جماهير في قمة التعصب !!!!!!

[omaroof]

ياريت حد يقولى ليه بتقولو على جمهور الاسماعيليه متخلف وقليل الادب ؟
عشان كسر كراسى وشتم!!!!!!
هوا اكيد غلط بس دول قله من الجماهير اللى بتعمل كدا وكمان اعمارهم صغيره
ولو حانحاسب الكل ياريت حد يقولى ليه جمهير الاهلى شتمت حسام حسن فى ماتش الاهلى والمنصوره يعنى حسام مالوش دعوه بالماتش خالص؟؟؟؟؟؟؟؟؟؟؟؟
هل تقبلو اننا نقول على جماهير الاهلى متخلفه وجاهلة؟؟؟؟؟؟؟؟؟؟؟؟؟؟
برضه لا ماينفعش لان جماهير الاهلى فيها ناس محترمه كتير
وبمبداء حب لاخيك ماتحبه لنفسك
ماينفعش ننهى ناس عن شئ غلط واحنا بنعمل اكتر منه

[محمد فريد]

الجهل والتخلف صفة لقلة لجمهور اي فريق متعصب
وميصحش نعمم صفة زي دي على كل اهالي الاسماعيلية او على كل جماهير فريق الاسماعيلية

على قد منا قرفان من اللى عملوه قلة متخلفة من جمهور الاسماعيليى فى الماتش بدون داع
لكنى بستعجب على اللى مبيصدق يلاقى جنازة عشان يشبع لطم محدش يغلط فى اسماعيلية

[نور القمر]

تقريبا نسيتوا اللي عملوه جمهور جمهورية مصر العربية في عربيات الناس قدام استاد القاهرة لما فوزنا على الجزائر
على نفس المقياس يبقه كل المصريين جهلة متخلفين غوغاء !!!!!!!!

[hobaz]

طالما احنا مش محترمين نفسنا بنزعل ليه لما الجزائر ولا ليبيا يعملو فينا كده لازم نحترم نفسنا علشان الناس تحترمنا....

[kemoelord]

يا جماعه الواحد بيضايق من اي جمهور بيعمل كده سواء كان اهلاوي او اسمعلاوي او زملكاوي يعني الواحد مستغرب الناس بتعمل كده ليه على حاجة احنا بنعتبرها في الاخر لعبه اسمها كرة القدم , على فكره انا اهلاوي , انا مع الناس الي تقول رايها حتى لو مش عاجب ناس كتير بس بشكل متحضر ومهذب زي اللافتات الي كانت في مباراة المنصورة لكن انا لا الشتيمه ولا التكسير ولا قذف الناس بالزجاجات الفارغه , هو الواحد بس كان اكثر استغرابا من جماهير الاسماعيلي على اعتبار ان مفش مبرر ان يعملوا كده وحتى لو فيه مبرر في كل الاحوال ما ينفع تكون دي ردة الفعل , وهي دي مشكلتنا اننا ما عندنا التزام ولا انضباط ولا وعي في اي حاجة مش بس في الكورة

[MohaMed_Refaat]

انا نفسى افهم اية حكاية الجزاير واية الفايدة او الضرر من ترديد الهتاف بتاع الجزاير

يا جماعة كاس العالم على الابواب 38 يوم واحنا لسة عايشيين فى دورى وجزاير وخزعبلات .

[elgabry1977]

الي كل من يقول ان الجماهير دي متعصبه و جاهله يا ريت يتفرج علي برنامج كوره اونلاين علي قناة مودرن سبورت دلوقتي حالا و يعرف هما كانوا غضبانين ليه

[aliabutaleb]

كل جمهور لفريق كرة قدم في العالم فيه الفئة المحترمة والفئة اللي موصوفة في عنوان الموضوع

بالمناسبة عشان الشئ بالشئ يُذكر، جمهور الأهلي قام بالواجب وزيادة معاهم بعد المباراة على حسب بعض التقارير اللي قريتها

[elgabry1977]

كل جمهور لفريق كرة قدم في العالم فيه الفئة المحترمة والفئة اللي موصوفة في عنوان الموضوع

بالمناسبة عشان الشئ بالشئ يُذكر، جمهور الأهلي قام بالواجب وزيادة معاهم بعد المباراة على حسب بعض التقارير اللي قريتها

قبل المباراه برضه يا على في كتير اتصابوا من جماهير الاسماعيلي اتنين منهم اصابتهم خطيره و اللي خلى الجماهير تعمل الشغب دا ان فى اشاعه انتشرت ان فى واحد من المصابين توفى
لو شفت منظر الجماهير المصابه في المستشفى هتعرف قد ايه هما اطحنوا من جمهور الاهلى

[Mohamed.Raafat]

ههههههههههه
دلوقتي بقا جمهور الاسماعيلي متخلف و غير متحضر و مالهومش في التشجيع

ولما جمهور الاهلي بيشتم اللاعيبة و الجماهير التانية ( بنسميه تشجيع متحضر )


و هل من اللائق من الجمهور المتحضر انه يضرب جمهور الفريق المنافس و 10 منه يروحوا المستشفى منهم 2 في حالة خطيرة ( فعلا وعي كروي بالدرجة الاولى )

انا معاكم ان جماهير الاسماعيلي جالهم تخلف لما كسروا كراسي الاستاد ( قال يعني الكراسي هي اللى بتعلب و هي اللى كانت مغلوبة )

بس الاعتداءات اللى حصلت على جماهير الاسماعيلي بعد الماتش شيء مش مقبول

لو نفتكر اللى حصل في ماتش الدور الاول و الجماهير الأهلي دخلت الاسماعيلية و خرجت معززة مكرمة و محدش داس ليها على طرف




و في النهاية انا مش متعصب ولا حاجة و بحترم رأي كل الناي اللى موجوده هنا سواء كانوا أهلاوية أو زملكاوية أو مشجعين لأي فرق تانية و بأرفع ليهم القبعة لأن منهم ناس فادوني كتير بمعلوماتهم

بس ياريت بالله عليكم بلاش شتيمة ( و شوفوا الجمهور بتاعكم بيعمل ايه الاول )

و تحياتي لجميع الأخوة الموجودين

[m.3abdel3al]

انتوا تعرفوا ايه علشان تتكلموا محدش فاهم اي حاجة عن الجمهور الي بيشجع دا يا جماعة الي بيحصل دا ناتج عن احباط و كبت جوه ناس كتير مننا ( جمهور الاسماعيلي ) و دا علشان سيطرت الفلوس الي في النادي الاهلي و الزمالك كمان دا غير الاساليب ال(كلمة ملهاش لازمة ) الي بيتعاملوا بيها مع اللعيبة علشان يودوهم الاهلي هتقولي احتراف هقولك الاحتراف في مساواه مش هما يكون معاهم ملايين و احنا ملاليم يا جماعة قبل ما تقولوا تخلف و كل واحد فيكوا يعمل نفسه فاهم اوي و عارف الدنيا ماشية ازاي ...... و احب اقول لصاحب الموضوع ليه مقلش تخلف لما الاهلي بيكسر الاستاد عندنا و لا لما الامن بيبهدل جمهور الاسماعيلي و يخلي جماهير الاهلي تدخل شماريخ يا جماعة انا اكيد مش مع الي حصل بس مش مع ان اي حد يقول عليا متخلف بصفتي واحد من ابناء النادي الاسماعيلي

و بالنسبة لميدوا : من حكمك علشان تقول على الاسمعلاوية متخلفين وو الله لو احنا متخلفين و انت اللي فاهم ( بصفتك اهلاوي ) يبقى الدنيا اتقلب حالها

و ياريت الادارة تقفل الموضوع

[m.3abdel3al]

و ياريت يا مثقفي الكرة المصرية ( جمهور الاهلي طبعا ) ماتسوش اتوبيس الزمالك الي اتحرق ولا مشجع الزمالك الي و لعتوا فيه فعلا دي حاجات قليلة انما الاستاد لا

[m.3abdel3al]

يا جماعة ياريت الادارة تاخد موقف و الموضوع يتقفل و المفرود العضو يتاسف على الي هو قاله دا عيب لما يشتم حد و يقول عليه متخلف

[kemoelord]

ههههههههههه
دلوقتي بقا جمهور الاسماعيلي متخلف و غير متحضر و مالهومش في التشجيع

ولما جمهور الاهلي بيشتم اللاعيبة و الجماهير التانية ( بنسميه تشجيع متحضر )


و هل من اللائق من الجمهور المتحضر انه يضرب جمهور الفريق المنافس و 10 منه يروحوا المستشفى منهم 2 في حالة خطيرة ( فعلا وعي كروي بالدرجة الاولى )

انا معاكم ان جماهير الاسماعيلي جالهم تخلف لما كسروا كراسي الاستاد ( قال يعني الكراسي هي اللى بتعلب و هي اللى كانت مغلوبة )

بس الاعتداءات اللى حصلت على جماهير الاسماعيلي بعد الماتش شيء مش مقبول

لو نفتكر اللى حصل في ماتش الدور الاول و الجماهير الأهلي دخلت الاسماعيلية و خرجت معززة مكرمة و محدش داس ليها على طرف




و في النهاية انا مش متعصب ولا حاجة و بحترم رأي كل الناي اللى موجوده هنا سواء كانوا أهلاوية أو زملكاوية أو مشجعين لأي فرق تانية و بأرفع ليهم القبعة لأن منهم ناس فادوني كتير بمعلوماتهم

بس ياريت بالله عليكم بلاش شتيمة ( و شوفوا الجمهور بتاعكم بيعمل ايه الاول )

و تحياتي لجميع الأخوة الموجودين

اصل لو حضرتك بتتكلم في وقائع طيب ما انا اقولك على واقعه حصلت يوم مباراه الاهلي والاسماعيلي في الاسماعيليه والي فاز فيها الاهلي 1/0 بهدف بركات الموسم الماضي ولما كان لسه جوزيه ماسك ,,كلنا شوفنا بعد الهدف وقبل اساسا المباراة ما تبتدي كان فيه مشاكل بين جمهور الاسماعيلي ودكه بدلاء النادي الاهلي بجهازه الفني , وتقريبا بعد هدف بركات كسروا نصف كراسي الاستاد وقعدوا يرموهم على لاعيبة الاهلي ومن كتر الرمي كسروا زجاج دكة البدلاء وخرج بعدها جوزيه قالك ان اخر مره هاجي فيها الاسماعيلية !!!! , طبعا غير تحطم حافلة الاهلي وهما مروحين

بس ارجع في الاخر واقول فئه الجماهير دي سواء من الاهلي او الاسماعيلي او الزمالك دول المفروض كده يتحوطوا في مدرجات الاستاد ويتعاقبوا في اقسام الشرطه على مدى التخريب الي بيعملوه

[kemoelord]

يا جماعة ياريت الادارة تاخد موقف و الموضوع يتقفل و المفرود العضو يتاسف على الي هو قاله دا عيب لما يشتم حد و يقول عليه متخلف

اتاسف عليه يا باشا ؟ مش فاهم ناس غلطت واتصورا كمان وهما بيعملوا الكلام ده وجيت هنا علشان اقول ما ينفع الكلام ده سواء من جماهير الاهلي او الاسماعيلي او حتى جماهير مزارع دينا مع احترامي يعني لنادي مزارع دينا ,, اصل احنا لو قعدنا نقول الجماهير دي عملت والجماهير دي سوت مش هنخلص وهنطلع بلاوي , وزي ما الناس طلعت بعد مباراة الشرطة والزمالك وقالت ان جماهير الزمالك غلطت , المفروض نطلع ونقول ان جماهير الاسماعيلي غلطت وزي ما جماهير الاهلي بتغلط

ثانيا : حضرتك بتتكلم على نادي الاسماعيلي وبتقول احنا مش معانا فلوس طيب ده يعني ذنب الانديه التانيه زي الاهلي والزمالك وكده , بدل ما تشوفوا ايه الادارة المناسبه والي تصلح لادارة النادي بدل ما الاداره الي عندكوا مودياكوا في داهيه وبتستغني عن لاعيبه بتعتبر اعمدة في الفرقه !!! , راحوا عملوا صفقة الحضري ! طيب لازمتها خصوصا انكوا مش هتقدروا تتدفعوها والنادي اصلا عنده حارس كويس , وكل ده والمحافظه واقفه معاكوا طيب نعمل ايه تاني