قرار بالانفصال

[أبو إياد]

كل الطرق فشلت ...

الا طريقه واحده

هى انك انت اللى تتغير

اللى انت عملته صح مش غلط وباحييك انك لم تقدم على خطوه الانفصال لكن اللى عاوز اوصلهولك هو انك تكمل اللى انت عملته
اول نقطه واهم ما فى الموضوع انك تخلى ابنك يتعلق بيك جدااااااااااا ويقرب منك اكتر من الاول وتشاركه فى كل حاجه دون ان يشاركك فى مشاكلك هو عنده 13 سنه ياعنى اكيد بيستوعب وبيفهم اللى بيحصل وهايقدر تقربك منه واهتماك الزائد وطبعا حاول على اد ما تقدر انه مايعرفش اى حاجه عن اى خلاف بينكوا

اما هى شوف ايه اللى ماينفعش يتعمل من غيرك وماتعملوش
ياعنى مثلا لو مشوار عائلى عندها ويستوجب وجودك معها زى عيد ميلاد او خطوبه احد اقاربها ماتروحش
مثلا هى محتاجه حاجه منك تطنش بس شرط انها تكون مش اساسيه
وحاجات كتير لو خليت الموضوع فى دماغك هاتعرف انت ممكن تعمل ايه
بس اهم حاجه فى الاسلوب ده انها تكون بحجج ياعنى مش بالرفض ويكون بهدووووووووووء
مثلا : الغدا جاهز ......... لا انا اتغديت مع اصحابى
مش هاتيجى معايا ......... لا اصل فى ماتش مهم مش هاينفع

وكده

[ams]

الحمد لله رب العالمين ، دا انا متهم منها ومن أهلها بالتطرف والتزمت ومحبكها شويتين ، لأنه على حسب رأيهم إن الصلاة مهمة ولازم والواحد يصلي بس المهم القلب وهم ما بيكرهوش حد ، يعني آخر الدين عندهم الواحد يبقى قلبه أبيض ، أما صلى بقى وقرآن دا موضوع بين العبد وربه ، والمفروض برده على حسب كلامهم إن مراتي طالما أنها محترمة المفروض أبوس ايدي وش وظهر ... أرجو أن أكون قد أستطعت توصيف مراتي وأهل مراتي بالشكل الذي يوضح ما انا فيه.

ربنا يزيدك
طيب حضرتك شايف ايه الحاجات الكويسه فى حرمك ؟ و متقوليش مفيش

[SeiffoZ]

ثانية واحدةةةةةةة

إنتم فهمتونى غلط خالص!!!!!!! ...

أنا كنت بقول لو تعرف مثلا ذكور بيدخنوا شيشة ..... هل معنى كده تبقى بنت مش محترمة؟؟؟ أو مش كويسة؟؟؟

أنا ضد البنات المدخنة تماما .... و ضد التدخين .... بس هو قال هى مش بتدخن!!


يعنى طب ما هو المنتدى فيه مدخنين ... هل معنى كده إن إللى هيتجوزوهم يبقوا بنات مش محترمة ... لأ طبعا

[icehearted girl]

مممممممممممممممممممم

معلش انا ردي قاسي شوية بس هي دي الحقيقة

حضرتك لما بتروح تشتري كمبيوتر..بتشتريه علي امكانياته الحالية؟؟؟

ولا بتدفع سعر مبالغ فيه علي اساس انه يتحول فيوم مالايام من بي سي لماك مرة واحدة

اكيد علي امكانياته الحالية....

يبقي البنت اللي حضرتك وافقت عليها من الاول كنت تدرسها عشان تكتشف الحاجات اللي ضايقت حضرتك

هي من الواضح انها كانت واضحة من الاول_برغم اعتراضي علي بعض سلوكياتها_دا بناء علي كلام حضرتك

ومعتقدش الاسلوب اللي حضرتك سبتها بيه كان ممكن يصلح حاجة فيها فيوم من الايام


وربنا يهديها ويرزقك خير متاع الدنيا...الزوجة الصالحة

[human]

مممممممممممممممممممم

معلش انا ردي قاسي شوية بس هي دي الحقيقة

حضرتك لما بتروح تشتري كمبيوتر..بتشتريه علي امكانياته الحالية؟؟؟

ولا بتدفع سعر مبالغ فيه علي اساس انه يتحول فيوم مالايام من بي سي لماك مرة واحدة

اكيد علي امكانياته الحالية....

يبقي البنت اللي حضرتك وافقت عليها من الاول كنت تدرسها عشان تكتشف الحاجات اللي ضايقت حضرتك

هي من الواضح انها كانت واضحة من الاول_برغم اعتراضي علي بعض سلوكياتها_دا بناء علي كلام حضرتك

ومعتقدش الاسلوب اللي حضرتك سبتها بيه كان ممكن يصلح حاجة فيها فيوم من الايام


وربنا يهديها ويرزقك خير متاع الدنيا...الزوجة الصالحة

انا متضايق من التشبيه ده
المرأه او الانسان اعقد من ان احنا نحطه فى قولب مصمطه بعيدا عن مشاعر الانسان
ممكن يحاول و ينجح و ممكن تبقى افضل زوجه

عشان كده الله ارحم الراحمين
بس الانسان قاسى جدا على الانسان

و الانسان طبعه انه يغلط و ماحدش عارف الخير فين و ماحدش عارف ربنا بيهدى عبيده ازاى

هو الموضوع بايظ طبعا بس ممكن يكون فيه خير انت مش شايفه
فكر و شوف ممكن ولا لأ

مافيش حد بيفضل على حاله

[blazer]

هقولك حاجة هي مش بتحبك ولا حاجة هي شايفاك فرصة و لو جالها واحد أغنى منك و بيوافقها على تصرفاتها و لبسها هتقولك باي باي

رأيي اللي عملته صح جدا

+999999999
فعلا هى كانت شايفاك فرصه وفرصه ممتازه كمان
انسان ناجح فى حياته
كامل من مجاميعه
عاوز يتجوزها فى حين ان كتير من الشباب السيس اللى تعرفهم اخرهم بعملوا عيد ميلاد ويعزمها فيه
هى نقطه واحده كانت هتمشى الجوازه انه يوافق على تصرفاتها
من الاخر هى ياما عاوزه واحد ملوش شخصيه ياما بيفكر بنفس طريقتها

[dode2002]

اظفر بذات الدين تربت يداك ------------ صدق الرسول الكريم

[M.almaghraby]

ثانية واحدةةةةةةة

إنتم فهمتونى غلط خالص!!!!!!! ...

أنا كنت بقول لو تعرف مثلا ذكور بيدخنوا شيشة ..... هل معنى كده تبقى بنت مش محترمة؟؟؟ أو مش كويسة؟؟؟

أنا ضد البنات المدخنة تماما .... و ضد التدخين .... بس هو قال هى مش بتدخن!!


يعنى طب ما هو المنتدى فيه مدخنين ... هل معنى كده إن إللى هيتجوزوهم يبقوا بنات مش محترمة ... لأ طبعا

هوا بيقول ليها بنات صحابها بيشيشوا و هيا بتعقد معاااااااااهم فالكافيه

[nabaster]

الحمد لله رب العالمين ، دا انا متهم منها ومن أهلها بالتطرف والتزمت ومحبكها شويتين ، لأنه على حسب رأيهم إن الصلاة مهمة ولازم والواحد يصلي بس المهم القلب وهم ما بيكرهوش حد ، يعني آخر الدين عندهم الواحد يبقى قلبه أبيض ، أما صلى بقى وقرآن دا موضوع بين العبد وربه ، والمفروض برده على حسب كلامهم إن مراتي طالما أنها محترمة المفروض أبوس ايدي وش وظهر ... أرجو أن أكون قد أستطعت توصيف مراتي وأهل مراتي بالشكل الذي يوضح ما انا فيه.

المشكلة أن أنا حاسس إني بأنده في مالطة ، وخلي بالك يا نور إن الموضوع من سنين وصدقوني ما فيش فايدة ، كل الطرق فشلت ، يعني أنا مش عاوز أقول أنه حتى الطلاق جربته معاها وعلشان الاولاد رجعتها تاني ولما رجعت اتعدلت كام شهر ورجعت ريمه لعادتها القديمة ...

طبعا أنا صابر وكل اللى بعمله أني بصراحة كل يوم بأدعي عليها إن ربنا يخلصني منها على خير

إقتراح مش بايخ ولا حاجة
بس المشكلة أني لو أتجوزت مليون المية هي هتطلب الطلاق . وإذا كنت انا أصلا مش مطمئن على أبني وأنا معاها فما بالك وهو بعيد عني !!!!!!!!!!

علشان كده أنا في بداية المشاركة قلت لصاحب الموضوع ، أخلع وأهرب بجلدك من هذه المصيبة اللى ممكن تعيش عمرك كله في عذاب دائم ،اللهم أرحمنا برحمتك يا كريم

أنا الحمد لله معظم أصحابي ملتزمين مش عاوز أقولك أنهم في كل مرة نتقابل كل واحد يحكي لي قصة تعكس فضل ثواب الصبر على بلاء الزوجة ، لما خلاص بقيت حالة بيضرب بيها المثل بين كل أصحابي

والله اتعكننت علشانك

انا كنت شايف المثال ده عملي

وكان عقاب ربنا ان ابنها مات

وقتها عرفت ان في ربنا وعرفت ان في موت وحساب

بعد ما عدا شهر من وفاة ابنها بقيت انسانه تاني خالص و اقسم بالله هيا الي بقيت تحاسب جوزها علي عدم الصلاه

دلوقت هتموت علي ضفر عيل بس للاسف كبرت شويه في السن

وجوزها لانه يعرف ربنا احتسب ابنه عند ربنا لانه واثق انه هيدخله الجنه

انا اسف انا مقصدش (افول عليك) بس انا بحكي مثل كان قدامي

الي زي الناس دي بيفوق متاخر بعد فوات الاوان

لازمله صدمه قويه علشان يفوق

A.Yakout

[M.almaghraby]

انا متضايق من التشبيه ده
المرأه او الانسان اعقد من ان احنا نحطه فى قولب مصمطه بعيدا عن مشاعر الانسان
ممكن يحاول و ينجح و ممكن تبقى افضل زوجه

كلام حضرتك صحيح

التشبيه غير موفق

[maybe]

والله اتعكننت علشانك

انا كنت شايف المثال ده عملي

وكان عقاب ربنا ان ابنها مات


a.yakout

انا متأسف على العكننة ، بس حنعمل ايه ده واقع عايشنه ، وليس أمامنا الى الصبر والتسليم لله

ويا ريت علشان ربنا يكرمك تدعي لي إن ربنا يخدها هي ويخلي لي أبني أحسن ، كده يبقى كتر خيرك وجزاك الله خيرا

[hany_mohamed]

والله اتعكننت علشانك

انا كنت شايف المثال ده عملي

وكان عقاب ربنا ان ابنها مات

وقتها عرفت ان في ربنا وعرفت ان في موت وحساب

بعد ما عدا شهر من وفاة ابنها بقيت انسانه تاني خالص و اقسم بالله هيا الي بقيت تحاسب جوزها علي عدم الصلاه

دلوقت هتموت علي ضفر عيل بس للاسف كبرت شويه في السن

وجوزها لانه يعرف ربنا احتسب ابنه عند ربنا لانه واثق انه هيدخله الجنه

انا اسف انا مقصدش (افول عليك) بس انا بحكي مثل كان قدامي

الي زي الناس دي بيفوق متاخر بعد فوات الاوان

لازمله صدمه قويه علشان يفوق

a.yakout

تحياتى سيدى الفاضل
أنا بس معترض على رأى حضرتك " أن وفاة الابن يعد " عقاب " أنما هو وديعة استودعهم اياها الله ثم استرد وديعته والاعمار كلها بيد الله فهل كان وفاة الغلام على يد سيدنا الخضر يعد عقابا لأهله ؟؟

أما الاستاذ صاحب المشكلة فربنا يبارك فى ابن حضرتك و يعطيه الصحة والعافية

[maybe]

ربنا يزيدك
طيب حضرتك شايف ايه الحاجات الكويسه فى حرمك ؟ و متقوليش مفيش

الحاجة الوحيدة فيها إصرارها على انها بتحبني وما تقدرش تستغني عني ، بس على طريقتها وبمفهومهاالخاص بيها، كمان بصراحة محافظة في شغل البيت الى حد ما ، يمكن ده بالاضافة الى ابني ، يعني مخليني صابر ومتحمل .

[hany_mohamed]

انا متأسف على العكننة ، بس حنعمل ايه ده واقع عايشنه ، وليس أمامنا الى الصبر والتسليم لله

ويا ريت علشان ربنا يكرمك تدعي لي إن ربنا يخدها هي ويخلي لي أبني أحسن ، كده يبقى كتر خيرك وجزاك الله خيرا

يا ساتر ياساتر اهدأ بس يا باشا وكل الامور تتحل ان شاء الله أرجو التوجة الى احد المتخصصين فى الاستشارات الزوجية أو أحد الائمة المشهود لهم بالكفاءة و أعرض عليهم المشكلة بتفاصيلها للوصول ألى افضل حل
إنما عرضها فى المنتدى سيتطلب نشر تفاصيل عافانا الله واياك من مساوىء نشرها

[nabaster]

انا متأسف على العكننة ، بس حنعمل ايه ده واقع عايشنه ، وليس أمامنا الى الصبر والتسليم لله

ويا ريت علشان ربنا يكرمك تدعي لي إن ربنا يخدها هي ويخلي لي أبني أحسن ، كده يبقى كتر خيرك وجزاك الله خيرا

بلاش تدعي عليها

ومتنساش انها هيا السبب في وجود ابنك ده

وانا اتعكننت لاني حاسس بيك ومفيش حاجه تدعوا للاسف

انتا راجل متجوز ليك 15 سنه

متعرفش هيا ايه نقطة ضعفها او المدخل الي ممكن تدخلها منه؟؟؟

حاول وحاول وحاول ومتياسش

خلي هدفك بدل الدعا عليها

انك توجهها لربنا و تكسب ثوابها و تدخل فيها الجنه

كده انتا هدفك نبيل

حاول مره وعشره ومية والف

دي مراتك ام ابنك الي برضه ليها حسنات وفضل عليك

بس غضبك يمكن عاميك شويه انك تشوف الكويس الي فيها

انتي ادراي واحد بطبع مراتك وانتا الي تقدر بعون الله وباذنه انك تقومها

A.Yakout