قها للمنتجات الغذائيه والعصائر انها حقا شركه مظلومه

[ahmedbasto]

انا علطول بشوف المنفذ دة بس مجربتش الحاجة بتاعتهم بس شكلى هجربها

[mrwho1982]

اخويا بيحضر دكتوراة في الصناعات الغذائية

الشركة دي محترمة جداااا لاقصي الحدود

شكرا لصاحب الموضوع

[m_kamal]

بجد الحاجة بتاعتعم وهمييييييييييييييييية انا مكنتش مصدق لما دقتها اول مرة و خصوصا عصير المانجا .. ولا فرغلى والله و خصوصا و هو متلج
بس هنقول ايه ... تحيا مصر

و اشكر صاحب الموضوع على اللفتة الطيبة

[mazagngi2010]

بص المنفذ ده علي طريق مصر اسكندرية الزراعي علي بعد حوالي 25 كيلو من القاهرة
عند مدينة قها ... بعد الكوبري الأول و قبل الكوبري التاني في الاتجاه اللي رايح إسكندرية.

و علي فكرة ادارة المبيعات في وسط البلد في القاهرة (في التحرير) :

شركة قها للاغذية المحفوظة
43 ش عبد الخالق ثروت
وسط البلد, القاهرة
التليفون: 02-23901480, 02-23912662

يا ريت نسأل علي أقرب منافذ بيع لكل واحد فينا و نشجعهم علي توفير المنتج في أكتر من مكان سلع استهلاكية بقي كارفور سبينيس مترو أو حتي عم عبده البقال ...

يالا يا شباب نبدأ بنفسنا و نشجع صناعة بلدنا

عندك حق وانا راسلت الاداره علشان يحطوا مشاركتك فى راس الموضوع طالما مبيعاتهم تعبانه نفوقها احنا واهى مصلحه لينا برضه
======================
zakiali
ربنا على الظالم
======================
mohamed_kta
خليك فى المنفذ اضمن
======================

انا علطول بشوف المنفذ دة بس مجربتش الحاجة بتاعتهم بس شكلى هجربها

جرب وادعى لى بس العصاير اللى فى علب صفيح احسن حاجه وبعدها الكارتون والقزاز والمربى جامده والفول برضه هتلاقيه اكيد كويس

[aboo_aead]

بس الغريب والعجيب انه لسه فى علب صفيح وبنفس الشكل عجبى!!!!!!!!!!!!!!!!!

انا كنت عايش فى السعودية زمان وكان كل المنتجات المستحدثه فى مصر الان موجوده فى السعودية فى الثمانينات وبشكل عصرى ولما كنت بنزل اجازة فى مصر ملقيش اى عصير فى السوق معلب وبشفاطه كل الى القيه قها فى علبه صفيح ولازم تخرمها عشان تشرب ولسه حالها لحد 2010 كده انا مذهول

[mazagngi2010]

aboo_aead
ولا تدذهل ولا حاجه اصل عندهم صفيح كتير ومش عارفين يخلصوا منه ياراجل دول حتى مغيروش طريقه الفتح وخلوها زى الكانزات او رفعو طبقه الصفيح نفس العلبه ومليانه على عينها زى ماهيا

[Mostafa.Ismail]

انا علطول بشترى منتجات قها من خير زمان شارع المنيل. واعتقد انها موجودة فى باقى فروع خير زمان.

[mazagngi2010]

انا علطول بشترى منتجات قها من خير زمان شارع المنيل. واعتقد انها موجودة فى باقى فروع خير زمان.

ده خبر حلو قوى ياريت تكون فى كل فروعهم وانا هبقى اتاكد بكره ان شاء الله
شكرا ياباشا

[Ahmed Nouh]

كان لغايه قريب اللعبه سهله الفتح زى الكانز كدا بس مش عارف رجعو يعملوها تانى مبتفتحش ليه زى ما يكون استخسروا السهوله فى الفتح على الناس وقالك لا تعالى نقرفهم شويه

منتجات الشركه رائعه وانا مسافر دايما لازم اقف اشترى مربات وعصاير منهم ومستحيل تلاقى حاجه فى السوق بنفس الطعم خصوصا عصير المانجه بتاعهم الطعم غير اى عصير فى السوق

ده حتى كوبرى قها اللى بعد المنفذ كل مستخدمى الطريق عارفينه بكوبرى العصير :)

[ah-gawad]

طيب يا ريت يا جماعة لو حد يعرف منفذ بيع للشركة بالاسكندرية اكون شاكر جدا لان فعلا مش موجودة بالاسواق تقريبا الا قليل اوي بس بعد كده هدور عليها لاني زهقت من جهينة و تانج للاولاد

[zkralla]

أنا كنت وانا صغير باسافر مع الحاج - ربنا يديله طوله العمر - البلد كنا بنعدى على قها وكان فيها كشك جميل وكنت بقعد اقوله
قها فاضلها اد أيه يا بايا عشان بابقى مستنى العصر ده
الكشك ده كان على الطريق الزراعى نفسه على مدخل المدينه

[Abo_Lina]

من كلامكو واضح إنها منتجات مميزة ..
بس التطوير في مصر غائب تماما ..مش صعبة و الله يتطوروا شوية ..
بس إن شاء الله هابقى أجيب بعضا من منتجاتهم للتجربة..و أبقى أجيب فتاحة

[Abdo_Eldesokey]

يا خسارة .. كنت راجع مرة مع واحد قريبي وقالي اقف عند الكشك بتاع قها عشان نجيب عصير وأنا الي كسلت

إن شاء الله أجربه في أقرب فرصة

[mazagngi2010]

على فكره سالت دلوقتى فى خير زمان اللى فى فيصل ومعندوش منتجات قها اصلا فواضح ان قها مش شغاله فى كل خير زمان للاسف

كان لغايه قريب اللعبه سهله الفتح زى الكانز كدا بس مش عارف رجعو يعملوها تانى مبتفتحش ليه زى ما يكون استخسروا السهوله فى الفتح على الناس وقالك لا تعالى نقرفهم شويه

منتجات الشركه رائعه وانا مسافر دايما لازم اقف اشترى مربات وعصاير منهم ومستحيل تلاقى حاجه فى السوق بنفس الطعم خصوصا عصير المانجه بتاعهم الطعم غير اى عصير فى السوق

ده حتى كوبرى قها اللى بعد المنفذ كل مستخدمى الطريق عارفينه بكوبرى العصير :)

شركه بتتفنن فى الفشل وفعلا اسمه كوبرى العصير واضح انك مخضرم فى المواضيع دى

طيب يا ريت يا جماعة لو حد يعرف منفذ بيع للشركة بالاسكندرية اكون شاكر جدا لان فعلا مش موجودة بالاسواق تقريبا الا قليل اوي بس بعد كده هدور عليها لاني زهقت من جهينة و تانج للاولاد

معرفش بصراحه كان نفسى اخدمك كلمه خدمه المبيعات بتاعتهم

أنا كنت وانا صغير باسافر مع الحاج - ربنا يديله طوله العمر - البلد كنا بنعدى على قها وكان فيها كشك جميل وكنت بقعد اقوله
قها فاضلها اد أيه يا بايا عشان بابقى مستنى العصر ده
الكشك ده كان على الطريق الزراعى نفسه على مدخل المدينه

متخفش ولا تشيل هم الكشك لسه زى ماهو ضد الزمن متغيرش

من كلامكو واضح إنها منتجات مميزة ..
بس التطوير في مصر غائب تماما ..مش صعبة و الله يتطوروا شوية ..
بس إن شاء الله هابقى أجيب بعضا من منتجاتهم للتجربة..و أبقى أجيب فتاحة

فتاحه اللى بسن علشان تخرم العلبه وتدخل الشفاط حتى الشفاط قديم وممكن يعور لسانك

يا خسارة .. كنت راجع مرة مع واحد قريبي وقالي اقف عند الكشك بتاع قها عشان نجيب عصير وأنا الي كسلت

إن شاء الله أجربه في أقرب فرصة

المهم العصير ابو علبه صفيح ده احسنهم value for money وخليه يفتحها لك عادى وقابلنى لو عرفت تخلصها من اول مره هتاخد منك ربع ساعه لو صممت تبرقعها مره واحده (علبه متخلصش)

[Ahmed Nouh]

شركه بتتفنن فى الفشل وفعلا اسمه كوبرى العصير واضح انك مخضرم فى المواضيع دى:b4_611:

متخفش ولا تشيل هم الكشك لسه زى ماهو ضد الزمن متغيرش

انا بقيت زبون عندهم من يوم الحاج وقفنى بالاكراه علشان ينزل يجيب عصير وكنت متوقع انه طعمه زى علبته بس طلع على غير المتوقع , وبعدين جربت كل منتجاتهم لقيتها تحفه

على فكره الكشك اللى انت وقفت عنده ده لسه جديد , الكشك اللى قبله كان واحد داخل يجيب عصير ويظهر انه كان عطشان قوى فدخل فى الكشك ذات نفسه بالعربيه دغدغه , زى الشيخ حسنى بالفسبا بالظبط :)