وهناك حجرتان مساحتهم حوالى 3 متر × 3 متر ومطبخ وحمام , الدور العلوى لا يوجد به سقف اسمنتى ولكن يوجد قبه " مثل المساجد " مصنوعه من الطوب الأحمر

سعر الوحده السكينه

فى حاله الدفع الفورى

الطابق العلوى 68000 جنيه

وتدفع عنك الحكومه 10000 جنيه مصرى

ليكون صافى المبلغ المدفوع 58000 جنيه مصرى

الطابق السفلى : 78000 جنيه مصرى

وتدفع عنك الحكومه 10000 جنيه مصرى

ليكون صافى المبلغ المدفوع 78000 جنيه مصرى

فى حاله الدفع النقدى الفورى يتم التعامل مباشره مع شركه اوراسكوم

فى حاله الدفع بالتقسيط

تقوم شركه تمويل للتمويل العقارى بتقسيط المبلغ

عن طريق التعاون مع بنكين منهم بنك الاهلى سوستيه جنرال

و يتم التقسيط حسب مرتبك

ونذكر هنا مثال للتوضيح ولكن هذا المثال على أن الشقه فى الدرو العلوى بالاسعار القديمه

اذا كان مرتبك 1000 جنيه

ولا تملك عقار بأسمك ولا ايجار قديم بأسمك

واردت ان تحصل على الشقه عن طريق التقسيط

لو اردت ان تقسطها على 18 سنه

عليك ان تدفع 15 الف جنيه مصرى كدفعه مقدمه

ومعه مصاريف 1500 جنيه مصرى

عليك ان تدفع ايضا شهريا فى الثمانيه سنوات الاولى 250 جنيه مصرى

وفى اخر عشره سنوات 450 جنيه مصرى

وعليك ان تدفع دفعات سنويه 2395 جنيه مصرى طوال ال ثمانيه عشر سنه تبدا مع الدفعه المقدمه تقريبا او بعدها بوقت قليل

منقول ويا ريت راى الاخوه الزملاء

[ابو سيف]

الحاجات دي جميله جدا طبعا و لكن ساعات كتير جدا الواسطه فيها بتدخل تدخل رهيب لحسم الموقف


عموما يا ريت تقولنا مكان التقديم بتاع الورق فين؟؟؟ لحد امتى؟؟؟

[TAG_Turbo0]

الى حضرتك بتوصفه ده عششمش شقق بوصف حضرتك يطلع مساحه الشقهصافى لا يتجاوز 40 متر مربع
يعنى المتر معدى الالف جنيه فى مبانى حوائط حامله يعنى مفيهاش خرسانات مسلحه بمعنى أخر أرخص انواع المبانى
وبعدين موضوع القبب ده ليه مميزات وعويب
مميزاته انه بيعمل زى تكييف طبيعى _يعنى الشقه دافية فى الشتا وطراوه فى الصيف_
بس عيبه انه غير مريح للساكن وخوصا فى غرف النوم _تحس انك نايم فى قبر_

دى وجهه نظرى القاصره بما انى معمارى

[hero]

المشكلة مش في كدة...
هل هناك نسبة من الارض تملك لصاحب الشقة....ولا هو بيشتري الحيطان والطوب فقط وفي حالة انهيار المبني او عدم صلاحيتة ...يبقي خلاص راحت علية الفلوس...ولا لية نصيب في الارض علي الاقل...

[bimmeraddict]

الموضوع مقلق............لية دورين بس(أكيد لو يطولوا يبنوا برج كانوا بنوا)........كمان المبنى من غير أساسات يعني عمرة الافتراضي قليل........كمان السعر مش رخيص أوي(مش لقطة)..............أنا حاسس والله أعلم أن أوراسكوم عاملة الموضوع دة يا أما تسقيع أراضي لحد ما سعرها يرتفع أو ........عشان تاخد اعفائات ضريبية؟
ولا المالك لة حصة في الأرض؟؟؟؟لو كددة يبقى فية حاجات كتير تتغير

[bassam nagy]

المشروع موجود خلف دريم لاند 6 اكتوبر , ليس ببعيد عن الطريق الرئيسى

هو على فكرة خلف مدينة الانتاج الاعلامى الماجيك لاند والتقديم فى شركة اورسكوم فى اخر شارع جامعة الدول العربية من ناحية العجوزة

تم تعديل المرفقات بواسطة الادارة
(1)

[sokasoon]

الموضوع فاشل جدااااا بعدين دى ماتنفعش طبعا

لو مساحة الشقة 63 متر وده كمان مش صافى المساحة

صافى المساحة مش هيزيد عن 55 متر تقريبا وكمان الاسقف قبب

ومافيش اساس خسارة فيها الفلوس

[ابوشريف]

بالمقارنه بالمواصفات المذكوه فانا شايف ان الاسعار مبالغ فيها مش فرصه ابدا

ومتستحقش الاهتمام ده كله

[الريس]

اللي رافضين و بيقولو عشش و بتاع
بالراحة شوية .. لو انت شاب و محيلتكش غير 15 الف جنيه
ممكن سعادتك تجيب بديل افضل؟ و لا هو تقفيل الابواب في وش الناس
انا اكره النظرة الفوقية للاشياااااااااااااااااااااااااء
و اتمنى من كل الاعضاء الا ينزلقوا لتلك النظرة المبنية على ظروف كل منهم و ليس على واقع اغلب الشباب

[sokasoon]

اللي رافضين و بيقولو عشش و بتاع
بالراحة شوية .. لو انت شاب و محيلتكش غير 15 الف جنيه
ممكن سعادتك تجيب بديل افضل؟ و لا هو تقفيل الابواب في وش الناس
انا اكره النظرة الفوقية للاشياااااااااااااااااااااااااء
و اتمنى من كل الاعضاء الا ينزلقوا لتلك النظرة المبنية على ظروف كل منهم و ليس على واقع اغلب الشباب

ايوه بس لو شاب وهيتجوز قولى مين ديه

اللى هترضى تقعد فى شقة 50 متر

ده لو الشقة ماكانتش اقل من 150 متر مش هترضى بيك

احنا بنتكلم عن الواقع مش خياااااااااااال

انما لو شاب اعذب مافيش مشكلة انما للزواج لا

[Hassan Khalil]

ايوه بس لو شاب وهيتجوز قولى مين ديه

اللى هترضى تقعد فى شقة 50 متر

ده لو الشقة ماكانتش اقل من 150 متر مش هترضى بيك

احنا بنتكلم عن الواقع مش خياااااااااااال

انما لو شاب اعذب مافيش مشكلة انما للزواج لا

يا سعادة الباشا sokasoon
ابشر حضرتك بانك انت كده فعلا بتتكلم عن الخياااال مش الواقع ..
انزل يا سيدي التجمعات دلوقتي و بص علي مساكن الجهاز ( التعاونيات ) ..الشباب بيدور دلوقتي علي اي ( خن ) يتاويه زي ما بيقولوا ..لدرجة ان ممكن تلاقي مسافات الشرق و الغرب بين سكنه و جهة عمله الا انه مستحمل غصب عنه لانه مش عارف يجيب غيره ..و قصدي بالشباب هنا ( الفئة العمرية ما بين 27 - 32 سنة ) بعدما ارتفع متوسط سن الشباب !!!!
خاصة ان كل المساكن الجديدة في مدن جديدة او مستحدثة ..ناهيك عن بهدلة المواصلات ..
انا شخصيا واحد من الناس اللي فضلت فترة محترمة باحاول اجيب شقة 64 متر في التجمع او الشروق ..و المساحة دي بقت من احلام الشباب دلوقتي في ظل الحالة المهينة اللي البلد بتعيشها .
بل اقولك ..انني نشأت و تربيت مع اسرتي في شقة لا تتعدي مساحتها 70 متر .

اما من ناحية ان واحدة ترضي بهذه المساحة و اللا مترضاش ...فالطيبون للطيبات .. و نظرات الناس و تقديرهم للمواقف و الاشخاص مختلفة .. و لن يكلف الله نفسا الا وسعها .

لكن ..ارجع و اقوللك ..الشقق دي ( بتاعة اوراسكوم ) تعتبر غالية ..خاصة ان المنطقة لم تدخلها خدمات بعد .. و لم يعرف شيئ حتي الان عن ظروف مواصلاتها ...وواضح انها في المقام الاول سبوبة بين اوراسكوم و حكومتنا المصونة .

[ahmedfd]

اللي رافضين و بيقولو عشش و بتاع
بالراحة شوية .. لو انت شاب و محيلتكش غير 15 الف جنيه
ممكن سعادتك تجيب بديل افضل؟ و لا هو تقفيل الابواب في وش الناس
انا اكره النظرة الفوقية للاشياااااااااااااااااااااااااء
و اتمنى من كل الاعضاء الا ينزلقوا لتلك النظرة المبنية على ظروف كل منهم و ليس على واقع اغلب الشباب

+1000000000

[sokasoon]

يا سعادة الباشا sokasoon
ابشر حضرتك بانك انت كده فعلا بتتكلم عن الخياااال مش الواقع ..
انزل يا سيدي التجمعات دلوقتي و بص علي مساكن الجهاز ( التعاونيات ) ..الشباب بيدور دلوقتي علي اي ( خن ) يتاويه زي ما بيقولوا ..لدرجة ان ممكن تلاقي مسافات الشرق و الغرب بين سكنه و جهة عمله الا انه مستحمل غصب عنه لانه مش عارف يجيب غيره ..و قصدي بالشباب هنا ( الفئة العمرية ما بين 27 - 32 سنة ) بعدما ارتفع متوسط سن الشباب !!!!
خاصة ان كل المساكن الجديدة في مدن جديدة او مستحدثة ..ناهيك عن بهدلة المواصلات ..
انا شخصيا واحد من الناس اللي فضلت فترة محترمة باحاول اجيب شقة 64 متر في التجمع او الشروق ..و المساحة دي بقت من احلام الشباب دلوقتي في ظل الحالة المهينة اللي البلد بتعيشها .
بل اقولك ..انني نشأت و تربيت مع اسرتي في شقة لا تتعدي مساحتها 70 متر .

اما من ناحية ان واحدة ترضي بهذه المساحة و اللا مترضاش ...فالطيبون للطيبات .. و نظرات الناس و تقديرهم للمواقف و الاشخاص مختلفة .. و لن يكلف الله نفسا الا وسعها .

لكن ..ارجع و اقوللك ..الشقق دي ( بتاعة اوراسكوم ) تعتبر غالية ..خاصة ان المنطقة لم تدخلها خدمات بعد .. و لم يعرف شيئ حتي الان عن ظروف مواصلاتها ...وواضح انها في المقام الاول سبوبة بين اوراسكوم و حكومتنا المصونة .

كلامك سليم بس ديه مش شقق يتسكن فيها وكمان سعرها مغالى فيه جدااا

[حسام كرم]

مشروع مبارك للشباب

انا اسف جدا يا جماعه اننى لم اشارك معكم فى هذا الحوار الجميل من الامس
واحب ايضاح بعض النقاط قبل النقاش معكم وهى كالتالى :-
- الموضوع مش سبوبه ولا حاجه الشقق بالفعل موجوده ومبنيه وهى عباره عن وحدات كل وحده عباره عن عماره او بيت كما تريدوا تسميته مكون من دورين الدور الاول به شقتين والدور العلوى به شقتين
- الشقه العلوى بمساحة 63 متر عباره عن 2 غرفه 3*3 + صالة 3.5*3.5 + حمام 1.5*1.5 + مطبخ 2.5*2.5 به ارج على النظام الامريكى مفتوح على الرسيبشن والشقه متشطبه تشطيب كامل حوائط بلاستيك + ارضيات سراميك الشقه بالكامل + كهرباء + سباكه سخن وبارد+سيراميك حمام لنصف الحائط + حوض استانلس للمطبخ وسيراميك فوق الحوض واطقم خلاطات وطقم حمام وبانيو قدم وسقف الشقه عباره عن قباب بارتفاع حوالى 5 متر للغرفه مما يعطيك احساس بالاتساع ويساعدك فى الارتفاع بالاثاث كالدواليب البلاكار واسرة الاطفال الدورين.
- الشقه السفلى بنفس المواصفات السابقه فيما عدا ان السقف عادى بدون قباب ومضاف الى مساحة الشقه حديقه بمساحة 85 متر ليكون الاجمالى 150 متر ويزداد ثمنها عن الشقه العوى بمبلغ 10 الاف جنيه
- المشروع ملك شركة اوراسكوم للاسكان التعاونى احدى شركات شركة اوراسكوم للفنادق والتنميه احدى شركات مجموعة اوراسكوم التى يمتلكها الملياردير نجيب ساويرس ومنشا على غرار مدينه الجونه بالغردقه نفس التصميم وتوزيع الوحدات على ارض المشروع مع اختلاف الخامات وعدم وجود البحروالجونه يباع فيها الشاليه بمبلغ يصل الى 15 مليون جنيه وفكرة القباب هى اختراع المعمارى العالمى حسن فتحى للسكن الصحى والبيئى
- المدينه عباره عن 30 الف شقة موزعين على 5 مراحل والذى يباع الان هو المرحله الاولى وهى تشمل منطقة خدمات ( مدارس خاص وحكومه - مول - سينما - مستشفى - مشغل - مسجد - كنيسه) ولم يتم تسليم الوحدات الا بعد اكتمال منطقة الخدمات ويوجد اماكن خاصه لباركنج السيارات
- المدينه بها محطات للكهرباء والمياه والصرف خاصه بها
- المدينه سيتم عمل سور لها وسيكون الدخول من بوابات لقاطينيها فقط
- الشوارع واسعه ويوجد الكثير من الاماكن التى ستخصص كحدائق
- المدينه مصممه بحيث تتمتع كل الوحدات بالهواء البحرى وتدخل الشمس جميع الغرف
المشروع يقع خلف مدينة الانتاج الاعلامى مباشرة وعلى ناصية الشارع المؤدى الى المشروع ماجيك لاند وفندق موفنبيك ومن الجهه الاخرى دريم لاند وفندق هيلتون اى انه موقع خرافى ويسبق 6 اكتوبر بمسافه كبيرهواقرب للهرم منه الى اكتوبر وموقع صحى لانها بعيده جدا عن اى مصانع او ورش الى اخره
وعلى اساس ان الشقه العلوى سعرها55 الف والسفلى 65 الف ( بعد دعم الحكومه 10 الاف لاترد ) يتضح ان سعر المتر متشطب 850 جنيه فى حين ان السعر فى دريم لاند المقابله للمشروع او حى الاشجار المجاور للمشروع يبلغ 4 الاف جنيه للمتر
- واحد الاخوه قال مين يرضى يسكن فى شقه 63 متر ويبدوانة مش عايش فى مصر يا استاذى الفاضل الناس مش لاقيه خرم ابره ودلوقتى بيعملول شقق استوديوهات 35 -50 متر حتى فى المشروعات الكبرى كمدينتى ودريم لاند
وعلى فكره شقة الشباب فى القاهره الجديده بتتباع دلوقتى ب100 الف ايوه 100 الف يبقى الموضوع مين الى معاة المبلغ ده من الشباب مش مين الى هيرضى يسكن
وانا عرضت عليكم الموضوع ويا ريت تدونى وجهة نظركم وانا تحت امركم فى اى استفسار

[حسام كرم]

ردا على الاستاذ ساكسون احب ايضاح ان الشقق كاملة المرافق الان وبها كهرباء وماء