تعاطفوا مع عز

[Ayman_Abdullah]

حد شاف إعلان حديد عز؟
بعد ما أسعار الحديد بقت فى النازل حتى انه بقى أرخص من السبانخ*
حديد عز مش هامو كل ده بس طالب طلب صغير انكم تساعدوه عشان يوصل للعالمية
هاتساعدوه؟
و المفروض كمان أبوتريكة لما يجيب جون يرفع تى شيرت مكتوب عليه (تعاطفنا مع عز)

[محمد عز]

سؤال برىء هو بيعمل ليه اعلانات
هو الحديد ده سعله استهلاكيه علشان يتعملها اعلانات

[sherif_84]

هو الحديد رخص ولا بيضحكوا علينا دا أنا زوج عمتى سأل عليه من أسبوع كان بـ 4100 جنيه
أرجو التأكد من صحة الخبر ياجماعة

[sherif_84]

خبر انخفاض سعر الحديد

[eng_mkhalaf]

يا جماعة بما أنى عضو فى مجموعة عز الصناعية واحب أقول أن العلانات دية شر لأبد منة ولازم يعملة لأن دلوقتى احنا فى منعطف الطريق و to be or not to be والتفاصيل مش هقدر أقول عليها بس بالنسبة للمجموعة السنتين القادمين هيفرقوا جامد قوى لو أتلعبوا صح وربنا ييسر الحال

[Ayman_Abdullah]

لأطبع مارخصش ولا حاجة بس هما عايزين يوهموا الناس بيهم بكتر الدعايه و أكيد كتر الأعلانات ده سبب أرتفاع أسعار الحديد

[banboty]

يا جماعة بما أنى عضو فى مجموعة عز الصناعية واحب أقول أن العلانات دية شر لأبد منة ولازم يعملة لأن دلوقتى احنا فى منعطف الطريق و to be or not to be والتفاصيل مش هقدر أقول عليها بس بالنسبة للمجموعة السنتين القادمين هيفرقوا جامد قوى لو أتلعبوا صح وربنا ييسر الحال

اتلعبوا ايه يا ريس , هوا ناقص فلوس

ده كل الناس بتدعى عليه

[hussein]

الحديد 4700 جنيه:(

[Ayman_Abdullah]

حاجة ببلاش كدة

سعراالحديد 4700 جنيه:(

مش بقولوكم أرخص من السبانخ الغنية بالحديد
فعلا غلابة و محتاجين مساعدة
تعاطفاك لواحدو مو كفاية

[ecybrarian]

يا باشمهندس خلاف كلنا عارفين إن عز هايبيع للشركة الهندية...زي ما ساويرس عمل في الأسمنت

[auto-masters]

يا جماعة بما أنى عضو فى مجموعة عز الصناعية واحب أقول أن العلانات دية شر لأبد منة ولازم يعملة لأن دلوقتى احنا فى منعطف الطريق و to be or not to be والتفاصيل مش هقدر أقول عليها بس بالنسبة للمجموعة السنتين القادمين هيفرقوا جامد قوى لو أتلعبوا صح وربنا ييسر الحال

لو سمحت يا بشمهندس؟أنت معانا ولا مع التاتيين؟
يعني أنت بتحب أحمد عز ولا بتكرهه؟
ورايك سعر الحديد كدة طبيعي؟
والسنتين الي جايين هتفرق مع عز بس ولا معاكم كلكم؟يعني بيظبط مرتباتكم يعني ولا اية؟
وأنت بتاخد كام في الشهر؟


***********************
"تم حذف هذا الجزء لتعارضه مع قواعد وقوانين المنتدى-الإدارة"

[casperinoo]

ده اعلانتهم متخلفه قوي ...نقصلنا شويه اد كده ونبقي اقوي شركه في الوطن العربي ....مش فاهم هو عايز ايه.يعني نلم تبرعات ونروح نشتري حديد ...او نطالب بزيادة الاسعار لوضع شركة عز المصريه في المقدمه....ربنا يخده
..برده زي الاعلان بتاعه اللي بيجيب دكتور ومدرب وشوية حجات كده ...وبرده مبفهمش هو عايز ايه

[casperinoo]

لو سمحت يا بشمهندس؟أنت معانا ولا مع التاتيين؟
يعني أنت بتحب أحمد عز ولا بتكرهه؟
ورايك سعر الحديد كدة طبيعي؟
والسنتين الي جايين هتفرق مع عز بس ولا معاكم كلكم؟يعني بيظبط مرتباتكم يعني ولا اية؟
وأنت بتاخد كام في الشهر؟

:p:p:p:p:p:p:p

ياعم الباشمهندس معانا طبعا...ومالك داخل حامي عليه كده.
..وايه علاقة الشجاعه بالاسئله اللي انت سألتها ..انا شايف ان فيها حجات خاصه من الطبيعي ان الواحد ميقولش عليها

[meza]

بالراحة شوية يا أستاذ أوتو :)

المهندس خلف ... طول عمره معانا
كمان إنت شكلك ماصدقت لقيت حد من عز تقوله كل اللى جواك :D

كلنا شايلييين بجد من الشركة دى ........ لكن العتب على اللى سمحلها توصل للمرحلة دى .... و طبعاً إنتوا عارفين مين ;)

الراجل مهما راح أو جه برضه تاجر عاوز يكسب و مش هيشبع و لو أخد فلوس البلد كلها ..... و أكيد مش هيقول لأ حرااااام دول غلابة المصريين دول .....

[hazem_khidr]

طب ايه رايكو نستورد حديد من الصين اكيد حيبقي رخيص
ولا انت مش معايا يا محمد يا خلف :):):)