إعـــــــلان

**نور القمر** · 08-06-2010, 05:25 PM

المشاركة الأصلية كتبت بواسطة amatoallah مشاهدة المشاركة

والله الشخص دا اتخانق مع مراته و راسه و الف سيف انها لازم تلبس بكيني و تنزل البسين و كان معاه كمان اقاربه الرجاله :(

و المصيبة ان البنت فيها خير و عايزه تتحجب و بتصلي و هو راااااااااااااافض تماما انها تتحجب

و هي بتوافقه علي اللي يطلبه منها علشان ترضيه للاسف

والله شيء مقزز بس للاسف النوعيات دي موجودة فعلا
وممكن يشتري البكيني بنفسه لبناته او مراته وذنبهم في رقبته

**rouaame** · 08-06-2010, 05:27 PM

قال رسول الله صلى الله عليه وسلم (تخيروا لأنسابكم فإن العرق دساس) وزوجة المستقبل هى اللى هتربى ولادك وبناتك فشوف هى هاتربيهم إزاى
الأخلاق يمكن أن تكتسب من خلال البيئة المحيطة والتدين يمكن زرعه داخل الإنسان مع المداومة لكن الفرق بين حالة المتدين من الأصل والمتدين بالتعود فى فكرة الاقتناع - واحد بيصلى علشان عارف أنه أمر من الله - وواحد بيصلى علشان اتعود على الصلاة أو علشان محدش يكلمه بتأنيب.
وربنا يكرمك بالزوجة الصالحة اللى تعينك على الطاعة

**funy76** · 08-06-2010, 05:29 PM

المشاركة الأصلية كتبت بواسطة terrible_darsh مشاهدة المشاركة

هل تعلم ؟ ان اول خناقة هتحصل بين الاتنين البنت هتقولوا انا اتغيرت علشانك !

و كانك بتتفرج على مسلسل مصرى

نصيحة لصاحب الموضوع ده شر لازم تبعد عنه و الحمد لله انك خلعت بدرى بس مش بدرى اوى .

لو حصل و اتجوزتها و حصلت بينكم اى مشكلة هتقولك انا عملت و عملت و عملت و عملت علشانك انت و هتحسسك انك مديون لها و مش هتفهم مهما قلت لها ان اللى عملته ده علشان ربنا مش علشانك .

يعنى المينى جيب لما تتغير بجيبة طويلة وواسعة هتقولك انا عملتها علشانك انت .

الفيس بوك لما يتقفل او بتغير طريقة استخدامه برده علشانك انت .

الصلاة و الصوم و القران برده علشانك و متستغربش لما هى متفهمش ان ده لربنا مش ليك .

التجربة فاشلة فاشلة لا تخوضها و دور على غيرها هتلاقى اكيد .

و يا بو كمال اول مرة اتفق معاك :e_braces[1]:

أحييك على مشاركتك وفعلا كانت بتقولي انا بعمل كده عشانك انت قلتلها غلط تعملي الاول ده عشان ربنا فارض ده والشرع وده فرض ولازم تقربي من ربك بالطاعات فا انتي بتعملي الاول ده عشان تقربي من ربك وبعد كده طاعة الزوج

**mohamedbook** · 08-06-2010, 05:33 PM

اخلع من الموضوع
ممكن تشربهولك بملعقة طبعا المر مش حاجه تاني

**funy76** · 08-06-2010, 05:40 PM

يا جماعة انا مبسوط جدا لأني حاسس اني فعلا وسط اخواتي اللي بيدوني النصيحة وبيأيدوني في كل خطوة عملتها والحمدلله انا فعلا مش ندمان وبقول الحمدلله لأني من البداية بقول يارب لو كانت خير ليا قربها مني ولو كانت شر ليا ابعدها عني والحمدلله ..

بس انا ملاحظ حاجة انا حاسس ان الموضوع ده كان الكل عايز يتكلم فيه من زمان وحسيت اني لما فتحت موضوع زي ده الكل دخل وحط مشاركتو واحساسو للي بيحصل حوالينا دالوقتي من تدني الاخلاق والسلوكيات وانعدام المثل العليا والبعد تمام البعد عن الدين

والله العظيم لما كانت بتحكيلي الحاجات ده كنت بكون قاعد مذهووول حاسس اني مثلا جاي من كوكب تاني او انا انسان متخلف عقليا مثلا ومش بتاع تطور ولا راجل اسبور زي ما الاخوة بيقولوا انا عايز اعرف ايه اللي بيحصل ده .

ده كلو غضب من ربنا علينا لبعدنا عنو فعلا .

يارب ارضي عننا واصلحنا حالنا جميعا ..

وفي النهاية انا بجد كان لازم اتكلم كل الكلام ده عشان كل الاخوة القادرين على النصح وبنصيحة في اختيار الزوج الصالح والزوجة الصالحة ... يشاركوا بالنصيحة والله الموفق

**نور القمر** · 08-06-2010, 06:19 PM

عارف لما يكون البني ادم اصلا طالع من بيت كويس ومش هقول متدين ولا ملتزم 100% لكن هقول معتدل دينيا واخلاقيا
يعني لا ملابس خليعة ولا اختلاط وبيقوم بالفروض الدينية من صلاة وصوم ولا يحرم حلال ولا يحلل حرام حتى وان كان بيرتكب الحرام احيانا وبالرغم من كدة تلاقي له فلتاته واخطاءه لان البني ادم مش معصوم من الخطأ طول ماهو عايش بيغلط وبيتوب ويرجع يغلط تاني ويتوب تاني لان الاساس اصلا سليم وبيقاوم نفسه الامارة بالسوء ويقاوم شياطين الانس والجن
مرة هم يغلبوه ومرات هو يغلبهم
لكن لما يكون الاساس اصلا مش سليم والبيت مش سليم والاب اللي ربى مرباش صح من البداية يبقه انت كدة بتجازف بحياتك وحياة ولادك في السمستقبل وتربيتهم
الناس اللي اراءهم ان كان من الممكن صلاحها يكون على ايدك وتاخد فيها ثواب ... ده شيء مش اكيد انك هتقدر عليه وفي مجازفة
الكلام ده لو واحد صاحبك ولا جارك ولا حتى اخوك في حالة فشلك معاه انت مش خسران واقصاها هاتبعد عنه لكن في حالة الزواج الخسارة كبيرة
ربنا يوفقك ويرزقك ببنت الحلال اللي تحفظك وتحفظ ولادك

**maybe** · 08-06-2010, 06:24 PM

المشاركة الأصلية كتبت بواسطة نور القمر مشاهدة المشاركة

بس كدة
قرارك صائب مليون في المية
الطباع والاخلاق والتربية مختلفة تماما
مهما حاولت تغير من نفسها عشان ترضيك انت مش ترضي ربنا هتيجي في وقت وهتزهق لانك بالنسبة لها رجعي وهترجع زي ما كانت وألعن
وبعدين واحدة بطريقة اللبس ده وصحوبيات على الفيس بوك وخروجات مع شلل بنات وولاد وشيشة وسجاير ناقص ايه ..... !!
اكيد بتركب معاهم عربياتهم واكيد في هزار بالايد واكيد في حاجات كتير لسه مكتشفتهاش

النقطة دي بالذات كل يوم تقريبا من 15 سنة بنتكلم فيها وبسمعها عمال على بطال ، لما خلاص بدأت أشك في نفسي ، دا لمجرد اني بأقولها أنه حرام وما ينفعش تخلعي الحجاب أودام جوز أختك .. بتسمع ما لذا وطاب ، بس حعمل بضطر أكتم في قلبي وأسكت علشان العيال !!!!!!

**funy76** · 08-06-2010, 06:25 PM

المشاركة الأصلية كتبت بواسطة نور القمر مشاهدة المشاركة

عارف لما يكون البني ادم اصلا طالع من بيت كويس ومش هقول متدين ولا ملتزم 100% لكن هقول معتدل دينيا واخلاقيا
يعني لا ملابس خليعة ولا اختلاط وبيقوم بالفروض الدينية من صلاة وصوم ولا يحرم حلال ولا يحلل حرام حتى وان كان بيرتكب الحرام احيانا وبالرغم من كدة تلاقي له فلتاته واخطاءه لان البني ادم مش معصوم من الخطأ طول ماهو عايش بيغلط وبيتوب ويرجع يغلط تاني ويتوب تاني لان الاساس اصلا سليم وبيقاوم نفسه الامارة بالسوء ويقاوم شياطين الانس والجن
مرة هم يغلبوه ومرات هو يغلبهم
لكن لما يكون الاساس اصلا مش سليم والبيت مش سليم والاب اللي ربى مرباش صح من البداية يبقه انت كدة بتجازف بحياتك وحياة ولادك في السمستقبل وتربيتهم
الناس اللي اراءهم ان كان من الممكن صلاحها يكون على ايدك وتاخد فيها ثواب ... ده شيء مش اكيد انك هتقدر عليه وفي مجازفة
الكلام ده لو واحد صاحبك ولا جارك ولا حتى اخوك في حالة فشلك معاه انت مش خسران واقصاها هاتبعد عنه لكن في حالة الزواج الخسارة كبيرة
ربنا يوفقك ويرزقك ببنت الحلال اللي تحفظك وتحفظ ولادك

ربنا يخليكي يا نور القمر انت فعلا اتكلمتي وقلتي الخلاصة ان البنت ده هي اللي هتربي اولادي في المستقبل وهتحافظ عليا وكمان هي هتكون صورة ليا فا لو لم احسن الاختيار مش هتعرف تربي اولادنا ولا تربيهم تربية دينية ملتزمة ولا هتعرف يعني ايه زواج .

**funy76** · 08-06-2010, 06:27 PM