مشروع مبارك لاسكان الشباب هام وعاجل وياريت راى الاخوه فى المنتدى

[Karim_Monir]

والله الشقق رائعو والتمن معقول على اي شاب بدأ حياتة
وانا عن نفسي لو واحد من الناس لسه بادئ حياتي لن اتردد اني اقدم فيها
كفاية المكان الصحي
والله انا سمعت ارقام بشعة لشقق اقل ما توصف به انه عشش او قبور في اماكن قذرة بدون تجريح لاماكن سكن حد
ولا تدخلها شمس ولا هواء ويحيط بها النموس والترع من كل مكان والشوارع حدث ولا حرج
وقانون قديم ويدفع من 30 اى 40 الف جنية مقدم ايجار وايجارت شهرية 300 جنية على الاقل
وتقولو على دي غالية
ده كفاية البيئة الصحية اللي الاود يطلعوا فيها

[الريس]

الله ينور على المعلومات يا استاذ كرم
و يا عيني عليك يا كيمو يا فاهم .. يارب في مليون شقة من النوع ده علشان الشباب تتلم في بيت و تتجوز

[sokasoon]

انا اسف جدا يا جماعه اننى لم اشارك معكم فى هذا الحوار الجميل من الامس
واحب ايضاح بعض النقاط قبل النقاش معكم وهى كالتالى :-
- الموضوع مش سبوبه ولا حاجه الشقق بالفعل موجوده ومبنيه وهى عباره عن وحدات كل وحده عباره عن عماره او بيت كما تريدوا تسميته مكون من دورين الدور الاول به شقتين والدور العلوى به شقتين
- الشقه العلوى بمساحة 63 متر عباره عن 2 غرفه 3*3 + صالة 3.5*3.5 + حمام 1.5*1.5 + مطبخ 2.5*2.5 به ارج على النظام الامريكى مفتوح على الرسيبشن والشقه متشطبه تشطيب كامل حوائط بلاستيك + ارضيات سراميك الشقه بالكامل + كهرباء + سباكه سخن وبارد+سيراميك حمام لنصف الحائط + حوض استانلس للمطبخ وسيراميك فوق الحوض واطقم خلاطات وطقم حمام وبانيو قدم وسقف الشقه عباره عن قباب بارتفاع حوالى 5 متر للغرفه مما يعطيك احساس بالاتساع ويساعدك فى الارتفاع بالاثاث كالدواليب البلاكار واسرة الاطفال الدورين.
- الشقه السفلى بنفس المواصفات السابقه فيما عدا ان السقف عادى بدون قباب ومضاف الى مساحة الشقه حديقه بمساحة 85 متر ليكون الاجمالى 150 متر ويزداد ثمنها عن الشقه العوى بمبلغ 10 الاف جنيه
- المشروع ملك شركة اوراسكوم للاسكان التعاونى احدى شركات شركة اوراسكوم للفنادق والتنميه احدى شركات مجموعة اوراسكوم التى يمتلكها الملياردير نجيب ساويرس ومنشا على غرار مدينه الجونه بالغردقه نفس التصميم وتوزيع الوحدات على ارض المشروع مع اختلاف الخامات وعدم وجود البحروالجونه يباع فيها الشاليه بمبلغ يصل الى 15 مليون جنيه وفكرة القباب هى اختراع المعمارى العالمى حسن فتحى للسكن الصحى والبيئى
- المدينه عباره عن 30 الف شقة موزعين على 5 مراحل والذى يباع الان هو المرحله الاولى وهى تشمل منطقة خدمات ( مدارس خاص وحكومه - مول - سينما - مستشفى - مشغل - مسجد - كنيسه) ولم يتم تسليم الوحدات الا بعد اكتمال منطقة الخدمات ويوجد اماكن خاصه لباركنج السيارات
- المدينه بها محطات للكهرباء والمياه والصرف خاصه بها
- المدينه سيتم عمل سور لها وسيكون الدخول من بوابات لقاطينيها فقط
- الشوارع واسعه ويوجد الكثير من الاماكن التى ستخصص كحدائق
- المدينه مصممه بحيث تتمتع كل الوحدات بالهواء البحرى وتدخل الشمس جميع الغرف
المشروع يقع خلف مدينة الانتاج الاعلامى مباشرة وعلى ناصية الشارع المؤدى الى المشروع ماجيك لاند وفندق موفنبيك ومن الجهه الاخرى دريم لاند وفندق هيلتون اى انه موقع خرافى ويسبق 6 اكتوبر بمسافه كبيرهواقرب للهرم منه الى اكتوبر وموقع صحى لانها بعيده جدا عن اى مصانع او ورش الى اخره
وعلى اساس ان الشقه العلوى سعرها55 الف والسفلى 65 الف ( بعد دعم الحكومه 10 الاف لاترد ) يتضح ان سعر المتر متشطب 850 جنيه فى حين ان السعر فى دريم لاند المقابله للمشروع او حى الاشجار المجاور للمشروع يبلغ 4 الاف جنيه للمتر
- واحد الاخوه قال مين يرضى يسكن فى شقه 63 متر ويبدوانة مش عايش فى مصر يا استاذى الفاضل الناس مش لاقيه خرم ابره ودلوقتى بيعملول شقق استوديوهات 35 -50 متر حتى فى المشروعات الكبرى كمدينتى ودريم لاند
وعلى فكره شقة الشباب فى القاهره الجديده بتتباع دلوقتى ب100 الف ايوه 100 الف يبقى الموضوع مين الى معاة المبلغ ده من الشباب مش مين الى هيرضى يسكن
وانا عرضت عليكم الموضوع ويا ريت تدونى وجهة نظركم وانا تحت امركم فى اى استفسار

حضرتك ماوضحتش الكلام ده خالص فى بداية موضوعك

بالتالى كان الحكم عليها مختلف على العموم شكرااا لطرح موضوعك

[حسام كرم]

حضرتك ماوضحتش الكلام ده خالص فى بداية موضوعك

بالتالى كان الحكم عليها مختلف على العموم شكرااا لطرح موضوعك

العفو يا اخ sokasoon بس الكلام الى فى الاول كان منقول اما المعلومات الى انا كتبتها نتيجة زيارتى للموقع ومقر شركة اوراسكوم
وشكرا جزيلا لكم
وانت راى حضرتك دلوقتى ان السعر كده مناسب ام لا علما بان السعر بعد التقسيط على 15 سنه طبقا لنظام التمويل العقارى والذى تقوم الشركه به ايضا وبعض بوليصة تامين اجبارى على الحياه والشقه بقسط 20 جنيه شهريا متناقص وبعد دعم الدوله ب10 الاف جنيه سيصل سعر الوحده الى قرابة ال100 الف

[CryptonX]

يا جماعة ... انا عن نفسي شاب جديد و لسة خاطب . و للأسف معييش امكانيات اشتري شقة تمليك في مكان قريب من عملي او سكني الاصلي ( مدينة نصر )

الشقة الي انا ساكن فيها ( مع اهلي ) 220 متر كنا واخدنها سنة 1992 بحوالي 110 الف جنيه و الناس قالت علينا مجانين ...

دلوقتي في شفة في عمارتنا مطروحة ب 750 الف جنيه للبيع او 3500 جنيه شهريا ايجار بدون عفش .

يعني اما انا اطلع من شقش والدي الله يكرمه و يحفظه ليا .. اكيد مش لو هو مش قادر يساعدني وانا لسة شاب في اول عمري .. اكيد معندشي امكانية اني اسكن في نفس المستوى الي انا ساكن فيه .

فبالتالي نظريا ليا انا .. يا حدور علي حاجة قريبة من سكني و عملي ( علشان ابقى قريب لأهلي لو احتاجه شيء لآني انا الوحيد تقريبا ) و من عملي علشان مضطرش اسيبه بسبب بعده .

و بالتالي دورت في مدينة نصر , و اكتشفت ان فكرة شراء شقة تمليك بالتفسيط او بأي طريقة اخرى لواحد معندوش في البنك غير رقم مبغ مكوم من رقمين .. لا يتجاوزا ال 20 الف . صعب جدا .

فبصراحة انا حاخد ايجار جديد .. مؤقتا لحد مالواحد يشوف اذا كان حيكمل في البلد اصلا و لا لآ ..

فالمشاريع دي .. بصرف النظر عن اي شيء .. في ناس محتاجها بشدة .. انا علشان اكون صريح بدور علي حاجة متقلش عن 100 متر .. علشان انا مش ناوي اغيرها لفترة من الزمن ..

و لاحظت ان معظم سكان و جيران منطقتنا ( عباس الغقاد ) الاغنياء منهم او الفقراء .. 80% منهنم ايجار قديم بايجارات لا تتعدى ال 100 جنيه في الشهر .. ودول ناس تعبوا و شقيوا و سافروا برة !

حاجي انا الي متمتش 25 سنة حتى افكر اسكن في 500 م في عباس العقاد بمليون جنيه !!
والله حرام عليا حتى لو معايا تمنها !!

دي وجهة نظري المتواضعة و انا شايف ان الايجار افضل شيء للي في حالتي .

[sokasoon]

العفو يا اخ sokasoon بس الكلام الى فى الاول كان منقول اما المعلومات الى انا كتبتها نتيجة زيارتى للموقع ومقر شركة اوراسكوم
وشكرا جزيلا لكم
وانت راى حضرتك دلوقتى ان السعر كده مناسب ام لا علما بان السعر بعد التقسيط على 15 سنه طبقا لنظام التمويل العقارى والذى تقوم الشركه به ايضا وبعض بوليصة تامين اجبارى على الحياه والشقه بقسط 20 جنيه شهريا متناقص وبعد دعم الدوله ب10 الاف جنيه سيصل سعر الوحده الى قرابة ال100 الف

ده بالنسبة للتقسيط انما هيا كاش سعرها كويس

[حسام كرم]

الفكره دلوقتى والسوال ياجماعه
هل الصح ان الواحد يدفع على الاقل 500 جنيه فى شقه قانون جديد لمساحه لن تزيد على الاكثر عن 100 متر او 30-40 الف قانون قديم زى ما الاخ كريم قال ولا الواحد يدفعهم فى شقه زى ديه واسمها تمليك وياقلم نفسه على هذه المساحة ويستفيد من جوها الصحى او حتى يسيبها لولاده الى زمنهم هيكون اسوء مائة مره من الحالى او ياجرها بعد استلامها وتجيب قسطها ويبقى اشتراها بالمقدم اى انها فرصه ومش هتخصر والى دلوقتى بقرش بكره بقرشين
يا ريت يا جماعه تدونى رايكم

[Nile Heart]

والله الشقق رائعو والتمن معقول على اي شاب بدأ حياتة
وانا عن نفسي لو واحد من الناس لسه بادئ حياتي لن اتردد اني اقدم فيها
كفاية المكان الصحي
والله انا سمعت ارقام بشعة لشقق اقل ما توصف به انه عشش او قبور في اماكن قذرة بدون تجريح لاماكن سكن حد
ولا تدخلها شمس ولا هواء ويحيط بها النموس والترع من كل مكان والشوارع حدث ولا حرج
وقانون قديم ويدفع من 30 اى 40 الف جنية مقدم ايجار وايجارت شهرية 300 جنية على الاقل
وتقولو على دي غالية
ده كفاية البيئة الصحية اللي الاود يطلعوا فيها

+1000

كلام خلاصه

[mino]

يا ريت يعملوا حاجة كدة في اسكندرية ! !

[جندى مجند]

شكراً للأخ الفاضل حسام كرم على فتح الموضوع دة ... لو الشقق بالمواصفات دى و مبنية على طراز الجونة و المساحات الخضراء دى فأنا شايف انها فعلاً اختيار رائع جداً للشباب المقبل على بدء حياته لأن الاختيارات اللى فى حدود المبلغ دة زى ما قال أخى كريم منير سيئة للغاية للأسف و دة واقع الحياة دلوقتى ...

طيب هو اللى يشترى الشقق دى لازم تنطبق على الشروط المذكورة حتى لو حيدفع كاش وللا الشروط دى خاصة بالتقسيط فقط؟؟ لأن كدة أنا بأفكر جدياً أجيب فيها .. و هل يمكن فى الحالة دى شراء أكتر من وحدة و فتحهم على بعض؟

[جندى مجند]

يا ريت يعملوا حاجة كدة في اسكندرية ! !

+1

اسكندرية للأسف كل المشاريع اللى بتتعمل فى الامتدادات العمرانية الجديدة لها كطريق محور التعمير و الكنج مريوط الأسعار فيها خيالية ... يعنى آخر رقم كنت سامعه من عدة أشهر لسعر شقة صغيرة فى المدينة التى تبنى حالياً على محور التعمير (مش متذكر اسمها بس مفيش غير مدينة واحدة حالياً) كان 400 ألف!!!!

[eng_mkhalaf]

دي وجهة نظري المتواضعة و انا شايف ان الايجار افضل شيء للي في حالتي .

+1000000000
زى الأمارات والسعودية مفيشى تمليك خالص وهو دة غللى مصر رايحة لية
انا ممكن أجيب الشقة دية - كأستثمار أو كحاجة أقضى فيها نهاية الأسبوع أو لما أتخانق مع المدام وأسيب ليها البيت :-)
طب سؤال هل يوجد نسبة فى الأرض ولا لاة

[mido777]

+1

اسكندرية للأسف كل المشاريع اللى بتتعمل فى الامتدادات العمرانية الجديدة لها كطريق محور التعمير و الكنج مريوط الأسعار فيها خيالية ... يعنى آخر رقم كنت سامعه من عدة أشهر لسعر شقة صغيرة فى المدينة التى تبنى حالياً على محور التعمير (مش متذكر اسمها بس مفيش غير مدينة واحدة حالياً) كان 400 ألف!!!!

اسمها " الكس وست " Alex West
بس ده سكن فاخر جدا جدا على غرار " مدينتى " - طلعت مصطفى
انما فى حاجة تانية اسمها " اسكندرية الجديدة " بعد الكيلو 21 - اسمع - ان اسعارها معقولة بس تقريبا المشروع متوقف الأن

[eng_mkhalaf]

طيب هو اللى يشترى الشقق دى لازم تنطبق على الشروط المذكورة حتى لو حيدفع كاش وللا الشروط دى خاصة بالتقسيط فقط؟؟ لأن كدة أنا بأفكر جدياً أجيب فيها .. و هل يمكن فى الحالة دى شراء أكتر من وحدة و فتحهم على بعض؟

أنا عايز تفاصيل أكتر على نظام اكاش

[حسام كرم]

العفو يا استاذ جندى مجند
وهناك بعض الاشياء نسيت اقولها لكم
- للمشترى فى المشروع حق اختيار الجار وهو بند اصيل فى العقد اى انه من الممكن ان تختار شركائك فى المبنى اى انك تضمن جيرانك لو كانوااقاربك او اصدقائك
- يتم تمليك حصة الارض مع الوحده ويذكر ذلك فى عقد الشقه ( مساحة ارض العماره 300 متر يتم تقسيمها على اربع شقق )
ملحوظه ( سعر متر الارض فى دريم المقابله للمشروع يبلغ حوالى 4 الاف جنيه ) بس اكيد ساويرس واخدها بسعر رمزى بس احنا لينا يتهيالى سعر المنطقه والمهندسين فى الموقع ذكروا ان المشروع نسخه بالكربون من الجونه فيماعدا عدم وجود بحر وملاعب جولف الا انه سينشل نادى بالمشروع خاص بسكان المشروع
- شيى اخر هام وهو انك لك الحق الكامل فى التصرف فى الوحده بعد 5 سنوات عكس المشروعات السابقه والتى كان يتم التحايل فيها بعقود من الباطن لبيع الوحدات
فرايكم ايه بعد هذه الايضاحات ايها الاخوه