جاتلي فرصة ادرس في النمسا ومتردد ومحتاج رايكم معايا

[magood]

After 2 years, your egyptian colleagues will be in their final year. yet you going to start 1st semester in your new school.
Why do not you try to finish your study her with over all grade: good.
So, you can do your post graduate study there.

[MomoMedo]

متشكر جدا على ردودكم واهتمامكم بالموضوع ..
بالنسبة للتأقلم هناك ف انا خالتي عايشة في النمسا من حوالي 16 سنة ومعاه الجنسية ف اكيد هتساعدني في الموضوع دة ومش هكون لوحدي
باذن الله انا هصلي استخارة واللي فيه الخير يقدموا ربنا

[أحمد كمال]

سافر و ما ترجعش و ما تندمش على سنتين تلاتة راحوا

بدل ما تندم بقية عمرك

و الالماني مش هيروغليفي يعني هتتعلمه ماتخافش

[3mr Farrag]

رأيي ماتسافرش دلوقتي..
مع اني من اكثر الناس اللي بتفكر في موضوع السفر بجديه
بس حالتك ديه يبقي غلط جدا تسافر..انت بتقول هتدرس الاول سنتين الماني
و بعدين تبدأ دراسه!!!
طيب ماتكمل الكليه بتاعتك في سنتين و في نفس الوقت ادرس الماني
و بعد ماتخلص سافر و كمل دراسه
يبقي انت كسبت وقت و مجهود في نفس الوقت

[ganash]

سافر طبعا اعتبر نفسك بعد ما تتعلم المانى ان شاء الله هتعيد الثلاث سنين الى اخدتهم هنا يعنى هتكون عارف الى هتدرسه كمان ودارسه قبل كده يعنى هتفهمه بسرعه وانت لسه متعلم المانى يعنى على ما تدرس حاجه جديده غير الى درستها تبقى انت ميه ميه فى الالمانى والدراسه هتبقى سهله ان شاء الله

[أحمد كمال]

الاخوة اللي بيقولوا خلص الكلية و سافر بعدها ........... حد ضامن الفرصة تيجي تاني؟

الاخوة اللي بيقولوا سنين العمر الضايعة ........ يعني يضيع سنتين و يتخرج من هناك و يمكن يقدر يظبط وضعه و يكمل هناك احسن و لا يقعد هنا و مش ضامن حاجة (و ياما ناس متخرجة و قاعدة في البيت ..... ربنا يعينهم و يصبرهم)







سافر بدل ما تعض الاسفلت كمان كام سنة من الندم ...... سافر و ما ترجعش تاني ارجووووووووك ....... الفرصة ما بتخبطش عالباب مرتين

[Ahmed_Emad]

هو حضرتك اللى هتدفع تكاليف الدراسة ولا دي منحة من الجامعة؟

لأن لو حضرتك اللى هتدفعها يبقى من رأيي خليك هنا أفضل وكمل دراستك وادرس معاها كورسات ألماني مكثفة فى نفس الوقت

واما تخلص إن شاء الله قدم على ماجيستير من هناك أو من أي جامعة آخرى نمساوية أو ألمانية سواء كمنحة أو بفلوسك بنفس المبلغ اللى كنت هتدفعه للحصول على البكالريوس

وبرضه طلع بيان من جامعتك بالمواد اللى درستها وتقديراتك واسأل الجامعة النمساوية هل هتتحسبلك المواد دي اما تبدأ الدراسة عندهم ولا هتبدأ من الصفر تماماً

[MomoMedo]

هو حضرتك اللى هتدفع تكاليف الدراسة ولا دي منحة من الجامعة؟

لأن لو حضرتك اللى هتدفعها يبقى من رأيي خليك هنا أفضل وكمل دراستك وادرس معاها كورسات ألماني مكثفة فى نفس الوقت

واما تخلص إن شاء الله قدم على ماجيستير من هناك أو من أي جامعة آخرى نمساوية أو ألمانية سواء كمنحة أو بفلوسك بنفس المبلغ اللى كنت هتدفعه للحصول على البكالريوس

وبرضه طلع بيان من جامعتك بالمواد اللى درستها وتقديراتك واسأل الجامعة النمساوية هل هتتحسبلك المواد دي اما تبدأ الدراسة عندهم ولا هتبدأ من الصفر تماماً

بالنسبة للفلوس فاللي هيتدفع مبلغ قليل جدا تقريبا نص اللي بدفعه هنا في مصر

[wael3m]

توكل على الله وسافر مش لهدف السفر والهروب من البلد
واحوالها اللي زي الزفت بس علشان تتعلم حاجات جديدة وتكنولوجيا
جديدة مش موجودة في مصر والأهم من ده كله إنك هتتعامل مع ناس
تانية وهتكسب خبرة كبيرة وما تبصش على كام سنة هيضعوا بص للمستقبل
بعد كده وإنك هتكسب لغة جديدة ومهمة في الشغل دي نصيحة من واحد عايش
في روما من 5 سنين

[mohabelnegm]

فى السفر سبعين فايدة مش سبع فوايد بس!
هتتعلم حاجات كتير جدا جدا من السفر..توكل على الله و جمد قلبك....الواحد فى حياته ما يندمش على حاجة أو خطوة عملها و انما يندم على حاجة معملهاش...

[عزيز محمد]

بدون تردد

توكل على الله وسافر طبعا

هتحصل على البكالوريوس من جامعة معترف بيها دوليا يبقى إذن حتى لو ناوى ترجع تشتغل فى مصر هيبقى وضعك أفضل من احسن خريج من اى جامعة مصرية، وطبعا لو حبيت تشتغل فى أى مكان تانى فى العالم هيكون عندك نفس الميزة

3 سنوات من العمر مش مدة طويلة، ممكن بمنتهى البساطة تدخلهم جيش لو كملت هنا فى مصر، ثم مين قال إنهم هيضيعوا، ما إنت هتتعلم فيهم برضه حاجات مفيدة وممكن أثناء الدراسية الأولية تشتغل

لو ناوى تكمل دراسات عليا برضه هتكون فرصتك اكبر بكتير من اى خريج من جامعة مصرية

ومعلش مع احترامى للأراء اللى بتقول ادرس ألمانى هنا فمستوى اللغة عندك مش هيكون اكيد زى ما بتدرسها وتمارسها فى الحياة، وبرضه الآراء اللى بتقول كمل دراستك هنا وروح هناك إعمل دراسات عليا طيب ومين قالك إن ساعتها الظروف هتكون كما هى سواء ظروفك إنت او ظروف وشروط السفر أو توافر الفرصة، ثم برضه أكيد هيكون أداءك أثناء الدراسات العليا أفضل لما تكون متعلم هناك ومعاك لغة مش لسه هتروح تجيب الموضوع من أوله

يبقى فى كل الأحوال رأيي الشخصى إنك تسافر فورا

هيفرق كتير قوى سفرك معاك إنت شخصيا ومع أولادك - لما ربنا يرزقك بيهم - بعد كده

هيفرق فى طريقة تفكيرك ونظرتك للامور وهيفتح لك اختيارت كتير قوى تقدر تنتقى منها ما تريد

[DR/WAFEK]

بكالريوس هناك يعادل دكتوراه هنا كفايه فرص العمل اللى هتبقى متوفرالك

[الغزالى]

لو انت فى الاساس ليك مزاج فى السفر قبل ما الفرصة دى تجيلك يبئى دى احسن فرصة سفر هاتجيلك عشان هيبئى منك بتتكمل الدراسة بتاعتك ومنه ها تتعلم اللغة والاهم من دة كلة انك هتاخد على الحياة بتاعتهم وتعود عليهااا ودة فى حد ذاتة ميزة لو قررت تكمل وتشتغل هناك
بس لو انت مش فى دماغك السفر من اساسة يبئى دة قراراك وحياتك
انت تسمع كل واحد مننا بيقول اية بس القرار الاول والاخير ليك
انت
------
وانا فى راى الشخصى دى فرصة متتعوضش ها بيئى ادامك حاجات احسن 100 الف مرة من الى هنا ويوم ماتحب ترجع
الناس هنا هاتبوس ايدك انك تتشغل عندهم
-----------
وعن نفسى بجد انا نفسى فى فرصة زى دى وانا مش هاتتردد لحظة بس المشكلة ان كلية تجارة نادر جدا جدا ان مكنش نستحيل انك تلاقلها حاجة زى كدة
---------
وبالتوفيق فى كل الاحوال

[Hossam_Hassan]

فى جملة عجبتنى بتقول " اغلب الناس لا يلحظوا الفرص العظيمة لأنها تأتى دائما على شكل عمل يلبس اوفرول"

اخى العزيز، دى مش مجرد سفرية ولا فرصة ممكن تتكرر، ده امتحان من الدنيا، بتشوفك تقدر على ايه و حسب اختيارك الدنيا هتديك، فخليك جرىء و افتح باب لمستقبل اوسع باذن الله و اتوكل على اللى رزقك بالفرصة العظيمة اللى يتمناها شباب بالملايين من اى حتة فى العالم.

[MomoMedo]

بجد كلامكو شجعني جدا وباذن الله مش هضيعها من ايدي
بس كل دة بعد الاستخارة باذن واحد احد