اريد حلا - اريد رأيا -(ارجو المشاركه)

[eng/muhamad]

[gdwl]

بجد انا فى مشكله كبيره و عاوز رأى الاعضاء فيها انا بعتبر المنتدى بيتى التانى
انا عضو قديم لكن قليل المشاركات عشان كده مفيش حد كتير يعرفنى فى المنتدى
المهم انا هحاول اقول المشكله باختصار
انا فى انسانه المفروض ارتبط بيها و اخطبها قريبا ان شاء الله و كلمت والدى و هو موافق و مفيش مشاكل
المشكله بقى ان انا و هى الايام دى على خلاف كبييييييييييير جدا و هى عملت حاجات جرحتنى بيها و زعلت منها جدا و انا بطبعى انسان مش متسامح يعنى مش بسامح بسهوله ده لو سامحت اصلا
و لو سامحت عمرى ما بنسى اى حاجه جرحتنى من اى حد
انا دلوقتى مدايق جدا و زعلان من اللى هى عملته و شايف ان الحياه معاها بعد كده هتكون صعبه طول ما انا شايل منها بالشكل ده
و فى نفس الوقت مقدرش اسيبها لاسباب كتير جدا
اعمل ايه ؟؟؟ ايه الحل ؟؟؟

[/gdwl]

[Samah AbdAllah]

مفش حل غير انك تسامحها
الافضل طبعا ان حضرتك تصفى قلبكمن كل اللى مزعلك الاول
وده طبعا بانك تقعد وتتكلم معاها وتقولها على كل اللى مزعلك يعنى عتاب هادى ومحاولة تصفية النفوس وتشوف ايه اللى ممكن يرضيك وتحاول توصل معاها لما يرضيك ويشيل الحزن والغضب والالم من قلبك وربنا يوفقك لما فيه الخير

[hany_mohamed]

مفش حل غير انك تسامحها
الافضل طبعا ان حضرتك تصفى قلبكمن كل اللى مزعلك الاول
وده طبعا بانك تقعد وتتكلم معاها وتقولها على كل اللى مزعلك يعنى عتاب هادى ومحاولة تصفية النفوس وتشوف ايه اللى ممكن يرضيك وتحاول توصل معاها لما يرضيك ويشيل الحزن والغضب والالم من قلبك وربنا يوفقك لما فيه الخير

كلام الاستاذه مظبوط
وادى الدليل يا باشمهندس
الله جل وعلا يقول: {واعفوا واصفحوا ألا تحبون أن يغفر الله لكم}.

[eng/muhamad]

مفش حل غير انك تسامحها

انا بطبعى غير متسامح و ده شئ سئ انا عارف كده كويس
و لو الحاجه صغيره بسامح بالعافيه ما بال حضرتك لما تكون حاجه كبيره وصلت لجرح كبييييييير مش قادر اسامح

[zyadahmed]

صعب جدا اقولك سامح فى حاجة ما اعرفهاش ولا اعرف ابعادها انت بس اللى بايدك القرار
وتقدر توزن الامور ...... لان لو ما سامحتش وصفيت نفسك قبل الجواز مش هاتقدر تسامح بعده
ونصيحة على جنب فى ودنك لو الحاجة اللى مزعلاك منها كبيرة واساسية وجوهرية ومش هاتقدر تتناساها زى ما بتقول يبقى خلاص .......
وفى نفس الوقت لو ما تقدرش تسيبها لاسباب كتير زى ما بتقول برضه يبقى تيجى يا سيدى على نفسك لانك مش هاتسامح نفسك لو ضيعتها لاسباب واهية

[hany_mohamed]

انا بطبعى غير متسامح و ده شئ سئ انا عارف كده كويس
و لو الحاجه صغيره بسامح بالعافيه ما بال حضرتك لما تكون حاجه كبيره وصلت لجرح كبييييييير مش قادر اسامح

{ادفع بالتي هي أحسن فإذا الذي بينك وبينه عداوة كانه ولي حميم. وما يلقاها إلا الذين صبروا وما يلقاها إلا ذو حظ عظيم}

الا اذا كنت بتدور على مبرر للخروج من التزامك بكلمتك
المسامحة و العفو مش مرتبطة انك تتجوزها
انما سيادتك تسامح الاول وبعدين ابقى خذ قرارك على مهلك ومش محصور بين قوسى الغضب وعدم التسامح

[eng/muhamad]

لان لو ما سامحتش وصفيت نفسك قبل الجواز مش هاتقدر تسامح بعده

ده اللى انا خايف منه و طبعا العيشه بعد الجواز بالشكل ده صعبه جدا

الا اذا كنت بتدور على مبرر للخروج من التزامك بكلمتك

مش فاهم قصد حضرتك كلمه ايه اللى عاوز اخرج منها

[hany_mohamed]

ده اللى انا خايف منه و طبعا العيشه بعد الجواز بالشكل ده صعبه جدا

مش فاهم قصد حضرتك كلمه ايه اللى عاوز اخرج منها

"و فى نفس الوقت مقدرش اسيبها لاسباب كتير جدا " هو دا مش كلام سيادتك اللى بيدل على انك ملتزم بموقف أو كلمة اتجاهها
ولى رجاء من حضرتك ياريت متأخذش موقف منى أنا والله عاوز اساعد فلا تتوجس
شيئا سيئا منى

[deee]

انت عامل زيى بالظبططططططططططط
وبردو موقفى قريب من موقفك بصورة كبيرة جداً ..
وبردو انا مش عارف اعمل ايه ..
لدرجة انى فكرت انهى الموضوع تماماً .. بس فى نفس الوقت مقدرتش .. اسبابك انا بيتهيألى عارفها وحاسس بيها ..
بس للأسف مقدرتش اوصل لحل لحد دلوقتى !!
بس إن شاء الله لازم يكون فيه حل ..

[SHNORY]

بص يا باشا
باختصار وعن تجارب
الراجل والست الي بيحبوا بعض لو قدروا يقعدوا 10 ايام ميكلموش بعض
يبقي الاتنين مش بيحبوا بعض ومينفعلهمش ارتباط مدي الحياه
دا اولا
ثانيا
مينفعش يكون فيه مشكله ومتسامحش او متصفاش فيها
لانها دلوقتي لو بتصالحك وبتاخد علي خاطرك
فالوضع ده لو اتكرر كتير متستناش منها انها تصالحك
يبقي لازم تداوي العيب ده فيك
لانه عيب خطير جدا
وممكن يضيع حاجات كتير حلوه بينكم
--------------------------------
كمان دلوقتي حضرتك بتقول انك مش بتنسي اي جرح
بتراكمات الجروح دي تقدر تهدم بيتك وحياتك بسهوله
لازم تتسامح
وشويه من عندك وشويه من عندها علشان المركب تمشي
انت دلوقتي في حاله حب
بعد الجواز الحب حيقل والعلاقه حريبطها التفاهم والتراحم
هل انت شايف انك حتقدر تستمر بالمواصفات دي ؟؟؟؟
-------------------------------------
نيجي بقي بالموقف الاخير اللي خلاك تفكر في الموضوع
او بمعني تاني تعيد حساباتك
لو انت شايف ان الموقف ميمسكش ولا يمس كرامتك
ولا ياثر علي شخصيتها قدامك
ومجرد موقف عابر حياخد وقته ويعدي
يبقي زيه زي اي مشكله كبيره
لو شايف عكس كده
يبقي متزعلش مني لما اقولك
يضيع سنين الارتباط اللي فاتت
ولا انك تضيع العمر اللي جاي في مشاكل وحياه انت تعبان نفسيا فيها
طبعا كلامي ده علشان واضح ان الموقف جامد وماثر عليك كتير
وهو ممكن يكون حاجه بسيطه بس انت اللي واخدها علي اعصابك نتيجه حبك للانسانه دي
وربنا يوفقك
ومتنساش تعزمني علي الفرح

[eng/muhamad]

و فى نفس الوقت مقدرش اسيبها لاسباب كتير جدا

ده كلامى

دا مش كلام سيادتك اللى بيدل على انك ملتزم بموقف أو كلمة اتجاهها

و ده كلام حضرتك و واضح جدا من كلامى ان انا قولت فى اسباب لكن مقولتش ايه هى الاسباب دى و لا قولت ان انا مرتبط بكلمه الموضوع مش كده خالص

ولى رجاء من حضرتك ياريت متأخذش موقف منى أنا والله عاوز اساعد فلا تتوجس
شيئا سيئا منى

مش واخد موقف و لا حاجه انا متقبل كل الاراء

[FunnyMickey]

بص هوا انا حقول رأيي بصراحه

انا مش فاهم حاجه
انتا بتقول انها عملت حاجه جرحتك واهانتك

معلش يعني لو خدنا مثال مثلا انها شتمتك
انا لو مكانك مثلا مش حسامح بصراحه بسهوله لانها كده غلطت في الراجل اللي حتتجوزه بعد كده وده معناه انه مش حيكون فيه احترام اساسا

وده ليك حق فيه وساعتها حفركش الموضوع
الغريب بقي انك بتقول انك مش حينفع تسيبها
طب ماهو اصلا مينفعش متسيبهاش لانها اهانتك وجرحتك في كرامتك جرح ميتنسيش

طب لو جينا بقي الناحيه التانيه
انها اصلا متكونش جرحتك او جت عليك اوي
وتكون انتا حساس زياده عن اللزوم او زي مانتا بتقول مبتسامحش بسهوله

يبقي ساعتها الغلط مش غلطها من اصله
لانك انتا اللي متحامل زياده عن اللزوم
وانتا اللي عيب فيك انك مش بتسامح بسهوله

وساعتها بقي حيبان اذا كنت فعلا عارف انك فيك عيب وبتحاول تتغلب عليه
ولا انتا بتكابر وخلاص وعاوز تعمل اللي يرضي مشاعرك انتا ومبتشوفش مشاعرها هيا

المهم ان في كلا الحالتين
ومش دلوقتي وقدام شويه ومع اي بنت في العالم مش البنت دي بس

الحياه متبقاش كده
يعني لو فرضنا انها زي العسل ايام الخطوبه وكتب الكتاب والجواز
وجت عملت اي حاجه ضايقتك وانتا متجوزها ومخلف منها
حتروح تطلقها عشان انتا مش قادر تسامح؟؟

الدنيا شد وجذب
ازعل براحتك
اعمل ثوره
خد حقك

انما مش تنهي حياه لمجرد موقف
الصداقه حاجه والاخوه حاجه والجواز ده حاجه تانيه خالص

فانتا داخل علي بناء حياه زوجيه
متنفعش تبتدي اول طوبه فيها مكسوره

وربنا يوفقك ان شاء الله

[eng/muhamad]

اسبابك انا بيتهيألى عارفها وحاسس بيها .

مع كامل احترامى لحضرتك معتقدش ان حضرتك عارف الاسباب
كل واحد له ظروفه و له اسبابه تشابه الموقف لا يعنىتشابه الاسباب

[eng/muhamad]

استاذ شنورى شرف ليا ان حضرتك ترد على موضوعى
بس هقف على شويه حاجات فى الرد بتاع حضرتك

مينفعش يكون فيه مشكله ومتسامحش او متصفاش فيها
لانها دلوقتي لو بتصالحك وبتاخد علي خاطرك
فالوضع ده لو اتكرر كتير متستناش منها انها تصالحك
يبقي لازم تداوي العيب ده فيك
لانه عيب خطير جدا
وممكن يضيع حاجات كتير حلوه بينكم

اولا انا عارف انه عيب كبير جدا فيا
ثانيا هى عارفه ان اللى هى عملته غلط لكن فى نفس الوقت هى شايفه ان ده رد فعل طبيعى عشان انا كنت مدايق فى مره و اتنرفزت عليها شويه لكن كانت نرفزه من غير ما اجرحها او اغلط فيها

هل انت شايف انك حتقدر تستمر بالمواصفات دي ؟؟؟؟

انا شايف ان انا لو كملت و انا شايل منها بالشكل ده الحياه هتكون مستحيله

لو انت شايف ان الموقف ميمسكش ولا يمس كرامتك
ولا ياثر علي شخصيتها قدامك
ومجرد موقف عابر حياخد وقته ويعدي

انا شايف ان الموقف كبير جدا و مأثر على شخصيتها قدامى جامد و بسبب الموقف ده غيرت رأى عنها فى حاجات كتيييير
ا

[eng/muhamad]

انا مش فاهم حاجه
انتا بتقول انها عملت حاجه جرحتك واهانتك

معلش يعني لو خدنا مثال مثلا انها شتمتك
انا لو مكانك مثلا مش حسامح بصراحه بسهوله لانها كده غلطت في الراجل اللي حتتجوزه بعد كده وده معناه انه مش حيكون فيه احترام اساسا

وده ليك حق فيه وساعتها حفركش الموضوع
الغريب بقي انك بتقول انك مش حينفع تسيبها
طب ماهو اصلا مينفعش متسيبهاش لانها اهانتك وجرحتك في كرامتك جرح ميتنسيش

طب لو جينا بقي الناحيه التانيه
انها اصلا متكونش جرحتك او جت عليك اوي
وتكون انتا حساس زياده عن اللزوم او زي مانتا بتقول مبتسامحش بسهوله

يبقي ساعتها الغلط مش غلطها من اصله
لانك انتا اللي متحامل زياده عن اللزوم
وانتا اللي عيب فيك انك مش بتسامح بسهوله

وساعتها بقي حيبان اذا كنت فعلا عارف انك فيك عيب وبتحاول تتغلب عليه
ولا انتا بتكابر وخلاص وعاوز تعمل اللي يرضي مشاعرك انتا ومبتشوفش مشاعرها هيا

الموقف مش شتيمه لان انا عمرى ما هسمح بكده
الموقف بدون تفاصيل ان انا كنت مدايق فاتنرفزت عليها شويه لكن من غير غلط فيها و من غير تجريح و هى عارفه ان انا عصبى فالمفروض تستحمل ده
فهى عملت حاجه تدايقنى جداااااااااااااا كنوع من انواع العقاب ليا على ان انا اتعصبت عليها و انا اللى مدايقنى حاجتين
1- الحاجه اللى هى عملتها
2- طريقه التفكير انها تفكر تعاقبنى