أغرب من الخيال(مش هتصدق)

[SkyBird]

طيب ..نيجي بقا للتفسيرات
أنا قولت التفسير بتاعي
.............
كل واحد بقا يدخل يقول تفسير للغز ده من خياله

فوتوشوب

[Xander2010_Evo]

أنا كنت هاقول فوتوشوب
بس التفسير الأفضل
هيا حته الحشيش عملت دماغ للأسطي ده نام وصحي رسم إللي حلم بيه
وعلي فكرة فيه كهوف فيها رسومات قريبة أوي من دي بس ف شمال فرنسا تقريبآ

[hazoom2006]

يا سلام عليك يا دكتره انا فعلابدايه معرفتى بمرتفعات تاسيلى كانت من ملف المستقبل وكان عدد خاص ( الزهره السوداء)

وفكرت فى اللغز ده كتير وكان نفسي اشوف الرسومات دى من زمااااااااان

تفسيراتى بقا بخلاف الحشيش اللى الجميع اجمع عليه والفوتوشوب برده

ممكن يكون حد بيحب الرسم وخياله واسع شوية منستبعدش يكون واحد زى ليوناردو دافنشى كان موجود فرسم حجات من خياله

ممكن يكون كائنات فضائية جت الارض وحد حب يسيب صورة ليهم زى ماحنا بنعلق الصور فى الصالون

ممكن تكون مسابقة رسم ونحت للاطفال زى اللى بتتعمل فى الحضانه وكل واحد يرسم حاجه من دماغه والكهوف دى كانت المعرض واللى رسم حيوانات واللى رسم دايره وفيها خطوط فسرناها احنا بالاطباق الطايره

بس برده انا ملاحظ اختلاف انماط الرسم والنحت يعنى مش شخص واحد هو اللى رسم او هو اللى كان ليوناردو وبرده شكلها كده اترسمت فى ازمنه مختلفه

بس انا مستبعد انها تكون حضاره قديمه زى اطلانتس مثلا لانها لو حضاره قديمه واندثرت هتسيب اقوى ماعندها من تكنولوجيا او على الاقل هتسيب رسومات احسن من كده شوية خصوصا ان فى الرسومات ناس بيركبو افيال وزرافه يعنى حياه الهمجيه وبدايات الانسان بس من امته والجزائر فيها افيال وزراف يلا يمكن كان زمان فيها ودلوقتى بقى فيها حجات تانية



بس ده كل اللى فى بفكر فيه دلوقتى من ناحيه الكهوف دى

[charming]

انا أؤيد رأيك يا دكتور أحمد....دي كانت حته حشيش لم تطالها يد الغش و الخداع..وكانت بحالتها الطبيعيه النقيه...
ولما بلغت من نقاوتها حدا رائعا...فبمجرد أن شربها الراجل الأثري اللي هوا من عشرميت سنه..
أخدته الجلاله و العظمه فرأى ما رأى ورسم مارسم...
الخيال موجود عند كل واحد فينا..ولو كل واحد رسم لحاجه هو متوقعها للعشرميت سنه اللى جايه...
أكيد حتتحقق منهم حاجه...
و على رأى الإعلان بس بصيغه تانيه...
الحشيش...بيطلع الإبداع اللي جوانا
أما عن نظرية أينشتاين....انا لا أعتقد إن ممكن حد يكون من المستقبل و العجوه دي ورجع للماضي..ورسمله رسمتين..
لأن طالما هي ممكنه كده..مبدل ميرجع لورا قوى كده..ميرجعلنا ويقلنا كلمتين حلوين يصبرنا بيهم...
على الأقل حيفهمنا ونفهمه و حيقولنا :انا من المستقبل..
ولو من الفضاء الخارجى..انا بقول لو كان فيه كائنات من الفضاء...كان القرآن عرفنا منه إن فيه مخلوقات عاقله زيها زينا بس فى كواكب تانيه

فى علم الفضاء و الفلك كوكب الارض يدور فى مدار فلكى حول الشمس ضمن 9 كواكب و تسمى المجموعة الشمسية و المجموعات الشمسية تكون ضمن مجرات فضائية تحوى الاف و الاف من المجموعات الشمسية و بلنسبة لينا احنا و كوكب الارض فهو ضمن المجرة الفضائية درب التبانة تخيلو بقا ان فية فى الكون ملاين المجرات التى تحتوى على بلاين المجموعات الشمسية يعنى فية بلاين اشموس الى زى شمسنا و بتدور حواليها كواكب فى مجرات تبعد عن الارض ملاين السنين الضوئية تفتكرو يعنى مفيش كوكب و احد علية حياة ؟؟ و هل الممكن ان ربنا خلق الكون العريض دة (سبحان الله) عشان احنا نتفرج علية بس ؟؟

[MTAK]

لا اجد تفسير منطقى
الا "و يخلق ما لا تعلمون"
--
خطر على بالى حاجه كده
لو مسكت القلم و رسمت ارض و بيطلع منها زرعه نصفها طماطم و نصفها بطيخ و جنبها شجرة مكرونه اسباجيتى
و بياكل منهم حيوان يطير فى السماء
و بيسقيهم فلاح راكب على حاجه شبه التعبان بس مش ثعبان حاجة زى الجمل بس مش جمل يعنى هو شبه اوى الحبيوكارمى
الذ ما انا راسمة فى الصورة ان الدنيا شمس ليل
و الدنيا زى ما تكون كده ساعة العفسق المتشمق
اتموسفير روعه روعه روعه
-- و رميت الرسمة دى بعد ما حططتها فى زجاجة مقفوله فى المحيط الهادى
و قوم ايه بعد ييجى عشروميت مليون الديشليون فيمتو ثانيه
واحد بيعوم فلى البحر الدمونى لقى الزجاجة و حدفها على واحد قاعد على الشط البعيد
و فتح الزجاجة و قاله مالقيناش المفتاااااااااااااااااااااااح

[khaled_rafea]

تفسيرى ان ده ابداع فنى, زى ما المخرجين والمؤلفين بيبدعوا دلوقتى و بينتجوا افلام خيال بننبهر لما بنشوفها, بس الابداع ده جيه فى شكل رسومات, بالنسبة للكائنات الفضائية للأسف مفيش دليل حقيقى يأكد او حتى ينفى وجودها

[أبو_يوسف]

أنا بصيت على الصور اكتر من مرة مشفتش لا عربيات ولا سفن فضاء !!
هو انا عيني مدغششة ولا ايه؟

[أبو_يوسف]

وزي ما د أحمد قال : شكل الرسم لا يتناسب مع المفهوم اللي عايزينه يوصل للناس (سفن فضاء واختراعات وتطورات ) ...لو ناس متطورة كدا مكانوش هايروحوا يسجلوا تاريخهم على صخور وكهوف بالرسومات الطفولية دي .. اكيد هايكونوا وصلوا لكاميرات تصوير بالبعد الثالث والخامس كمان...

رأيي في الموضوع دا -كما قالوا- :
"بقدر ما تكون الكذبه اكبر بقدر ما تكون قابليه الناس لتصديقها اكثر"
..

[ahmed4000]

الناس اللى بتكذب الموضوع على ما اتذكر ان دافنشى راسم اختراع طيارة هيلكوبتر وكذا اختراع تانى
وشوف ده مات من كام ميت سنة؟

[mahgary]

انا لسه شايف موضوع فى الجريده اليومين دول بيقولو عن اكتشافهم لمغارة فى الصحراء الغربية فيه رسمات مثل دى

[A7MED_PHARMA]

الموضوع فعلا حقيقي ....علشان ده موجود ومفتوح لعلماء الأثار
والكل قال....عمرها 20 الف سنة

طيب..أنا برضو في تفسيري إن ده مبدع في زمانها....زي دافينشي
قعد برسم من خيال رؤيته للمستقبل(طبعا مع طن حشيش خام)
بقا بياخد نفسين .. ويكتم
ويقوم راسم راسمتين

إيه الدماغ دي

[ganash]

طيب ازاى فوتوشوب وانا قرأت ان الكهوف دى من 1938 فوتوشوب حجرى ولا ايه

[Xander2010_Evo]

لا اجد تفسير منطقى
الا "و يخلق ما لا تعلمون"
--
خطر على بالى حاجه كده
لو مسكت القلم و رسمت ارض و بيطلع منها زرعه نصفها طماطم و نصفها بطيخ و جنبها شجرة مكرونه اسباجيتى
و بياكل منهم حيوان يطير فى السماء
و بيسقيهم فلاح راكب على حاجه شبه التعبان بس مش ثعبان حاجة زى الجمل بس مش جمل يعنى هو شبه اوى الحبيوكارمى
الذ ما انا راسمة فى الصورة ان الدنيا شمس ليل
و الدنيا زى ما تكون كده ساعة العفسق المتشمق
اتموسفير روعه روعه روعه
-- و رميت الرسمة دى بعد ما حططتها فى زجاجة مقفوله فى المحيط الهادى
و قوم ايه بعد ييجى عشروميت مليون الديشليون فيمتو ثانيه
واحد بيعوم فلى البحر الدمونى لقى الزجاجة و حدفها على واحد قاعد على الشط البعيد
و فتح الزجاجة و قاله مالقيناش المفتاااااااااااااااااااااااح

هههههه
أحييك يابشمهندس محمد علي اللوحة الفنية دي
وأتشرف بمعرفة حضرتك
طريقة رسومات حضرتك هايلة
ياسلام لو تنزلنا بيها فوتوشوب ونطبعها ونحطها برواز ف كهوف تاسيلي ده أكيد هاتعجب الناس اللي بعدنا وتعقدهم إن شاء الله

[Dr Ahmed]

أنا مع تصور إن الرسومات دى تكون خيال رائع لشخص مبدع زى ما ممكن دلوقت تلاقى رواية عن المستقبل وفعلا تتحقق تفاصيلها أو رسومات لأشياء مجهولة فى الماضى أو المستقبل وتصدق رغم أن صاحبها لم يرها بعينيه أبدا

[midohtato]

اسمحولي اقول رأي اللي هيكون بالنسبة لكم غريب شوية :

لو لاحظنا ان كان في حضارة زمان شديدة التطور اللي هي حضارة اطلانتس اللي اتقال عليها قصص كتير جدا
و كان فية الحضارة الفرعونية اللي بردو كانت متطورة جدا

الحضارتين دول بالاخص تقدمو بسرعة نسبية - من الانسان البدائي الي الانسان المتحضر -
و غير معظم الحضارات الاخري
بالنسبة لاطلانتس كانت سابقة الحضارة الفرعونية و الحضارة الفرعونية هي اللي اخدت منها كتير من العلوم .

طيب اطلاتنتس دي زي مقولت تطورت بسرعة في وقت كان مستحيل فية التطور بسرعة فكان من المؤكد ان كان فية عامل مساعد قوي يخلي ناس بدائيين ناس متحضرين متقدمين في العلوم .، فجه رأي بيقول ان فعلا كان في كائنات فضائية جت علي الارض و نقلت كتير من علومها علي حضارة معينة و الحضارة اللي استقبلت علمهم نشرت علمها علي بعض الحضارات اللي علي الارض

لكن اطلانتس طورت من نفسها و قيل حاجات كتير في موضوع اختفاء حضارة اطلانتس منها نشوب حرب بينها و بين اللي اعطاها علومها .
نيجي للفراعنة قريبين من نفس الفكرة لكن علومهم كانت من اطلانتس جتلهم مرورا بغرب افريقيا لكن الفراعنة هما اللي بدأو يدرسو العلوم دي و يحاولوا يطوروها .
و نفس النظام حصل مع الفراعنة فجأة الفراعنة العظام مبقوش عظام و دي الفجوة اللي كان كاتب عنها انيس منصور و هي الفجوة اللي حصلت محدش يعرف سببها و ازاي حصلت .

دا مجرد استنتاج و في نفس الوقت مش مقتنع بية اوي لكن ممكن نفكر فية و خصوصا ان ربنا سبحانة و تعالي لم ينفي حاجة زي كدة:

و ربنا قال "فَلا أُقْسِمُ بِمَا تُبْصِرُونَ (38) وَمَا لا تُبْصِرُونَ (39) الحاقة " صدق الله العظيم
و ايات تانية كتير تفيد ان في اشياء كتير احنا منعرفش عنها حاجة .......... و الله اعلم

تم تصحيح الايه
مشرف عام 4