جاتلي فرصة ادرس في النمسا ومتردد ومحتاج رايكم معايا

[MomoMedo]

السلام عليكم
انا حاليافي سنة تانية هندسة غاز وبتروكيماويات (تانية بعد اعدادي)
و من كام كدة جات لي فرصة ادرس في Graz University of Technology
واخد منه الباكلريوس يعني بس المشكلة بأى اني لازم اعد سنتين ادرس الماني في النمسا عشان الدراسة الماني

والكلية هناك 6 semester مضغوطين(3 سنين) يعني احنا عندنا في اسكندرية الترم 12 ساعة هناك حوالي 30 او 27 ساعة

يبأى كدة سنتين الماني + 3 هندسة = 5 سنين تاني و ابقى ضيعت 3 سنين انا محتار ومش عارف اعمل ايه
الجامعة دي الرانك بتاعها على العالم 200 وشوية يعني مش من الجامعات الجامدة اوي بس مقارنة باسكندرية كويسة اوي طبعا

عايز اخد رايكم اسافر ولا مسافرش دة اللي في دماغي دلوقتي ولو افتكرت حاجة تانية هكتبها باذن الله :)

[nab!l]

سافر يابشمهندس
عشان متندمش بعد كده

[newuser2009]

ما تسافرش طبعا
كمل دراستك هنا و خد شهادتك
ولما تتخرج ان شاء الله ابقى فكر في السفر
بس السؤال انتا عايز تسافر ليه لمجرد السفر ولا لانك عايز تتعلم و لا عايز تشتغل و تتعلم؟
وكمان انتا هاتتعلم الماني وبعدين تدرس بالالماني
انتا عارف المذاكره عامله ازاي بلغه انتا متعود عليها فما بالك بلغه جديديه و لسه متعلمها

[M.almaghraby]

لو في مدغشقر سافر

بدون تفكييييييييييييييييير سااااااااااااااااااااااااافر دي النمسا يا عم

[MomoMedo]

سافر يابشمهندس
عشان متندمش بعد كده

لو في مدغشقر سافر

بدون تفكييييييييييييييييير سااااااااااااااااااااااااافر دي النمسا يا عم

شكرا على الر بس اسافر من غير تفكير ليه واسافر عشان مندمش ليه برضو؟؟

ما تسافرش طبعا
كمل دراستك هنا و خد شهادتك
ولما تتخرج ان شاء الله ابقى فكر في السفر
بس السؤال انتا عايز تسافر ليه لمجرد السفر ولا لانك عايز تتعلم و لا عايز تشتغل و تتعلم؟
وكمان انتا هاتتعلم الماني وبعدين تدرس بالالماني
انتا عارف المذاكره عامله ازاي بلغه انتا متعود عليها فما بالك بلغه جديديه و لسه متعلمها

انا فعلا اكتر حاجة خايف منها حكاية الالماني دي

[M.almaghraby]

عشان مصر دي مش حتنفعك خالص

و عشان دي فرصة في ميت الف واحد غيرك يتمناها

و عشان لو اثبتت نفسك هناك حتبقي حاجة مشرفة

و عشان اوروبا دي بلاد محترمة

[eino666]

عن تجربة سنتين فى فيينا بالنسبة للغة هتتعلم هتتعلم شئت ام ابيت لانهم هناك لا يتكلموا سوى الالمانى و الشباب الصغير فقط هو اللى ممكن يتكلم معاك بلغة تانية (بيبقوا فرحانين انهم بيتكلموا لغة تانية) و انا اتعلمتها غصب عنى علشان اعرف اعيش هناك وبعدين دراسة بالالمانى تفتح لك مجال عمل فى المانيا بمنتهى السهولة
توكل على الله و دى فرصة لا تعوض وخصوصا ان الشعب النمساوى من اطيب و ارقى (و اجمل) شعوب العالم
................................*
محمود عينو

[AhmedGen2]

3 سنين؟ حضرتك لو فضلت قاعد هتضيع عشرات السنين.
بكالوريوس من جامعة محترمة فى بلد محترمة هتتعلم لغة جديدة ، انت مش بس هتتعلم انت هتبقى fluent.

الحاجة الوحيدة اللى تمنعك انك متقدرش تتكيف اجتماعياً هناك ، لازم تتأهل نفسياً ويبقى عندك طموح عالى هتلاقى أى حاجة بعد كدة سهلة جداً ، يعنى متفكرش أبداً فى صعوبة الدراسة بقدر ما تفكر فى قدرتك على الإندماج اجتماعياً فى البيئة هناك ، الدراسة فى أى مكان وأى تخصص سهلة أهم حاجة استعدادك.

بالتوفيق.

[Ahmed R08]

ساااااااااافر

[ams]

لو تقدر تحافظ على نفسك(قيمك،مبادئك،دينك،أهدافك،عفتك،.....) سافر

[MohamedFadel5]

لو تقدر تحافظ على نفسك(قيمك،مبادئك،دينك،أهدافك،عفتك،.....) سافر

+9999999999999999999999

[enafea]

مش محتاجة تفكير.

اولا هتتعلم المانى بطلاقة "انا شايف انها هتبقى خطوة مهمة جدا فى حياتك العملية"
ثانيا هتتعلم تعليم مختلف عن مصر.....مش بس المادة العلمية ولكن طريقة التعليم و طريقتك انت فى التعلم هتختلف.
و ربنا يوفقك ان شاء الله.

[MoHaMed HaMeD]

عايزين تفاصيل اكثر علشان نقدر نديك راى سديد مثلا الى جابلك السفريه ده شايفك انك تنفع هناك ودراستك هتبقى افضل هكذا اسئل اساتذه الكليه بتاعتك اكيد هيفيدوك بما لديهم من خيره ف هذا المجال ع النستوى العلمى والمستوى الدراسى والمهنى
وربنا يوفقك لما تحبه ومتنساش الاستخاره

[زهير فكري]

سافر يا باشا و لا تتردد , الدنيا تعطي الفرصه مره واحده , و طالما ان سنك لسه صغير يبقي ان شاء الله فرصك في السفر افضل , بس في شيء مهم انك سوف تواجه صعوبات كثيره في البدايه منها تغيير المجتمع و اللغه و العادات ...الخ , يبقي تعمل حسابك و تكون مؤهل نفسيا انك مش هتلاقي الدنيا وردي , في نصيحه بل جيتس قالها و مش هنساها و كان في لقاء من حوالي 7 سنين لما جه مصر و قال ( انصح شباب دول العالم الثالث بالحصول علي مستوي تعليميراق للحصول علي فرص عمل في الشركات متعدده الجنسيات ) , يبقي نتوكل علي الله و نحسبها , و نقول طالما احنا دخلنا مجال تعليمي احنا بنحبه , و في فرصه تعليم افضل تتيح لي فرصه عمل سواء في بلدي او في الخارج و تبقي محطه للوصول الي ما هو افضل من ذلك , و طالما ان هناك تمويل مالي سواء من الأسره او من احد اقاربك المقيمين هناك يسمح بتلبيه احتياجاتك الضروريه هناك و تبقي احتياجاتك مؤمنه و متوافره بشكل جيد يتيح لك الاستقرار و التفرغ للتعليم و الدراسه , يبقي نتوكل علي الله و نسافر , بس بشرط اساسي انك تضع في اعتبارك انك هتواجه صعوبات كثيره في الأول حتي لو كان في حد معاك هناك , يبقي نتحلي بالايمان و الصبر و الالتزام بأخلاقياتنا و تعاليم ديننا سواء اسلامي او مسيحي , يبقي بكده ان شاء الله هتكون خسارتك سنتين عن زمايلك ابقي اعتبر نفسك يا سيدي دخلت الجيش 3 سنين مش سنتين .

انما لو انت مش شايف في نفسك انك تقدر تواجه الصعوبات و المشاكل التي سوف تواجهك هناك , يبقي من الأفضل انك ما تسافرش , لان في الحاله دي هتخسر كثير . و بالتوفيق

[SeiffoZ]

سافر طبعا ... فرصة جتلك إن تأخد نفس شهادتك بتعليم أحسن كتيييييييييييييييير ... سافر و لو مسفرتش هتندمطول عمرك ...

خذ شهادتك من هناك ...و لما ترجع مصر هيبقى ليك قيمة كبيرة قوى قوى قوى هنا ... و هتشتغل باشا علطول ..

روووووووووووووووووح