قرار بالانفصال

[Samah AbdAllah]

انا فعلا بقيت مذبهلل من البنات اللي بقت سبوور اكتر من الولاد

اول بنت حبيتها في حياتي من 7 سنين الموضوع اتفشكل (انا اللي فشكلت) تفتكروا ليه؟

عشان انا كنت عايز اتقدم لها و هي مش عايزة !!!!!!


بجد بنات الجيل ده منهم كتير عايزين الحرق ...... الله يحرق الدش عالتليفزيون عالنت عالاعلام الغربي عالاعلام العربي في يوم واحد

ههههههههههههههههههههههههههه
تصدق انى سمعت الموقف ده بيتكرر كتير فعلا
مش عارفة ايه اللى حصل
سيبك انت مبروك عالرخصة

[blazer]

إنت فهمتنى غلط ...

أنا ضد تماما البنت المدخنة ... .

أنا بتكلم على إن ساعات تعرف ولاد بيدخنوا ....

و حضرتك بتقول إن إللى بنت إللى تعرف ولاد بالمنظر ده يبقوا ..............

75% من أعضاء المنتدى مدخنين .... معناها إنهم شباب كده؟؟؟ لأ طبعا دول زى الفل ...

و لو طبقت نظريتك عامة يبقى شباب المنتدى هنا مايفنعش يعرف غير البنات الوحشين قوى ..

و ده طبعا كلام مش منطقى ...

هو حضرتك مكانش الاعتراض على ان الاولاد يشيشوا او يشربوا سجاير
الاعتراض على نوعيه البنات اللى تقبل انها تقعد فى قعده مع الشباب دول فى مكان واحد !

[M.almaghraby]

إنت فهمتنى غلط ...

أنا ضد تماما البنت المدخنة ... .

أنا بتكلم على إن ساعات تعرف ولاد بيدخنوا ....

و حضرتك بتقول إن إللى بنت إللى تعرف ولاد بالمنظر ده يبقوا ..............

75% من أعضاء المنتدى مدخنين .... معناها إنهم شباب كده؟؟؟ لأ طبعا دول زى الفل ...

و لو طبقت نظريتك عامة يبقى شباب المنتدى هنا مايفنعش يعرف غير البنات الوحشين قوى ..

و ده طبعا كلام مش منطقى ...

في فرق بين البنت الي تعرف ولاااااااد بيدخنوا

والبنت الي كل صحابها الولاد والبناااااات بيدخنوا ويشيشوا وحاجات تانية

في فرق كبير....

البنت الي بتدخن دي اعرف بنسبة 80% انها بايعة الحياة و ما فيها و معندهاش اي مبدا عايزة تمسي عليه " مش حكم سطحي لكن عن تجربة "

[ZALABANY]

دا كلام الناس المحترمه ال لسه متمسه بالدين مش غاويه ان عيالها تمشى فى الشارع الناس تبص عليها


جزاك الله كل خير على كلامك

وجزاك مثله يا أخي ووفق صاحب الموضوع إلى ما يحبه ويرضاه

[احمد المصرى]

إنت فهمتنى غلط ...

أنا ضد تماما البنت المدخنة ... .

أنا بتكلم على إن ساعات تعرف ولاد بيدخنوا ....

و حضرتك بتقول إن إللى بنت إللى تعرف ولاد بالمنظر ده يبقوا ..............

75% من أعضاء المنتدى مدخنين .... معناها إنهم شباب كده؟؟؟ لأ طبعا دول زى الفل ...

و لو طبقت نظريتك عامة يبقى شباب المنتدى هنا مايفنعش يعرف غير البنات الوحشين قوى ..

و ده طبعا كلام مش منطقى ...

انا بتكلم عن البنات المدخنه مش الشباب يا باشا


هتقولى عنصريه وراجل شرقى هقولك هو دا المجتمع المصرى



لما اقعد على قهوه والاقى راجل بيشرب شيشه شى طبيعى بس لو بنت بتشرب شيشه اى واحد بيكون مستغرب المنظر واكيد انت شخصيا بتستغربه او على الاقل شايفه مش طبيعى

[kar!m]

بص حضرتك عملت الصح و لو مكنتش عملت كده كنت هتندم بقية حياتك .. أنا مش بلومها أو بقول هى مش كويسه .. هى بس مش مناسبه ليك .. وده كان هيعيشك فى عذاب و تعيش على أمل انها ممكن تتغير و ده ممكن يحصل و ممكن لأ.

انا معاك ان التربيه بتفرق كتير و مادام البنت من بيئه كويسه فاحتمال كبير انها تتغير .. ممكن بكره او بعده تقتنع ان الحجاب ده مش حاجه هتفقدها بالعكس دى حاجه هتكتسبها و هتزيد بيها .. ربنا سبحانه وتعالى مفرضش حاجه عشان يعذبنا بالعكس ربنا أدرى بمصلحتنا فين و كل أوامره و نواهيه لمصلحتنا فى الدنيا قبل الاخره .. واللى بيفكر بيشوف الكلام ده بعينه .. زى ما ربنا حرم الخمر و لحم الخنزير والقمار و الزنا وكل حاجه وحشه لمصلحتنا فى الدنيا قبل الاخره .. برضه حرم التبرج وفرض الحجاب لمصلحتنا فى الدنيا قبل الاخره.

لازم الانسانه اللى ترتبط بيهه تكون مقتنع بيها تماما .. مبقولش انها تكون برفكت .. بس تكون انت مقتنع بيها بمميزاتها و عيوبها .. لو ده محصلش صدقنى هتعيش فى عذاب.

أولا : كل ما هتشوف واحده محجبه هتتمنى ان مراتك تكون زيها لأن دى حاجه نفسك فيها فى مراتك وتفتح معاها الموضوع و تكون هى لسه مش مستعده فيحصل مشاكل.
ثانيا : كل ما هتحصل مشكله بينكم هتندم انك مسبتهاش من الاول مع ان كان واضح ان تفكيركم مختلف .. وده هيرفع لك الضغط و يخليك تمشى تكلم نفسك.

زى ما قلت لك الله أعلم .. ممكن ربنا يهديها بكره بس انت متاخدش قرار مصيرى على أمل ممكن يحصل و ممكن لأ.

أحييك على شجاعتك و ربنا يوفقك لما فيه الخير.

[human]

بص
البنت ديه مش سكتك
و انت عملت المفيد متأخر

لو عايز تجرب و تشوف ممكن تتغير ولا لأ اتفضل جرب مش هتخسر حاجه
بس الطريق ده من الحياه هيبقى بالنسبالك خيال علمى

يعنى بويز يكلموها على الموبايل و هير فريندز اند باديز و خروج لأماكن ماسمعتش عنها و حكايات كتيره انت مش فى دماغك
و بعدين هتلاقى كل حاجه غريبه عنك من اول اللبس لغايه التليفون مرورا بالماشيه و الخروج

[OilMan]

انا اسمحلى حنظر للموضوع بطريقه يعنى عملية شويه
بص لاخواتها هل هما كده برده ونفس الطبع؟ هل البنت والدتها توفت وهى صغيرة يعنى اعدادى مثلا؟ هل الاصدقاء الاولاد بيكلموها على الموبيل فى اى وقت او معاهم نمرتها مثلا؟

لو اخواتها نفس الطبع ( يبقى تخلع بهدوء يبقى العيب عيب الاب والام الله يرحمها) وهى مش ليها ذنب فى كده وساعتها يبقى تحترم صراحتها معاك ما هى كانت ممكن تقضيها شات ونزول وتقولك انا بره باجيب حاجه او مع صاحبتى وكمان بالليل فى الخفا شات وفيس زفت بوك الله يلعنه ويلعن اللى اخترعه حديث الساعه حاليا على ايه مش عارفز

المهم لو انت حاسس فى امل فى التغيير وانك حتقدر تملا حياتها وتعوضها النقص اللى مفتقداه وعوضته فى الاصدقاء والشات والفيس زفت يبقى توكل وكمل اما لو انت ليس لديك المقدره على ذلك ربنا يوفقك فى غيرها وبجد الله يكون فى عونك الاختيار بقى صعب اليومين دول
الله يخرب بيت ميلودى وامثالها وكل ما يدمر بناتنا وشبابنا

[hany_mohamed]

تسمح لى ياباشا اقول رأيي
اى بنت للارتباط بها بيبقى مطلوب انها تتميز بعده صفات ان تكون متدينة و متعلمة و جميلة و من عيلة طيبة و تكون خفيفة الدم و تعرف تطبخ كويس و تعرف تربى اولادها كويس و تكون دلوعه وقت الدلع و محتشمة و رقيقة المشاعر ومرهفة الاحاسيس و تقدر تتحمل مسئولياتها فى الزواج وتكون صادقة و أمينة و ذكية ولماحة ومحافظة على رشاقتها
وبتحب الرياضة اللى العريس بيشجعها
و طبعا استحالة تكون فيه واحدة كاملة المواصفات فتلاقى ان فيهن من لديها بعض المواصفات وبعض المواصفات غير مكتمل .
الموضوع عاوز له تركيز فى نقطه واحدة ... هل البنت دى بالتدريب منك لها ممكن توصل لنقطة " تتقى الله فيك ام لا"
وعلى فكرة يا باشا الشكل والمظاهر الخارجية ليس دليل على تدين الانسان وحسن تقواه
و البنت دى كانت معاك واضحة وصريحة و حاولت انها تصلح من نفسها علشانك
وموضوع شلة الشيشة دى عندك حق و الفيس بوك ده بتفكرنى مع احترامى الكامل لحضرتك بأغنية أبو الليف

فكرتنى مره بواحد أعرفة سلم على بنت من اياهم بعد ان وجدها فجأة محتشمة المظهر الخارجى وسألها ايه اللى عملاه ده قالت "علشان أتخطبت بقى و مبخلهوش يلمس أيدى حتى ومفهماه انى معرفش كمبيوتر ده يعنى ايه و رسمت عليه الدور صح انها انسانة خام ومتدينة جدا "

[أبو إياد]

القرار واضح من قبل ما الموضوع يتكتب وانا مؤيد قرارك جدا

لكن فى جزء حابب اعلق عليه
من كلامك فهمت ان البنت سنها صغير ووالدها متولى رعايتها خصوصا ان والدتها متوفيه

الاب اللى زى ده بجد ربنا يعينه ويقويه على حياته
اب لبنات بدون ام
رجل = اب + ام

معادله بتكون صعبه خصوصا لو البنات فى سن زى ده
هايتغاضى عن الكثير و يزيد فى التدلل تعويضا عن ما افتقدته البنات من حنان ورعايه

وده مش معناه ان البنت مالهاش ذنب
لا ليها ذنب باردو فى اختيار طريقه حياتها وتحمل المسئوليه

ويمكن اللى انت عملته ده يكون سبب فى تفكيرها واعادت حسابتها فى اتخاذ قرارتها فى المستقبل وتغيير حياتها للاحسن

وربنا يوفقك

[maybe]

أنا بحقد عليك ، لأنك لقيت منتدي وناس تنصحك صح ، وتقولك على اللى فيه مصلحتك

أنا كنت في الموقف تقريبا من 15 سنة ، ودلوقت بضرب نفسي بالجزمة علشان كملت واتجوزتها ، على الرغم من انها عملت كل حاجة كنت عاوزها قبل الخطوبة ولكن الطبع بيغلب التطبع ، ورجعت ريمه لعادتها القديمة بل العن من الأول. أنت لا تتخيل حجم الجحيم الذي اعيش فيه حاليا ،

حبيبي ، أخلع فورا ، وماتكملش ولو جات لحد عندك وباست على الجزمة ، المعووج معووج ولن يعدله شئ

[blazer]

تسمح لى ياباشا اقول رأيي
اى بنت للارتباط بها بيبقى مطلوب انها تتميز بعده صفات ان تكون متدينة و متعلمة و جميلة و من عيلة طيبة و تكون خفيفة الدم و تعرف تطبخ كويس و تعرف تربى اولادها كويس و تكون دلوعه وقت الدلع و محتشمة و رقيقة المشاعر ومرهفة الاحاسيس و تقدر تتحمل مسئولياتها فى الزواج وتكون صادقة و أمينة و ذكية ولماحة ومحافظة على رشاقتها
وبتحب الرياضة اللى العريس بيشجعها
و طبعا استحالة تكون فيه واحدة كاملة المواصفات فتلاقى ان فيهن من لديها بعض المواصفات وبعض المواصفات غير مكتمل .
الموضوع عاوز له تركيز فى نقطه واحدة ... هل البنت دى بالتدريب منك لها ممكن توصل لنقطة " تتقى الله فيك ام لا"
وعلى فكرة يا باشا الشكل والمظاهر الخارجية ليس دليل على تدين الانسان وحسن تقواه
و البنت دى كانت معاك واضحة وصريحة و حاولت انها تصلح من نفسها علشانك
وموضوع شلة الشيشة دى عندك حق و الفيس بوك ده بتفكرنى مع احترامى الكامل لحضرتك بأغنية أبو الليف

فكرتنى مره بواحد أعرفة سلم على بنت من اياهم بعد ان وجدها فجأة محتشمة المظهر الخارجى وسألها ايه اللى عملاه ده قالت "علشان أتخطبت بقى و مبخلهوش يلمس أيدى حتى ومفهماه انى معرفش كمبيوتر ده يعنى ايه و رسمت عليه الدور صح انها انسانة خام ومتدينة جدا "

طبعا مفيش انسان او انسانه كامله او زى ما احنا بنكون عاوزين
وفعلا المظاهر مش كل حاجه انما بتدل على مكنون و مضمون الانسان
يعنى مثلا مفيش تفاحه قشرتها الخارجيه فاسده وهتلاقيها من جوه شهد
و اسمحلى اعترض مع حضرتك الطيبون للطيبات
مادام الراجل بيدور على واحده تتقى ربنا فيه و تحرسه هو و بيته واورده يبقى باذن الله ربنا هينولهاله
اولا لانه ساب بنت خاف على دينه معاها
وثانيا لانه بيدور على واحده تدفعه للطريق الصح
والنت اللى انت بتقول عليها فى يوم من الايام هتتكشف على حقيقتها وتتفضح وتنتهى العلاقه فى ثانيه واحده لان الغش عمره ما كان حل

[احمد عبدالله]

في الاخلاق و العادات و الشخصية و التدين ...... الجاهز احسن من التفصيل

يعني ما تفتكرش انك هتاخد واحدة و تغيرها في الحاجات دي تغيير جذري

تغيير بسيط ممكن (يعني حجاب مش مطابق للشريعة تخليها تظبط لبسها شوية ماشي) ..... انما ميني جيب و فيسبوك و شلة ولاد و بنات و الكلام الحمصي ده انسى

و صدقني لازم تفكر بعقلك مش بقلبك لان التفكير بالقلب بيخلي الواحد مش عقلاني خالص (سامحني و الله بس انا كنت بافكر بقلبي في اوقات كتير و دلوقتي فعلا اما بافكر في المواقف دي باقول انا كنت عبيط و اهبل)

فكك منها و شوف لك واحدة تانية ..... دي ما تنفعش تبقى زوجتك ..... و انت مش هتقدر تخليها تبطل العادات دي




و انفصال دلوقتي و انت خاطب - حتى لو هتخسر الشبكة و شوية هدايا انت جبتها - احسن من طلاق بعد كده ممكن تخسر فيه اغلى حاجة في حياتك (اولادك !) بالاضافة لشوية خسائر مادية تانية (مؤخر و نفقة و متعة و حضانة و شقة و بلاوي زرقة) ......

كل يوم إعجابي بحضرتك بيزيد يا أحمد بيه

[msobhy]

من الواضح يا رجاله ان الكل بيتلككوا علشان يتكلموا فى الموضوع ده
ومن الواضح بردوا ان الخطوه اللى قام بيها صاحب الموضوع نالت اعجاب وتقدير كل اللى شاركوا فى الموضوع
ومن الواضح وديه بقت حقيقة زى الشمس ان كل البنات محتجين انهم يتغيروا أو ان الرجالة تبدأ تلبس طرح (جمع طرحه)
ومن الجميل اننا نذكر الاخ صاحب الموضوع أن البنات على قفا من يشيل فى الفترة ديه والكلام غير قابل للنقاش

[Akram]

انت عملت الصح .

و الكلام ده ,

في الاخلاق و العادات و الشخصية و التدين ...... الجاهز احسن من التفصيل

صح الصح