طب لو الواحد بيدور على عروسة!!!!!!!!!!!!

[SunSet]

أرجو أن أسلوب الحوار ميكونش ضايقك...الموضوع فى النهاية مناقشة عادية و تبادل لوجهات النظر و كل واحد بيقول رأيه من واقع خبرته و فكره و بنتبادل الأفكار..محدش فينا بيرهب من الجواز بس على الأقل أحنا بنفتح كذا جانب من جوانب الجواز و الجواز زي أي حاجة فى الدنيا فيها الحلو و فيها الوحش. مش كله حلو و مش كله وحش (يوم عسل و يوم بصل زي ما بيقولوا). و أي مناقشة بين عدة أفراد بتوسع المدارك كلها بصفة عامة. مش الخير اننا نقوله أتجوز و خلاص (أعقلها و توكل) و لازم الواحد يتدبر الأول قبل ما يرمى حموله على ربنا.
بالمناسبة أنا قريت موضوع حضرتك فى اللينك و حابب أوجه أن الموضوع ممكن ناس تفهمه غلط..فى واحد ممكن لما يقرأ الموضوع يفتكر أن الدين هو الشرط الأساسى و الوحيد للجواز. (متدينة و خلاص) بس حسب ما فهمت من أحاديث الرسول عليه الصلاة و السلام أن الدين شرط أساسى فى الجواز بس مش الشرط الوحيد...يعنى زي ما مدرسين الرياضة بيقولوا: شرط necessary لكن مش sufficient...يعنى أقصد ايه؟ :) يعنى الدين قاعدة أساسية فى الجواز بدونه الجواز فاشل لكن اذا توافر هذا الشرط يكون فى أحتمال نجاح أو فشل لمشروع الزواج..النجاح بقى بيتحقق بالكماليات مثل التوافق الاجتماعى و تشابه التربية.
يعنى مثلا فى الموضوع اللى قريته أن فى ناس بترفض الجواز بسبب ممكن عايز طول أو وزن معين برغم توافر الدين (للطرفين طبعا)...أه كده حاطط أو حاطة شروط صعبة بس مش معنى كده أنه مثلا لو موضوع أن وزن الطرف التانى أو طوله عامل فرق مسبب ألم نفسي خارج عن ارادته أن الجواز ممكن يستقيم...
أنا أسف هحاول أوضح شويه...ممكن مثلا الاتنين متوافر عندهم الدين بس هى مثلا طويلة بالنسبة له بشكل محرج أو هو وزنه زائد عن الحد بالنسبة لها و مسبب ألم نفسى...هل معنى كده انهم يعيشوا حياتهم تحت ضغط نفسي؟ مش لازم يكون الشكل 100% و الطول و الوزن بالمقاس بس مش معنى كده أن الواحد يقنع نفسه و يضغط علي نفسه أن طالما الدين متوافر يبقى كل شيء محلول..بكرر لازم الدين يكون موجود و ((((أساسى))) بس مش معنى كده أنى أهمل باقى العوامل بنسبة 100%...وفى موقف من الدين أن زيد بن حارثة و زينب بنت جحش كانوا زوجين و مع ذلك الزواج لم يستمر بسبب الفرق الاجتماعى برغم توافر الدين.
الموضوع نصيب فى النهاية..الجواز أحسن من الوحدة بس لازم نجتهد و نفكر فى الأختيار من غير ما نعقدها و نحسب عيوب نفسنا زي عيوب غيرنا
و فى النهاية...هقول بس الدعاء اللى بحبه و فعلا بيبقى حاسس بمعناه (اللهم دبر لى فانى لا أحسن التدبير)
:)

الموضوع مش مضايقني لكن تخيل حضرتك اول مشاركة صاحبها بيتكلم عن ايه وبعد كدة الردود فيها ايه

انا لااريد ان اذكر انطباعاتي عن اصحاب بعض الردود

المهم كل واحد بيأخذ نصيبه

وانا متفقة مع حضرتك ولست انا من كتب الموضوع انا مجرد ناقل له

وفعلا الدين مهم لكن ليس الشرط الوحيد لكن المقصد من الكلام ان فيه ناس بتشترط على نفسها شروط صعبة بخلي الامور مستحيلة

يعني مثلا انا اعرف واحد خريجة جامعية رفضت متقدمين لها كانوا مناسبين لانها تريد ان تتزوج طبيب برغم انها غير طبيبة والا حتى خريجة كلية قريبة والنتيجة انها شارفت على ال40 ولم تتزوج

واعرف واحد لم يسبق له الزواج مقتدر ماديا جدا و سنه حوالي 55 سنة وغير متزوج لانه عاوز واحد لم يتجاوز سنها ال30 ويدفع مهر قليل وتشتري هي تقريبا كل حاجة

لكن دي نماذج لا يبنى عليها قاعدة

دي من ضمن الاستثناءات

[n_i_t_e]

انا الحمد لله ربنا زارع السرور والرضا في قلبي
وتقريبا دي حاجه في جينات العيله عندنا
متلاقيش فيهم حد مكشر والحمد لله
وسروري بيزيد بوجودي معاكم علي المنتدي

وعلي فكره مش شرط ان حد يكون حظه وحش ويقول كده
انا مكانش حظي وحش في ارتباطي اللي مكملش
بالعكس مكانش فيه الا الخير والادب والمعروف

بس ماهو احنا مش لازم نقعد نقول دا الجواز حلو وجميل ويلا ييا جماعه اتجوزوا كلكم علشان نبقي بنحفز الناس عليه
---------------------------------------------------------
حلاوه الجواز في داخلياته
واظن مينفعش ان حد يحكيها هنا ولا تتحكي لحد
ومش حنلاقي حد يحكيها
وكلنا عارفينها
والا مكانش تم
مفيش واحد حييجي يقول انا قولت كلام حب لمراتي النهارده
ولا واحده حتقول انا جوزي جابلي هديه وعمل كذا وكذا وكذا
لانها داخليات بيوت وميصحي تذكر علي الملاء
--------------------------------------
كل واحد بيقول تجاربه وبيقول السلبيات الي فيها
لان الايجابيات معروفه
والايجابيات دي بيجيلها وقت وتنتهي
او يبقي ملهاش طعم
لان حنفيه الحنان بتنقط
وبحر النكد واسع مش بيخلص

[ahmed ismail]

الى الحاج احمد بيه كمال
اطلع من دول يا نمس

انت اكيد اكيد خايف من الحسد

اللى يشوفك دلوقتى ميشوفكش ايام موضوع الفيروس اياه

[dr.amr]

كالعاده شنوري بيجي بالليل

يلخص الموضوع كله في رد واحد

بصراحه انا معاك 100 في ال 100

بس برضو ساعات الزوجات او الخطيبات ووالدتهم بيزودوا الموضوع

لغاية مابيقلب بغم ونكد او فركشه

وكأنها حرب

هو ده السبب الاساسي للنكده

لو كل واحد ادي دوره في بيته زي مامطلوب منه

الراجل راجل والست ست

كانت الدنيا هتبقي بييييييييس

لكن للاسف مجتمعنا بوجه عام يعبر عما يدور داخل بيوتنا بدون ان نشعر

اسأل الله ان هيرزقني ويرزق صاحب الموضوع ويرزق الجميع الزيجه الصالح (خير متاع الدنيا )

[n_i_t_e]

وفعلا الدين مهم لكن ليس الشرط الوحيد لكن المقصد من الكلام ان فيه ناس بتشترط على نفسها شروط صعبة بخلي الامور مستحيلة

يعني مثلا انا اعرف واحد خريجة جامعية رفضت متقدمين لها كانوا مناسبين لانها تريد ان تتزوج طبيب برغم انها غير طبيبة والا حتى خريجة كلية قريبة والنتيجة انها شارفت على ال40 ولم تتزوج

واعرف واحد لم يسبق له الزواج مقتدر ماديا جدا و سنه حوالي 55 سنة وغير متزوج لانه عاوز واحد لم يتجاوز سنها ال30 ويدفع مهر قليل وتشتري هي تقريبا كل حاجة

لكن دي نماذج لا يبنى عليها قاعدة

دي من ضمن الاستثناءات

حاجة تزعل و الله...ربنا يرحمنا برحمته

[AmatoALLAH]

انا الحمد لله ربنا زارع السرور والرضا في قلبي
وتقريبا دي حاجه في جينات العيله عندنا
متلاقيش فيهم حد مكشر والحمد لله
وسروري بيزيد بوجودي معاكم علي المنتدي

وعلي فكره مش شرط ان حد يكون حظه وحش ويقول كده
انا مكانش حظي وحش في ارتباطي اللي مكملش
بالعكس مكانش فيه الا الخير والادب والمعروف

بس ماهو احنا مش لازم نقعد نقول دا الجواز حلو وجميل ويلا ييا جماعه اتجوزوا كلكم علشان نبقي بنحفز الناس عليه
---------------------------------------------------------
حلاوه الجواز في داخلياته
واظن مينفعش ان حد يحكيها هنا ولا تتحكي لحد
ومش حنلاقي حد يحكيها
وكلنا عارفينها
والا مكانش تم
مفيش واحد حييجي يقول انا قولت كلام حب لمراتي النهارده
ولا واحده حتقول انا جوزي جابلي هديه وعمل كذا وكذا وكذا
لانها داخليات بيوت وميصحي تذكر علي الملاء
--------------------------------------
كل واحد بيقول تجاربه وبيقول السلبيات الي فيها
لان الايجابيات معروفه
والايجابيات دي بيجيلها وقت وتنتهي
او يبقي ملهاش طعم
لان حنفيه الحنان بتنقط
وبحر النكد واسع مش بيخلص

ادام الله عليك السرور استاذ شنوري بس ليه دايما بتاخد جزء من كلامي و تسيب الباقي

اكيد مفيش حد هيقول اسرار حياته و لا هو عامل ايه مع زوجه و لازوجته

دي خصوصيات ماينفعش تتئال ابدا

بس زي ما بيقول الوحش يقول جزء من الحلو بدون تفاصيل

يعني واحد كاتب موضوع انه عايز يتجوز تقولوا له السلبيات بس عايزنه يقولكم ايه

يعني اضعف الايمان ان الجواز فيه الحلو و فيه الوحش مش كله وحش و سلبيات

و بعدين ليه الايجابيات تنتهي ماهي لو علي اساس صح مش هتنتهي و لا الايجابيات هدايا و كلام حلو بس

انا هقولك ايجابيات الزواج من نظري في كلمتين بس الزواج هو سكن و مودة

لو موجودين يبقي زواج ناجح لو مش موجودين يبقي مالوش لازمه

و اللي يتفهم من كلام كتير من الاعضاء هنا ان الجواز شر لابد منه

[n_i_t_e]

الى الحاج احمد بيه كمال
اطلع من دول يا نمس

انت اكيد اكيد خايف من الحسد

اللى يشوفك دلوقتى ميشوفكش ايام موضوع الفيروس اياه

أوباااا .. لازم تحكيلنا بقى عن استاذ كمال أيام موضوع الفيروس ده

[SeiffoZ]

أنا بعد كل اللى قرأيته .. و بعد كل إللى شايفة و واخد بالى منه .... و بعد كل الإحصائيات ...

توصلت إلى حقيقة علمية مثبته فقط لا غير ...

الجواز ده زى البطيخة , يا تتلط قرعه يا حمرا ... و إنت الحظك يا برنس

و ربنا يستر!!

[أحمد كمال]

الى الحاج احمد بيه كمال
اطلع من دول يا نمس

انت اكيد اكيد خايف من الحسد

اللى يشوفك دلوقتى ميشوفكش ايام موضوع الفيروس اياه

هههههههههههههههههههههههههههههههههههه

تصدق كانت ايام جميييييييييييييلة

و قربت الواحد من ربنا

أنا بعد كل اللى قرأيته .. و بعد كل إللى شايفة و واخد بالى منه .... و بعد كل الإحصائيات ...

توصلت إلى حقيقة علمية مثبته فقط لا غير ...

الجواز ده زى البطيخة , يا تتلط قرعه يا حمرا ... و إنت الحظك يا برنس

و ربنا يستر!!

بس للاسف الصنف في مصر اغلبه بيطلع قرعة !

[SunSet]

بس للاسف الصنف في مصر اغلبه بيطلع قرعة !

يا اخي اتق الله

هو انت شفت يعني كل البطيخ !!؟؟

هي الفيروسات دي بتيجي من شوية
بس مين يتعظ

[نور القمر]

السعادة امرها سهل لانها معادلة من طرفين
لو المعادلة كانت موزونة قدرنا نحقق نتيجة مظبوطة وهي السعادة
ربنا سبحانه وتعالى قال
"وخلقنا لكم من أنفسكم أزواجاً لتسكنوا إليها وجعلنا بينكم مودة ورحمة "
المودة يعني نحب بعض
نحب بعض يعني نكون حريصين على مشاعر بعض في كل صغيرة وكبيرة والرحمة معروفة
مفيش زوجين مش عارفين ايه بيزعل الطرف التاني وايه بيبسطه
طيب خلاص يمدام عارف طرفين المعادلة بيتكونوا من ايه ليه مش بنبذل شوية مجهود عشان نوزن المعادلة ونحقق النتيجة المرجوة

[wahba87]

لا يا جماعة الجواز مش زى البطيخة , الجواز مفيهوش حظ

الجواز مبنى على طرفين ملهمش تالت , لو فى توافق بينهم على المدى الطويل يبقى زواج ناجح و الحمد لله (ربنا يوعدنا :) )

بس عامة انا بحب النوع ده من المواضيع حتى لو كل الناس بتذكر سلبيات بس , بحس ان انا بكتسب خبرات (بجد والله مش هزار)

[أحمد كمال]

يا اخي اتق الله

هو انت شفت يعني كل البطيخ !!؟؟

هي الفيروسات دي بتيجي من شوية
بس مين يتعظ

ماهو كل ما واحد اعرفه بيجيب بطيخة بتطلع قرعة

اعمل ايه بقى؟

[نور القمر]

ماهو كل ما واحد اعرفه بيجيب بطيخة بتطلع قرعة

اعمل ايه بقى؟

هههههههههههههههه يبقه العيب في اختيارك لمعارفك
معندهمش خبرة في البطيخ
او جازيز عندهم عمى الوان وبيشوفوا اللون الاحمر الجميل بتاع البطيخة المرملة ابيض او بمبي

[SunSet]

تعليقا على موضوع البطيخ

فكل حاجة في الدنيا زي البطيخ

وده لاننا ببساطة لا نعلم المستقبل

يعني اي حد وهو بيبدأ عمل جديد بيبقى برضه بطيخة مش عارف حيتبسط فيه ولا


زمايله والا مديره حيتوافق معاهم والا

لما واحد بيشتري عربية ( بما اننا في منتدى سيارات ) فتبقى العملية زي ما يكون بيشتري بطيخة حتى لو زيزو

لكن الفكرة ان الجواز بما انه مسألة مصيرية فلذلك تسلط عليه كل هذه الاضواء

لو البطيخة طلعت على غير الرغبة فاما نستمر غير سعداء او نتحمل عواقب القرار الاخر
اللي عاوزة اقوله هو اننا ما نعرفش المستقبل فيه ايه

احنا بنأخذ بالاسباب و بنسلم الامر وتدبيره على المدبر سبحانه
ونسأله التوفيق