نهائى كاس مصر

[M.Mosaad]

طارق العشري و فريق حرس الحدود محترمين لاقصي درجه فرقه كورة بجد و مدرب كورة بجد و هو صرح قبل الماتش و قال هتبقي قمه فنيه و اخلاقيه و فعلا كان عند كلامه
انا بعشق حاجة اسمها النادي الاهلي بس و الله العظيم امبارح كنت بتفرج بأعصاب هاديه جداااااااااا لاني بحب طارق العشري لان مدرب فاهم و كويس و بحب طريقه لعب حرس الحدود و بعد الماتش راح سلم علي الجهاز الفني للاهلي و اللعيبه مجريش ورا الفضائيات و التصريحات لا مدرب اوروبي في تفكيرة بجد
اخيرا في ماتش بيخلص في مصر من غير ماحد يجري جوة الملعب علشان يضرب حد و لا حد يجري علي الحكم علشان يصرخ و يزعق فيه و كل الجماهير بتصفق خسران و كسبان

الفرقة دي ناقصها دكه احتياطي كويسة و نفس طويل و ممكن السنه الجايه تنافس جامد علي الدوري و تخلصنا بقي من بتوع التصريحات و البيانات و الشماعات

الف مبروك لحرس الحدود
و هارد لك للنادي الاهلي و اللعيبه و الله اكلوا النجيله امبارح و عملوا اللي عليهم و زيادة و منظر اللعيبه امبارح ميقولشي ان اللعيبه دي كل واحد فيها واخد بطولات اد انديه الدوري الممتاز كلها

ان شاء الله هيبقي ماتش سوبر حلو بين اجمد فرقتين في مصر و مبروك لاي فريق يكسب فيهم

[Ahmed Selim]

خلي بالك ان حسام حسن يعتبر لسه مش مسئول مسئولية كاملة بنسبة 100%

لانه دخل لقي اللعيبة دي موجودة يعني هو مش مسئول عن الفريق ده

ممكن نحدد مستوى الزمالك صح بداية من الموسم اللي جاي بعد ما حسام ينفذ كل اللي في دماغه

ومن رايي حسام البدري مش مدرب شاطر بقدر انه معاه احسن لاعيبة في مصر .... يعني اي مدرب كان يعمل النتايج دي ان مكنش افضل كمان !

والكورة دلوقتي في زمن الاحتراف متقدرش تقول اهلى ولا زمالك اللي معاه فلوس بيشتري افضل عناصر

غير زمان اللعيب بيبقى من ناشئين النادي واي انجاز بيحسب اولا واخيرا للنادي

ماشى الكلام...........

بس أنت مش فاكر أن بعض الأخوة كانوا بيقولوا نفس الكلام على جوزيه ؟؟؟؟؟؟
تفتكر الأهلى بقالوا 6 سنين بياخد بطولة على الأقل فى السنة.......و بعض السنين كانت بتبقى أكتر من بطولة عشان معاهم أحسن لعيبة بس ؟؟؟ يعنى من غير فكر و من غير تخطيط خالص ؟

خللى بالك أن كل مدرب و له عقلية و تفكير مختلف عن التانى و مختلف عن تفكير ناس كتير من المشجعين و المتابيعن........و بالتالى كل واحد بيبقى عاوزه يعمل اللى فى دماغه......غير كده يبقى مدرب فاشل.

عموماً هننتظر الزمالك الموسم القادم و صدقنى ببقى مبسوط و أنا شايف الأهلى بيلاعب فرق كويسة و فى منافسة.......حتى لو أتغلبنا.

[CryptonX]

اخطاء البدري في راي :

- احمد فتحي .. لسة بدري عليه جدا ... تقريبا معملش " اي " حاجة تذكر طول الفترة ا لي لعب فيها .
خطا فادح البداية به و هو باين كدة من الماتش الي فات.

- احمد حسن , مهما قلته فيه و تمريرات خاطئة او بطيئ او او .. لكن مجهوده في نصف الملعب هو الي خلي الاهلي يتعادل اصلا .
كان لازم يبدا به من الاول .

- ابو تريكة كالعادة مكانه غلط .. و التوفيق مكانش في جانبه .. انا شايف انه كان ينزل في الشوط التاني احسن.

و طبعا خطا لعيبة الاهلي الاكبر .. هو الاستهتار !

طارق العشري مدرب جيد جدا ... و الفريق كالعادة سمع اخبار اصابة 5-6 لعيبة من الحرس .. و حارس المرمى الثالث .. قالك بس ! حنكسب ببساطة ! وكانت النتيجة ان بدلاء الحرس افضل الف مرة من الاساسيين .. وحارس المرمى بتاع الحرس هو الي جابلهم الكاس بصراحة.

[aliabutaleb]

و للأخ اللى بيقول كان نفسه الأهلى يكسب عشان يشيل من الزمالك فى السوبر.......ادينى أمارة واحدة لكده :)

يعني إنتو حتى مش عاوزيننا نتعشم يا أحمد

[human]

كان بدرى يا بدرى عليك بدرى
تسيب جوزيه و تدرب الاهلى

[CryptonX]

كان بدرى يا بدرى عليك بدرى
تسيب جوزيه و تدرب الاهلى

+1

انا مقتنع بكدة من الاول .. بس لما خد الدوري ..الناس قالتلنا اسكت اسكت !


ربنا يستر على افريقيا بقى .

[human]

+1

انا مقتنع بكدة من الاول .. بس لما خد الدوري ..الناس قالتلنا اسكت اسكت !


ربنا يستر على افريقيا بقى .

يا كريبتون انا زملكاوى

بس بجد اكبر مكسب للزمالك ان البدرى مكمل مع الاهلى و و مصدقين ان عندهم مدرب
لما نشوف هنعرف نجيب لاعيبه و لا لأ

العشرى عمل اللى عايزه من الماتش و موضوع الهجوم بكثره من الاهلى فى الشوط التانى ده طبيعى فى ظل فريق رجع يدافع و بيلعب على المرتده مش معناه ان الاهلى تفوق - عشان ده اللى عايزه العشرى
بس الناس بتتفرج على الكوره و ناسيه ان فيه اتنين مدربين

و اللى يضايق فعلا البدرى و هو بيتريق على لاعيبته و الاشكال اللى بيعملها بوشه حاجه تفرس فعلا

لما نشوف الايام الجايه
وربنا يستر على افريقيا فعلا

بعد التهليل الرهيب للفوز على الاتحاد الليبى قلت ربنا يستر

[CryptonX]

يا كريبتون انا زملكاوى

بس بجد اكبر مكسب للزمالك ان البدرى مكمل مع الاهلى و و مصدقين ان عندهم مدرب
لما نشوف هنعرف نجيب لاعيبه و لا لأ

العشرى عمل اللى عايزه من الماتش و موضوع الهجوم بكثره من الاهلى فى الشوط التانى ده طبيعى فى ظل فريق رجع يدافع و بيلعب على المرتده مش معناه ان الاهلى تفوق - عشان ده اللى عايزه العشرى

و اللى يضايق فعلا البدرى و هو بيتريق على لاعيبته و الاشكال اللى بيعملها بوشه حاجه تفرس فعلا

بس الناس بتتفرج على الكوره و ناسيه ان فيه اتنين مدربين

لما نشوف الايام الجايه
وربنا يستر على افريقيا فعلا

بعد التهليل الرهيب للفوز على الاتحاد الليبى قلت ربنا يستر

منا عارف يا باشا انك زملكاوي .. و انا اهلاوي جدا .. بس انا بتكلم معاك انت بس , في مناقشات بتنفع مع الزملكاوية و الاهلاوية الي زي و زيك .. يعني بالمنطق مش مجرد شماتة في التاني و خلاص .

و انا فعلا بشجع اي فريق مصري في اي حتة طلامة بيمثلنا .. ومنتش متخيل كنت متضايق ازاي في الجون الي دخل في الحرضة و اعدت اشجع الاسماعيلي يوميها علشان على الاقل ميبقاش بسبب الحضري الخسارة و يوصلوا النهائي .

و ده كان اعتراضي من الاول على قرعة الكاس الي خالت الزمالك يبقابل الاهلي في الاول كدة .. اعتقد كان النهائي حيبقى اهلي و زمالك لولا كدة .

و ربنا يهدي الجميع ..

البدري مش اسوء مدرب ... بس سبحان الله ساعات " بيفتي " كدة او بيخترع حاجات بتلبس الواحد!!!

عامل زي شادي محمد ! كان يشيل كور داهية ! و يغلط غلطة بجون !

عامة يغلق الستار على الموسم ده .. و لما نشوف بقى الموسم الي جاي .

[mohamedrefaay]

نمت زعلان
لكن بكل روح رياضية
مبروك للحرس

[human]

منا عارف يا باشا انك زملكاوي .. و انا اهلاوي جدا .. بس انا بتكلم معاك انت بس , في مناقشات بتنفع مع الزملكاوية و الاهلاوية الي زي و زيك .. يعني بالمنطق مش مجرد شماتة في التاني و خلاص .

و انا فعلا بشجع اي فريق مصري في اي حتة طلامة بيمثلنا .. ومنتش متخيل كنت متضايق ازاي في الجون الي دخل في الحرضة و اعدت اشجع الاسماعيلي يوميها علشان على الاقل ميبقاش بسبب الحضري الخسارة و يوصلوا النهائي .

و ده كان اعتراضي من الاول على قرعة الكاس الي خالت الزمالك يبقابل الاهلي في الاول كدة .. اعتقد كان النهائي حيبقى اهلي و زمالك لولا كدة .

و ربنا يهدي الجميع ..

البدري مش اسوء مدرب ... بس سبحان الله ساعات " بيفتي " كدة او بيخترع حاجات بتلبس الواحد!!!

عامل زي شادي محمد ! كان يشيل كور داهية ! و يغلط غلطة بجون !

عامة يغلق الستار على الموسم ده .. و لما نشوف بقى الموسم الي جاي .

ربنا يسهل

انا نفسى افهم ازاى يخلى فضل يلعب ضربات الترجيح و هو مش موفق خالص
و كمان تعابير وجهه تثير استياء اكيد للاعبين بدل ما يشجعهم تلاقيه خلاص بيشتمهم
مدرب مش كبير خالص و علاء ميهوب عمال يصوت بعصبيه شديده و تحس بحنق على اللعيبه

اللعيبه اكبر من الجهاز الفنى و احمد حسن ليه مانزلش من الشوط الاول و ابو تريكه ليه يلعب 120 دقيقه؟ الاغتيال المعنوى لاحمد بلال ليه لازمته؟؟ و ليه كان بيسخن فاروق!! تقريبا الناس اللى قاعده ورا قالتله مين ده اللى هتنزله فرجع فى كلامه

مش موضوع افتكاسات الموضوع انه مالوش بصمه اصلا
اللعيبه اللى فى الاهلى لو جبت مدرب المقاصه هيعمل بيهم نفس اللى عمله البدرى

[ahmedbasto]

الاهلى خسر بسبب ضياع كورة محمد فضل

[Samir Elshahawy]

حقيقي أنا ماليش في الكورة و لا شوفت مباراة الامس و لكني مستغرب من جمهور الكرة في مصر
أزاي من يومين فقط كان حسام البدري (مدرب النادي الاهلي) مدرب عظيم و صاحب انجاز و النهاردة بعد الخسارة أصبح مدرب سئ و لاعبي الاهلي هم الذين يلعبون من غير الحاجة الي مدرب ؟؟

لازم نعرف ان الرياضة غالب و مغلوب و مش كلها فوز و انتصارات و زي مابنفرح لما فرقتنا بتفوز لازم برضه نفرح للفريق المنافس لما يفوز و نهنيه لأن هيا دي الرياضة أخلاق قبل أي شئ

و تقبلوا تحياتي
م/ سمير الشهاوي

[ehab]

انا عندي تعليق بسيط ان الفكرة مش فكرة لعيبة و بس
لو هنقارن لعيبة برشلونة بلعيبة الانتر هنلاقي تفوق برشلونة مع ذلك تغلبوا عليهم بحسن توظيف المدرب للعيبته يعني برده المدرب ليه دور قوي جدا و مورينيو اثبت كدا .

[aliabutaleb]

الاهلى خسر بسبب ضياع كورة محمد فضل

بنفس المنطق ده الحرس مقدرش ينهي المباراة بالفوز في الوقت الأصلي بسبب الفرص الكثيرة اللي فقدها في الشوط الأول

[aliabutaleb]

اللعيبه اللى فى الاهلى لو جبت مدرب المقاصه هيعمل بيهم نفس اللى عمله البدرى

خللي بالك المدير الفني لمصر المقاصة اللي طلعهم الممتاز كان الكابتن أحمد عبد الحليم
ومن المدربين الكفء والمحترمين أوي
بس باعوه وجابوا طارق يحيى