من فضلك استخدم مزيل العرق

[Ahmed A Rahman]

طيب بما ان الحوار كبير كده ممكن بس نفهم ايه هي بقي الأنواع اللي ممكن الواحد يستخدمها بدون قلق
انا عموما بستخدم مزيل بيخليني اعرق عادي جدا بس بدون رائحه طبعا
انا عارف ان في انواع بتمنع العرق وانا طبعا مش بستخدمها علشان بحس انها غلط

دي مشكلتي فعلا يا دكتور

لدرجة اني كنت بفكر اعمل موضوع عنها هنا
انا بستخدم ركسونا رجالي علطول
وكان الاول عادي وكويس ومفيش اي مشكلة منه
بس بعد فترة كبيرة ابتدت تظهر مشكلة مش لطيفة منه
حبوب تحت الابط مليانة سائل اعتقد انه عرق محبوس
بس مؤلمة جدا جداااااااااا بجد مش مبالغة
المهم وقفت طبعا الريكسونا وحاليا بدور على حاجة متعملش المشكلة دي
فياريت نصيحة منك يا دكتور ونصيحة من اللي بيستخدموا انواع كويسة من فترة كبيرة بدون مشاكل
وياريت تبقى اسبراي
فعلا ريكسونا دي شهرة على الفاضي وبحظر الناس منها ومن مشاكلها

انا كنت سمعت حاجة زي دي من فتره قبل كده
طب ياريت يا دوك تقولنا على المنتجات اللى deodorant
وكنت بستخدم فيبكس لكنه عملي خراج تحت الباط فابطلت استخدمه و استخدمت نيفيا اللى بدون رائحة وهوا تمام ومبيعملش اي حاجة يبقى ده deodorant ولا ايه؟؟

طيب يا دكتور احنا نعرف منين انه نوع Deodorant هل مكتوب على العبوات حاجة توضح
فعلا فى ناس حذرونى من مزيلات العرق بس مع المشاوير فى الحر ده
نستغنى عنها ازاى حتى مع الاستحمام الصبح
أو حتى غسل منطقة الباط بالمية والصابون اكتر من مرة فى اليوم

تحت امركو جميعا

انا دخت عندنا اصلا في الصيدلية على حاجه تكون DEODORANT بس

حاجات كتيرة تلاقيها مكتوب عليها deodorant وبخط صغير تلاقي عليها antiperspirant

شركات ثانية بتستهبل تكتب لك perspirant regulator آل يعني موقف عسكري مرور على ال sweat gland



احسن حاجه في السوق عن تجربة شخصية لمدة كذا سنة:

1. شبة : حل رائع طبيعي عيبه انه لازم تتحط في الحمام عشان لازم تبقى مبلولة وانت بتحطها

2.Doctor mist ودا مستحضر ماليزي اسلامي (مكتوب عليه انه خالي من دهن الخنازير, حصل على جائزة العام وبراءة الاختراع من حته مش عارف ايه في اسيا ولا بيعمل ريحة ولا تحس ان فيه صهد محبوس تحت باطك ولا اي حاجه كانك ماشي في الربيع: حموت وادور عليه واللي يلاقيه مستعد اخد منه 10 ازايز واديله شريط فيتامين اعصاب هدية (فيه شك ان جيليت او أولد سبايس الدهون اللي فيه حيوانية وده خلاني اشتري اولد سبايس بخمسين جنيه واركنه لغاية صلاحيته ما انتهت)

3. بودرة أصالة للعرق : مكونات طبيعية رائعة : عيبها انها بودرة وانك ماشي كانك مبيض تحت باطك بالجبس والمحارة بس برضه رائعة
مبقتش تنزل دلوقتي لانها كانت بتنزل في اكياس واللي موجود دلوقتي بودرة اصالة اقدام بس !!!

4. malizia doeorant لسه شاريه امبارح وحجربه

5. بودرة ايفا : طبيعية وفيها شبة بس بودرة irritant اول ما بتحطها بتحس بفوران وتحس ان فيه ناس بتجري تحت باطك وتحط شكل البودرة على الباط 3 ايام

6. Axe مش بحبه وبحس انه volatile جدا ومش بيعمل حاجه وبطلوا ينزلوا رول اون

7. آخر حاجه بس متضحكوش عليا : لونا بودرة حفاظات بتاعة الاطفال, بس الفاعلية بتاعتها متواضعة
دا غير بتديك احساس ان لما تحطها المفروض تلبس بامبرز تحت باطك

بس كل الباقي في البايباي

ريكسونا وفيبكس : اللي عملهم يستاهل ضرب البلغ

[SOBKY]

فعلا الجيليت ممتاز ...
انا بقالي 3 سنين باستخدمه ... و بدون اي مشاكل .

[ahmed_khalil]

(فيه شك ان جيليت او أولد سبايس الدهون اللي فيه حيوانية وده خلاني اشتري اولد سبايس بخمسين جنيه واركنه لغاية صلاحيته ما انتهت)

بص انا مش دكتور
بس انا خالتى دكتوره فى امريكا و دا اللى بيخلينى اخليها تجيب اللى هيا شايفاه كويس
و مابتجبش غير old spice we gelette

[powerofhelll]

افتكر لو جبتها كده خبط لزق هتكون النتيجه في العنايه المركزه الي الشتاء القادم