اريد حلا - اريد رأيا -(ارجو المشاركه)

[MomoMedo]

انا مش هقولك ان موضوعي يشبهلك لأ دا كربون منه. لدرجة ان العيلة كلها كانت عارفة ومستنية.
افهم من الكلام دا انك ناوي تبعد عن الموضوع.
هو انت بتحبها بجد..؟؟؟؟؟ لو بتحبها بجد سامحها علشان مفيش حد بيعاقب حد من اول غلطة.
انما لو انت متأكد ان الكدب دخل بينكم (عن تجربة) عمرك ما هترتاح وهتعيش طول الوقت في قلق. فبلاش منوا احسن وانصحك تعمل صلاة استخاره وربنا هيوصلك للانسب والافضل ليك إن شاء الله.
والحاجات دي في الاول وفي الاخر نصيب.

بحبها و مجرد ما بفتكر حاجة قديمة بتقلب معايا بعياط ونكد
بفتح صورتها واعد اكلمها واعيط
بس مش نافع خلاص
الامور كل مدى بتسوء اكتر من الاول
ولحد دلوقتي اهلي ميعرفوش حاجة عن المشاكل خالص :s

[devilishtigers]

انا عندي اقتراح ايه رايك تكلم والدك او والدتك (الاقرب اليك) وتشوف رد فعله ايه لو هو مكانك.
من اللي بتقوله انك بتحبها وبتعمل اللي قولت عليه انا مش قادر احدد ايه اللي حصل خلاك كده بس ياريت ما تجنيش على واحدة لو بتحبك وانت بتحبها بسبب غلطة واحدة ومن اول مرة.
ولكن انا اصر على كلامي لو دخل الشك في العلاقة لابد من التأكد علشان ما يكونش فيه ظلم ليها لو وجدت نفسك ظالمها يبقى المفروض تسامحها علشان الكمال لله وحده وسواء كملت معاها او ما كملتش عمرك ما هتلاقي واحدة كاملة هتحصل خناقات زي ما بتحصل بين اي اتنين وهي دي سنة الحياة.
نصيحة اخوية ملهاش دعوة بالموضوع:
خليك دايما متسامح حتى لو ظاهري ومع الوقت هيتحول لداخلي. واللي سامحته هيعمل بعد كدا اللي يرضيك واكتر علشان اكيد هو فاكر انك سامحته لما هو غلط. فكر في حياتك بعد كدا (شغلك - زوجتك - اطفالك - حياتك العامة) هتصادف ناس كتير ولو فضلت بالوضع دا هتخسر ناس كتير ومش هتعرف تعيش. علشان كل حاجة هتلاقي فيها مشاكل بتحصل (تخيل انك تقاطع زميلك في الشغل علشان زعلت منه).
الموضوع في البداية هتلاقيه صعب بسبب طبعك انما مع مرور الوقت هيبقى سهل وهتلاقي نفسك فرحان لما مش بتقطع علاقة مع شخص دامت علاقتك بيه سنة او اتنين او اكثر.

[devilishtigers]

انا بحاول اصفى و اسامح و يعنى الموضوع بدا يتحل نسبيا و بدأنا نتكمل احسن شويه و بصراحه هى اتاسفت كتير اوى على اللى عملته و اعتذرت و انا بدأت اهدى شويه

كده كويس وبإذن الله خير بس انت اهدى وافتكر الحاجات الحلوة اللي بينكوا وربنا هيكرمكوا بإذن الله (الاسف دليل على الاعتراف بالخطأ ولكن كتر الاسف دليل على الحب). وما تنساش تفرحنا وتعزمنا.

[Karim_Mohy]

اولا يا محمد ربنا يكرمك بزوجة صالحة

ثانيا.....انت عصبي زي مابتقول.....ماشي ده طبه فيك بس هايأثر عليك بعد كده سواء مع خطيبتك زوجتك اهلك شغلك الخ.....

مش هاقولك غير طبعك بس هاقولك اهدي شويه وفكر قبل ماتتعصب وحط نفسك مكان الشخص اللي قدامك

يا راجل ده لو حد من اهل بيتك مثال الوالد او ايا كان عصبي بالطريقة ده انت نفسك بتكون مخنوق بس بتحبه..........او مثلا ليك مدير في شغلك....دكتور في الجامعة اي حد بيكون عصبي كده مابتبقاش طايقه.....

فنصيحة جتي لو ده طبعك فكر في الموضوع ككل مع نفسك وتحاول تهدي كده لان الموضوع ده هايفيدك في حياتك عموما..................وربنا يوفقك

[eng/muhamad]

سنتين وشهرين ياباشا ولسه معرفتوش طباع بعض ازاي دي

فعلا فترة كبيرة المفروض تكون عرفت كل حاجة عنها

اولا احنا عارفين طباع بعض و عارفين كل حاجه عن بعض كويس جداااااااااا و طول السنتين دول كان طبيعى بنشد مع بعض و بنرجع تانى عادى زى ما بيحصل مع اى اتنين
المشكله بقى ان المره دى هى اول مره تتصرف بالشكل ده اول مره تفكر بالطريقه دى و ده اللى مدايقنى

هتصادف ناس كتير ولو فضلت بالوضع دا هتخسر ناس كتير

دى حقيقه انا فعلا بخسر ناس كتير بسبب زعلى

الاسف دليل على الاعتراف بالخطأ ولكن كتر الاسف دليل على الحب

كلام مظبوط و انا متأكد من أخر جزء فى الجمله

يا راجل ده لو حد من اهل بيتك مثال الوالد او ايا كان عصبي بالطريقة ده انت نفسك بتكون مخنوق بس بتحبه..........او مثلا ليك مدير في شغلك....دكتور في الجامعة اي حد بيكون عصبي كده مابتبقاش طايقه.....

على فكره انا عملت اكتر من مشكله قبل كده فى الكليه بسبب العصبيه
سواء مع معيدين او مع الدكتور نفسه بس الحمد لله كل مره كانت بتعدى من غير مجلس تأديب
مش عارف اسيطر على نفسى فى الموضوع ده

[م.محمد علاء]

نصيحة واحد متجوز من ست سنوات
1- لو انت من النوع اللى مش بيسامح بلاش جواز احسن
2- اقعد معاها واستعذ بالله من الشيطان الرجيم وفضفض معاها
3- اذكر بقول الاعرابى " سئل من العاقل قال الفطن المتغافل " يعنى مش لازم كل حاجة تكون فاقسها اعمل نفسك عم العبيط وعدى وكبر الجمجمة ( عذرا على التحدث بهذه الطريقة )
4- لو مكبرتش دماغك مع المرأة اما حيحصل طلاق او حيجيلك شلل
5- تكبير الدماغ بشرط ان كل واحد يعرف مين هو ( الراجل راجل والست ست ) وان الكلمة الاوله والاخيرة للراجل مع الاخذ فى الاعتبار " وامرهم شورى بينهم "
6-عاوزك تعرف ان المرأة الاصيلة نعمة ومن السهل تراضيها واحذرك من الافتراء على المرأة والتقْوى عليها وخيركم خيركم لأهله وكان النبى صلى الله عليه وسلم خير الناس لأهله
7- استوصوا بالنساء خيرا
8- اهم حاجة صلى لله رب البرية فى وقت السحر ان يصلحها الله لك وان يصلحك لك

تسلم على كلامك اللى عامل زي البلسم