إعـــــــلان

Collapse

.

,
See more
See less

نقاط مضيئة وسط الظلام

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    نقاط مضيئة وسط الظلام

    كتب أخى كريم عن موضوع هام جدا للمناقشة
    http://www.nilemotors.net/Nile/showthread.php?t=14662

    ولكن لكى تكتمل الصورة لابد من إعطاء الجزء الإيجابى حقه فلابد من وجود جزر مضيئة وسط هذا المحيط من الظلمة..
    وهذا ما أقترح الحديث عنه .. لو نظرنا حولنا حتما سنجد بريق أمل هنا أو هناك .. أشخاص مثلنا فى أماكن عملهم قد يشكلون فرقا.. مؤسسة تعمل كما ينبغى وتستحق الإشادة.. مدرسة ، مستشفى ، مصنع ، أى بشر فى مصر من خارج الماتريكس ...

    مين هيبدأ؟
    [CENTER][aldl]http://www.jewelsf.com/up/uploads/542f6eee3a.gif[/aldl]
    [/CENTER]
    [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
    [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
    [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
    [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]
    الكلمات الدلالية (Tags): 40, font, nile, استلمت, الظلام, بدون, بكرة, خاص, صور, عن, فرق, كل, مركز, مصر, مضيئة, من, مين, نقاط, هنا, هي, وسط
  • #2
    للأسف موضوع صعب الكتابه فيه دكتور احمد
    عن نفسى مش لاقيه اى شىء ايجابى ممكن يتحكى ؛؛؛؛؛؛

    Comment

    • #3
      د احمد لك كل الشكر انك فتحت لينا الشباك نبص منه يمكن نلاقي حاجه تفرحنا
      سندريلا اكيد لسه الاغاني ممكنه

      طيب بمناسبه تجهيز الشقه
      انا كنت طالع من الجامع و بكلم في التليفون مع والدتي بخصوص النقاش اللي حيشتغل في الشقه و بعد ما خلصت لقيت راجل كريم بيقولي انت عايز نقاش قلت له اه قالي عندي قلت له علي بركه الله
      سعد اللي هوه النقاش من كفر الدوار و الحوار ده تم في العاشر من رمضان و الشقه في الاسكندريه
      المهم سعد جالي و رحنا و اتفقنا
      استلمت الشقه بعد 10 ايام زي الفل علي المفتاح
      و مبخرها و مسيئها بماء ورد
      و لما جيت احاسبه ما كانش حياخد مني فلوس مصنعيته
      علي الرغم من انه قام بكل اعمال الكهرباء و السباكه و خلافه
      ليه
      علشان واحد جاري شافه و هوه شغال
      جاب له مقاوله 10 شاليهات في الساحل يشطبهم

      ايه رايكم دام فضلكم
      الخير موجود بس علي راي اللي قال
      دور عليه تلقاه دور عليه دور

      انا قريت موضوع كريم بعد ما كتبت الرد
      مش عارف هوه مرتبط بالموضوع ولا لاه بس اهه نوايه تسند الزير
      [SIGPIC][/SIGPIC]

      Comment

      • #4
        المشاركة الأصلية كتبت بواسطة AlmAhAtmA مشاهدة المشاركة
        د احمد لك كل الشكر انك فتحت لينا الشباك نبص منه يمكن نلاقي حاجه تفرحنا
        سندريلا اكيد لسه الاغاني ممكنه

        طيب بمناسبه تجهيز الشقه
        انا كنت طالع من الجامع و بكلم في التليفون مع والدتي بخصوص النقاش اللي حيشتغل في الشقه و بعد ما خلصت لقيت راجل كريم بيقولي انت عايز نقاش قلت له اه قالي عندي قلت له علي بركه الله
        سعد اللي هوه النقاش من كفر الدوار و الحوار ده تم في العاشر من رمضان و الشقه في الاسكندريه
        المهم سعد جالي و رحنا و اتفقنا
        استلمت الشقه بعد 10 ايام زي الفل علي المفتاح
        و مبخرها و مسيئها بماء ورد
        و لما جيت احاسبه ما كانش حياخد مني فلوس مصنعيته
        علي الرغم من انه قام بكل اعمال الكهرباء و السباكه و خلافه
        ليه
        علشان واحد جاري شافه و هوه شغال
        جاب له مقاوله 10 شاليهات في الساحل يشطبهم

        ايه رايكم دام فضلكم
        الخير موجود بس علي راي اللي قال
        دور عليه تلقاه دور عليه دور

        انا قريت موضوع كريم بعد ما كتبت الرد
        مش عارف هوه مرتبط بالموضوع ولا لاه بس اهه نوايه تسند الزير
        ألف مبروك للمره الثانيه
        ربنا يقدم لك الخير
        هو فعلا الخير موجود انا مقلتش حاجه
        لكن بقى نادرررررر اوى و بيظهر على استحياء
        :(:(

        Comment

        • #5
          ما هو مش ممكن كل اللى نعرفهم وحشين ومافيش منهم مثال أو قدوة أو شئ يدعو للفخر..ومش معقول هنقعد نرص فى مساوئ بدون ذكر أى أمثلة مضيئة فى حياتنا...

          أنا ممكن أبدأ..

          صيدلى فاضل حوّل من صيدليته مركز تنوير وإرشاد فى قريته..
          دكتور "مُيسّر" وصيدليته "صيدلية الشافعى" بالمنوفية
          دكتور ميسر حباه الله بنور فى وجهه وحب يدخل قلبك فور رؤيته ، يحفظ القرآن كاملا ودرس الفقه والحديث ، يلقى دروسه فى مسجد القرية التى يشكل أحد أعضاء المجلس المحلى لها.. كان القوة الدافعة لجمع التأييد لإدخال الصرف الصحى بالقرية وغيرها من الخدمات العامة ، الأخ الأكبر لكل محتاج بالقرية سواء محتاج للنصيحة أو محتاج ماديا..الرجل ليس له فى الانتخابات ولا غيرها لكنه يفعل ذلك لله ودا فى أشد الوضوح.. مسلم إيجابى لا يرضى بالمنكر ويسعى لتغييره دوما بالنصح والإلحاح فى النصح والإقناع.
          قدوة ومثل جميل فى مصر...

          وألف مبروك على استلام الشقة يا أجمل عريس...
          [CENTER][aldl]http://www.jewelsf.com/up/uploads/542f6eee3a.gif[/aldl]
          [/CENTER]
          [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
          [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
          [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
          [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

          Comment

          • #6
            الخير موجود لحد يوم الدين
            سبحانك اللهم وبحمدك ، أشهد أن لا إله إلا أنت أستغفرك وأتوب إليك

            Comment

            • #7
              و لما جيت احاسبه ما كانش حياخد مني فلوس مصنعيته
              هانى باشا الف مبروك و ربنا يباركلك فى جوازك

              فى ناس كتير لما بتيجى تحسبهم يفضل يحلفلك انو مش عاوز فلوس و ان كفايه معاملتك و اخلاقك لكن ساعة الجد !!!!
              وانا طبعا مش بقول انو يعمل كدا لان الرجل اشتغل فلازم ياخد حقه
              لكن النقط الايجابيه هى
              استلمت الشقه بعد 10 ايام زي الفل علي المفتاح
              و مبخرها و مسيئها بماء ورد
              قام بكل اعمال الكهرباء و السباكه و خلافه
              ودى طبعا بتدل انو انسان بيشتغل بضمير و بادب وان ابن بلد و جدع (بس يارب تكون كل حاجه معمولها كويس و متدعيش عليه بعد كدا :) )

              Comment

              • #8
                هاني يا حبيب قلبي انت وش سعد على كل اللي حواليك
                دكتور احمد فعلا لسه فيه نقط بتنور الظلام اللي عايشين فيه
                وحقكم عليا احكي عن احد نقط النور اللي ماحدش يعرف عنها حاجة :

                من 3 سنين وصلني ميل عن دار أيتام بطريق مصر الاسماعيلية محتاجة معونات واكل وشرب وغذاء ودواء
                ولما كان الدار في طريقي لانكان شغلي في العاشر من رمضان قررت اعدي علية في يوم وانا راجع اشوف احتياجتهم
                الدار اسمها دار سليمان خلف دار عساكر ومعهد عساكر للفتيات الازهر امام بوابة مدينة الشروق
                روحت الدار وقابلت مديرتها مدام علية -عرفتها على نفسي واني واحد من الناس اللي بتسعى في عمل الخير
                وليا علاقات اقدر اجيبلهم احتياجاتهم باذن الرحمن
                قالتلي الكلام ده مش صحيح وتعالى افرجك على الدار الاول وبعيد احكيلك
                دخلت اتفرجت على انضف دار ايتام شفتها خلال رحلة العمل التطوعي كله
                سراير نظيفة جدا اماكن ترفيه ملاعب اكبر تلاجة لحووووم شوفتها في حياتي عاملة زي بتاعت الفنادي اللي تدخل فيها 3 عجول مايبانوش
                وغيرة وغيرة وطبعا انا اريح فجأة محدش يعرف اني رايح وانا مش شخص مهم يعني حد يوضيبله ويصطنعلة الكلام ده
                قولتها ايه الميل ده قالتلي مش عارف ده ميل وهمي مانعرفش مين اللي بعتة
                وصاحب الدار اللواء سليمان (لواء شرطة سابق) ومتقاعد حاليا اخذ عهد على نفسه بانشاء الدار دي والانفاق عليها ولا تتخيلوا نظافة الاود وادبهم وسلوكياتهم
                كل طفل ليه وديعة في البنك وكان عددهم وقتها اكتر من 60 طفل
                اللواء سليمان اشترى ارض كبيرة مجهزة للبناء اول ما الاطفال دي تكبر وتتخرج من الجامعة وتشتغل هايبتدوا بناء الاض مباني ومتشال ليها الفلوس بتاعتها وكل طفل ليه شقة في المشروع يتجوز فيها فورا
                بالذمة فيه كدة
                ومصاريف الزواج علية
                حسيت اني قدام اسطورة حيه
                اني مش عايش في زمننا
                كان كل طلب مشرفة الدار اني اظم لقاءات ودية للاطفال عشان هما شبه معزولين عن العالم
                وكان لينا زميلة في العمل الخيري بتعمل لقاءات اسمها لقاء الالف طفل
                بتجمع فيه الاطفال من كل دور الايتام
                جبناهم اكتر من مرة وكانوا هاديين ومؤدبين قوي زيادة عن اللزوم
                وبعد كدة عملت اكتر من تجمع للجروب بتاعي هناك وكانت ايام حلوة
                واتمنى اننا نعمل يوم من ايام تجماعتنا هناك تاني نقعد مع الاطفال دول لانهم اكثر من رائعين
                ---------
                شكرا مرة تانية يا دكتور احمد انك فكرتني بحاجات حلوة في حياتي

                جروب ورشة نايل موتورز علي الفيس بوك

                صفحة ورشة نايل موتورز على الفيس بوك

                Comment

                • #9
                  الله يا كريم ...
                  حاجة جميلة فعلا وتدّينا أمل فى نفسنا وفى بكرة..
                  وربنا يجزيه خير ويكتر من أمثاله...
                  [CENTER][aldl]http://www.jewelsf.com/up/uploads/542f6eee3a.gif[/aldl]
                  [/CENTER]
                  [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
                  [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
                  [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
                  [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

                  Comment

                  • #10
                    مجموعة من الشباب.. شافوا حال الناس في بلدهم لا يسر عدو و لا حبيب.. اشتكوا و ملوا من الشكوى.. حبوا يعملوا حاجة للشباب دول.. قاموا كونوا فريق اسمه زدني.. بيقوموا من خلاله بتعليم الشباب المهارات الحياتية اللي دلوقتي ضرورية لسوق العمل و اللي اسمها ال Soft Skills.. الناس دي بتشتغل لله و بس.. هدفهم ان الشباب دول يرتقوا بمهاراتهم و يبقوا ناس ناجحين و نافعين لبلدهم.. www.zedny.org

                    مجموعة تانية من الشباب شغالين بنفس الطريقة، بس على عدد أقل من المتدربين و دوراتهم بنظام الورك شوب و مجانية تماما.. مجموعة من الشباب و البنات.. بيخرجوا من بيتهم بس عشان ينفعوا الناس بعلمهم.. مشغولين و عندهم شغلهم اللي الحمد لله ناجحين فيه و معظمهم بشتغل في شركات مالتيناشيونال.. عندهم برضه بيوتهم و مسؤولياتهم.. انما بيوهبوا أيام أجازاتهم للعمل التطوعي.. شعارهم: كفايانا بأه سخط من الواقع و شكوى لا تنقطع.. آن الأوان نعمل حاجة.

                    انا اعرف الناس دول عن قرب.. همه دول اللي بيدوا الواحد أمل في بكرة :)

                    Comment

                    • #11
                      انا اعرف الناس دول عن قرب.. همه دول اللي بيدوا الواحد أمل في بكرة
                      ياريت انتى كمان تنضمى ليهم علشان الامل فى بكره يزيد و نقدر نعمل حاجه كويسه للبلد

                      Comment

                      • #12
                        المشاركة الأصلية كتبت بواسطة hussein مشاهدة المشاركة
                        ياريت انتى كمان تنضمى ليهم علشان الامل فى بكره يزيد و نقدر نعمل حاجه كويسه للبلد
                        و لله الحمد و المنة انا عضوة في الفريقين من حوالي 3 سنين :)

                        Comment

                        • #13
                          ياريت يا شباب ندور حوالينا ونفتكر ونكتب...

                          وللا هو احنا خلاص اتحولنا لمتخصصين فى رؤية اللون الأسود فقط؟
                          [CENTER][aldl]http://www.jewelsf.com/up/uploads/542f6eee3a.gif[/aldl]
                          [/CENTER]
                          [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
                          [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
                          [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
                          [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

                          Comment

                          • #14
                            جمعية تنمية المجتمع المحلى عندنا بصراحة بتحاول تذلل كل الصعاب فى المنطقه بتاعتنا
                            مثلا النظافة
                            انابيب البوتاجاز
                            مساعدة المحتاجين والايتام
                            وحاجات كتير
                            حسبى الله ونعم الوكيل

                            Comment

                            • #15
                              نايل موتورز
                              نقطة مضيئة بما فيه من أعضاء يجمعهم الود والتآلف والحب فى الله وإدارة مجتهدة ومجهودات ومعلومات ومقابلت وخدمات و و و و و و و ..... وربنا يديمها نعمة.
                              [CENTER][aldl]http://www.jewelsf.com/up/uploads/542f6eee3a.gif[/aldl]
                              [/CENTER]
                              [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
                              [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
                              [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
                              [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

                              Comment

                              السابق 1 2 template التالي
                              Working...
                              X