**إستــــــفتــــاء على مكــان المقابلة الشهرية -فبراير08**

[Karim_Monir]

تحت أمرك يا كريم :) و الله , ممكن تفتح البلاكونة عندك يوم الجمعة الساعة الثامنة صباحا بتوقت القاهرة بالظبط وتلاقينى واقفلك مبتسم تحت فى الشارع :D :D :D أفطرك و أظبطك و نصلى مع بعض و نطلع على مكان المقابلة بس شوف حد تروح معاه :) فى المرواح ماعرفكش :D

حبيب قلبي يووووب عالاحراج وكمان 8 صباحا
لالالا وفطار وتظبيط(بس انا التظبيط بتاعي ايرلجراي بالبراجمووت عشان مابعرفش اشرب شاي التموين اللي اسمه ليبتون) وكمان انا لو فتحت البلكونة(وانا في السادس) مش محتاج ابص لتحت هالاقيك في وشي ما تقللش من نفسك قوي كدة وبلاش نصلي في الجامع اللي جنبي ذكرى سرقة موبايلي في صلاة الجمعة برضه هاتخليني معكنن
وفي المرواح بقي نبرشط على حفناوي او كريم او دكتور احمد سمير
لاء يا عم قدها وقدود ده الواجب علينا
شوفوا انتم بس تروحوا فين
بس عايزين نظبط مع سمسم شاهين برشطة على البرنس في امبابة واهو نبقي خدنا فيك ثواب تدخل منطقة عمرك ما شوفتها في حياتك:D:D
وندوئك طاجن فتة وشوية عكاوي ولحمة راس ومبمار انما ايه
يدفوا دب من الاسكيمو ;)

[Powert]

لسه هفكر لما اعرف هيكون في شغل ولا لأ :(

اصلهم بيشوفوا يوم اكون مشغول فيه ويقولوا عندك شغل ماتروحش :D

واتمنى حد يخدني معاه :o

[Nader]

يا نادر أنت لسه شباب :) فى مقتبل العمر :) و الحياة لونها بامبى :D الكلام ده لسه بادرى عليه :) نحب نشوفك يا ريت تحاول تيجى لو سمحت :)

والله يا سمسم انا كمان نفسي اشوفكم وخاصاً الراجل اسلام شاهين دة اللي اخدنا على خوانة ومسافر فعاوز اشوفة قبل ما يسافر:). اما بالنسبة لحكاية انت لسة شباب ففعلاً لسة شباب :) بس الدنيا مش بامبي اوي يعني خاصاً مع الحوادث اللي مع سبق الاصرار والترصد من اخونا البعدى المبرشمين!

___________________

انا افضل المعادي برضة زي كريم بدل ما ارزل على حد واروح معاة:).

[Dr Ahmed]

وأين هو هذا الكرفور؟؟؟؟
الجمعة الجاية أساسا مش هتنفعنى آجى للأسف
بس برضه ياريت أعرف فين كارفور اللى بتقولوا عليه وأوصل له إزاى بالتفصيل من بنها..

[أبو عبدالله]

بص يا دكتور احمد انت هتمش على طريق القاهرة عادي وعند غبور هتاخد يمين او مطلع وتمشي اكنك رايح على الهرم وبعدين هتنزل نزلة المحور اللي رايح على اكتوبر والشيخ زايد وبعدين هتمشي حوالي 15 كم وهتلاقي نزلة اسكندرية الصحراوي هتنزلها وقبل البوابة هتلاقيه على يمينك

[memo_hefnawy]

لحد دلوقت التصويتات قليله و عشان كده أنا شايف إن نأجلها للجمعه إللى بعدها

إيه رأيكم ؟؟

[eng_mkhalaf]

أية يا نادر هيى العضمة كبرت ولا أية - أنت مش عايز تسيب مدينة نصر - اعتبرها يا أخى رحلة

[CryptonX]

لحد دلوقت التصويتات قليله و عشان كده أنا شايف إن نأجلها للجمعه إللى بعدها

إيه رأيكم ؟؟

لأ انا " ساستمت " نفسي خلاص :P

عندك 9 موافقين علي جراند و 4 علي سفري .. يعني 13
قول نصهم بق :)
يبقى 6 الي حييجوا - مش بطال lol

[memo_hefnawy]

-1

أنا للأسف حصل عندى ظرف طارئ و هاخلع من الجمعه القادمة :(

[Karim_Monir]

وانا العيال عندي والبيت كله بما فيهم انا واخدين دور فلفلوزا محترم
ونزلت الشغل النهاردة عشان جايلنا ناس المان
بس واضح اننا هانصدر انفلونزا مصري لالمانيا
نخليها الجمعة اللي بعدها احسن
اتشوووووووووووووو

[Hossam_Hassan]

يرحمكم الله

[CryptonX]

يرحمكم الله

يا من حمدت الله

هاه بقى !

:) الف سلامة عليكم .. خلاص خليها الجمعة الي بعدها .. علشان حتى نكون قبضنا :)

[memo_hefnawy]

خلاص فل :) أنا وضحت المعاد الجديد فى أول الموضوع :)

[اسلام المصرى]

-1

أنا للأسف حصل عندى ظرف طارئ و هاخلع من الجمعه القادمة :(

لعل المانع خير ان شاء الله يا محود.

وانا العيال عندي والبيت كله بما فيهم انا واخدين دور فلفلوزا محترم
ونزلت الشغل النهاردة عشان جايلنا ناس المان
بس واضح اننا هانصدر انفلونزا مصري لالمانيا
نخليها الجمعة اللي بعدها احسن
اتشوووووووووووووو

ألف سلامة عليك يا بطل :) و ألف سلامة على أهل بيتك :) ان شاء الله الحالة تتحسن قريبا.
خلاص نخليها الجمعة القادمة ان شاء الرحمن :)

[Nader]

ايوة الجمعة الثانية من شهر فبراير افضل لي، علشان اقعد معاكم براحتي:)