عن البورصه المصريه

[dr-mohamed]

طيب بدال ماتعي عليا ادعيلي ربنا يعلمني ما جهلت ....

مبسوط ان تحليلي عجبك ....

ربنا يعملك ما جهلته
واحنا نستفيد من علمك
ونبعد عن قرف السماسرة الجهلة اللى خربوا بيتنا بجهلهم

[MaZaGAngeE]

على فكرة انا راجعت التحاليل يا مزجانجاي
فعلا اقل سعر للسهم في خلال سنة كان 93 قرش واعلى سعر كان 124 قرش
يعني السهم دلوقت بيلعب في الحد الادني ليه وده الوقت المثالي للشراء
بس المشكلة البيع يكون امتى علشان المقالب بتاعة الميكرات

0.93 ده أقل سعر من منتصف 2007 لحد النهاردة و سعر أول السهم ما يجي عنده يتجنن و ينط نطات قوية جدا ...

انت عايز تكسب مكسب معقول مش عايز تحلب السهم ... يبقى سيادتك تحسب كده :
سعر السهم + عمولة سمسرة الشراء + مكسب مرضي أقل من سعر البيع + عمولة سمسرة البيع

بس عموما انت شوف السهم هيعمل ايه عند المقاومات لو مقدرش يعديها بيع لو قدر اشتري عندها و زود الكمية و كل مايطلع تبيع و لما يريح تشتري و امشي معاه

[dr-mohamed]

لا فهمني بالطييييييييييييييئ

انا عايز افهم الناس مش متابعة موضوع زي ده ليه ومش بتستفيد منك ليه

[MaZaGAngeE]

لا فهمني بالطييييييييييييييئ

انا عايز افهم الناس مش متابعة موضوع زي ده ليه ومش بتستفيد منك ليه

تستفيد من مين يا عم الحج ... ده انا لسه في أول مراحل التعليم و بعدين من السوق الحلو بتاعنا كسبت مرة واحدة بس 100 جنية بحالهم و محصلتش تاني بس ربنا يسهل المرة دي أنا مخطط و مظبط و عامل احتياطات أمنية كبيرة بس ربنا يحمي أمريكا و متتهزش و يخلي دبي مستقرة عشان أطلع بفلوسي بس حتى أبيع و أشتري و آخد ال 100 جنيه اللي حطيتهم زي ما همه و ده يبقى مكسب ليا ...............

بص يا باشا ... الأسهم بتتحرك في شكل موجات و بتحترم دايما نقاط الدعم و المقاومة و في الرسم ده أنا حطيت سهم الكابلات بس خط مش شموع و منه هتقدر تشوف الطلعة و التريحة بشكل أوضح و بص كده كويس على نقط المقاومة و الدعم السهم بيتحرك ازاي ...

[dr-mohamed]

السعر العادل للسهم حسب تقييم بريميير في يناير 2010 كان 225 قرش
بس على فكرة اقل سعر له كان 41 قرش يوم 22 فبراير 2007 واعلى سعر كان 335 يوم 10 مايو 2008

[dr-mohamed]

انا بقة يا باشا كسبت من ايه اي سي للمقاولات والمحمودية للمقاولات حولى بتاع 4 ولا 5 الاف
ولكح الله يخرب بيته اخدهم مني وعليهم كمان الفين تلاتة

[MaZaGAngeE]

ربنا يوفقنا و نقدر نعوض في الفترة اللي جاية دي ....

[dr-mohamed]

مزجانجي الكابلات عملها ونزل من 94 الى 92 النهاردة

هههههههههههههههههههههههههههههههههههههههه

الحمد لله اننا ماشتريناش كان نزل ل 49 على ايدينا انا وانت

يا عم الفقري فقري مهما عمل

[amir]

يا تري حد شايف نهايه لمسلسل الانهيار العظيم؟
و ايه الاراء بخصوص قرارات بسلامته بخصوص شطب الشركات الخسرانه خصوصا ان منها شركات حكوميه و قبل كده الموضوع ده حصل و كان فيه استثناء للشركات الحكوميه
حد فاهم حاجه؟

[mada121977]

يا تري حد شايف نهايه لمسلسل الانهيار العظيم؟
و ايه الاراء بخصوص قرارات بسلامته بخصوص شطب الشركات الخسرانه خصوصا ان منها شركات حكوميه و قبل كده الموضوع ده حصل و كان فيه استثناء للشركات الحكوميه
حد فاهم حاجه؟

المسلسل ده لسه ماتكتبلوش نهايه .. النهايه هيا القضاء على جميع الغلابه اللى فى البورصه ومص دمهم وفلوسهم اللى تعبوا فيها وتحويلهم بعد كده لمستشفلى الامراض العقليه .. واحب انتهز الفرصه لتحذير الناس هنا من احدى الشخصيات التى كانت تدعى معرفتها بخبايا البورصه وهى لاتفهم فى البطيخ وتقوم بتوريط الناس فى شركات لتحقيق مكاسب خاصه بها (واللبيب بالاشاره يفهم )

[dr-mohamed]

واحب انتهز الفرصه لتحذير الناس هنا من احدى الشخصيات التى كانت تدعى معرفتها بخبايا البورصه وهى لاتفهم فى البطيخ وتقوم بتوريط الناس فى شركات لتحقيق مكاسب خاصه بها (واللبيب بالاشاره يفهم )

مادا
انا مش لبيب ابعت لي رسالة على الخاص

[MaZaGAngeE]

مزجانجي الكابلات عملها ونزل من 94 الى 92 النهاردة

هههههههههههههههههههههههههههههههههههههههه

الحمد لله اننا ماشتريناش كان نزل ل 49 على ايدينا انا وانت

يا عم الفقري فقري مهما عمل

انا حزين جدا اني معييش فلوس اشتري كابلات تاني
لآنه لازم يطلع زي ما قلتلك و رفعتلك الشارتات اللي بتأكد كلامي
كل الاسهم في السوق لو فتحت الشارتات بتاعتها هتلاقيها زي الكابلات وصلت لمرحلة الحضيض و من هنا الميكر هيبدأ الشرا و رفع الاسعار تدريجيا بوتيره متسارعة ...
حاجة كمان من قوانين البورصات بجميع انواعها ان السوق بيقلب اتجاهه فجأة و لما الناس تفقد الامل في الصعود او في الهبوط
لو معايا فلوس هشتري لآن ده احسن وقت تشتري فيه عند القاع و كمان الناس كلها خلاص زهقت و قرفت و بتطلع من السوق و بترمي اسهمها ببلاش
لما تلاقي السوق كده اعرف ان خلاص مش باقي وقت على الطلوع

[MaZaGAngeE]

يا تري حد شايف نهايه لمسلسل الانهيار العظيم؟
و ايه الاراء بخصوص قرارات بسلامته بخصوص شطب الشركات الخسرانه خصوصا ان منها شركات حكوميه و قبل كده الموضوع ده حصل و كان فيه استثناء للشركات الحكوميه
حد فاهم حاجه؟

بسلامته خلاص ناوي على قفل السوق , دي قرارات غبية و غلط و بتزود الهروب من السوق .
المفروض البورصة دي سوق تداول للاسهم بغض النظر عن ربحية الشركات من عدمها
اللي بيشتري اسهم في شركة خسرانة عارف انها خسرانة و ده قراره و هوه حر
لأن ليه وجهة نظر في كده و حصل كتير في بورصات تانية ان مستثمرين تقال اشتروا اسهم في شركات خسرانة و سيطروا على الشركات دي و اعادوا هيكلتها و حولوها لشركات بتكسب

[MaZaGAngeE]

مادا
انا مش لبيب ابعت لي رسالة على الخاص

و انا كمان مش لبيب

[SaberMan]

يا تري حد شايف نهايه لمسلسل الانهيار العظيم؟
و ايه الاراء بخصوص قرارات بسلامته بخصوص شطب الشركات الخسرانه خصوصا ان منها شركات حكوميه و قبل كده الموضوع ده حصل و كان فيه استثناء للشركات الحكوميه
حد فاهم حاجه؟

تراجيده و مش فاهم حاجه منهم كانوا بيتكلموا بالألغاز فى ال ontv بس شكلهم مش مريح , تفتكروا بيدبروا لفخ جديد ؟