عاوز مكان كويس اخد كورسات انجليزى

[akramlail]

اخوانى اعضاء المنتدى الكرام انصحونى بمركز او مكان كويس اخد فية كورس انجليزى يكون بيعلم بجد مش مهم الشهادة المهم التعليم ويكون سعرة كويس
وهل اعمل امتحان تحديد مستوى ولا ادخل من البداية فى ناس قالتلى اعمل تحديد مستوى وابتدى من المستوى الى اقبلة اية رايكم ؟

[Angel_wolf]

عندك البرتش كونسل دة بجد الى بيعلم وبتبقى حاجة كويسة وانت معاهم العيب الوحيد انك لازم تحجز وتستنى على الويتنج لست لحد يجيلك الدور فلو موركش حاجة يعنى مش يتعارض معاك فى مواعيد امتحانات الجامعة او حاجة يبقى تمام اوى الكلام دة

الجامعة الامريكية اسم حلو وجوة هتحس انك اتعلمت بس لما تخرج مش هتحس بكدة هتحس انك متعلمتش حاجة مفيدة

القوات المسلحة : مشهور اوى علشان رخيص لكن متخدش منه غير شهرة على الفاضى انا رحت حددت مستوى علما بأنى تعليم عربى ومستوايا حقير فى الانجلش ودخلت على لفل 7 والله من غير ما اذاكر دخلت الامتحان بتاع اللفل وجبت على ما افتكر جيد جدا و دخلت لفل 8 ومن غير مذاكرة جبت جيد جدا بردوا ودة مش ذكاء منى ولا خبرة باللغة لكن انا شايف ان كتاب هالو كان عظيم اوى بالنسبة للناس دى

[MRBEBO]

مش هقول غير كلمة واحدة

Berlitz

Berlitz Home

Berlitz Egypt Home Page

[karaktar]

[QUOTE=MRBEBO;3872798701]مش هقول غير كلمة واحدة

Berlitz

Berlitz Home

Berlitz Egypt Home Page[/QUOTE


مفيش احسن من كده

[Mustafa_Farouk]

my opinion:

1st: British Council
2nd: Berlitz

[akramlail]

محدش قالى اسعار يا جماعة لية وهل فى فروع فى اسكندرية للبرتيش ؟؟

[akramlail]

مش هقول غير كلمة واحدة

Berlitz

Berlitz Home

Berlitz Egypt Home Page

ممكن معلومات اكتر انا اول مرة اسمع عنة

[akramlail]

انا عايز حاجة تحوق فيا
يعنى اخرج بتكلم وبفهم من الاخر اتفرج على الفيلم من غير الترجمة
هل دة ممكن يتحقق

[Ahmed Selim]

البريتيش كونسل كويس جداً

فرعهم فى أسكندرية
11 Mahmoud Abou El Ela Street
Kafr Abdou, Rushdy
Alexandria, Egypt.
Telephone +20 (0) 2 19789
From abroad: +20 (0)2 33001666
Fax +20 (0) 3 545 6513
E-mail information@britishcouncil.org.eg






برلتز عندهم برضه فرع فى أسكندرية

Alexandria: 23 Abd El Fatah El Taweel st, Fleming
Tel: (+203) 546 6525 / 546 0834
Cell : +2010 170 1758
E-mail Address: alex@berlitzegypt.com



كلم الفرعين عشان تعرف الأسعار و المواعيد

[wahba87]

و ابقى قولنا على الاسعار يا ريت

[amrbakly]

عايز تتعلم إنجليزي بجد مفيش عندك غير مكان واحد ELI يعني English language Institute

دة مقرة الجامعة الأمريكية، بس حتدفع مبلغ مرعب، بمعني اصح حتدفع زيك زي اي طالب داخل الجامعة الأمريكية يعني علي الأقل 8000 دولار في السميستر الواحد، دة افضل مكان في مصر تتعلم فية إنجليزي، بس طبعا بسبب سعرة المرعب حيقع منك

يجيي بعدة الأميد إيست و دة معتمد من السفارة الأمريكية بالقاهرة، معرفش مصاريفة بقت كام، بس جنبة لازم تعمل لنفسك جدول قراءة و أفلام بدون ترجمة، و نصيحيتي تقراة جرائد انجليزية و روايات علشان تلم بأكبر قد ممكن، و الأفلام علشان تبدأ تعود ودنك و لسانك علي النطق السليم

نصيحة سيبك من البريتش فلوس علي الفاضي
الجامعة الأمريكية قسم تعليم الكبار، سئ و بقوة و عن تجربة شخصية
القوات المسلحة في الأخر بيعلمك مصريين علي طريقة البي الخفيفة و البي التقيلة

[n_i_t_e]

أنا خدت فى Berlitz أربع مستويات.
هو كويس و طريقة تعليمهم مسلية مش هتزهق بس غالى.
أنا مكملتش فيه لأنى مقدرتش أصد مع أسعار المستويات الأعلى.
و ليا موقف معاهم من سنتين محروق منه لحد دلوقتى الله يسامحهم بس بصفة عامة حلو و بيعلمك لغة state of the art

[الغزالى]

مش هقول غير كلمة واحدة

Berlitz

Berlitz Home

Berlitz Egypt Home Page

+1111111111
من الاخر فى راى المعهد البريطانى
وبعد كدة بيرلتز وانا باخد فى بيرلتز
بس هوا فعلا مشكلتة ان غالى حبتين تلاتة
بس ال instructor هناك ناس مصريين وكل حاجة بس صواريخ انجليزى بس الله ماشاء الله عليهم نطق وكلام ومعلومات وكل حاجة

[fady.bekatcho]

مش هقول غير كلمة واحدة

berlitz

berlitz home

berlitz egypt home page

فعلا محترم جدا جدا وليا صحابى خدوا فية وبيشكروا فية جامد

بس الى اعرفة ان عايز تفرغ تام

[د/أحمد ابراهيم]

طب السعار كام ياجماعة

وهل في فروع في الشرقية؟؟