قرية كويسة في الساحل الشمالي

[medo_msmsa]

شكرا يا استاذ kh_talaat
وكمان شكرا يا استاذ adhamsabry51
بس بجد انا احترت جدا خايف اروح قرية تطلع كويسة وكل حاجة بس بالليل تكون هادية اوي ومعرفش اخرج بالليل عشان كده كنت عايز اسكن في اي قرية قريبة من مارينا عشان اروحها بالليل بس موضوع الكارنيهات ده بوظ خطتي

[adhamsabry51]

بس احسن حاجه روح كرير اعتقد انها هتعجبك بس بند الشيشه مش هناك علشان دي قريه تابعه للقوات المسلحه بس فيها كافيهات بالليل و فيها جاد كمان و زهران ماركت و لو حبيت تروح تسهر في 6 اكتوبر اهي جنبك برضه بس يعني خد بالك لأن اكتوبر زحمه جدا جدا و الي حد كبير بصراحه بتبقي لمه اوي في الصيف

[hany_mohamed]

ليه؟؟؟؟؟؟؟؟؟؟؟؟؟؟؟؟؟؟؟؟؟؟

لم تعجبنى الاماكن الاخرى لان فيها خروج زيادة عن العادات والمألوف بالنسبة لواحد صعيدى زيي

[akramlail]

يعنى اخر كلام مفيش تذاكر بعد مالواحد حضر المايوة ؟؟
ولو قلت داخل لفندف بورتو مارينا هدخل عادى اكيد وممكن اروح على شاطئ مارينا 2حسب الوصف

[hany_mohamed]

يعنى اخر كلام مفيش تذاكر بعد مالواحد حضر المايوة ؟؟
ولو قلت داخل لفندف بورتو مارينا هدخل عادى اكيد وممكن اروح على شاطئ مارينا 2حسب الوصف

لو رايح لوحدك أصبر لما أروح أنا واصدقائى و أنضم لنا أذا كان هذا لا يضايقك
وفى خلال اسبوع أو أثنين بالكتير أنشاء الله

[akramlail]

لو رايح لوحدك أصبر لما أروح أنا واصدقائى و أنضم لنا أذا كان هذا لا يضايقك
وفى خلال اسبوع أو أثنين بالكتير أنشاء الله

دة يضايقنى لو روحتو من غيرى
دنا هحضر نفسى من دلوقتى

[hany_mohamed]

دة يضايقنى لو روحتو من غيرى
دنا هحضر نفسى من دلوقتى

طب لو سمحت ابعت لى رقم تليفونك على الخاص

[egyptawy2010]

بس احسن حاجه روح كرير اعتقد انها هتعجبك بس بند الشيشه مش هناك علشان دي قريه تابعه للقوات المسلحه بس فيها كافيهات بالليل و فيها جاد كمان و زهران ماركت و لو حبيت تروح تسهر في 6 اكتوبر اهي جنبك برضه بس يعني خد بالك لأن اكتوبر زحمه جدا جدا و الي حد كبير بصراحه بتبقي لمه اوي في الصيف

معلش يعنى ايه اكتوبر لمة هل تقصد مستواها شعبى ولاايه

[adhamsabry51]

بص اصل اكتوبر بقت عامله كده زي مثلا مراقيا او الشواطيء العموميه فيها اشكال مش هتعجبك سواء كانت بنات او اولاد يعني الي حد كبير جدا بيئه ممكن تلاقي فيها مناظر كتير تضايقك و مع ذلك هي سهرانه طول الليل

[Amr_tika88]

مين اللي قال ان التذاكر في مارينا اتلغت انا الصيف اللي فات داخل بورتو مارينا مرة يوم حفلة عمرو دياب ودفعت 20 جنيه او 15 جنيه تقريبا كنا 5 ودخلنا بنفس التذكرة الممشى بتاع بورتو مارينا
ومرة تانيه كان قبل الحفلة دخلنا بتزاكر برضو ويومها كمان كنا 5 وواحد صاحبي كان عارف اللي على البوابة وخلانا ندفع تمن 3 تزاكر بس
بس لغاية السنه اللي فاتت في تزاكر وانا داخل بيها مرتين بنفسي لان بالعقل كده في ناس كتير جدا بتدخل مارينا وده بيمثل دخل للكافيهات والمطاعم وايراد في نفس الوقت للقرية . اكيد هما مش هيمنعو الكم الرهيب ده كله

[SunSet]

فية قرية المهندسين الى كانت تبع نقابة المهندسين (مش سلاح المهندسين دى قارية تانية خالص)دى اول قرية اتعملت فى الساحل الشمالى الكيلو 26 دى مبنية من الثمانينات و واصل لها مية من الحكومة و تليفونات الحكومة يعنى الى عايز يشغل خط نت على سرعة 32 ميجا فى الثانية ممكن يدخل الخط دا

و دى اول قرية و انت داخل الساحل الشمالى

و الفلل فيها ضخمة دورين و روف فى الدور التانى و 5 اود و 3 حمامات و جراج و صالة 3 قطع
و فى القرية 2 حمام سباحة غير انه فية نوعين من الحراسة و مساحة الجنينة 400 متر باسوار ارتفاعها متر و نص يعنى محدش شايفك من الجيران

و فيها صفين شاليهات مواجهين للبحر و ملاعب كورة و محلات و جامع

و نص القرية مساحات خضراء

الامن فى القرية
و افراد الامن من الجهة المقابلة لشركة بترول سوميد يعنى حراسة خاصة 24 ساعة ههههههههههه و بكدة محدش يقدر يدخل الشاطئ الخاص بتاع القارية من النحية التانية

انا عندى فلة هناك بس لحد دلوقتى مش عارف ثمنها بقى كام فى السوق

لو حبيبت تأجرها يا بشمهندس أيمن , تأجرها بكام؟

[medo_msmsa]

في تذاكر لدخول مارينا ولا مفيش؟ عايزين نتأكد
ممكن حد يخطف نفسه كده على السريع يروح يسأل الناس اللي على البوابة ويرد لنا خبر

[medo_msmsa]

ايه الصحراء دي
حد يفيدنا يا جماعة

[solom_2010]

مارينا فيها تذاكر يا جماعة انا بقالى 5 سنين بروح الساحل :) بس التذاكر بتبقى غالية و كل سنة بتغلي عن الاول
و انا قاعد هناك فى قريه اسمها (دياموند بيتش ) و دى قرية الى جنب قرية اللوتس لو حد يعرفها بين القرية و بين مارينا 6 كيلو بس و انا عندى شقة هناك و عارضها لللايجار ان شاء الله اول مره اجرها عشان الصيف ده مضغوط و احتمال كبير اطلع 3 ايام كل كام اسبوع مش اكتر و الثمن 600 جنية ان شاء الله فى اليوم و ده بجد سعر حلو جدا و كل واحد يسأل هناك عشان كل لما بتقرب من مارينا كل ما التمن بيزيد و فى محاولة انى اجيب كارنية مارينا اديه للمستأجر بس لما اشوف الراجل الى بيجبلنا الكارنيهات كل سنة حديلنا كام واحد السنادى ربنا يسهل ان شاء الله

[hany_mohamed]

ايه الصحراء دي
حد يفيدنا يا جماعة

دول كمان لغوا الكارنيهات الاضافى اللى بتطلع مع الكارنيهات الاصلية وممكن يكون فيه تذاكر للدخول بعد المغرب
ولو عاوز تتأكد يا ريت تليفون منك لفندق بورتو مارينا أو أوشن بلو ,اسأل مثلا على day use
وشوف ايه النظام