عاوز مكان كويس اخد كورسات انجليزى

[Donzi]

مش هقول غير كلمة واحدة

berlitz

berlitz home

berlitz egypt home page

+111111111111111

ممتاز جدا بيعلمك تتكلم و تفهم كويس جدا انا خدت في كزا مكان قبل كدة و بعدين اخدت فيه اخر 4 مستويات و من ساعتها مخدتش تاني و الحمد لله تمام جدا و بشتغل في مالتي ناشيونال يعني كل حاجة بالأنجليزي و كلو تمام

هو ممكن يكون غالي شوية بس بصراحة يستاهل

[mobmob2010]

[QUOTE=karaktar;3872798739]

مش هقول غير كلمة واحدة

Berlitz

Berlitz Home

Berlitz Egypt Home Page[/QUOTE


مفيش احسن من كده

ده عصير ده ولا ايه؟

[الغزالى]

[QUOTE=mobmob2010;3872830282]

ده عصير ده ولا ايه؟

لا دة اعلان برسيل الجديد

[esam_comm]

ياريت يا جماعه حد يفيدنا في موضوع الاسعار

[الغزالى]

بيرلتز 8 مستويات اول 4 كل واحد ب 900 جنية والكتب وكل حاجة عليه وبعد كدة ال 4 الباقيين كل واحد ب 1000 ونفس النظام برضو الكتب وكل حاجة عليهم وفى 9 و 10 بس دول prof وكل واحد ب 1200 جنية
( متخصصين اكتر فى مجال عملك الى انت بتختارة )

[karmouty918]

1- British council
2-Amideast
3-AUC

[hamdy]

بس انا مشكلتي كلها في سماع الكلمات كويس بحس اني مش بعرف اركز في الكلام اللي بيتقال بالانجليذي مع اني بعرف ققرا كويس وعندي حصيلة كلمات لا باس بها ياتري دي مشكلتي ممكن تتحل لما اخد الكورس دا

[الغزالى]

ووعلى فكرة انا عرفت امبارح ان فى instructors اجنبى فى بيرلتز

[Donzi]

بس انا مشكلتي كلها في سماع الكلمات كويس بحس اني مش بعرف اركز في الكلام اللي بيتقال بالانجليذي مع اني بعرف ققرا كويس وعندي حصيلة كلمات لا باس بها ياتري دي مشكلتي ممكن تتحل لما اخد الكورس دا

هاقولك على فكرة حلوة اوي عشان موضوع سماع الكلمات دة و كمان هاتخلي النطق بتاعك جامد جدااااا

1- بص يا سيدي نزل شوية اغاني اجنبي من النت بس تكون من الكلاسيكيات او حد بيغني بشكل عادي - يعنى مش راب مثلا ولا اي حاجة بيحرفو فيها الكلمات - ممكن سيلين ديون او اي حاجة قديمة شوية

2- تجيب الكلمات بتاعت الأغنية و هتلاقي مواقع بتنزل منها الأغاني و فيها كل اغنية بكلماتها

3- تسمع الاغنية الاول ( لازم تسمع الاغنية الاول كزا مرة ) من غير ما تقرا الكلمات خااااالص و حاول تسمع بسماعات الرأس و تركز جدا في الكلام و تحاول تفهمو و كمان تحاول تحفظ الأغنية و تغني معاها بعد كام مرة

4- لما تلاقي نفسك فهمت شوية كلام و حفظت شوية كلام من الأغنية و في شوية كلام تاني واقع منك ولا انت فاهمه ولا عارف تقولو هنا بقى تجيب الكلمات و تقراها و انت بتسمع الأغنية برضو و تبدي تردد الكلام الصح مع الأغنية كزا مرة لحد ما تلاقي نفسك بتقول كل كلام الأغنية بنفس طريقة و سرعة المطرب


كل يو اعمل الموضوع دة في اغنية جديدة و صدقني والله بجد هاتلاقي نفسك بتفهم الكلام بسهولة بعد شوية و كمان بتنطق صح جداااااااا

انا اللي قاللي الطريقة دي American instructor و فعلا طريقة ناجحة جدا جدا جدا و عن تجربة

[karmouty918]

هاقولك على فكرة حلوة اوي عشان موضوع سماع الكلمات دة و كمان هاتخلي النطق بتاعك جامد جدااااا

1- بص يا سيدي نزل شوية اغاني اجنبي من النت بس تكون من الكلاسيكيات او حد بيغني بشكل عادي - يعنى مش راب مثلا ولا اي حاجة بيحرفو فيها الكلمات - ممكن سيلين ديون او اي حاجة قديمة شوية

2- تجيب الكلمات بتاعت الأغنية و هتلاقي مواقع بتنزل منها الأغاني و فيها كل اغنية بكلماتها

3- تسمع الاغنية الاول ( لازم تسمع الاغنية الاول كزا مرة ) من غير ما تقرا الكلمات خااااالص و حاول تسمع بسماعات الرأس و تركز جدا في الكلام و تحاول تفهمو و كمان تحاول تحفظ الأغنية و تغني معاها بعد كام مرة

4- لما تلاقي نفسك فهمت شوية كلام و حفظت شوية كلام من الأغنية و في شوية كلام تاني واقع منك ولا انت فاهمه ولا عارف تقولو هنا بقى تجيب الكلمات و تقراها و انت بتسمع الأغنية برضو و تبدي تردد الكلام الصح مع الأغنية كزا مرة لحد ما تلاقي نفسك بتقول كل كلام الأغنية بنفس طريقة و سرعة المطرب


كل يو اعمل الموضوع دة في اغنية جديدة و صدقني والله بجد هاتلاقي نفسك بتفهم الكلام بسهولة بعد شوية و كمان بتنطق صح جداااااااا

انا اللي قاللي الطريقة دي american instructor و فعلا طريقة ناجحة جدا جدا جدا و عن تجربة :s_thum1[1]:

+111

وفي حاجه كمان انك تسمع بي بي سي راديو عالنت برضه...و السي أن أن...لأن الكلام هيبقى منطوق يشكل سليم و عشان تتعود عالبريتش و الأمريكان و الفروق مابنهم..في أميدايست كانو بيطلبو مننا ززي ريبورت كل يوم عن اللي سمعناه في الأخبار.....
و طبعا حضرتك الكورس اللي تخده يبقى كورس كونفيرسيشن مش جنرال أنجلش..

[SeiffoZ]

الإنترنت ...

[ayman2013]

السلام عليكم
هو فيه مكان كويس اسمه bright minds
انا درست فيه وهو فعلا بيعلم بجد وبيعتمد
على الانشطه والافلام والمواضيع
هيبقى فيه تفاعل وممارسه للغه ودى اهم حاجه
علشان تقدر تتعلم
ومن الافضل تعمل تحديد مستوى او زى ما انت حابب
الكورس 16 مستوى
المستوى 16 ساعه
قيمه المستوى 300 جنيه
ولاى استفسار ممكن تتصل على 16769
وربنا يوفقك