ماذا تفعل لو كنت مكانى اتمنى المشاركة الفعالة

[amro1965]

ولا تحسبن الله غافلا عما يفعل الظالمين
شكرا اخى العزيز على موضوعك
فعلا انا ظلمت ظلما شديد اتمنى من الاخوة مشاركتى فى هذه المظلمة
ماذا تفعل اذا كان مديرك السابق ظالما ليس بحكمى انا ولكن نسبه كبيرة من العمل تشهد بظلمه الجائر نظرا لانه قريب جدا من صاحب الشركة واى شىء يوافق علية صاحب الشركة يمر علية
مديرى السابق ظلمنى ظلما شديدا ورغم تركى العمل تحت قيادته وذهبت للادارة اخرى اعمل بها واحسست انى بعدت عنه ومن يومين سعا مديرى الحالى بالسعى وطلب من صاحب الشركة زياده الى جميع العاملين بادارته وانا منهم وعددهم 25 موظف واجتمع بنا ليبشرنا بحصوله على زياده لجميع العاملين الا اثنين ولم يفصح عن اسمائهم 0
احسست شيئا مافى قلبى اننى احد الاثنين الذين لم يفصح عنهما مديرى الحالى الا انا جاء زميل لى واخبرنى بأن احساسى صحيح واننى واحد من الاثنين
وعندما سمعت هذا الخبر احسست بحجم الظلم الذى وقع على وان مديرى السابق احد الاسباب القوية التى منعت صاحب الشركة من زيادتى
واحسست بالظلم ايضا من مديرى الحالى لماذا لم يخبرنى بالحقيقة رغم ان اسمى كان ضمن الكشف المقدم الى صاحب الشركة لماذا يدعونا لبشرنا بالزيادة وانا منهم لماذا يجعلنى امنى نفسى بالزياده اليس كان من الافضل ان يهون علي هذه المصيبه
رغم انى ادعوا الله دائما ان يخرجنى من الشركة الظالم اهلها والذهاب الى شركة اخرى وانا اسعى لذلك رغم انى ذهبت الى شركتين واختبرت فيهم والحمد لله اجتزت الاختبار والمقابله بدرجه جيد جدا لكن اراده اللة لها رأى اخر الا وهو المكوث فى شركتى الحالية
انا فوضت امرى الى الله واحتسبت مظلمتى الى الله رغم انى والله لا احب الظلم لان الظلم ظلمات يوم القيامة
الشىء الوحيد اللى مضايقنى ومحتاج مشورتكم ماذا افعل فى التأقلم مع مديرى الحالى الذى لم يدافع عن حقى بالاضافه لاخفاءه نبأ اقصائى من كشف الزياده ومع مديرى السابق الذى مازال يمارس هوايته فى ظلم الاخرين وانا منهم
اتمنى من الاخوة الاعضاء لو انت مكانى ماذا تفعل

[mrwho1982]

اعتبرو كلب ماشي في الشارع وماتنساش حاجة

( الارزاق بتاعة ربنا ) وسيبو يظلم بالعكس ده المفروض يصعب عليك لان بجد الناس دي بتكون مريضة

قول كلمة واحدة للظالم ( حسبي الله ونعم الوكيل ) بتوصل في ثواني ومافيش بينها وبين ربنا حجاب

[amro1965]

اقسم بالله العظيم السنه الماضية طلب صاحب الشركة منه اعداد كشوف لتسريحهم مع التفويض معهم اقسم بالله العظيم كان يتعامل معهم كالنخاس الذى كان يساوم العمال كى يأكل حقهم القانونى لصاحب الشركة عمرى ماشفت عامل ولا موظف الا وهو ماشى الا ويدعوا الله ويحتسب على هذا المدير القريب من صاحب العمل
اينعم الارزاق بالله
انا بدعوا الله ان يرزفى عملا بديلا ووقتها اخرج من هذه الشركة الظالم اهلها حتى لا اقطع عيشى بيدى

[Mzeid]

حاول تبحث عن شركة تانية و لو ربنا كرمك في واحدة و خلاص اتقبلت استقيل من دي
تاني حاجة حاول تدخل لصاحب الشركة و اتكلم معاه و عرفه بالوضع و عرفه موضوع العمال اللي اتسرحوا

[MohaMed_Refaat]

الناس دية بتبقى مريضة وعندها نقص
كان عندنا مدير كدة دلدول للمدير العام وحبيبة
وكان بيظلم الناس ويتجبر عليهم وطبعا كل يوم طغيانة كان بيزيد
لدرجة انة بقى بيبع حجات من الفندق لحسابة وطبعا كل فترة تزيد ثقتة ويتجبر اكتر لحد مفى يوم اتكشف وغار فى داهية غير ماسوف علية

لانة كان ابتدى كشيال فى المطبخ (استيوار) ووصل مدير لكن طمعة عماة مع ان مرتبة بيوصل ل 10 الاف فى الشهر

فربك يمهل ولا يهمل ولازم الحق يبان فى الاخر .

[Hondawy_2008]

الناس دي بتجيلها مصايب جامدة في صحتها و عيالها


ربك يمهل ولا يهمل

[amro1965]

سبب مشاركتى هذه انى محتاج حد يشاركنى الرأى لانى من النوع العصبى اللى ممكن عصبيته توضعه فى موقف مش كويس
ومعرفش اتحكم فى نفسى بحس بالظلم بيقتلنى وانا ومش عارف ارد
رغم انى بزعل من زمايلى لانهم ممكن يعرفوا اشياء بتصير لى ويخبوا عليا وده كمان بيزيد تعب نفسيتى ومش عايز اخذ موقف اندم عليه فى المستقبل سهل جدا ارمى لهم استقالتى لكن وبعدين وفى نفس الوقت ان مش مستعد وبكون كده اعطيت لمديرى السابق فرصه للانتصار علي
اللى مضايقة انى خرجت من ادارته غصب عنه بقدره الله وحده لدرجه ان زمايلى فى الادارات الاخرى كانوا بيهنونى بالخروج من تحت ايده سليم واللى مضايقة اكثر انه طلب رجوعى لادارة مره اخرى وانا رفضت فشايل لى كل هذه المواقف
ومديرى الحالى لا يقدر ان يقف فى وجهه نظرا لقربه من صاحب الشركة
وانا بعيد عن الشركة اقصد فى اجازة بكون مرتاح واحس بالمراراة وحجم الظلم بمجرد دخول الشركة والجلوس على مكتبى مش عارف ازاى هشتغل وبخاف المصادمه مع مديرى الحالى فى حاله تحميلى بمهام اخرى فى العمل وانا عارف انه مقدرش يدافع عنى امام هذا الظالم

[omar-saad]

اذا كنت مظلوم فالله هوة ناصرك باذن الله
اشتكيله وهوة ان شاء الله مش هايضيمك ابدا
هوة قادر على كل دول
ومتحوجش نفسك لغيره
وبعدين عسى ان تكرهوا شيئا وهو خيرا لكم
فاصبر وان شاء الله ربنا هايبدلك خير منها باذن الله

[Imhotep]

انا اتعرضت لانواع مماثلة من الظلم و كان ربنا مبيسبش اللى بيظلمنى انما لازم يورينى بعينى حاجة فى الشخص المتسبب فى ظلمى تؤكد لى ان ربنا لا يرضى ابدا عن الظلم..... اصبر و سيب ربنا ياخدلك حقك..... لى النقمة انا اجازى يقول الرب

[yassin_samir]

الارزاق على الله دول ناس العمى ملا قلوبهم

[amro1965]

الحمد لله مثلما قال بعض الاخوة وعسى ان تكرهوا شيئا وهو خيرا لكم
انا مش محتاج شىء منهم الا انى بدعوا الله ان يبعدنى عنه فى مكان اخر ودائما فى صلاتى اشكو اليه ضعف قوتى وقله حيلتى وهوانى امامهم
ومن اكثر من كذا سنه وانا على هذا الحال اتلقى الضربات من هذا المدير واشكو الله ان يخرجنى من هذه الشركة وارسل سيرتى الذاتية لشركات اخرى وانجح فى الاختبارات ويتعمل لى طلب التعيين لكن لاسباب يعلمها الله اجد نفسى فى شركتى امام هذا الظالم واناجى ربى لماذا تركتى هكذا اذهب للاختبارات تلو الاختبارات وفى النهايه اجد حالى ماكث فى نفس الشركة مع هذا الظالم اهون على حالى واقول لعل الله مدخر لى شيئا افضل
اتمنى من الله ان تشاركونى دعواتكم الى اللة ان يخرجنى من هذه الشركة

[magomago]

انا فوضت امرى الى الله واحتسبت مظلمتى الى الله رغم انى والله لا احب الظلم لان الظلم ظلمات يوم القيامة

اينعم الارزاق بالله

انى بدعوا الله ان يبعدنى عنه فى مكان اخر ودائما فى صلاتى اشكو اليه ضعف قوتى وقله حيلتى وهوانى امامهم

الاخ الفاضل
حضرتك لم تترك لنا مانقوله واى كلام اخر يعتبر مواساه او من الممكن ان يجعل الامور تحتدم
فكل ماقلته عين العقل ولا يمكن ان نقول افضل منه
اجتهد فى عملك فقط ولا تلتفت حولك واعتبر عملك الحالى مرحله انتقاليه اجباريه حتى تاتيك الفرصه الجيده
وربنا معاك ان شاء الله


.

[omaroof]

ربنا يعوضك بالبركه فى راتبك وهو خير من الزياده ويزيدك من البركه فى بيتك واولادك وهى لا تساوى كل كنوز الدنيا فلا تعلم الزياده التى منعت منك كانت خيرا ام شر
استعوض الله

[waelfarid]

اصبر عالمدير السو يايرحل ياتيجي مصيبة تاخده
خلي أملك في ربنا كبير
والدنيا ابتلاءات
وقلبنا معاك

[aly_moh]

بص ياباشا هى حاجة من 2
يا تقبل بالوضع الحالى و تستحمل
يا تسب الشغل و الارزاق علي الله بس لازم يكون ايمانك بربنا كبير لانك هتعانى

و توكل علي الله
انا لو مكانك هسيب الشغل و اديهم بالجذمة من اول صاحب الشركة لحد الفراش و اللى مش عاجبية يخبط دماغة فى الحيطة بس خلى عندك ثقة فى الله

انا كنت شغال فى شركة قبل كدا وبعدين قالوا المصاريف زيادة و هنمشى ناس و مشوا فعلا 10 موظفين منهم فنى انا اعرفة سنة كبير يعنى 50 سنة كدا المهم الراجل بعد اسبوع بكلمة فى البيت اية الاخبار قال اشتغلت قلتة ازاى قالى انا يوم ما عرف انى همشى من الشركة كان عقلى مش فى راسى امت خابط علابية و انا مروح نزلت اشوف الخبطة لاقتى اللى خبطة دا واحد صاحبي من زمان قالى في اية حكالوا اللى حصل معاة و انهم ماشواة من الشركة سبحان الله قالوا انا شغال فى شركة بتشتغل فى نفس الصناعة و عايز فنيين معايا و اشتغل فى شركة احسن من الللى كان شغال فيها

دا رزقك و هيجيلك لحد عندك بشرط انك تسعى و تحاول انك توصولة

لية ربنا امر السيدة مريم فى القران بهز جذع النخلة مع ان البلح ممكن يسقط من غير ما تهز النخلة لازم سبب

و اعمل برضوا استخارة و ان شاء الله ربنا هيكرمك و يوفقك

اسف علي الاطالة