أغرب من الخيال(مش هتصدق)

[A7MED_PHARMA]

هل من الممكن إنك تحفر تحت في الجنينة بتاعتك وتلاقي (لاب توب) عمره أكتر من 200 قرن من الزمان؟؟؟
ممكن تلاقي في مقبرة من مقابر الفراعنة (يو اس بي ) إتصالات ..مدفون من 200 سنة؟؟؟
دلوقتي نلاقي أبوكمال داخل يقول :"أه ..ممكن"
المهم
أغرب من الخيال
للي يعرف وإلي مايعرفش
كهوف تاسيلي..كهوف صخرية موجودة في الجزائر الاوروبية الشقيقة
واحد باحث إكتشفها
ولم يصدق نفسه .(أنا نفسي مش مصدقها)
نقوش على جدران الكهوف دي
نقوش عمرها أكتر من 200 قرن من الزمان
أنا بقول النقوش دي ...واحد وقف ورسمها على جدران الكهوف من 20 الف سنة(20 قرن)

شوفوا بقا الرسوم دي كانت إيه















.............
كهوف تاسيلي
الكهوف دي فيها رسومات لناس راكبين عربيات
وأطباق طائرة ..وكائنات فضائية
وحيوانات أسطورية

نظريات كتيرة حاولت تفسر سر وجود الرسومات دي من 20 قرن من الزمان
بعضهم إفترض ..إن ده إثبات للنظرية النسبية لأينشتاين
وبعضهم قال أطلنطس
أنا نفسي

بقول
ده كان أول إكتشاف للحشيش(أو للبانجو)
وواحد بدائي خد نفسين...ومسك صخرة مسنونة
وقعد يبدع على الحيطة

..والله أعلم..

[hamedo0]

جامد اوى اخر التعليق يا دكتور احمد
بس في معلومات اكتر بصراحة اول مرة اسمع عن الكهف ده

[icehearted girl]

انتو في اي يا نايلين موتورايزرين

افكاركم كلها غريبة الليلة دي كدا ليه

طب ياريت لو فيه معلومات اكتر عن الكهوف دي انا تاني مرة اسمع عنها

[AirForces]

انا بحب المواضيع دى اوى بتعملى دماغ
ومش عارف ليه دايما بيجى فى دماغى انه زمان الناس كانو متقدمين عننا او عندهم حضارة احدث من الحضارة اللى احنا فيها دلوقتى ( مش بقصد مصر يعنى لأ العالم عموما) وحصل حاجة يمكن حرب نووية ولا حاجة قضت عليهم
مش عارف دا تأثير الأفلام اللى بنشوفها ولا افكار الخيال العلمى اللى بقراها ولا فيه حاجة فى الجو بتعمل دماغ

بس فعلا لما كنت بروح رحلات للمناطق الفرعونية بقول اللى وصل للعقلية دى من اكتر 7000 سنة يبقا اكيد كان عندهم علم ومعرفة متقدمين جدا يمكن اكتر تطورا مننا دلوقتى بس للأسف الفراعنة مثلا كل اسرار تقدمهم كان الملوك والكهنة بس بتقتصر عليهم وبيعرفوها وما بتخرجش لعامة الشعب عشان كدا اندثرت اسرار تقدمهم معاهم

موضوع ممتاز شكرا لطرحك ليه :) :)

[A7MED_PHARMA]

أنا أول مرة أسمع عنها من ييجي 10 سنين ...في سلسلة ملف المستقبل بتاعت الدكتور العبقري/نبيـــــــــل فاروق
والنهاردة عملت بحث عنها وجبتلكم صور

تخيلوا دي
رسومات لأطباق طائرة ..وناس لابسة خوذات ..وكائنات اسطورية....من 20 الف سنة

تفتكر تفسيرك الشخصي يكون إيه؟؟؟
تفسيري أنا..(حسب خيالي)...
الرسومات دي مش ممكن تكون بقايا حضارة سابقة ..علشان لو حضارة سابقة كانت بلغت من التطور إنها تركب عربيات وتخترع مركبات طائرة ..وحبت تسيب دليل على وجودها
هتسيب دليل بشكل أفضل من نقوش على جدران صخرية في كهف

ممكن فعلا يكون عبقري مجهول(زي ألبرت أينشتاين كده)
حاول يخترع حاجات أو يتخيل شكل المستقبل
والناس إتهموه بالهرطقة
فإنزوى بنفسه(مع فرشين حشيش طبعا)
وجلس بائسا يسجل مايحويه عقله من رؤيه للمستقبل
غالبا ده كان مصري برضوووو

[AirForces]

الرسومات دي مش ممكن تكون بقايا حضارة سابقة ..علشان لو حضارة سابقة كانت بلغت من التطور إنها تركب عربيات وتخترع مركبات طائرة ..وحبت تسيب دليل على وجودها
هتسيب دليل بشكل أفضل من نقوش على جدران صخرية في كهف

طيب إيه الدليل اللى ممكن تسيبه بشكل افضل ويبقا مع الزمن لفترة طويلة
اعتقد الرسم او النحت على الحجر هى افضل طريقة وخصوصا لو جوه كهف عشان ما تتأثرش بعوامل التعرية اوى

[A7MED_PHARMA]

طيب إيه الدليل اللى ممكن تسيبه بشكل افضل ويبقا مع الزمن لفترة طويلة
اعتقد الرسم او النحت على الحجر هى افضل طريقة وخصوصا لو جوه كهف عشان ما تتأثرش بعوامل التعرية اوى

دليل على عظمة حضارتهم
هتبقا حاجة غير طبيعية ..وحاجة واضح فيها العبقرية وضوح الشمس
زي هرم (خوفـــو) مثلا

تقف قدامه وتقول
يانهاااااااار أزرق...هما عملوه إزاي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[atamim]

ينما كان الرحالة (بربنان) يجتاز الحدود الجزائرية الليبية في عام 1938م و في واحدة من رحلاته العديدة .. عثر على كهوف في مرتفعات يطلق عليها اسم (تاسيلي) .. و قد وجد في هذه الكهوف عندما قام باستكشافها نقوشا و رسوما عجيبة لمخلوقات بشرية تطير في السماء و ترتدي أجهزة طيران و لسفن فضاء و رواد فضاء و رجال ونساء يرتدون ثيابا حديثة كالتي نرتديها في زماننا الحالي و رجالا يرتدون لباس الضفادع البشرية و استقطب هذا الاكتشاف اهتمام علماء الآثار و وسائل الإعلام كافة و جعلهم يتدافعون لزيارة الحدود الجزائرية الليبية لمعرفة المزيد عن تلك الرسوم و النقوش العجيبة و أهم تلك الزيارات كانت في عام 1956م عندما قام الرحالة (هنري لوت) برفقة مجموعة كبيرة من العلماء بزيارة لتلك الكهوف و التقطوا لها صورا فوتوجرافية عديدة و بعد البحث و الدراسة و استخدام وسائل متطورة للغاية (كالتحليل الذري) لمعرفة عمر تلك النقوش جاءت النتيجة .. و كانت مذهلة بحق لقد قدر جميع الخبراء عمر تلك الرسوم و النقوش بأكثر من عشرين ألف سنة!! و هز هذا الاكتشاف الأوساط العلمية هزا و تفجرت علامات استفهام و دهشة لا حصر لها و صنعت تلك الرسوم ما يعرفه علماء الآثار باسم...... لغز كهوف تاسيلي.

تاسيلي تحت حماية اليونيسكو:

في عام 1982 أعتبرت منظمة اليونيسكو كهوف تاسيلي على قائمة التراث العالمي , وفي عام 1986 اصبحت محمية لحيوانات نادرة في طريقها الى الإنقراض , وجدت ملاذا في المنطقة كاللأروية (Ammotragus lervia) وأنواع عديدة من الغزال. ثم صنفتها اليونيسكو ضمن الإرث التاريخي عام 1972، حيث تم إدراج تاسيلي ن هاجر كإرثا حضاريا عالميا , لما تتمع به من ثروات ثقافية هائلة , كما لقيت كهوف تاسيلي الاعتراف في شبكة برنامج اليونيسكو الإنسان والمجال الحيوي كمحمية إنسانية ومجال حيوي.

*يشكل الموقع أكبر متحف للرسوم الصخرية البدائية في كامل الكرة الأرضية فقد تم إحصاء أكثر من 30,000 رسم تصف الطقوس الدينية والحياة اليومية للإنسان الذي عاش في تلك المناطق أثناء حقبة ما قبل التاريخ. ما يجعلنا نتخيل كيف كانت تلك المناطق المقفرة العقيمة تعج بالخضرة والحياة.

ان لغز كهوف تاسيلي قد سرق بالفعل دهشة العلماء وجعلهم في حيرة من أمرهم من الاجابة على سؤال تلك الحضارة التي تعاملت مع الفضاء في وقت مبكر من فجر التاريخ , كهوف تاسيلي سرقت دهشة علماء الآثار وتنتظر فك لغزها المحير حتى هذه اللحظة .

[AirForces]

دليل على عظمة حضارتهم
هتبقا حاجة غير طبيعية ..وحاجة واضح فيها العبقرية وضوح الشمس
زي هرم (خوفـــو) مثلا

تقف قدامه وتقول
يانهاااااااار أزرق...هما عملوه إزاي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماشى ما يمكن حصل دمار شامل ولا نيزك ضرب الأرض ومحا الحضارة دى ودا اللى اتبقا منها بس

مجرد تخمين او تهييس

[amr mokhtar]

شكرآ على الموضوع يا دكتور أحمد

انا لقيت الفيديو ده
فيه صور أكتر

[youtube]http://www.youtube.com/watch?v=vcQCRBnnuuM[/youtube]

[amr mokhtar]

هم إكتشفوا رسومات برضه للإنسان الأول فى جبل العوينات جنوب مصر على الحدود مع السودان و ليبيا
بس الرسومات أبسط من كده و أقل تعقيدآ

[A7MED_PHARMA]

طيب ..نيجي بقا للتفسيرات
أنا قولت التفسير بتاعي
.............
كل واحد بقا يدخل يقول تفسير للغز ده من خياله

[م.محمد علاء]

انا أؤيد رأيك يا دكتور أحمد....دي كانت حته حشيش لم تطالها يد الغش و الخداع..وكانت بحالتها الطبيعيه النقيه...
ولما بلغت من نقاوتها حدا رائعا...فبمجرد أن شربها الراجل الأثري اللي هوا من عشرميت سنه..
أخدته الجلاله و العظمه فرأى ما رأى ورسم مارسم...
الخيال موجود عند كل واحد فينا..ولو كل واحد رسم لحاجه هو متوقعها للعشرميت سنه اللى جايه...
أكيد حتتحقق منهم حاجه...
و على رأى الإعلان بس بصيغه تانيه...
الحشيش...بيطلع الإبداع اللي جوانا
أما عن نظرية أينشتاين....انا لا أعتقد إن ممكن حد يكون من المستقبل و العجوه دي ورجع للماضي..ورسمله رسمتين..
لأن طالما هي ممكنه كده..مبدل ميرجع لورا قوى كده..ميرجعلنا ويقلنا كلمتين حلوين يصبرنا بيهم...
على الأقل حيفهمنا ونفهمه و حيقولنا :انا من المستقبل..
ولو من الفضاء الخارجى..انا بقول لو كان فيه كائنات من الفضاء...كان القرآن عرفنا منه إن فيه مخلوقات عاقله زيها زينا بس فى كواكب تانيه

[bmya]

ياااااااه يا احمد رجعتنا لايام ملف المستقبل

بصراحه ش عارف بس انا متابع مععاكم عشان انا بحب الحاجات دي اوووي

[pro_samir]

في حاجات كتير كدة مش هنعرفها غير في الأخرة ، المهم تكون جنة يا رب

بس متنسوش نايل موتورز في الجنة هههههههه