ايه أحسن فى العيشة؟ المدن الجديدة و لا القديمة

[karmouty918]

أنا عايش في الرحاب بقالي 4 سنين و بصراحة بشكر ربنا كل يوم أننا فكلرنا فيها لأنها مدينة كاملة فعلا بكل ما تحملة الكلمة من معنى
1-فيها خدمات متكاملة بحيث أنك متحدكش تنزل برة غير عشان شغلك و بس
-مراكز طبية
-صيدليات (كتير متعدش)
-السوق التجاري ( الخضار و الفاكهة....المكوجي ..العجلاتي و.منطقة حرفيين للسيارات ( بس مش حلوة بصراحة) ..........و أيضا المحلات المشهورة زي تسيباس و لا بوار و ساليه سوكريه . ألخ.....و تم فتح مؤخرا توكيل سوني و سمير و علي و أتصلات و فودافون ..
- 2 مال تجاري فاتح فيهم كل توكيلات الملابس تقريبا و مترو و المحمل
-منطقة للبنوك (فيها فروع لكل البنوك في مصر) و حتي مكتب البريد
-منطقة المطاعم المفتوحة (و دي الفسحة الاساسيه لسكان الرحاب)

2-المدارس:حوالي 3 مدارس تقريبا و فيهم مدرسة تجريبي

3-نقطة شرطه خاصة بالرحاب,جهاز مطافي خاص بالمدينة,أسعاف

4-سيكيورتي خاص بكل مجموعة و نظام الامن كويس جدا (لك ان تعرف انهم معاهم أرقام عربيات كل سكان المدينة و مواعيد دخلهم و خرجهم)

5-بنزينيت موبيل على البوابة

6-نادي

7-أهم حاجة بأه :المواصلاااااااااااااات..و دي بيتهيألي اللي نجحت الرحاب عن المدن التانية (أوتبيسات الرحاب -خط مدينة نصر -خط سراي القبة) و الأوتوبيس كل 20 دقيقة

خلاصة الكلام: عشان تسكن في مدينة جديدة لازم تكون الخدمات فيها متكاملة تماما بحيث أنك متحتجش تطلع برة لأي سبب يكون ليه علاقة بالشراء مثلا و تقضية الحياة اليوميه....غير كدة يبقي المدن القديمة أحسن طبعااااا..

[AmatoALLAH]

انا نفسي اعيش في التجمع الخامس :(

عايزه اخرج من القاهرة باي طريقة

[mada121977]

بما انى عايشت التجربه دى خلال الكام شهر اللى فاتوا علشان انا لسه ناقل اكتوبر من 3 شهور فقط انا شايف ان المدن الجديده تكسب يعنى انت فى مكان جديد وفيه كل الخدمات اللى انت عاوزها جنبك مش محتاج تنزل القاهره الا للعمل فقط وفيه اماكن واسعه كتير ومتنزهات كتير والشوارع واسعه ومش زحمه الى حد ما ... اما المدن القديمه بقى فحدث ولا حرج زحمه جداا - شوارع ضيقه جدااا ومكسره وماتعرفش تمشى بيها على رجلك مابالك بقى لو ماشى بعربيتك - الناس عارفه كل تفاصيل حياتك والعيون والالسن ماشاء الله مابتسبش حد فى حاله بعكس المدن الجديده كل واحد فى حاله واخرهم السلام عليكم وعليكم السلام .

[egyptawy2010]

بصراحة العبور بعد الجولف سيتى وكارفور بقت حاجة تانية خالص واميز حاجة فيها انها تجمع كل طبقات الشعب وده لوحده ظاهرة صحية جدا وفيها طبعا نشاط صناعى وزراعى هايل بيخليها استايل مختلف عن كل المدن الجديدة الاخرى

ممكن حضرتك تقوللنا ايه اسعار الجولف سيتى يعنى بكام متر الشقق

وياترى ايه الكمبوند المميزة

شكرا

[kemoelord]

يا جماعه هي العبور تتراح ازي ؟ وايه الحاجات الي جنبها تميزها سواء كانت مدن او جامعات

[egyptawy2010]

أنا عايش في الرحاب بقالي 4 سنين و بصراحة بشكر ربنا كل يوم أننا فكلرنا فيها لأنها مدينة كاملة فعلا بكل ما تحملة الكلمة من معنى
1-فيها خدمات متكاملة بحيث أنك متحدكش تنزل برة غير عشان شغلك و بس
-مراكز طبية
-صيدليات (كتير متعدش)
-السوق التجاري ( الخضار و الفاكهة....المكوجي ..العجلاتي و.منطقة حرفيين للسيارات ( بس مش حلوة بصراحة) ..........و أيضا المحلات المشهورة زي تسيباس و لا بوار و ساليه سوكريه . ألخ.....و تم فتح مؤخرا توكيل سوني و سمير و علي و أتصلات و فودافون ..
- 2 مال تجاري فاتح فيهم كل توكيلات الملابس تقريبا و مترو و المحمل
-منطقة للبنوك (فيها فروع لكل البنوك في مصر) و حتي مكتب البريد
-منطقة المطاعم المفتوحة (و دي الفسحة الاساسيه لسكان الرحاب)

2-المدارس:حوالي 3 مدارس تقريبا و فيهم مدرسة تجريبي

3-نقطة شرطه خاصة بالرحاب,جهاز مطافي خاص بالمدينة,أسعاف

4-سيكيورتي خاص بكل مجموعة و نظام الامن كويس جدا (لك ان تعرف انهم معاهم أرقام عربيات كل سكان المدينة و مواعيد دخلهم و خرجهم)

5-بنزينيت موبيل على البوابة

6-نادي

7-أهم حاجة بأه :المواصلاااااااااااااات..و دي بيتهيألي اللي نجحت الرحاب عن المدن التانية (أوتبيسات الرحاب -خط مدينة نصر -خط سراي القبة) و الأوتوبيس كل 20 دقيقة

خلاصة الكلام: عشان تسكن في مدينة جديدة لازم تكون الخدمات فيها متكاملة تماما بحيث أنك متحتجش تطلع برة لأي سبب يكون ليه علاقة بالشراء مثلا و تقضية الحياة اليوميه....غير كدة يبقي المدن القديمة أحسن طبعااااا..

انا لاحظت انى كل الناس الا بتبيع فى الرحاب بتبيع فوق ال 4000 للمتر وطالبة اوفر كبير

ياترى الشركة بنبيع المتر بكام وايه هى الاماكن المميزة فى ارحاب

وهى احسن ولا جولف سيتىالعبور

شكرا و بنا يباركلك فى سكنك

[ainshouka]

فيه الشروق برضه مدينة جميلة

يمكن هى مش واضحة دلوقتى

لكن انا شايف انها بغد كام سنة حتبقى كويسة

الشقق هناك كلها ارضى و3 ادوار وطرقها كويسة فالكثافة السكانية بتاعتها حتكون معقولة

لو انا شغلى فيها هناك كنت رحت سكنت فيها وتولع القاهرة

[egyptawy2010]

للرفع

شكرا

[icehearted girl]

انا نفسي اقعد فاي مكان ان شالله دارفور

المهم يكون في مسافة بين المشاه فلشارع 6 متر ع الاقل

مش هطمع واقول بين العربيات مثلا

ويكون الجيران مش لازقة فبعض الواحد يفتح شباكه وينشر فبلكونة الجيران زي مبيقولوا

ولو خدت نفس عميق مكحش بعديه ربع ساعة

وولو ولو ولو........


يااااااااااااااااااااه..احلام

يمكن اكتر مدينة شايفاها بتجمع الميزتين العبور فعلا...بس بعيدة جدا جدا

مقصدش عن القاهرة بس

لا كمان بالذات عن المناطق اللي هضطر اروحها فلقاهرة مابين قرايبي وصحابي وشغلي

[icehearted girl]

الشروق كمان رحتها كام مرة جميلة فعلا ومستواها راقي...ومتهيألي في حواليها خدمات معقولة الي حد ما بس برده بعيدة شويتين

[Khaled_Nowaihy]

انا كنت ناوى اسكن فى التجمع الأول .. لكن ما اقدرش اسوق يوميا الى العمل فى مدينة نصر واعدى من عنق الزجاجة مرتين فى اليوم ... حرق دم وأعصاب

[n_i_t_e]

انا كنت ناوى اسكن فى التجمع الأول .. لكن ما اقدرش اسوق يوميا الى العمل فى مدينة نصر واعدى من عنق الزجاجة مرتين فى اليوم ... حرق دم وأعصاب

عندك حق الشغل بيفرق كتير.
كانت النتيجة معاك هتكون كالتالى: هتضيع الوقت فى السكة و تلاقى اليوم راح فى الشغل و المواصلات.
سواء راجع بيتك اللى فى منطقة هادية أو زحمة مش هتفرق لأن الواحد فى الحالة دي هيقضى الكام ساعة اللى فاضلين فى البيت و مش هيبقى قادر يخرج. فمش هيحس بعيوب الزحمة عكس اللى عنده وقت يقضى مشاويره كل شويه.

المشكلة أن عندنا الشغل مركزي...كل الشغل المحترم فى القاهرة و الناس مقسومة 3 أقسام...قسم شغال هناك و عايش هناك نفسه مكتوم فى الزحمة. و قسم شغال هناك و عيلته فى بلد تانية بينزلهم كل أسبوع و قسم تالت باع القضية و تنازل عن أحلامه و دور على وظايف فى بلده على قده عشان ميغتربش فى القاهرة.

مدن العبور و الشروق أنا فرحان أن فى مكان حلو فى مصر ممكن الواحد يعيش فيه...حتى نظريا لو أستبعدنا موضوع الشغل

[karmouty918]

انا لاحظت انى كل الناس الا بتبيع فى الرحاب بتبيع فوق ال 4000 للمتر وطالبة اوفر كبير

ياترى الشركة بنبيع المتر بكام وايه هى الاماكن المميزة فى ارحاب

وهى احسن ولا جولف سيتىالعبور

شكرا و بنا يباركلك فى سكنك

مفيش فرق كبير في سعر المتر بس ممكن برضه تسأل في الشركة ..بس هي مشكلة الشركة الحجز و الأستلام بعد أد ايه..
الأماكن المميزة في الرحاب: طبعا الاماكن اللي قدام المطاعم مثلا (و بتتباع بسعر أعلى)..أنما غير كدة الرحاب كلها شبة بعض بأستثناء المجموعات الجديدة

[shouk_1987]

بقول لحضرتك ايه يا استاذ karmouty918 الأسرة عندى هنعزل السنة الجاى ان شاء الله كان عندى سؤال بس ممكن يكون تافه بس والدتى سألتنى كذا مرة و مش عارف إجابته :
هل فى حد بيمسح العربيات الصبح ولا لأ ؟؟؟
و لو فى بياخد كام ؟؟
وشكرا جزيلا

[egyptawy2010]

مفيش فرق كبير في سعر المتر بس ممكن برضه تسأل في الشركة ..بس هي مشكلة الشركة الحجز و الأستلام بعد أد ايه..
الأماكن المميزة في الرحاب: طبعا الاماكن اللي قدام المطاعم مثلا (و بتتباع بسعر أعلى)..أنما غير كدة الرحاب كلها شبة بعض بأستثناء المجموعات الجديدة

طيب معلش ممكن حضرتك تقولى كام سعر المتر لشقة كويسة
وايه هى الشركة الا بتبيع هناك

شكرا