ماذا تفعل لو كنت مكانى اتمنى المشاركة الفعالة

[amro1965]

اجمل المشاركات التى بتهون على فعلا النماذج التى سردها بعض الاعضاء لانها عن جد بتحسسنى بالقوة مش بالضعف والتوكل على الله حق تقاته
وانشاء الله هحاول جاهدا الاخذ بالاسباب والطرق على الشركات الاخرى والاصدقاء لعل الله يهدينى الى مكان افضل من اللى انا فيه

[ahmed76]

الموضوع بسيط جدا
انا شايف انك مالكش مستقبل فى الشركه دى
قدم فى كذا مكان وخليك فى شركتك عادى جدا جدا
واوعى تسيبها الا لما تستلم فى مكان تانى
وحسسهم انك بتحب الشركة جدااااااااااااااااااااا وبتموت فى ترابها
ومبسوط انك ما زدتش فى المرتب واشكرهم على كده وما تحرقش دمك لان ممكن يجيلك مرض يمنعك من العمل فى شركه تانيه

وبكره هايجيلك مكان تانى وهتضحك على الايام دى

[zkralla]

هذا المثال موجود ومكرر مع الغالبيه
اصبر واحتسب
فرج الله عنك ما انت فيه

[زينة الله]

كلنا تقريبا اتعرضنا لمواقف زى دا و يمكن اكتر
اصبر و ارمى حمولك على الله واسعى فى شتى الطرق
و على بال ما تفرج اشغل نفسك باهتمامات اخرى مفيدة زى بيتك و اولادك
اتفسح معاهم و علمهم رياضة وحفظهم القرآن ،و صل رحمك و والديك
احنا فى الاجازة اهه و الوقت مناسب ، المهم ما تخليش الهم يركبك ،
و صلى ركعتين قبل الفجر و ادعى ربنا باخلاص
احنا فى رجب من الاشهر الحرم والثواب فيه مضاعف و رمضان على الابواب
و إن شاء الله ربنا يفرجها عليك و على كل مكروب

[m_mekkawy]

انا زيك بالظبط ومن نفس انوعيه بس يزيد على هذا العصبيه المفرطه
انا جاى فيزا حره اشتغلت مع مدير للأسف الشديد كلب واطى وحيوان
قعدت 6 شهور ومره واحده عمل حاجه من الحاجات اللى تفور الدم وتثير الأعصاب وغيرها فا افتكرتله القديم والجديد
مسكت فيه وضربته فى قلب الشركة ورحنا الشرطه وغرمتنى 500 ريال وتوقفت يومين وسبت الشغل ورجعت الرياض فعدت شهرين من غير شغل واشتغلت فى شركه برقبة اهل الشركه اللى انا كنت بشتغل فيها وبراتب احسن بكتير
انا مش بقلك اتهور عليه واضربه زى ما انا عملت وكنت هروح فى داهيه
لا ربنا دايما بيقدر الأحسن لينا دايما
ودور فى شركات بره واديك بتاخد راتبك حتى يقضى الله امرا كان مفعولا

[n_i_t_e]

بص للموضوع من وجهة النظر دي....
أن الواحد الشركة مأجراه 8 أو 9 ساعات فى اليوم .. معرض فيهم انه يتحرق فيها دمه أو يكون تحت ضغط و خلافه و فى المقابل بيجيله راتب.
أنا عارف ان الموضوع أصلا مش كده و أن الشغل المفروض يكون فيه Career و Good environment , و متعة و طموح بس الموضوع ده للأسف فى شركات كتير و أحسن حاجة الواحد يغير من نظرته للموضوع عشان يعيش براحة بال.
أوعى تسيب أعصابك تفلت طالما محدش من الشركة أهانك لشخصك.. متسيبش أي شغل الا لما تلاقى حاجة أحسن. طالما الموضوع موصلش لأهانات شخصية متقولش كرامة و قول أنا حكيم و عاقل و صابر.
الواحد بيعيش و يتمتع بحياته مع أسرته و عياله. تعالى على نفسك و أصبر على اللى بيحصل فى شغلك ده لأنه كده كده مش حياتك..دي حاجة كده لابد منها عشان تاخد مرتبك و خلاص. حاجة ألغى فيها مشاعرك و شغل عقلك بس.

[powerofhelll]

من الاخر كده ملكش نصيب في الزياده دي
الحمد لله عسي ان تكرهوا شئ و هو خير لكم

[amro1965]

مديرى بعد ماتحرق دمى ارسل لى اليوم بعدما دخل له بعض الزملاء من اجل الجلوس معى وشرح لى لماذا تم اسبعادى افضل ماظل منتظر فقال لى سياده المدير ان الامور خرجت من بين يدية وعلى ان اتقبل الامر الواقع الان
فما كان منى الا ان قلت له لماذا لم ترسل لى قبل اجتماعك بالزملاء لتبشرهم بالزيادات ماعدا اثنين ولم توضح لهم اسباب الاستبعاد
لو كنت مكان هذا المدير ماذا ستفعل
تجلس مع الاثنين المستبعدين لشرح استبعادهم وبعد ذلك تعمل اجتماع شامل للعاملين فى ادارتك لتبشرهم بالزياده
تجلس مع العاملين وتبشرهم بالزياده مع استبعاد اثنين من الموجودين لاسباب خارجه عن ارادته
تجلس معهم وتبشرهم بالزياده مع عدم اعلانك عن استبعاد احد ولما يجيى ميعاد صرف المستحقات هيعرف الموظف المستبعد وبعدين تشرح له وجهه نظر الاستبعاد

اختر ايهما افضل لو كنت مكان المدير الحالى لابلاغ ادارتك بالزياده وانت تعلم ان فى اثنين منهم مستبعدين
لعل وعسى ان تصبح مدير فى يوم من الايام فتختار الطريقة الصحيحة للتعامل