قرار بالانفصال

[ahmed4000]

يااستاذي الفاضل الله يباركلك انا مش بتكلم عليها هي لاني مستحيل اصفها بالفاسق و العياذ بالله انا بتكلم عامه و بعدين محدش قال الواحد هيتجوز بنت و هو متعلق بكلمه ممكن انا قصدي ان الشخص يحاول الاصلاح و لو فشل يبقي فراق من قبل الجواز لكن لو ربنا كرمك و كنت سبب في هدايه شخص و سبت الفرصة تضيع من ايدك يبقي ضاع منك خير كبير اوي .

انا عارف ان مش قصدك البنت دى نفسها ولا قصد درجة الفسق
لكن كمان حضرتك عارف وقت الخطوبة الناس بتحاول فعلا تغير من نفسها شوية علشان خاطر الطرف التانى -بعض منها بيبقى تمثيل وبعض بيبقى تاثر بالحاية الوردية- يبقى ممكن فترة الخطوبة تعدى ويبان كان الموضوع اتحسن فعلا -ايا كان ايه العيب- لكن بعد الجواز الطبع يغلب التطبع ونعود مرة أخرى لوضعنا الاساسى تبدأ تزهق وتشوف دى قيود وخاصة ان الحياة بعد الجواز مبتبقاش وردية...حيعمل ايه بقى ساعتها.. وياسلام بقى لو جه اولاد؟ علشان كده قلت ان مفيش مجال للتجربة لان دى حاجة مش قابلة للمخاطرة

[OilMan]

يا ريت ما نخرجش بره الموضوع وندخل فى مهاترات من صاحب الراى الصحيح وتوضيح وجهات النظر وذلك لعدم اسقاط الهدف الاساسى فى الموضوع وهو ابداء الراى الصائب لاصحاب الموضوعين

[maybe]

أنا مش عارف أيه حكاية كل شوية واحد من الزملاء الأعزاء يقولك "" أصل الطرف الثاني غير موجود" وكأننا في محكمة أو في جلسة صلح عرفي.

يا جماعة الخير نحن فى منتدي إفتراضي ، ليس بالضرورة أن تكون كل الموضوعات أو القصص واقعية أو حقيقة ، بل من الممكن أن تكون قصة تخيليلة لم تحدث على الاقل تلآن ويمكن حدوثها في المستقبل وبطريقة وأسلوب العودة للمستقبل بيقوم صاحب الموضوع بعرض المشكلة ، الخلاصة أن الكلام لابد أن يكون قائم على إفتراض توافر الصفات أو الخصائص التي يعرضها صاحب الموضوع . الكلام بمعني آخر أن كلام الشخص الذي يعرض المشكلة هو فعل الشرط ونحن علينا أن نقدم له جواب الشرط الذي نراه.

والاختلاف في الرأي لا يفسد للود قضية

[M.Mosaad]

انا عارف ان مش قصدك البنت دى نفسها ولا قصد درجة الفسق
لكن كمان حضرتك عارف وقت الخطوبة الناس بتحاول فعلا تغير من نفسها شوية علشان خاطر الطرف التانى -بعض منها بيبقى تمثيل وبعض بيبقى تاثر بالحاية الوردية- يبقى ممكن فترة الخطوبة تعدى ويبان كان الموضوع اتحسن فعلا -ايا كان ايه العيب- لكن بعد الجواز الطبع يغلب التطبع ونعود مرة أخرى لوضعنا الاساسى تبدأ تزهق وتشوف دى قيود وخاصة ان الحياة بعد الجواز مبتبقاش وردية...حيعمل ايه بقى ساعتها.. وياسلام بقى لو جه اولاد؟ علشان كده قلت ان مفيش مجال للتجربة لان دى حاجة مش قابلة للمخاطرة

رايك و له مني كل الاحترام

[gazzar91]

طيب خلاص كلكم ملايكه و مافيش حد فيكوا بيغلط و كلكم واعظين و كلكم متدينين و عارفين ربنا و هيه بقت كافره

انا مش فاهم ليه كده

يعنى لو هيه بتعمل حاجه غلط بسبب البيئه اللى فيها و عندها استعداد تتحسن او تتعلم ايه المشكله؟؟

اللى بتقولوه ده يخلى اى واحد بيعمل حاجه غلط يكمل فيها عشان الناس الافاضل اللى زى حضراتكم مش هتقبل اى واحد يتوب او يرجع عن غلطه عشان دايما حكمكم مسبق عليه

ابن احسان عبد القدوس شوفوا هو ايه و متجوز بنت مين بنت عادل امام شوفوا متجوزه مين

ليه الاحكام المجحفه على الناس

و بعدين ليه ماحدش بيفكر فى الانسان كأنسان مش كائن فضائى يعنى اللى شرب خمره و تاب لو كان شاف ناس بتحكم عليه زيكم كان زمانه لسه قاعد فى الخماره

و مين يعلم يمكن بكره يجى حد يقدر يفهمها اكتر منك و يجعل منها زوجه صالح و اصلح من اى واحده حد يتمناها

قدره الانسان على التغيير غير محدوده للاسواء و للافضل شويه ثقه فى الانسان اللى ربنا كرمه الله يخليكم

و بلاش تعامل مع المرأه اكنها كائن اسطورى لو سلمت على حد تبقى اتدنست و معيوبه

كلام صح جداااااا

احمد خالد توفيق كان ليه مقوله ظريفه اوي مناسبة لينا كمنتدي سيارات ( عيوبنا كشافات عرييه احنا راكبنها الناس كلها شايفاها ما عدا احنا )

علي قد ما الانسان بيبقي متسامح جداااااااااااااا مع عيوبه بيبقي قاسي جدااااااااااااااااااا في الحكم علي عيوب غيرة

يا جماعة بالراحة شوية و خفوا من حدة كلامكم... في نس غلطانه إنهم ذموا و جرحوا في البنت... ماشي..
بس برضه هي ماكنش عندها إستعداد للتغيير.. ماحاولتش تتغير إلا لما عرفت إنه هيسيبها.. يعني مش مقتنعة..
دا ممكن يخليها ترجع تعمل الحاجات اللي بطلتها بدون علمه أو أو أو أو... والله أعلم
في رعاية الله

[nabaster]

و يا استاذ احمد ياقوت هجر المرأه و يحسسها انه هاملها ماتزعلشى منى ده كلام افلام و اسوأ حاجه الواحد يعملها لانسان انه يتجاهله
يعنى هيه المفروض تشوف طلباته و طلبات بيته و شغل البيت وهو يهملها
اسلوب مش مقبول بالطريقه ديه

يا اخى الفاضل ده حتى الهجر فى الفراش انك تعطيها ظهرك

يا ريت بلاش نصايح كده ادعيله ربنا يوفقه او قولا خيرا طيبا

طارق بيه

حضرتك مقرتش مشاركات الراجل؟؟؟

مقرتش انه حاول بكل الطرق يقومها ومعرفش؟؟؟

في ايه كريمه بتقول

(وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلاً إِنَّ اللَّهَ كَانَ عَلِيّاً كَبِيراً)

يعني الهجر وكمان الضرب من حق الزوج لو الزوجه مش بتطيعه

الراجل مامرش زوجته بمعصيه

الراجل بيقول لمراته قربي من ربنا وصلي واحتشمي

كلامك حسسني اني فرحان في الراجل وعايز اخربها عليه زياده

علي فكره انا بحترمك جدا

فياريت يكون الاحترام متبادل وبلاش النقاش الحاد

بارك الله فيك

A.Yakout

[A7MED_PHARMA]

طيب خلاص كلكم ملايكه و مافيش حد فيكوا بيغلط و كلكم واعظين و كلكم متدينين و عارفين ربنا و هيه بقت كافره

انا مش فاهم ليه كده

يعنى لو هيه بتعمل حاجه غلط بسبب البيئه اللى فيها و عندها استعداد تتحسن او تتعلم ايه المشكله؟؟

اللى بتقولوه ده يخلى اى واحد بيعمل حاجه غلط يكمل فيها عشان الناس الافاضل اللى زى حضراتكم مش هتقبل اى واحد يتوب او يرجع عن غلطه عشان دايما حكمكم مسبق عليه

ابن احسان عبد القدوس شوفوا هو ايه و متجوز بنت مين بنت عادل امام شوفوا متجوزه مين

ليه الاحكام المجحفه على الناس

و بعدين ليه ماحدش بيفكر فى الانسان كأنسان مش كائن فضائى يعنى اللى شرب خمره و تاب لو كان شاف ناس بتحكم عليه زيكم كان زمانه لسه قاعد فى الخماره

و مين يعلم يمكن بكره يجى حد يقدر يفهمها اكتر منك و يجعل منها زوجه صالح و اصلح من اى واحده حد يتمناها

قدره الانسان على التغيير غير محدوده للاسواء و للافضل شويه ثقه فى الانسان اللى ربنا كرمه الله يخليكم

و بلاش تعامل مع المرأه اكنها كائن اسطورى لو سلمت على حد تبقى اتدنست و معيوبه

شوف يازميلي
هدي نفسك شوية الأول....

محدش فينا ملاك...ولا حد فينا كامل
لكن
لو واحد إتقدم لإختك..وكان-مثلا- سكير وخمورجي وحشاش وبتاع بنات
وقالك هعدل من نفسي ...وأكون إنسان كويس..إنت هتوافق عليه لأختك؟؟؟؟
لاااااا
مش هتوافق
لو واحد صاحبي...هقف معاه..وأساعده
لو أخويا ..هقف معاه وأساعده
لو واحد معرفوش..ممكن أقف معاه وأساعده
لكن في الارتباط....الواحد بينقي على الفرازة...وبيختار أفضل الخيارات
وأكيد البنت دي مش أفضل الخيارات
دي واحدة هتشيل إسمي...وإسم عائلتي
وهتبقا أم أولادي
وهتبقا أمينة على عرضي وشرفي
يعني لازم تكون أفضل واحدة(على الاقل من وجهة نظري)..في الدنيا

.............
لكن اسلوب الافلام العربي..نقف جمبها ..وننتشلها من الضياع والكلام ده...لا يصلح للواقع

وبعدين لما البنت ماإحترمتش أبوها وهيا لسه في بيته
هتحترم جوزها إلي بيربطها بيه(يدوبك)ورقة عند مأذون


..والله أعلم..

[MoToRiZeR]

معلش ردي هيضايقك .. الموضوع كله غلطتك .. فكرة الجواز لمجرد إنك تتجوز و زن الأهل و الأسلوب المصري بتاع إتجوز عشان إنت وصلت سن الجواز و لازم تستقر أكنك وصلت لسن الرخصة ولا البطاقة.

إنت رايح لواحدة ولا تعرفها ولا تعرفك قبل كدة و تقولها إنتي هتبقي حتة مني إعملي كذا .. معلش يعني علي أساس إيه هتخاف علي شعورك أوي؟ و هل إنت متخيل فعلاَ إنها مصدقة "هتبقي حتة مني" دي! مفيش في الحاجات دي كلام بيتصدق بصيغة المستقبل .. هي مش هتصدقك و توافقك علي أي حاجة غير لو حاسة مصدقة إن كلامك حقيقي .. و عمر كلامك ما هيكون حقيقي لأن أصلاَ مفيش حاجة إنت رايحلها صالونات! إنت شايف إنها هتبقي حتة منك لأن ده المفروض! لأنها هتبقي مراتك! إنت لو واحد مكانك جه إتقدملها و قالها نفس الكلام لن يتغير شئ .. يعني بالبلدي كدة متزعلش مني لو إتشلت و إتحط واحد مكانك لن يتغير شئ لأن إنت و هي لسة متعرفوش حاجة عن بعض و لسة بتكتشفوا بعض و مفيش مشاعر .. مينفعش ده ييجي خلال و إنتوا أصلاَ واخدين قرار بالإرتباط .. الإرتباط ده تتويج لعلاقة و فكر مشترك متبادل مش لحاجة لسة بتفكروا تعملوها.

و بعدين متزعلش مني برضه هي شكلها متفتحة عنك و متفتكرش إنها مكنش ليها تجارب قبل كدة و مش هتقولك لأنكوا أصلاَ مش قريبين من بعض عشان تقولك .. إنت عايز تتجوز عشان وصلت لمرحلة عايز تتجوز فيها فا تتجوز واحدة عايزة تتجوز؟ هل إنت فعلاَ عايز كدة!؟

انا عارف كلامي رخم شوية بس ده شوية من الواقع المصري الخلطبيطة في موضوع الجواز و الصالونات .. الصالونات دي أفشل إختراع في التاريخ و هي اللي طلعت أسر مستمرة فقط عشان العيال اللي بينها و رجالة و ستات نايمين جنب بعض مش طايقين بعض و ناس مستنية لبعض عالواحدة عشان تتخانق و البيت يولع لتنتج في النهاية شباب ملهمش أي لازمة و أسرة محطمة و ناس عايشة و خلاص .. إنسي موضوع "حتة مني" دي لو هتتجوز كدة .. هتلاقي نفسك تحولت لحاجة و خلاص في البيت و هي هتبقي نفس الشئ بالنسبة لك.

عيش حياتك أحسن .. و أتجوز برضه بس مش بالطريقة دي .. إعتبرها نصيحة بشكل صريح زيادة عن اللزوم مش قلة أدب

[gazzar91]

معلش ردي هيضايقك .. الموضوع كله غلطتك .. فكرة الجواز لمجرد إنك تتجوز و زن الأهل و الأسلوب المصري بتاع إتجوز عشان إنت وصلت سن الجواز و لازم تستقر أكنك وصلت لسن الرخصة ولا البطاقة.

إنت رايح لواحدة ولا تعرفها ولا تعرفك قبل كدة و تقولها إنتي هتبقي حتة مني إعملي كذا .. معلش يعني علي أساس إيه هتخاف علي شعورك أوي؟ إنت لو واحد مكانك جه إتقدملها و قالها نفس الكلام لن يتغير شئ .. يعني بالبلدي كدة متزعلش مني لو إتشلت و إتحط واحد مكانك لن يتغير شئ لأن إنت و هي لسة متعرفوش حاجة عن بعض و لسة بتكتشفوا بعض .. مينفعش ده ييجي خلال و إنتوا أصلاَ واخدين قرار بالإرتباط .. الإرتباط ده تتويج لعلاقة و فكر مشترك متبادل مش لحاجة لسة بتفكروا تعملوها.

و بعدين متزعلش مني برضه هي شكلها متفتحة عنك و متفتكرش إنها مكنش ليها تجارب قبل كدة و مش هتقولك لأنكوا أصلاَ مش قريبين من بعض عشان تقولك .. إنت عايز تتجوز عشان وصلت لمرحلة عايز تتجوز فيها فا تتجوز واحدة عايزة تتجوز و شكراَ علي كدة؟

انا عارف كلامي رخم شوية بس ده شوية من الواقع المصري الخلطبيطة في موضوع الجواز و الصالونات .. الصالونات دي أفشل إختراع في التاريخ و هي اللي طلعت أسر مستمرة فقط عشان العيال اللي بينها و رجالة و ستات نايمين جنب بعض مش طايقين بعض و ناس مستنية لبعض عالواحدة عشان تتخانق و البيت يولع لتنتج في النهاية شباب ملهمش أي لازمة و أسرة محطمة و ناس عايشة و خلاص.

عيش حياتك أحسن .. و أتجوز برضه بس مش بالطريقة دي .. إعتبرها نصيحة بشكل صريح زيادة عن اللزوم مش قلة أدب

إقتنعت بأغلب كلامك بصراحة...

[m_kamal]

بص يا باشا .funy67. انت راجل من ظهر راجل .. و اللى حصل ده هو الصح .......................
انا اعرف ناس كانوا فى نفس موقفك و قدموا تنازلات كتير جدا ... و فى الاخر الدنيا باظت بردوا
مهما صبرت و حاولت مفيش حاجة هتتغير . و لو اتغيرت شوية هترجع تانى .... دور على انسانة مناسبة ليك و متربية بنفس طريقة تربيتك احسن و اظفر بذات الدين تربت يداك...

[blazer]

كنت سمعت إن الحديث دا موضوع
الى قالى كدا شخص ثقة و كان تحرى فى الموضوع دا يا ريت تتأكد منه

اجمع الفقهاء ان الحديث الضعيف يخذ به في فضائل الاعمال
وطالما ان الحديث موضوع المناقشة لا يمس العقيدة والدين ولايتناقض معهم ، فيؤخذ به للفائدة
ونص الحديث: " تخيروا لنطفكم فإن العرق دساس "
والله اعلم

[blazer]

طيب خلاص كلكم ملايكه و مافيش حد فيكوا بيغلط و كلكم واعظين و كلكم متدينين و عارفين ربنا و هيه بقت كافره
انا مش فاهم ليه كده
يعنى لو هيه بتعمل حاجه غلط بسبب البيئه اللى فيها و عندها استعداد تتحسن او تتعلم ايه المشكله؟؟
اللى بتقولوه ده يخلى اى واحد بيعمل حاجه غلط يكمل فيها عشان الناس الافاضل اللى زى حضراتكم مش هتقبل اى واحد يتوب او يرجع عن غلطه عشان دايما حكمكم مسبق عليه
ابن احسان عبد القدوس شوفوا هو ايه و متجوز بنت مين بنت عادل امام شوفوا متجوزه مين
ليه الاحكام المجحفه على الناس
و بعدين ليه ماحدش بيفكر فى الانسان كأنسان مش كائن فضائى يعنى اللى شرب خمره و تاب لو كان شاف ناس بتحكم عليه زيكم كان زمانه لسه قاعد فى الخماره
و مين يعلم يمكن بكره يجى حد يقدر يفهمها اكتر منك و يجعل منها زوجه صالح و اصلح من اى واحده حد يتمناها
قدره الانسان على التغيير غير محدوده للاسواء و للافضل شويه ثقه فى الانسان اللى ربنا كرمه الله يخليكم
و بلاش تعامل مع المرأه اكنها كائن اسطورى لو سلمت على حد تبقى اتدنست و معيوبه

حضرتك انا متفق معاك فى ان مينفعش حد يحكم على اى حد يانه طالح من غير اما يعرفه كويس وحتى بعد اما يعرفه يدعيله بلهدايه ويحاول تغييره لما هو افضل
بس احنا بنتكلم على ان دا جواز !
مش مجرد صديق او صاحب نفع اهو هتاخد ثوابه منفعش يبقى انت عملت اللى عليك وهتاخد ثوابه برده
انما مش مراتك او زوج

وفيه نقطه تانيه محدش بص ليها
كل شريحه فى المجتمع ليها عاداتها و تقاليدها وثقافتها الخاصه بينا
يعنى انت ممكن تكون فى نظر واحد من الارياف منحل لمجرد انك بتخرج مع اولادك و مراتك وترجع الساعه واحده او اتنين بليل مع انك كنت عند اخوك مثلا !
البنت دى اتربت كدا وعاشت كدا 20 سنه اوكتر ومقتنعه وشايفه ان اللى بتعمله دا العـــــــــادى
فعشان تغيرها هتاخد وقت كبير ومجهود وصبر
وهتضطر تحطها فى مجتمعك انت
تشيلها من الناس اللى هى تعرفهم و الاماكن اللى بتخرج فيها وتبدلها دا ب اللى انت شايفه صح
و ممكن اللى انت شايفه صح دا يطلع غلط
يبقى من الاول كل واحد ياخد اللى تناسبه
_ انا كلامى عام مش على الموضوع دا بعينه _

[shaddadfalcon1]

الصالونات دي أفشل إختراع في التاريخ و هي اللي طلعت أسر مستمرة فقط عشان العيال اللي بينها و رجالة و ستات نايمين جنب بعض مش طايقين بعض و ناس مستنية لبعض عالواحدة عشان تتخانق و البيت يولع لتنتج في النهاية شباب ملهمش أي لازمة و أسرة محطمة و ناس عايشة و خلاص .. إنسي موضوع "حتة مني" دي لو هتتجوز كدة .. هتلاقي نفسك تحولت لحاجة و خلاص في البيت و هي هتبقي نفس الشئ بالنسبة لك.

وحضرتك شايف ايه انسب طريقه للجواز؟

[M.almaghraby]

معلش ردي هيضايقك .. الموضوع كله غلطتك .. فكرة الجواز لمجرد إنك تتجوز و زن الأهل و الأسلوب المصري بتاع إتجوز عشان إنت وصلت سن الجواز و لازم تستقر أكنك وصلت لسن الرخصة ولا البطاقة.

إنت رايح لواحدة ولا تعرفها ولا تعرفك قبل كدة و تقولها إنتي هتبقي حتة مني إعملي كذا .. معلش يعني علي أساس إيه هتخاف علي شعورك أوي؟ و هل إنت متخيل فعلاَ إنها مصدقة "هتبقي حتة مني" دي! مفيش في الحاجات دي كلام بيتصدق بصيغة المستقبل .. هي مش هتصدقك و توافقك علي أي حاجة غير لو حاسة مصدقة إن كلامك حقيقي .. و عمر كلامك ما هيكون حقيقي لأن أصلاَ مفيش حاجة إنت رايحلها صالونات! إنت شايف إنها هتبقي حتة منك لأن ده المفروض! لأنها هتبقي مراتك! إنت لو واحد مكانك جه إتقدملها و قالها نفس الكلام لن يتغير شئ .. يعني بالبلدي كدة متزعلش مني لو إتشلت و إتحط واحد مكانك لن يتغير شئ لأن إنت و هي لسة متعرفوش حاجة عن بعض و لسة بتكتشفوا بعض و مفيش مشاعر .. مينفعش ده ييجي خلال و إنتوا أصلاَ واخدين قرار بالإرتباط .. الإرتباط ده تتويج لعلاقة و فكر مشترك متبادل مش لحاجة لسة بتفكروا تعملوها.

و بعدين متزعلش مني برضه هي شكلها متفتحة عنك و متفتكرش إنها مكنش ليها تجارب قبل كدة و مش هتقولك لأنكوا أصلاَ مش قريبين من بعض عشان تقولك .. إنت عايز تتجوز عشان وصلت لمرحلة عايز تتجوز فيها فا تتجوز واحدة عايزة تتجوز؟ هل إنت فعلاَ عايز كدة!؟

انا عارف كلامي رخم شوية بس ده شوية من الواقع المصري الخلطبيطة في موضوع الجواز و الصالونات .. الصالونات دي أفشل إختراع في التاريخ و هي اللي طلعت أسر مستمرة فقط عشان العيال اللي بينها و رجالة و ستات نايمين جنب بعض مش طايقين بعض و ناس مستنية لبعض عالواحدة عشان تتخانق و البيت يولع لتنتج في النهاية شباب ملهمش أي لازمة و أسرة محطمة و ناس عايشة و خلاص .. إنسي موضوع "حتة مني" دي لو هتتجوز كدة .. هتلاقي نفسك تحولت لحاجة و خلاص في البيت و هي هتبقي نفس الشئ بالنسبة لك.

عيش حياتك أحسن .. و أتجوز برضه بس مش بالطريقة دي .. إعتبرها نصيحة بشكل صريح زيادة عن اللزوم مش قلة أدب

كالعادة

محمود موتورايزر يتالق

متفق معاك 1000%

[human]

طارق بيه

حضرتك مقرتش مشاركات الراجل؟؟؟

مقرتش انه حاول بكل الطرق يقومها ومعرفش؟؟؟

في ايه كريمه بتقول

(وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلاً إِنَّ اللَّهَ كَانَ عَلِيّاً كَبِيراً)

يعني الهجر وكمان الضرب من حق الزوج لو الزوجه مش بتطيعه

الراجل مامرش زوجته بمعصيه

الراجل بيقول لمراته قربي من ربنا وصلي واحتشمي

كلامك حسسني اني فرحان في الراجل وعايز اخربها عليه زياده

علي فكره انا بحترمك جدا

فياريت يكون الاحترام متبادل وبلاش النقاش الحاد

بارك الله فيك

a.yakout

شوف يازميلي
هدي نفسك شوية الأول....

محدش فينا ملاك...ولا حد فينا كامل
لكن
لو واحد إتقدم لإختك..وكان-مثلا- سكير وخمورجي وحشاش وبتاع بنات
وقالك هعدل من نفسي ...وأكون إنسان كويس..إنت هتوافق عليه لأختك؟؟؟؟
لاااااا
مش هتوافق
لو واحد صاحبي...هقف معاه..وأساعده
لو أخويا ..هقف معاه وأساعده
لو واحد معرفوش..ممكن أقف معاه وأساعده
لكن في الارتباط....الواحد بينقي على الفرازة...وبيختار أفضل الخيارات
وأكيد البنت دي مش أفضل الخيارات
دي واحدة هتشيل إسمي...وإسم عائلتي
وهتبقا أم أولادي
وهتبقا أمينة على عرضي وشرفي
يعني لازم تكون أفضل واحدة(على الاقل من وجهة نظري)..في الدنيا

.............
لكن اسلوب الافلام العربي..نقف جمبها ..وننتشلها من الضياع والكلام ده...لا يصلح للواقع

وبعدين لما البنت ماإحترمتش أبوها وهيا لسه في بيته
هتحترم جوزها إلي بيربطها بيه(يدوبك)ورقة عند مأذون


..والله أعلم..

على فكره انا هادى جدا مش عارف فكره انى متنرفز جايه منين!!
انا قريت اللى كاتبه مافيش حاجه تقول انى متنرفز
و لما برد على حد بيبقى عشان يهمنى اتكلم معاه و ده عشان اكيد بحترمه

مش عارف ليه الفكره انى بتخانق و انا بكتب و انا مبتسم اصلا

يا استاذ احمد فارما فيه فرق بين انه يجيلك حشاش و خمورجى و مش تايب و فيه فرق ان طباعه مختلفه بس عن دون علم

و بعدين ماحدش عارف فين الافضل ليك
مافى ناس كتير متزمته و فى الاخر بيطلعوا مش كويسين و ياما ناس قاعده تقولك كلام فى الدين و الاخلاق و الفضيله و فى الاخر مش بيطلعوا كده من جوه
ده عادى و موجود

اللى بتقولوه دلوقتى ان البنت عشان بتخرج مع ناس او طريقه لبسها و كل اللى فيها ان هيه تبقى خلاص نرميها فى الشارع و ماتستهلش و كل الكلام اللى بيتقال ده

و مش معنى ان ناس كتير من اللى بيتكلموا ماعاشوش فى مجتمع مختلط فى المستوى الجامعى او المدرسه ان يبقى الحكم ان كل اللى فى التجربه ديه ناس مش نضيفه و كل الكلام المجحف ده

يعنى و انا فى الجامعه كنا بنخرج ولا 20 شخص مع بعض ولاد و بنات و مافيش علاقه غريبه او يتعفف اللسان عن ذكرها و ده كان عادى و الناس بتصلى و ماكنوش محجبين و بعدين اتحجبوا و اللى اتخطبت خطيبها قالها بلاش الخروجات ديه و بطلت و كلهم ماشاء الله اتجوزوا و مبسوطين و مالناش دعوه بيهم من ساعه ما الكليه خلصت الا ايميل فيه تهنئه و خلافه

الجيل الجديد اواصره مختلفه اكتر
انا بشتغل فى جامعه خاصه
اول ماروحت الجامعه حكمت عليهم بنفس احكامكم برضه بناء على العيشه اللى كنت انا فيها

بس مع الوقت الواحد فهم ان فيه ناس اسلوب حياتها كده لاسباب عديده و ده مش ضياع حد ينتشله منها ده بعد عن اخلاق ديننا الكريم
فيه ناس بتفهم كده و فيه ناس لأ و مش معنى ان واحده خرجت مع اصحابها انك توصمها بحاجات تانيه و لو شيشت حتى ( مع تحفظى الشديد على ان المرأه تعمل كده) بس حتى لو عملت كده مش معناها ان ديه حاجه تحكم عليا بالاعدام بس معناها ان هيه عملت سلوك غلط و يجب فيه النصيحه و التقويم

لو القلب صالح كل حاجه ممكن تنفع تتصلح بس لو القلب فاسد حتى لو اتربى فى مشيخه الازهر برضه فاسد

مش معنى ان فيه جوهره عليها تراب انك ترميها اللى بيفهم هيشوف الجوهره و ينضفها و ممكن ماكونش بيحب كده و يدور على حاجه جاهزه و برض ممكن تبوظ مع الزمن

لو الواحد بيتجوز عشان يجيب واحده تقعد فى البيت و تخلف و تسمع كلامه يبقى السكه ديه مش بتاعته عشان مش سكته تصلا اختلاف الطباع

فى حاجه تانيه يا احمد - الضرب المذكور ده اجتمع عليه انه ضرب لا يوجع و ضرب لا يؤذى و قيل فيه انه مثل العتاب الرقيق مش ضرب اللى هوه انت بتضرب مراتك و ده حاجه اسوأ مما تتخيل


كمان ماتزعلش منى لما تتجوز و يكون عندك الخبره ديه هتعرف ان المرأه ماينفعش تقولها اعملى كذا فتعمله و لو عملته مره مش هتعمله على طول حتى لو طاعه الله فيه طبعا بيقدر على كده و الاغلب لأ بيبقى نوع من انواع العند و ده ممكن يؤدى للى العضو الفاضل قال عليه
عشان كده بقول ان اللى بيقوله اعقد بكتير من اللى انت بتشوفه ماحدش عارف هيه جواها حاسه بايه انت بتتجوز واحده مش عشان تتحكم فيها و لو شعرتها انك متجوزه تتحكم فيها تبقى بتقتلها من جوه
و الراجل قال انه حاول بكل الطرق و كل المتجوزين عارفين ان اول حاجه بتكون الهجر يعنى لو كان جاب نتيجه ماكنش وصل لكده عشان الهجر يعلم الجفاء الا لو القلوب صافيه ماتستحملش البعد الكتير و نصيحه بلاش تنصح حد متجوز بأى حاجه سلبيه ابدا - حضرتك عايز النصيحه ماشى مش عايزها ادينى عملت اللى عليا

لو الموضوع سهل كده ماكانش الرسول عليه افضل الصلاة و السلام اوصانا بالنساء خيرا و كمان ماكانش اتقال انهم خلقن من ضلع اعوج اذا حاولت تستقيمه ينكسر و اذا تركته صار اعوج