فاكرين الخوخ ؟؟؟

[eino666]

صديقة دي اسمها الأصلي البغبغان علشان فيها لطشه حمرا

بالهنا والشفا

همممممممممممممممم
ريقى جرى ربنا يسامحك
........................*
محمود عينو

[hany_mohamed]

ليه كده يا أبو رقيه احنا زعلناك فى حاجة علشان تفكرنا بأيام زمان ومواليد السبعينيات
طب ياريت بقى تعمل موضوع خاص بذكريات جيل السبعينيات والنبى يا ابو رقيه والنبى

[abou_ruqi]

موجود يا بيه

مش فاكر فين بس في موضوع كبير قوي للموضوع ده

[chicobon]

كيلو الخوخ دلوقتي قرب لعشرة جنيه و في انواع ده سكري و ده عريشي و ده بلدي مش عارف ايه اصله بس فعلا مالهوش طعم زي الاول مش عارف ليه يمكن عشان عمال يغلا و بقي زيه زي التفاح

[abou_ruqi]

كيلو الخوخ دلوقتي قرب لعشرة جنيه و في انواع ده سكري و ده عريشي و ده بلدي مش عارف ايه اصله بس فعلا مالهوش طعم زي الاول مش عارف ليه يمكن عشان عمال يغلا و بقي زيه زي التفاح

أحسن علشان الناس ماتقدرش تشتريه و يرحموا جسمهم من السموم اللي بتدخل فيه

[ابوهاشم]

فكرتنا بزمان وفاكهة زمان ياابو رقيه
بس واول ماشوفت الموضوع افتكرت على طول
شكل الخوخ وطعمه اللى كنا عارفينه مش اللى بنشوفه دلوقتى
ولو هنتكلم فى الموضوع ده للصبح مش هنلاقى ولا نوع فاكهة
من اللى كنا نعرفها زمان وفاكرين طعمها لحد دلوقتى

[misoalex]

هى جت على الخوخ بس

امال الخيار والطماطم
ولا الموز الى بقى كله نوع واحد انا فاكر الموز زمان كان فيه بزر فىالنص زى العمود الفقرى كده
والخيار كان فيه لب وبيبقى معسل
ولا الطماطم وطعمها وريحتها
وغيره وغيره وغيره

[abou_ruqi]

إيه الموز اللي فيه بذر ده؟؟
يا خميس التانية اسمها كاكا !!!

[badry78]

ازيك يا خالد باشا

أختصر لك الموقف دلوقت
الخوخ بقى زي معظم الحاجات اللي بتبتدي بحرف الخاء اللي قليل لما تلاقي كلمة كويسة تبدأ بيه
اديك مثال ( خبيث , خرابة , خلاعة , خواجات , خخخخ ......... الخ )
يعني بلاش تستعجب

أخوك احمد البدري قابلتك في المعمورة
لو مش فاكرني جاوب على سؤالي
جلدية ولا ..... ؟

[kh_talaat]

اية الموضوع اللي يضرس دة

الحمد لله انا مليش في الخوخ لأن جسمي بيقشعر من ملمسه القطيقة من الخارج ومبقدرش حتى ألمسه

وبالنسبة للنكتارين هو نوع من انواع الخوخ ولكنه يختلف عنه في الملمس الخارجي فقط ، فملمسه الخارجي يشبة ملمس التفاح




لكن تقولي مانجه اقولك حبيبي

[wesam_salom]

عندنا شجرتين خوخ فى الجنينه

بيطلعوا ييجى 20 خوخه فى السنه

وعندنا شجرتين رمان

بيطلعوا ييجى 30 كيلو

مش عارفين نبدل

بس فعلا طعمهم جميل والخوخ صغير وحلو

حاجه غير اللىبنشتريه

[Dr. Elsaadani]

الخضار والفاكهة اللى فى مصر كله له طعم غريب واللى يحس بكده اللى جرب العيشة بره مصر لفترة زى الحال معى الان

كل شىء طعمه متغير كل شىء خضار وفاكهة لحوم دجاج كل شىء

الحمد لله على كل حال ونعوز بالله من سوء الحال

[alaa74]

خالد باشا ازيك واخبارك ايه

انت فكرتنى بأيام زمان وفاكهة زمان .

كانت كل حاجه فيها بركه وخير

الفاكهة كانت فعلا فاكهة والخضار كذلك

لكن النهاردة أصبحت أشباة فاكهة أشباة خضار الخ ....

وبقترح تعديل إسم الموضوع ويبقى( مين بيحب المانجه أكتر من

شنورى )

لأن الموضوع بقى مانجه خالص ..

وربنا يديك الصحه يا شنورى باشا .

[pro_samir]

ربنا يسامحكم انا تعبت من السيرة دي لأني بقالي فترة اصلا مش بعرف اكل كويس فضلا عن الفاكهة والذي منة مبشوفهاش

اعمل اية دلوقتي طيب

[abou_ruqi]

ازيك يا خالد باشا

أختصر لك الموقف دلوقت
الخوخ بقى زي معظم الحاجات اللي بتبتدي بحرف الخاء اللي قليل لما تلاقي كلمة كويسة تبدأ بيه
اديك مثال ( خبيث , خرابة , خلاعة , خواجات , خخخخ ......... الخ )
يعني بلاش تستعجب

أخوك احمد البدري قابلتك في المعمورة
لو مش فاكرني جاوب على سؤالي
جلدية ولا ..... ؟

يا عم من غير أمارة , هو أنت تتنسى ؟؟؟

اية الموضوع اللي يضرس دة

الحمد لله انا مليش في الخوخ لأن جسمي بيقشعر من ملمسه القطيقة من الخارج ومبقدرش حتى ألمسه

وبالنسبة للنكتارين هو نوع من انواع الخوخ ولكنه يختلف عنه في الملمس الخارجي فقط ، فملمسه الخارجي يشبة ملمس التفاح




لكن تقولي مانجه اقولك حبيبي

بتقشعر من الخوخ ؟؟؟ يا حبيبي !!
تصدق لو كنت أعرف كده من زمان كنت منعتك من المقابلات و بدلتك بأبو صلاح

خالد باشا ازيك واخبارك ايه

انت فكرتنى بأيام زمان وفاكهة زمان .

كانت كل حاجه فيها بركه وخير

الفاكهة كانت فعلا فاكهة والخضار كذلك

لكن النهاردة أصبحت أشباة فاكهة أشباة خضار الخ ....

وبقترح تعديل إسم الموضوع ويبقى( مين بيحب المانجه أكتر من

شنورى )

لأن الموضوع بقى مانجه خالص ..

وربنا يديك الصحه يا شنورى باشا .

ما هو شنوري طول عمره كده , لما بيخش موضوع بيبوظه و بيقلب الناس عليه
بني أدم عجيب قوي , كفاية إنه بيلم الخوخ من على شجر البرقوق , طب ده تتكلم معاه تقوله إيه ده ؟؟

ربنا يسامحكم انا تعبت من السيرة دي لأني بقالي فترة اصلا مش بعرف اكل كويس فضلا عن الفاكهة والذي منة مبشوفهاش

اعمل اية دلوقتي طيب

أول عقد عمل يجيلك من الجابون تروح وتبعتلي واحد علشان أحصلك
أكيد أهل الجابون الأشقاء ما بيكلوش مبيدات مسرطنة و لا بيشربوا مية مجاري !

طب إحنا قاعدين هنا بنيل إيه ؟؟؟

لو على المنتدى , أهو معانا في كل حتة , إيه اللي لازقنا فيها مش عارف