قرار بالانفصال

[MoToRiZeR]

وحضرتك شايف ايه انسب طريقه للجواز؟

مفيش حاجة إسمها "طريقة" للجواز سوي في بلدنا العزيزة و بعض دول العالم اللي تشاركنا الأسلوب المجتمعي "الجميل" .. و الطريقة المتداولة في بلدنا هي الصالونات .. لدرجة إن ساعات تلاقي واحد بيقول ناس "دورولي علي عروسة" ... فا تقوم فلانة تشوف واحدة .. و تقول أه و الله دي تنفعله! فا هو يقولها يعني رأيك كدة؟! و ياخد الحج و الحجة و يروح يشوف الواحدة!

مينفعش تروح لواحدة لا تعرفها ولا تعرفك .. و إنت كل اللي شايفه فيها إنها واحدة هتبقي مراتك لو الموضوع مشي .. مش شايف فيها الإنسانة ولا الدماغ ولا أي حاجة ولا شايف إنها كائن مستقل .. يعني حتي يوم ما تقولها متلبسيش كذا .. ده مش حب و تقدير ليها ده خوف علي نفسك الناس تقول شوفوا الراجل الهزق سايب مراته تلبس إيه! يعني بإختصار إنت لسة متعرفهاش .. هتقولي محترمة و أهلها و لبسها و خالها و جدها و جوز عمتها .. ممكن أجبلك مليون واحدة جميلة و محترمة و مقفول عليها من يوم ما إتولدت قطة مغمضة و متعرفش حاجة في الدنيا و أهلها ناس يتحطوا عالجرح يطيب .. هل تتجوز أي واحدة فيهم و خلاص مدام ده ال standard الوحيد !؟ شق البطيخة و عالبركة علي رأي أبو الليف! طب بلاش .. هل إنت ترضي إنك تكون راجل علي واحدة فقط لأن هي أصلاَ معندهاش شخصية !؟ يعني "أي واحد" هيمشيها عالعجين متلخبطوش و هتسمع كلامه .. طب بلاش .. هل الواحد يرضي يروح يقول لواحدة ميعرفهاش إعملي كذا عشان إنتي "هتبقي" حتة مني .. و هو لا يعنيها لسة لأن ده كلام بصيغة المستقبل يا عالم هيحصل ولا لأ بس هو وجهة نظره إن "مراته" اللي هي أي واحدة أي كان هتكون مين هي ولا غيرها مينفعش تلبس كدة .. فا بيقولها كدة عشان تتوافق مع الشروط .. و ممكن هي تعمل كدة عشان ترضيه عشان هي عايزة تتجوز و تخلص .. و يتجوزوا .. و تسقط الأقنعة .. و يالا بينا نتكلم عن العيال اللي هيكبروا شايقين أبوهم و أمهم مولعين في بعض .. و ساعتها يا هتكمل و إنت مش طايق حياتك و تموت و إنت حياتك ضايعة و مكتئب .. يا تطلقها و تعيش عيالك في بيتين و يا سلام بقي لما يدخل في الموضوع جوز أم و مرات أب .. كلمني عن السعادة اللي هيبقي ولادك فيها.

أنسب طريقة للجواز إن محدش يتجوز صالونات و كل واحد يبقي سيد نفسه و قراره.

انا ساعات بشوف شباب بيقولوا انا مش هختار اللي هتجوزها هسيب أهلي يختاروا عشان خبرتهم أكتر! يعني فيه إنعدام شخصية أكتر من كدة!!!؟

[ams]

الموضوع ده يدمى القلب و العقل معا

[SeiffoZ]

مفيش حاجة إسمها "طريقة" للجواز سوي في بلدنا العزيزة و بعض دول العالم اللي تشاركنا الأسلوب المجتمعي "الجميل" .. و الطريقة المتداولة في بلدنا هي الصالونات .. لدرجة إن ساعات تلاقي واحد بيقول ناس "دورولي علي عروسة" ... فا تقوم فلانة تشوف واحدة .. و تقول أه و الله دي تنفعله! فا هو يقولها يعني رأيك كدة؟! و ياخد الحج و الحجة و يروح يشوف الواحدة!

مينفعش تروح لواحدة لا تعرفها ولا تعرفك .. و إنت كل اللي شايفه فيها إنها واحدة هتبقي مراتك لو الموضوع مشي .. مش شايف فيها الإنسانة ولا الدماغ ولا أي حاجة ولا شايف إنها كائن مستقل .. يعني حتي يوم ما تقولها متلبسيش كذا .. ده مش حب و تقدير ليها ده خوف علي نفسك الناس تقول شوفوا الراجل الهزق سايب مراته تلبس إيه! يعني بإختصار إنت لسة متعرفهاش .. هتقولي محترمة و أهلها و لبسها و خالها و جدها و جوز عمتها .. ممكن أجبلك مليون واحدة جميلة و محترمة و مقفول عليها من يوم ما إتولدت قطة مغمضة و متعرفش حاجة في الدنيا و أهلها ناس يتحطوا عالجرح يطيب .. هل تتجوز أي واحدة فيهم و خلاص مدام ده ال standard الوحيد !؟ شق البطيخة و عالبركة علي رأي أبو الليف! طب بلاش .. هل إنت ترضي إنك تكون راجل علي واحدة فقط لأن هي أصلاَ معندهاش شخصية !؟ يعني "أي واحد" هيمشيها عالعجين متلخبطوش و هتسمع كلامه .. طب بلاش .. هل الواحد يرضي يروح يقول لواحدة ميعرفهاش إعملي كذا عشان إنتي "هتبقي" حتة مني .. و هو لا يعنيها لسة لأن ده كلام بصيغة المستقبل يا عالم هيحصل ولا لأ بس هو وجهة نظره إن "مراته" اللي هي أي واحدة أي كان هتكون مين هي ولا غيرها مينفعش تلبس كدة .. فا بيقولها كدة عشان تتوافق مع الشروط .. و ممكن هي تعمل كدة عشان ترضيه عشان هي عايزة تتجوز و تخلص .. و يتجوزوا .. و تسقط الأقنعة .. و يالا بينا نتكلم عن العيال اللي هيكبروا شايقين أبوهم و أمهم مولعين في بعض .. و ساعتها يا هتكمل و إنت مش طايق حياتك و تموت و إنت حياتك ضايعة و مكتئب .. يا تطلقها و تعيش عيالك في بيتين و يا سلام بقي لما يدخل في الموضوع جوز أم و مرات أب .. كلمني عن السعادة اللي هيبقي ولادك فيها.

أنسب طريقة للجواز إن محدش يتجوز صالونات و كل واحد يبقي سيد نفسه و قراره.

انا ساعات بشوف شباب بيقولوا انا مش هختار اللي هتجوزها هسيب أهلي يختاروا عشان خبرتهم أكتر! يعني فيه إنعدام شخصية أكتر من كدة!!!؟

فينك من زمان يا راجل!!!!!!!!!!!!!

[MoHaMed HaMeD]

اخى انت الى عملته عين العقل والحمد الله انك طلعت من الموضوع ده بخير وبققل خسائر ان شاء الله وادعو الله انك تظفر بذات الدين ان شاء الله وربنا يوفقك ع خير بس انا بقولك صر ع موقفك ومتخليش او ديتلوه فرصه انه يتدخل ف اختيار مصيرك كالام والابن او الاصدقاء لانك ادرى منهم ومنا ايضا وربنا يوفقك لما فيه الخير ان شاء الله

[ahmedfouad]

فيه مثل قديم بيقول
شرا العبد ولا تربيته
يعنى هى مختلفة تماماً عنك
خد المتوافقة معاك واللى ماشية جانبك
انت محتاج واحدة تعينك على الحياة مش واحدة توجهها وتعلمها
الحياة وضغوطها كفاية

بس على فكرة
مفيش واحدة هتلاقى فيها كل حاجة لان الكمال لله وكلهم مشاكل حتى احسنهم

بس انت شوف ايه اللى ممكن تستحمله وتتعامل معاه من غير سكر وضغط وربنا يحفظ الجميع

والرسول ص بيقول ان النساء خلقن من ضلعاً اعوج

يعنى كدة كدة مش مظبوطين

ولو كرهت خلق احببت اخر والحياة تمشى
وانت عملت الصح بالنسبة للدماغ دى
لان النوع ده اللى بيطلق من سنة تانية جواز ده للرجالة اللى عندهم كرامة
لكن اليومين دول الواحد بيدور على الجمال والنسب وينسى الاخلاق
وليس المقصود بالاخلاق السلوك ولكن اقصد اسلوبها معاك فى التعامل

وبص على الام والاب ودور الاب ايه
لو الاب ضايع ربنا يحفظ الجميع هتضيعك لان هو ده نموطج الراجل بالنسبة اليها

ومعاملة مامتها مع باباها هى الرؤية المستقبلية لمعاملتها معاهك

[ahmed4000]

أنسب طريقة للجواز إن محدش يتجوز صالونات و كل واحد يبقي سيد نفسه و قراره.

يعنى برده ايه الصح؟ انى اعرف واحدة وامشى معاها شوية لغاية لما ندرس "اخلاق" بعض ولو عجبتنى اتجوزها؟

ولا الافضل اننا نسيبنا من المجتمع "المتخلف" بتاعنا ده وطرقه البالية والاتنين يعيشوا مع بعض الاول ولو لقوا نفسهم متفاهيمن يبقوا يتجوزوا

[MoToRiZeR]

يعنى برده ايه الصح؟ انى اعرف واحدة وامشى معاها شوية لغاية لما ندرس "اخلاق" بعض ولو عجبتنى اتجوزها؟

ولا الافضل اننا نسيبنا من المجتمع "المتخلف" بتاعنا ده وطرقه البالية والاتنين يعيشوا مع بعض الاول ولو لقوا نفسهم متفاهيمن يبقوا يتجوزوا

الإجابة في الجزء التاني من الحتة اللي إقتبستها.

يا جماعة فيه بعض الحاجات البسيطة في الحياة .. إنك مثلاَ تطلب واحد شاي يجيلك واحد شاي .. و لو جالك قهوة حقك تتنرفز! إنما تتنرفز إنك طالب شاي فا جالك شاي !! ده إسمه إيه!!

إنت دلوقت رايح لواحدة متعرفهاش كل اللي مشترك بينكوا إنكم إنتوا اللي إتنين عايزين تتجوزوا! ليه؟ عشان المجتمع بيقول إنكوا المفروض تتجوزوا عشان الناس بتتجوز! فا متستناش بقي إنها تضحي و تتغير علشانك لأنك بالنسبة لها زي أي حد .. زي ما بالزبط هي بالنسبة لك زي أي حد لو معجبتكش هتشوف غيرها .. هي كمان إنت بالنسبة لها مش بالأهمية اللي تخليها تغير نفسها تمسكاَ بيك يعني! إنت واحد جي متقدم و بنشوف! بتصلي و بتصوم و بتزكي يا سيدي أهلاَ و سهلاَ ما ياما دقون تعيث فساداَ في بيوتها و عيالها بتنام معيطة كل يوم و فاكرين ده الصح .. يا جماعة الأخلاق مهمة جداَ طبعاَ بس مش هي المقياس الوحيد اللي هو دي محترمة خلاص أتجوزها !لأن فيه مليون بنت و مليون راجل عندهم أخلاق! نوفق أي إتنين في بعض و خلاص!؟ و مش الأهل المقياس برضه ما ياما عائلات محترمة ولادهم طالعين فاقدين و ياما عائلات فاسدة ولادهم طالعين مفيش زيهم .. مفيش حاجة إسمها توافق و رؤية للحياة و تخطيط للمستقبل !؟ مفيش حاجة إسمها كيميا !؟ مينفعش واحدة معرفش عنها حاجة حتي لو عارف تاريخها و تاريخ أهلها كله بس مدخلتش جوة مشاعرها و دماغها إذ فجأة نتشارك في سرير واحد و يبقي ده وضع طبيعي ده وضع عبثي جدا!

[icehearted girl]

علي فكرة

مش معني ان حد رافض فكرة جواز الصالونات يبقي بيؤيد ان البنت والولد يعرفوا بعض ويرتربطوا عاطفيا وبعدين يتجوزوا

لا

القصد ان اللي يتقدم لخطبة فتاة يكون ع الاقل اتعامل معاها فلحقيقة بعيدا عن ارتباطات... او تجمل

يعني عارف هي سلوكها وطبعها فلحقيقة... يعني اتعامل معاها فلواقع

انت لو دخلت اشتريت علبة لبان من واحدة فسوبر ماركت واتعاملت معاها دقيقتين علي طبيعتها هتعرف عنها اللي مش هتعرفه لو خطبتها عشر سنين

[icehearted girl]

دا غير ان ناس كتير شايفين ان الزواج في حد ذاته هدف... يعني يقرر الزواج وبعدين يدور علي بنت او ابن الحلال اللي هيكون الوسيلة لاتمام الهدف دا... ودداللي بيوقع الناس فشر اعمالهم

انما لو عكسنا المسألة وشفنا ان الجواز دا مجرد وسيلة... وسيلة علشان لما تلاقي الشخص اللي نفسك تكمل معاه بقيت حياتك ترتبط بيه شرعيا.. ويبقي الشخص دا هو هدفك والزواج هو الوسيلة...ودا اريح بكتيررررررر

[M.almaghraby]

برافو يا ام حماس


كان نفسي اقول نفس الكلام بالظبط

[nabaster]

انت لو دخلت اشتريت علبة لبان من واحدة فسوبر ماركت واتعاملت معاها دقيقتين علي طبيعتها هتعرف عنها اللي مش هتعرفه لو خطبتها عشر سنين

[blazer]

علي فكرة

مش معني ان حد رافض فكرة جواز الصالونات يبقي بيؤيد ان البنت والولد يعرفوا بعض ويرتربطوا عاطفيا وبعدين يتجوزوا
لا
القصد ان اللي يتقدم لخطبة فتاة يكون ع الاقل اتعامل معاها فلحقيقة بعيدا عن ارتباطات... او تجمل
يعني عارف هي سلوكها وطبعها فلحقيقة... يعني اتعامل معاها فلواقع
انت لو دخلت اشتريت علبة لبان من واحدة فسوبر ماركت واتعاملت معاها دقيقتين علي طبيعتها هتعرف عنها اللي مش هتعرفه لو خطبتها عشر سنين

طب فى رأيك ازاى دا يحصل
يعنى انا بلنسبه لى مفيش اى حد فى عيلتنا سنه حتى مقارب لى
وكلهم اصلا متجوزين !!
و مفيش حد اعرفه من الكليه ممكن افكر فيه
يوم ما هفكر ارتبط بحد اكيد هيبقى زواج تقليدى
منين بقى هتعامل معاها زى ما حضرتك بتقولى كدا
انا مؤمن جدا ان مفيش حد بيبقى على طبيعته حتى لو مش بمزاجه بيبقى غصب عنه
شخص جديد اول مره تشوفه ! لازم يبقى فيه خوف على عدم تعود وعدم ثقه وحاجات كتير

[MoToRiZeR]

يا جماعة مينفعش التعامل مع البنت أو الست علي أنها "شئ" انا مش عارف إزاي أقرا في موضوع عن الجواز مثل شراية العبد ولا تربيته !!!
الرجل طلع ولا نزل ولا إتشقلب هو في الأخر "نص" .. حتي لو هو اللي بيصرف علي كل حاجة .. حتي لو هو صاحب كل القرارات "أو هو فاكر نفسه كدة" .. حتي لو هو اللي بيعمل كل حاجة هو برضه في الأخر "نص" ولو عمل اللي ميتعملش مش هيزيد عن كدة و النص التاني في إيد البنت أو الست .. كل ما تخنقها و تسلب منها حقوقها تخيلاَ منك إنك كدة بتسيطر أكتر .. كل ما هتيجي علي دماغك و كل ما هيبقي فيه كبت في البيت و تلاقي نفسك بتحكي مشاكلك لصحابك زي ما كنت عازب بالضبط و هي تكرهك بينها و بين نفسها أو عالأقل تبقي قرفانة منك و عايشة معاك كدة و خلاص و مستحملة عشان فيه أولاد أو عشان مش عايزة تحمل لقب مطلقة .. فين بقي الإستقرار في كدة !؟

[icehearted girl]

طبيعي ان يكون في عدم ثقة والكلام اللي حضرتك بتقوله دا

بس مهما كان نسبته اقل كتير من انك تتحط فموقف ان واحد او واحدة قاعد قدامك يتفرج عليك...عشان فلان رشحهالك او فلان رشحهولك

بس حضرتك مش متخيل النصيب لما بييجي بييجي من حيث لا تدري ازاي

ممكن تبص حواليك متلاقيش فعلا حد لانك انت اللي بتسعي ورا دا

انما فلوقت المناسب ربنا هيحط الانسانة المناسبة فطريقك

ونا مش بقلل مش شأن زواج الصالونات في زيجات معقولة جدا بتحصل عن طريق زواج الصالونات... انا بتكلم عن وجهة نظر شخصية

وبعدين مش متخيلة ان حد ميقدرش يوصل للفتاة المناسبة اللي يقدر يتزوجها... امال البنات تقول ايه.. ع الاقل حضرتك عندك فرصة للاختيار انما البنت بتكون فقط فرصتها في قبول او رففض اختيارك ليها..

ومش شرط واحدة تكون تعرفها انها تكون ياقريبتك يازميلتك ياجارتك

مش شرط خاااااااااااااااااااااااااااااااااالص...

وطبيعي ان يكون كل طرف مش متمسك بالاخر زي محصل هنا فلموضوع دا

ابسط حاجة لو اختلفوا تاني يوم هيكون بيشوف غيرها تاني وتالت ورابع

[ahmed4000]

للاسف كلام نظرى من ناس لسه فى سن صغير وبالتالى شايفين ان الجواز اما يكون عن ارتباط واختيار مسبق ياما بلاش

انا زمان كنت اقول ايه الطريقة المتخلفة دى (انا مش متحوز صالونات) لكن دلوقتى من اللى بشوفه قدامى بقيت اشجعه للاسف بشوف قدامى بنات وصلوا لسن كبير ومحتاجين يتجوزوا - ايوه يتجوزوا من اجل الجواز وده مش عيب واتمنى ان محدش فيكم يجرب الشعور ده-

وعلى العموم احنا خرجنا بره موضوع الاخ الفاضل