جماهير في قمة التعصب !!!!!!

[kemoelord]

اشتبكت جماهير نادي الاسماعيلي مع قوات الامن في استاد القاهرة اثناء مباراة الفريق مع الاهلي بسبب منع عدد منهم من الدخول إلى مدرجات الاستاد، وقامت بتشجيع المنتخب الجزائري والهتاف له.

وقام الجمهور الاسمعلاوي بتحطيم عدد من المقاعد الخاصة باستاد القاهرة وردد احد الاغاني الخاصة بالجمهور الجزائري: "وان تو ثري فيفا الجيري".

وكانت العلاقات بين مصر والجزائر توترت بسبب الصراع على المقعد المؤهل لكأس العالم 2010 بجنوب افريقيا بين المنتخبين والذي حسمه الخضر بالفوز 1-0 في المباراة الفاصلة في نوفمبر 2009 الفائت.
وأن المذيع مدحت شلبي ومخرج البرامج محمد نصر الدين كانا محط هجوم جماهير الدراويش أيضاً بسبب مناشدة الاول لادارة النادي الاهلي بالعفو عن الحارس عصام الحضري رغم وجود عقد يجمع الحارس بالدراويش.
من جانبه كان نصر الدين مخرج برنامج شلبي قام بعرض فيديوهات قديمة للحضري بقميص الاهلي يوم الخميس الذي شهد تتويج الاهلي بالدوري المصري للعام السادس على التوالي.
وهتفت جماهير الاسماعيلي أيضاً لصالح نادي الاتحاد الليبي منافس الاهلي في دور الـ16 لدوري الابطال الافريقي.
ويلتقي الاهلي مع الاتحاد في اياب ثمن نهائي دوري الأبطال الاحد مع العلم أن الاهلي خسر ذهاباً خارج ملعبه 2-0.
وكانت جماهير الاهلي هاجمت الحضري رافضة فكرة عودته للقلعة الحمراء من جديد بعد رحيله في فبراير 2008 لسيون السويسري.

منقووووووول

انا ليا بس تعليق بسيط على موضوع ان كل جمهور مش عاجبه اداء فريقه ولا اداء حكم المباراة ولا لاعيب في فرقته ولا تفكير المدير الفني للفرقه ولا حتى يشوف نمله ماشيه على كراسي الاستاد يقوم يشتم ويقذف الملعب بزجاجات الماء الفارغه والمشروبات الغازيه ويكسر في كراسي الاستاد ويرمي شماريخ , اقسم بالله لما بشوف المناظر دي بحتقر الناس دي اوي ويصعب علي منظر الاستاد الي بيتكسر والي بيكلف الدوله ملايين الجنيهات علشان يتعمل ويبقى بالشكل الي بنشوفه في الاخر اي نعم كله من فلوس الناس بس حرام الي بيحصل ده , في مباراة اليوم بالذات المخرج جاب الناس الي بترمي الكراسي في التلفزيون وصورهم كانت واضحه يا ريت بقى دول ما يروحوا بيتوتهم ويتمسكوا ويتمرمطوووووا علشان ما يعملوا كده تااااااااني

حاجة تقرررررررررررررررررررررف

[medo_sirion]

شوف انا من الاسماعيلية وبقلها اهوة شعب متخلف بجد ملهوش فى حاجة اسمها كورة
دة لية فى التعصب والقلة الادب وخلاص

وانا ليا الشرف انى اكون اهلاوى

[kemoelord]

ده يا عم الدوري خلص واتحسم والاهلاويه فرحه يوم مباراة المنصورة
والاهلي لما جاب الهدف الاول في مباراة اليوم اللاعيبه عادي هنت بعض وابتسموا وخلص , لكن البهوات لما جابوا الهدف جري وتنطيط والجهاز الفني كله باللاعيبه الاحتياط فرحوا واحتفلوا , طيب الجماهير دي يعني انا مش فاهم كانت عاوزه ايه ؟؟؟؟؟؟؟

[ahmed-moga]

ده يا عم الدوري خلص واتحسم والاهلاويه فرحه يوم مباراة المنصورة
والاهلي لما جاب الهدف الاول في مباراة اليوم اللاعيبه عادي هنت بعض وابتسموا وخلص , لكن البهوات لما جابوا الهدف جري وتنطيط والجهاز الفني كله باللاعيبه الاحتياط فرحوا واحتفلوا , طيب الجماهير دي يعني انا مش فاهم كانت عاوزه ايه ؟؟؟؟؟؟؟

عاوزيين جنازه ويشبعوا فيها لطم علي رآي جدتي

تعصب أعمي ينتج عنه رد فعل من أقليه في منتهي التخلف والجهل وميعرفوش ان

الرياضه غالب ومغلوب فاكرين انهم هيغيروا نتيجه الدوري مش عارف خلوا ايه للجزائرين لما يشوفوا اللي عملوه

هيقلوا وبتلمونا ليه ماولاد بلدكم عملوا اللي انتم أستنكرتوه علينا وهتفوا بأسمنا يبقي كان عندنا حق في اللي عملناه معاكم

[تامر.محمد]

هيقلوا وبتلمونا ليه ماولاد بلدكم عملوا اللي انتم أستنكرتوه علينا وهتفوا بأسمنا يبقي كان عندنا حق في اللي عملناه معاكم

للأسف ده حقيقي , على فكرة , على المستوى العام , مافيش فرق , لإيه شوية فروق في التفاصيل بس

[abdelaziz-waleed]

انا اهلاوي جدا جدا جدا
بس والله فرحت جدا لما الزمالك رجع تاني لمستواه على الاقل ادى طعم للدوري
ثانيا والله لما الفرق المصرية سواء اسماعيلي او زمالك او بتروجت بيلعبو برة مصر الواحد بيشجعهم زي الاهلي بالظبط وبيفرح للهدف زي اهداف الاهلي بالظبط. وكله في الاول والآخر لمصلحة مصر
لا يجب ان احنا نحط اللوم كله على الناس
نسبة كبيرة جدا يتحملها العلام الفاسد بتاعنا وعلى رأسه افعى القناة الصفراء مثير الفتن ومشعل النيران (يانهار ابيض يا نهار ابيض)
حد يتخيل ان الجماهير الانجليزية الاكثر شغبا على مستوى العالم توصل للرقي ده. ده المدرجات بتبدأ من بعد خط التماس بمترين ولا فيه حواجز ولا اي حاجة والناس قاعدة قمة في الاحترام
للأسف حال البلد وثقافة واخلاق الناس بينعكس على كل شيء فيه تجمعات سواء السلوكيات في الشارع او المرور او الاستاد
ربنا يهدي

[Karim_Mohy]

مش قصة اهلاوي ولا زملكاوي ولا اسماعلاوي.............القصة قصة تعصب وقلة ادب وعدم تفكييييييييير


ربنا يهدينا جميعا

[AMA]

تخلف + تخلف + تخلف = جماهير متعصبه تهتف بأسم دولة من كل قلوبنا بنحمل لها العدواة زى ماهيا بتحمل لنا العداوة بالظبط
و كمان أية ذنب المدرجات ولا هوا أحنا أخدينها قاعدة

الحكومة تشتغل و تصرف ,,, الشعب يكسر و يدمر
الشعب يطلب من الحكومة و الدولة ,,, ميتسمعش صوتهم و لا حد يعبرهم


بصراحه تخلف و قمه فى قلة الأدب والدولة إلى ذكروا أسمها دى هما عارفين بالنسبه لنا بقيت أية كويس جدا و نفكنا شوية من كلام أحنا أخوات وعروبة وكلام الصحافة دة لأ الواقع غير كدة و إلى عايز يعلق على ردى يكون الأول شاف إلى حصل فى السودان وعارف تاريخنا وتاريخهم كويس

[marsguy]

أنا شايف إن إحنا كا مصريين عندنا مشكله كبيره جداً

هي إن إحنا دايماً بنحاول نلقي اللوم على حد تاني وبنتبع مبدأ خذوهم بالصوت ومبدأ أن أي حاجه وحشه تحصلنا سببها مؤامره شريره وإن دايماً أسهل حاجه هو البحث عن شخصيه شريره نوجه لها اللوم عشان هي سبب مصائبنا كلها.

قليلين منا أوي اللي عندهم شجاعة الإعتراف بالخطأ والتقصير.

خد عندك: تقريباً أي لعيب في كل فرق الدوري بيعترض عند إحتساب أي خطأ ضده حتى لو رمية تماس ولازم يشوح بعد كل قرار. حتى لو متأكد أنه فعلاً غلطان.

تقريباً كل المدربين لازم أما يتغلبوا يطلعوا يتكلموا عن مؤامره والحكم المتواطئ .... إلخ

الجمهور يصدق اللعيب بتاعه اللي بيعترض على كل كوره والمدرب اللي بيعاني من المؤامرات وده يؤدي إلى شحن الجمهور وشعوره بالغضب وبالتالي الشتيمه وتكسير الإستاد.

وفي النهايه اللي بيخسر هو الجمهور اللي الأمن بيضربه ويعامله أسوأ معامله عند دخول الإستاد، والدوله اللي بتتكلف كتير قوي عشان تأمن الجمهور الغاضب ده وعشان تصلح الإستادات.

واللي بيكسب هو اللعيب اللي بعد اللوم عن نفسه والمدرب اللي بان قدام جمهوره بصورة البطل المظلوم اللي محتاجهم يقفوا جنبه والصحافه اللي بتبيع أكتر لما تتكلم عن المؤامرات اللئيمه دية.

طبعاً الحكام بيغلطوا، بس بيغلطوا على الكل

ممكن فريق يتظلم أكتر من التاني لكن كله بيذوق طعم الظلم

وأكيد في مؤامرات بتحصل بس مش هي دية القاعده

[زينة الله]

يا جماعة انا معاكوا ان التعصب الزائد ده شئ ممقوت و خصوصا لما يتبعه تخريب وبلطجة
وكمان مع اللى قال ان فرق كتير بتتعرض للظلم لكن رد فعل جماهيرها مابيكونش بالشكل المدمر ده
انا حاسة ان الظاهرة دى لازم لها دراسة نفسية واجتماعيه من مختصين زى بالضبط لما يكون ابنك عدوانى ومتمرد و مابسمعش الكلام حتى مع العقاب اكيد بتفكر توديه لدكتور يساعدك فى فهمه والتعامل معاه و تقويم سلوكه ده ابنك و يهمك امره وتحب انه ينفع نفسه و مجتمعه و تستفيد من طاقته بدلا من اهدارها فيما يضره ويضر غيره
فمابالك بجماهير مجتمع معين بتتصرف بالشكل ده
لازم الموضوع يكون محل الدراسة لانها مش اول مرة دى رواسب سنين
يا ترى السبب الجهل ولا الظلم فى التحكيم أو حتى فى توزيع الخدمات بين الاقاليم المختلفة ولا غياب الاخلاق ولا غياب الوازع الدينى اللى بينهى عن الاذى
ولازم يتحط خطة للعلاج (دينى خلقى عقاب عدل .............الخ) من خلال وسائل الاعلام والجهات المختصة بدل التشرزم والانانية والتعصب الاحمق

[تامر.محمد]

تخلف + تخلف + تخلف = جماهير متعصبه تهتف بأسم دولة من كل قلوبنا بنحمل لها العدواة زى ماهيا بتحمل لنا العداوة بالظبط
و كمان أية ذنب المدرجات ولا هوا أحنا أخدينها قاعدة
الحكومة تشتغل و تصرف ,,, الشعب يكسر و يدمر
الشعب يطلب من الحكومة و الدولة ,,, ميتسمعش صوتهم و لا حد يعبرهم
بصراحه تخلف و قمه فى قلة الأدب والدولة إلى ذكروا أسمها دى هما عارفين بالنسبه لنا بقيت أية كويس جدا و نفكنا شوية من كلام أحنا أخوات وعروبة وكلام الصحافة دة لأ الواقع غير كدة و إلى عايز يعلق على ردى يكون الأول شاف إلى حصل فى السودان وعارف تاريخنا وتاريخهم كويس

انا مش متفق معاك بصراحة أخي الكريم
و هاقول لك حاجة , فيه دول كتير دلوقت شايفيننا اسوأ من كده بكتير
مش دول عربية بس , لأ دي دول في العالم كله
(و كلامي عن الشعوب , و احيانا كمان الحكومات)
لو كلامك صح , يبقى كلامهم صح

[TeXo]

و أدي فيديو للي حصل

YouTube - ‫ظ‡ظ…ط¬ظٹط© ط¬ظ…ظ‡ظˆط± ط§ظ„ط§ط³ظ…ط§ط¹ظٹظ„ظٹ ظˆطھظƒط³ظٹط± ظ…ط¯ط±ط¬ط§طھ ط³طھط§ط¯ ط§ظ„ظ‚ط§ظ‡ط±ط©‬‎

شئ مؤسف .. لا حول و لا قوه إلا بالله

[AMA]

انا مش متفق معاك بصراحة أخي الكريم
و هاقول لك حاجة , فيه دول كتير دلوقت شايفيننا اسوأ من كده بكتير
مش دول عربية بس , لأ دي دول في العالم كله
(و كلامي عن الشعوب , و احيانا كمان الحكومات)
لو كلامك صح , يبقى كلامهم صح

مع أحترامى لوجهة نظر حضرتك
يا باشا أنا كل أحترامى لأى دولة تحترمنا لكن غير كدة أنا مش معترف بأى دولة تحمل لنا أى كراهيه
مش رأيى أنا بس على فكرة دا رأيى 70% من شعبنا و أكتر بكتير من النسبه دى , نبعد عن كلام الأعلام و الكلام إلى مش هيخلينا نرجع زى الأول خالص و خلى شعبنا رخيص أوى فى أى دولة , لما أى واحد أجنبى أو عربى فى مصر يعمل مصيبة و يقتل بيتعامل كسائح حتى ترحيله لبلده و القضاء هناك بيتولى أمرة , لما مصرى يعمل مشكلة بسيطة برة حدوده بيتعاقب و بيتحاكم فى قضاء الدولة الأخرى و بيتسجن هناك كمان ليه كل دة ليه النظام و المعاهدات رخصتنا أوى كدة , لأ بقى أحنا ننضف هما أستغنوا عننا أحنا عايزينهم فى أية أحنا للدرجة دى شعب رخيص يعنى !! , إلى يستغنى عننا نجرى وراة ؟ لأ أحنا مش كدة و عشان أحنا مش كدة خلاص العلاقة بينا عمرها ماهتبقى كويسة نهائيا دا حتى الأعتذار متكابرين أنهم يقدموه خلاص يبقى هما أستغنوا عننا و أحنا كمان الدنيا مش هتقف عليهم و عمرنا ماأستفادنا ولا هنستفيد من الدول إلى مش عايزانا دى و إلى عايزنا أهلا و سهلا على راسنا من فوق إلى مش عايزنا تحت جزمتنا
أحنا كنا دايما الأخ الأكبر لجميع الدول إلى بتيجى علينا لكن كفايه بجد لحد كدة كفاية إلى حصل


مجرد وجهة نظر شخصية 100% محدش مسؤل عليها غيرى أنا فقط

[kemoelord]

انا مش عارف يعني الناس وصلت لقمة الهيافه لما تتعصب وتخرب وتعترض وتكسر كل ده علشان خاطر لعبه ورياضه كرة القدم فحين اني اشك من البهوات الي بيروحوا الاستاد ويقعد يشتم ويكسر انه وقف مره في مظاهرات علشان حال البلد يتصلح ولا مثلا شاف حاجة سلبية في البلد اتحرك وحاول انه يغيرها , محسسني ان مشاكل البلد كلها خلصت ومش ناقص الا مشاكل الكورة , ده حتى لما بنجيب حكام اجانب مش بيعجب ويطلع واحد زي حسام بيه حسن يهلل ومش عاجبه العجب والادهى من كلللل ده اساسا احنا مش عندنا كورة الي عندنا اسمه عك كروي وملل لا فيه متعه ولا اثارة وحكام بقر وبتحكم على اساس انتمأتهم

ربنا يصلح الحال

[نور القمر]

الجهل والتخلف صفة لقلة لجمهور اي فريق متعصب
وميصحش نعمم صفة زي دي على كل اهالي الاسماعيلية او على كل جماهير فريق الاسماعيلية