قرار بالانفصال

[أحمد علاء]

اجمع الفقهاء ان الحديث الموضوع يخذ به في فضائل الاعمال
وطالما ان الحديث موضوع المناقشة لا يمس العقيدة والدين ولايتناقض معهم ، فيؤخذ به للفائدة
ونص الحديث: " تخيروا لنطفكم فإن العرق دساس "
والله اعلم

انا عندي تعليق على الجملة السابقة اعتقد حضرتك تقصد ان بعض أهل العلم يرى جواز الإستشهاد او العمل بالحديث الضعيف في فضائل الأعمال وليس الحديث الموضوع..

فالحديث الضعيف هو ما لم يجتمع فيه شروط الصحيح ولا شروط الحسن

اما الحديث الموضوع فهو الحديث المكذوب على النبي صلى الله عليه وسلم.

وقال الإمام الذهبي -رحمه الله تعالى-:

الحديث الموضوع ما كان متنه مخالفا للقواعد، وراويه كذابا

فقط أردت الإيضاح حتى لا يحدث لبس عند بعض الناس
دمتم في حفظ الله

تم التصحيح في المداخلة الأصلية
الإدارة ..

[icehearted girl]

يا استاذ احمد الزواج من اجل الزواج مهواش عيب ولا حرام ونا مش ضده

انا فلبداية قلت دي وجهة نظر شخصية

وان النوع دا من الزواج هواللي غالبا بيحصل فيه سوء فهم او تجمل من الطرفين بخصوص طباعهم وشخصياتهم

[MoToRiZeR]

للاسف كلام نظرى من ناس لسه فى سن صغير وبالتالى شايفين ان الجواز اما يكون عن ارتباط واختيار مسبق ياما بلاش

انا زمان كنت اقول ايه الطريقة المتخلفة دى (انا مش متحوز صالونات) لكن دلوقتى من اللى بشوفه قدامى بقيت اشجعه للاسف بشوف قدامى بنات وصلوا لسن كبير ومحتاجين يتجوزوا - ايوه يتجوزوا من اجل الجواز وده مش عيب واتمنى ان محدش فيكم يجرب الشعور ده-

وعلى العموم احنا خرجنا بره موضوع الاخ الفاضل

أولاَ حضرتك متعرفش جميع أعمار الناس المشاركة في الموضوع عشان تجزم إن سنها صغير، تاني حاجة لو بيبي عنده 10 شهور جه قالك نصيحة كويسة هتاخدها مدام هتفيدك، تالت حاجة السن ده مجرد رقم لا يعبر عن ثقافة و وعي صاحبه، رابع حاجة إحنا هنا مجرد شخصيات إعتبارية يعني حضرتك بتتعامل مع أراء مش أشخاص و مش أعمار.

تاني حاجة، المجتمع اللي يوصل ناس إنها تتجوز من أجل الإستقرار الوهمي أو من أجل الجنس (اللي هو كدة بيتحول من جواز لدعارة مقننة) أو من أجل ضل راجل ولا ضل حيطة إلي أخر الأسباب المصرية الغريبة، فا ده مجتمع فاسد ييضلل أفراده، و اللي يعالج بفساد بفساد و غلطة بغلطة أكبر و يتجوز و خلاص هيجيب ولاد يكبروا شايفين أبوهم و أمهم مش طايقين بعض أو عالأقل مش حابين بعض و هيتكون لديه مفاهيم مشوهة عن الأسرة و الحب و هينتج عنه وضع أكثر فساداَ من الأولاد دي لأن إنت كدة بتخلف أولاد و تشووهم بالمعني الحرفي للكلمة و هتظلمهم و ربنا هيحاسبك علي كل يوم يناموا معيطين فيه لإحساسهم بالضياع لأنهم في أسرة هشة.

و لما الولاد يكبروا و يحصل إختلاف علي تربيتهم و مشاكل بشكل لا واعي هيبتدوا يلوموا نفسهم و يكتئبوا و برضه لو البنت عملت حاجة غلط من ورا أهلها -و ما أسهل ذلك- أو الولد شرب مخدرات ولا عمل إيه برضه ربنا هيحاسبك إنت .. الموضوع مش هيتوقف عند انا عايز أتجوز و خلاص!

[blazer]

انا عندي تعليق على الجملة السابقة اعتقد حضرتك تقصد ان بعض أهل العلم يرى جواز الإستشهاد او العمل بالحديث الضعيف في فضائل الأعمال وليس الحديث الموضوع..

فالحديث الضعيف هو ما لم يجتمع فيه شروط الصحيح ولا شروط الحسن

اما الحديث الموضوع فهو الحديث المكذوب على النبي صلى الله عليه وسلم.

وقال الإمام الذهبي -رحمه الله تعالى-:

الحديث الموضوع ما كان متنه مخالفا للقواعد، وراويه كذابا

فقط أردت الإيضاح حتى لا يحدث لبس عند بعض الناس
دمتم في حفظ الله

فعلا دا كان قصدى
شكرا للتوضيح والتصحيح
وجازاك الله كل خير

[shaddadfalcon1]

تاني حاجة، المجتمع اللي يوصل ناس إنها تتجوز من أجل الإستقرار الوهمي أو من أجل الجنس (اللي هو كدة بيتحول من جواز لدعارة مقننة)!

معلشي مش فاهم حضرتك تقصد ايه فيها لما الواحد يتجوز عشان يصون نفسه من الحرام؟ طيب ماهو الحاجه دي من الأشياء الأساسيه في الجواز واللي من غيره مفيش اولاد في ناس كتييره جدا بيبقي نفسها تتجوز بسبب القرف اللي مالي الشوارع في كل حته

[zkralla]

أنا موافقك تماما فى قرارا الانفصال
كنت هتحصل مشاكل كتير جدا جدا جدا بعد الجواز عشان فى اختلاف فى طريقه التربيه وانسى أن فى حد بيغير حد اتربى على عادات وتقاليد وقيم لمده 20 سنه وحتى بعد اربعين سنه كمان لأن السنين الاولى فى العمر هى الى بتحدد المعتقدات والقوانين ( قيم .. اخلاق ... دين .... عرف .... الخ )الى بيمشى عليها طول عمره والتغير الى بيحصل بعد كده ياما بيبقى تغير طفيف جدا فى معظم الحالات يأما بيبقى تغير فى الاتجاه المعاكس تماما ( زى حد منحل قوى ويبقى متدين ومحافظ جدا ما بين يوم وليله ) وده بيقى نتيجه تغيرات نفسيه عنيفه- صدمه نفسيه فى الغالب - وبيولد نوع من التطرف فالشخص ينقلب من الضد الى الضد
هى أكيد متأكده تماما أنها مش بتعمل حاجه غلط (ترك الحجاب هتقولك مش مشكله ما انا بحافظ على نفسى وبوقف كل واحد عند حده وغالبا هى صادقه وأنت ساءلت عليهم طبعا ) لكن ناسيه ان رغم كده ديه مخالفه شرعيه ودينه واثم وبالمثل خروجها مع الشله (الجروب ) الى فيه اولاد

[Terrible_DaRsH]

لو استمرت المناقشة طوال العمر هيفضل كل واحد له رايه الخاص بالزواج و كل واحد هيتزوج على حسب طريقة تفكيره هو .

يا جماعة فى طريقة واحدة فقط للزواج فى الاسلام و مع كل اسف الطريقة الصحيحة دى متنفعش فى الايام دى , يعنى كان زمان كل رجل له سمعة خاصة بيه و بناته مش بيتكشفوا على حد و كان الراغب فى الزواج بيتزوج على الاساس ده , ان فلان الفلانى شخص محترم جدا و بنته محترمة جدا و متربية و متدينة فيتوكلوا على الله .

بقولها تانى للاسف الشديد الكلام ده مينفعش دلوقتى , فالحل الوحيد هو ان كل واحد شايف حياته ماشية ازاى و شخصيته عبارة عن ايه و بالتالى الانسانة اللى بيختارها و طريقة زواجه منها بتكون على حسب دماغه .

فمهما قولنا و عدنا هيفضل كل واحد محتفظ يرايه .

[Khaled_Nowaihy]

الحياة الزوجية يحكمها ثوابت معروفة فى الدين وهى أساس أى زواج ناجح
فيما عدا ذلك النتيجة زواج مستمر فاشل وربما طلاق

اذا التزم الزوجان بهذه الثوابت وعملوا بها ..... النتيجة الحتمية هى حب من نوع خاص
حب أعمق وأحلى من الحب اللى كان فى دماغنا قبل الزواج

وللأسف حيرة الشباب فى كيفية اختيار شريكة الحياة سببها انهم بيحاولوا يدوروا على الحب قبل الزواج

الحب أو الكراهية شعور يشعر به أى شخص تجاه الأخر من خلال تعاملهم مع بعض ... وليس قبل ذلك

لذلك صاحب الموضوع كان صح 100% لأنه لم يجد فيها هذه الثوابت

[MoToRiZeR]

معلشي مش فاهم حضرتك تقصد ايه فيها لما الواحد يتجوز عشان يصون نفسه من الحرام؟ طيب ماهو الحاجه دي من الأشياء الأساسيه في الجواز واللي من غيره مفيش اولاد في ناس كتييره جدا بيبقي نفسها تتجوز بسبب القرف اللي مالي الشوارع في كل حته

شفت فيلم رسائل البحر؟

[shaddadfalcon1]

لو استمرت المناقشة طوال العمر هيفضل كل واحد له رايه الخاص بالزواج و كل واحد هيتزوج على حسب طريقة تفكيره هو .

يا جماعة فى طريقة واحدة فقط للزواج فى الاسلام و مع كل اسف الطريقة الصحيحة دى متنفعش فى الايام دى , يعنى كان زمان كل رجل له سمعة خاصة بيه و بناته مش بيتكشفوا على حد و كان الراغب فى الزواج بيتزوج على الاساس ده , ان فلان الفلانى شخص محترم جدا و بنته محترمة جدا و متربية و متدينة فيتوكلوا على الله .

بقولها تانى للاسف الشديد الكلام ده مينفعش دلوقتى , فالحل الوحيد هو ان كل واحد شايف حياته ماشية ازاى و شخصيته عبارة عن ايه و بالتالى الانسانة اللى بيختارها و طريقة زواجه منها بتكون على حسب دماغه .

فمهما قولنا و عدنا هيفضل كل واحد محتفظ يرايه .

موجوده ياباشا بس في الأرياف اكتر عندنا في الأرياف الناس بتروح علي السمعه والبنت متقدرش تعمل اي حاجه زي في المدينه لانها اي حد هيشوفها هيعرفها عكس المدينه اللي محدش يعرف حد فيها وعلي فكره انا اخواتي البنات التلاته - اتنين منهم اتجوزو بالطريقه دي وعايشيين مبسوطين ومتتخيلش بيجبو ويعزو بعض قد ايه - لان بجد الحب اللي بييجي بعد الجواز بيبقي احسن مليون مره من اللي قبله لانه بيستمر انا مره جوز اختي كان بيشتكي من اختي وبيقولي ياعم دي بتغيير من خواتي مع العلم انه اول مره يشوفها يوم ماجه عشان يتقدم

[shaddadfalcon1]

شفت فيلم رسائل البحر؟

ايه رسائل البحر ده؟ وايه الغرض منه يعني حضرتك بتسال السوال عن الفيلم ده ليه

[ahmedfouad]

لو استمرت المناقشة طوال العمر هيفضل كل واحد له رايه الخاص بالزواج و كل واحد هيتزوج على حسب طريقة تفكيره هو .

يا جماعة فى طريقة واحدة فقط للزواج فى الاسلام و مع كل اسف الطريقة الصحيحة دى متنفعش فى الايام دى , يعنى كان زمان كل رجل له سمعة خاصة بيه و بناته مش بيتكشفوا على حد و كان الراغب فى الزواج بيتزوج على الاساس ده , ان فلان الفلانى شخص محترم جدا و بنته محترمة جدا و متربية و متدينة فيتوكلوا على الله .

بقولها تانى للاسف الشديد الكلام ده مينفعش دلوقتى , فالحل الوحيد هو ان كل واحد شايف حياته ماشية ازاى و شخصيته عبارة عن ايه و بالتالى الانسانة اللى بيختارها و طريقة زواجه منها بتكون على حسب دماغه .

فمهما قولنا و عدنا هيفضل كل واحد محتفظ يرايه .

استااااااااااذ

[ams]

عيش حياتك أحسن .. و أتجوز برضه بس مش بالطريقة دي .. إعتبرها نصيحة بشكل صريح زيادة عن اللزوم مش قلة أدب

تقصد ايه ب "عيش حياتك" ؟

[د.أحمد سمير]

أنا بس عندي سؤال مهم ونفسي أسأله من بدري ..

هل كانت هذه الآراء لتقال لو أخونا صاحب الموضوع قال إن البنت كذابة مثلاً ..

هل لو حد اتقدم لبنت وكان أبوها ضابط شرطة مثلاً .. حد هايقوله ما تتجوزهاش علشان نسبة كبيرة من ضباط الشرطة فاسدين أو مرتشين فبالتالي هي بتاكل حرام ..

أو لو ابوها تاجر كبير حد هايحذر الشاب ويقوله اسأل على سمعته في السوق الأول يمكن غشاش أو مدلس

حد نبه حد قبل كدة إنه ما يتجوزش بنت محامي علشان نسبة كبيرة من المحامين بيدلسوا

أو ميتجوزش بنت حد في المرور علشان مرتشين

أو ميتجوزش بنت حد في الضرائب أو حتى محاسب علشان مزورين ..

طيب حد قال لحد قبل كدة أوعى تتجوز البنت دي علشان اتفصلت سنة من كليتها بتهمة الغش في الامتحانات ..

أو حد سأل شاب قبل كدة البنت المحجبة المؤدبة اللي اخترتها قلعت ولبست الحجاب كام مرة قبل كدة علشان أحكم على استواء شخصيتها وعمق تدينها ..

أو لما حد اشتكى إن خطيبته عصبية وغلاطة وشتامة
أو لما حد اشتكى إنها نمامة وغيابة
أو لما حد اشتكى انها غياظة وحسادة
.....الخ

مع العلم طبعاً أن كل ما ذكرته هو حرام في حرام في حرام
لا يقل أبداً عن خطأ الفتاة هنا
أرجو الإجابة من فضلكم ..

وبما أني أتوقع الإجابة سلفاً فليس أمامي سوى ما قلته في البداية ..
الأساس هو المنبت السوء
وسوء المنبت ليس في المظهر ، بل في الجوهر ايضاً
كما أن المظهر لا يكون في ستر العورة فقط
بل الحكم على المظهر ينشأ من السمعة الطيبة ، والدأب على السؤال لاستقصاء اساس هذه الأسرة مأكلها حلال ومشربها حلال ومسكنها حلال ويعاملون الناس كما يحبوا أن يعاملوا ، ويكفون عن الناس آذاهم ، وذوي مظهر مقبول دينياً ..

كل الكلام انبنى على جزء
جزء واحد فقط من المعايير الواجب توافرها في المنبت الحسن ..

وليس معنى المنبت الحسن كما قلت في مداخلتي الأولى هو لزومية الزواج
بل هو أساس التعارف الذي ينشئ فيما بعد انسجاماً وتفاهماً لتصح الحياة والاختيار أو بغضاً وعدم تفاهم ليختار الإنسان اختياراً آخر ..

تقبلوا جميعاً خالص مودتي

[linkin2008]

اقولك على حاجة ممكن متصدقهاش الموضوع ده حصل معايا بحذافيره بنفس التفاصيل الى حصلت معاك وانا غيور لدرجة ان ممكن اغير عليها من نفسها فتخيل بقى كنا عملين ازاى علطول خناقات وكلو حاجة والفيس بوك ده حاجة تانية صراحة اشتريت اعصابى رغم انى عايزها لكن مكنش حينفع نكمل