نهائى كاس مصر

[OilMan]

الف مبروك للحرس ولطارق العشرى على المجهود الذى بذل من جانب اللاعبين فى ايقاف مفاتيح الاهلى وحظ اوفر للاهلى فى كل ما هو قادم وبجد استمتعت بالماتش ولولا تخلى التوفيق عن لاعبلى الاهلى كان الوضع بقى غير الوضع
وشكرا للاعبى الاهلى لانهم فعلا عملوا اللى عليهم ومعهلشى سوء الحظ وده شئ وارد فى الكورة وفى الاخر لازم يكسب وحد يخسر
والف مبروك للحرس مرة تانيه

[Ahmed Selim]

ربنا يسهل

انا نفسى افهم ازاى يخلى فضل يلعب ضربات الترجيح و هو مش موفق خالص
و كمان تعابير وجهه تثير استياء اكيد للاعبين بدل ما يشجعهم تلاقيه خلاص بيشتمهم
مدرب مش كبير خالص و علاء ميهوب عمال يصوت بعصبيه شديده و تحس بحنق على اللعيبه

اللعيبه اكبر من الجهاز الفنى و احمد حسن ليه مانزلش من الشوط الاول و ابو تريكه ليه يلعب 120 دقيقه؟ الاغتيال المعنوى لاحمد بلال ليه لازمته؟؟ و ليه كان بيسخن فاروق!! تقريبا الناس اللى قاعده ورا قالتله مين ده اللى هتنزله فرجع فى كلامه

مش موضوع افتكاسات الموضوع انه مالوش بصمه اصلا
اللعيبه اللى فى الاهلى لو جبت مدرب المقاصه هيعمل بيهم نفس اللى عمله البدرى

يا ابنى أبعد عن سكتى يا أبنى

بص يا حاج طارق أنت عاوز أيه من مدرب ينفع بصمة ليه ؟؟؟؟؟؟
الراجل أخد الدورى و نافس على الكأس و وصل للنهائى و ماشى فى دورى الأبطال حتى الأن.....كل ده و هو مطلع حوالى 5 أو 6 لاعبين من الأشبال و الموسم ملئ بالأصابات للنجوم الأساسية.

على فكرة أنا مش مقتنع بيه 100% ولا حتى 70% و عارف أن ممكن يبقى فى أحسن من كده.......بس على رأي المثل so far so good :)

موضوع أحمد بلال ده حظه كده......هو كده كده ماشى.....البدرى كان منزله أخر دقيقتين لسبب من الأتنين.....تكريم له أو عشان يلعب ضربات جزاء.....و الراجل وقف على الخط فى أنتظار التغيير لمدة دقيقة تقريباً و بعد كده الحكم صفر قبل ما الوقت الأضافى يخلص ب 40 ثانية و هو لسه واقف على الخط.........حظه كده.....مش أغتيال معنوى ولا حاجة....هيغتاله معنوياً ليه يعنى....ما هو البدرى مستغنى عنه بمزاجة.....مش بلال اللى ماشى عافية.

و بعدين لعيبة الأهلى كويسين أيوة.....بس من غير مدرب ممكن ياخدوا بطولة واحدة مثلاً......بس مش تبقى بطولة و يطلع من التانية فى النهائى و لسه بينافس على التالتة و برضه من غير مدرب...........لو كده بقى يبقى إدارة الأهلى تمشيه و يلعبوا من غير مدرب.....و لا هى فلوس وخلاص ؟؟؟؟

[human]

و بعدين لعيبة الأهلى كويسين أيوة.....بس من غير مدرب ممكن ياخدوا بطولة واحدة مثلاً......بس مش تبقى بطولة و يطلع من التانية فى النهائى و لسه بينافس على التالتة و برضه من غير مدرب...........لو كده بقى يبقى إدارة الأهلى تمشيه و يلعبوا من غير مدرب.....و لا هى فلوس وخلاص ؟؟؟؟

ايوه ماهم خدوا الدورى من غير مدرب و البركه فى شويه اللاعيبه
وبلاش نغمه الاشبال اللى طلعهم ديه عشان كلام مش صح

[Ahmed Selim]

ايوه ماهم خدوا الدورى من غير مدرب و البركه فى شويه اللاعيبه
وبلاش نغمه الاشبال اللى طلعهم ديه عشان كلام مش صح

طيب أنت كنت تسمع عن شهاب أحمد و عبد الله فاروق و أحمد شكرى و مصطفى عفروتو قبل كده ( و متقوليش أيوة عشان عرفتهم من كأس العالم للشباب )

[د.أحمد سمير]

الفارق الوحيد بين البدري وطارق العشري ..
إن طارق العشري حتى النهاية بيدرب فرقة وخايف عليها ومفكرش في نفسه ..
استخدم دايماً الأنسب بغض النظر عن السن والخبرة وخلافه .. حتى حط واحد ناشئ للضربة الحاسمة والأخيرة ..

لكن البدري لما لقى المباراة بتخرج من إيده ..
رمى الحمل على الكبار وبس علشان ينفد بجلده من أي انتقاد
ساب أبو تريكة وهو منهك القوى تماما
ومعوض اللي مكانش في المود أصلاً
ونزل كل اللي الناس عايزنهم
أحمد حسن .. أحمد شكري
أحمد حسن كان موفقاً
لكن شكري ومعوض غلوشوا على بعض جامد

وآخر الافتكاسات كانت نية تغيير أحمد بلال
علشان لو بلال ضيع يبقى بالسلامة بره النادي
ويتحمل المسئولية
ولو جاب جون يبقى تغيير سليم مية مية ..

وهذا الفارق هو الذي جعل العشري يتفوق ..
التفكير في الفرقة حتى النهاية
لا محاولة تسديد الخانات حتى أخرج من لوم الإدارة والجماهير ..

ودي وجهة نظر شخصية بحتة
وكل موسم وانتم طيبين

[human]

طيب أنت كنت تسمع عن شهاب أحمد و عبد الله فاروق و أحمد شكرى و مصطفى عفروتو قبل كده ( و متقوليش أيوة عشان عرفتهم من كأس العالم للشباب )

مش مكسوف و انت بتقول عبد الله فاروق؟!
و بعدين طبيعى اى نادى لازم يطلع ناشئين انتوا بس اللى نسيتوا ان ده طبيعى فى ظل الميغه اللى كان فيها الاهلى فى عهد جوزه
و بعدين ايه اللى عملوا جامد؟ لاعيبه و كويسه وولاد النادى و لعبوا كام ماتش و كام واحد كويس؟؟ هوه كده انجاز؟ ما الاهلى ماليان لعيبه متخمه و بعدين لما يقولوا الاهلى بيلعب بالشباب بيبقى واقف فى الملعب على الاقل 4-5 دولى تقال
طيب الفرق التانيه تقول ايه اللى ماعندهمش اصلا اى لاعيبه لا ناشئين ولا اساسين ولا اى حاجه
و حسام اللى بتهاجموه هو بيلعب بلاعيبه منين و اعمارها ايه و جايبهم منين و ماحدش عمل الدوشه ديه ولا قال ناشئين ولا الاسطوانه المشروخه

يا صاحبى خلى الطابق مستور و بلاش تصدق انه مدرب

و يا دكتور احمد سمير شكرا لتحليلك و ده ماشى مع نفس رؤيتى الشخصيه للماتش

الجميل كم الناس اللى كانت بتقارن الاهلى بالهجوم و بتقول انه مان ماسك الماتش من اول الشوط التانى و مافيش حد مفكر ان ده اسلوب اللعب اللى كان عايزه طارق العشرى و هو نجح فى اللى هو عايزه بسيطه

البدرى كسب حسام حسن و قلنا كان ماتش فضيحه تكتيكيه من الزمالك بسبب حسام حسن ده عادى مافيش مشكله بتحصل بس حكايه ان البدرى متفوق و انه مدرب ديه بتقف فى زورى

[Ahmed Selim]

يا عم طارق........لاحظ كلامى هتلاقينى قايل

على فكرة أنا مش مقتنع بيه 100% ولا حتى 70% و عارف أن ممكن يبقى فى أحسن من كده

و بعدين أيه اللى يكسف فى عبد الله فاروق.......لا هى عيب ولا حرام

و أشمعنى مسكت فى ده و سبت الباقى يا طروق ؟؟؟؟؟؟؟؟

[korkor]

مش مكسوف و انت بتقول عبد الله فاروق؟!
و بعدين طبيعى اى نادى لازم يطلع ناشئين انتوا بس اللى نسيتوا ان ده طبيعى فى ظل الميغه اللى كان فيها الاهلى فى عهد جوزه
و بعدين ايه اللى عملوا جامد؟ لاعيبه و كويسه وولاد النادى و لعبوا كام ماتش و كام واحد كويس؟؟ هوه كده انجاز؟ ما الاهلى ماليان لعيبه متخمه و بعدين لما يقولوا الاهلى بيلعب بالشباب بيبقى واقف فى الملعب على الاقل 4-5 دولى تقال
طيب الفرق التانيه تقول ايه اللى ماعندهمش اصلا اى لاعيبه لا ناشئين ولا اساسين ولا اى حاجه
و حسام اللى بتهاجموه هو بيلعب بلاعيبه منين و اعمارها ايه و جايبهم منين و ماحدش عمل الدوشه ديه ولا قال ناشئين ولا الاسطوانه المشروخه

يا صاحبى خلى الطابق مستور و بلاش تصدق انه مدرب

و يا دكتور احمد سمير شكرا لتحليلك و ده ماشى مع نفس رؤيتى الشخصيه للماتش

الجميل كم الناس اللى كانت بتقارن الاهلى بالهجوم و بتقول انه مان ماسك الماتش من اول الشوط التانى و مافيش حد مفكر ان ده اسلوب اللعب اللى كان عايزه طارق العشرى و هو نجح فى اللى هو عايزه بسيطه

البدرى كسب حسام حسن و قلنا كان ماتش فضيحه تكتيكيه من الزمالك بسبب حسام حسن ده عادى مافيش مشكله بتحصل بس حكايه ان البدرى متفوق و انه مدرب ديه بتقف فى زورى

معلش انا معترض على موضوع ان طارق العشرى كان ممشى الماتش على مزاجه دى الحرس من نص الشوط التانى واللعيبه مش قادره ترفع رجليها لعيبه الاهلى لاخر دقيقه بتهاجم وواقفه على رجليها وبتهدد المرمي بفرص حقيقيه وخطيره جدا الاهلى لعب جيد جدا بدءا من نهايه الشوط الثانى الحرس ادى مباره رائعه على قد الامكانيات المتاحه الاهلى خسر بسبب سوء التوفيق ابوتريكه الكور اللى ضيعها امبارح دى لو جاتله 30 مره تانى هيحيبهم 31 مره جون لكن عدم التوفيق ده بيبقى نصيب انا من اول كوره ابو تريكه ضيعها عرفت ان الاهلى لو مخلصش الماتشى فى الوقت الاصلى ولعب ضربات جزاء هيخسر , انا اضايقت شويه ان الاهلى خسر بس فرحان بالاداء ومتعشم خير ان شاء الله السنه اللى جايه لكل الفرقه سواء للعيبه الكبيره او الصغيره يبقى موسم استثنائى للاهلى ان شاء الله

[DViPER]

كان نفسي الاهلي يكسب علشان الزمالك يروقه في السوبر

بس ليه نصيب الاهلي يقابل الحرس تاني ويشيل منه تاني

صعب تصديق الكلام ده

هو حضرتك مش بتابع المباريات


الزمالك مغلبش الأهلي في أضعف فترة مر بيها الأهلي

فاااااااااااااااااااااااااا....................... ...........................

[human]

صعب تصديق الكلام ده

هو حضرتك مش بتابع المباريات


الزمالك مغلبش الأهلي في أضعف فترة مر بيها الأهلي

فاااااااااااااااااااااااااا....................... ...........................:pointiy2[2]:

طبعا كلام هلامى انا معاك

عشان اللاعيبه اللى فى الاهلى كبيره و مافيش لاعيب واحد فى الزمالك او اى فريق فى مصر كلها عنده واحد على عشره من خبره السبعه الكبار فى الاهلى
ده وضع طبيعى لما تكون شارى منتخب مصر و عندك كمان ناس طلعت فيه غير ان باقى اللعيبه بالاجماع افضل لعيبه فى مصر

فحتى لو ضعيف اللعيبه التقيله فى الملعب قادره ان هيه تعمل كل ده بس الزمالك عنده كام لاعيب عنتيل؟ مافيش لسه غير اتنين لسه فى الاول و الباقى لسه بدرى

[د.أحمد سمير]

البدري طلب الاستغناء عن مصطفى شبيطة وعبد الله فاروق
وأبدى تمسكه بأحمد علي وفرانسيس
واستعداده للتنازل عن أمير سعيود
ورفض عودة فلافيو

ده طبعاً مع ما هو متوقع من الإبقاء على أسمة حسني والاستغناء عن بلال
والاستغناء عن رمزي صالح وطلب حارس مرمى ثالث ذي مستوى دولي .. كأن أحمد عادل الرائع وشريف إكرامي المتوسط المستوى حتى الآن بياعين كفتة

طبعاً مع الاستغناء عن هاني العجيزي وده القرار الوحيد الصح

ونعم التفكير بصحيح .
وبصراحة أول مرة أشوف مدرب بيصعد ناشئين ويستغنى عنهم

المصدر اليوم السابع

http://youm7.com/News.asp?NewsID=238272

[أبومعاذ]

هو أخره يقف على الخط .....يا شااااااااااااااادي شاديييييي شاديييييييي

[mohamedrefaay]

البدري طلب الاستغناء عن مصطفى شبيطة وعبد الله فاروق
وأبدى تمسكه بأحمد علي وفرانسيس
واستعداده للتنازل عن أمير سعيود
ورفض عودة فلافيو

اتمنى الا يكون صحيح موضوع فرانسيس واحمد على


ده طبعاً مع ما هو متوقع من الإبقاء على أسمة حسني والاستغناء عن بلال
والاستغناء عن رمزي صالح وطلب حارس مرمى ثالث ذي مستوى دولي .. كأن أحمد عادل الرائع وشريف إكرامي المتوسط المستوى حتى الآن بياعين كفتة

طبعاً مع الاستغناء عن هاني العجيزي وده القرار الوحيد الصح

ونعم التفكير بصحيح .
وبصراحة أول مرة أشوف مدرب بيصعد ناشئين ويستغنى عنهم

المصدر اليوم السابع
اليوم السابع | البدرى يوصى برحيل 5 لاعبين ويرفض فلافيو