سهام قتلت ابنها وحاولت تنتحر علشان معهاش فلوس

[ahmed4000]

السلام عليكم
خبر صادم ومحبط على الصبح كده

واحدة من مدينة السلام عندها 43 سنة

مطلقة من 10 سنين وعندها ابن عنده 9 سنين ونص تقريبا

معندهاش شغل وعايشة على مساعدة من اخوها

من قلة الفلوس طلعت ابنها من الدراسة

ولما الدنيا ضاقت بيها فكرت تنتحر ولكن فكرت مين اللى حيربى ابنها

فقررت انها تقتله وتنتحر والعذاب الاكبر انها ممماتش وجثة الابن فضلت تتعفن قدامها 3 ايام

متخيلين يعنى ايه توصل لمرحلة انها تجيب فوطة وتخنق ابنها

ارجوكم محدش يوقلى كافرة ومعندهاش ايمان والكلام ده كله

لان متنساش انك قاعد بتتكلم وانت فى التكييف وبتشتغل على كومبيوتر او لاب توب يساوى اللى هى كانت محتاجاه لسنة قدام

احنا كلنا مسئولين مش الحكومة بس

ازاى الناس دى مش قادرين نوصلهم اى حاجة فى حين بنصرف الالاف مؤلفة على الموبيل -الانترنت- العربيات واكسسواراتها التافهة - السفر - الفسح- الاكل - الخروجات-

ازاى كل يوم بننام مرتاحين فى التكييف وفى ناس بالشكل ده بينا

ازاى كل يوم بنقعد نحشى بطننا اكل وفى ناس مش لاقية لقمة

ازاى ممكن حاجة تبقى ليها طعم وفى واحدة بينا وصلت للمرحلة دى

[زينة الله]

يا استاذ أحمد الحاجات دى للاسف بقيت عادى
ناس بتبع ولادها الصغار عشان يلاقوا حد يربيهم و هما ياخدوا قرشين يعيشوا بيهم
زى رابعة العدوية كده الواحد كان زمان وهو عيل بيستغرب قصتها لما ابوها باعها من الفقر
وناس بتبيع اعضاءها وناس بتبيع شرفها و ناس...........................
و ناس بتشترى اى حاجة أو تسرقها و تغتصبها و مش مهم غيرهم
دا قانون الغابة و لا عصر العبيد

[د/أحمد ابراهيم]

التصرف ده جهل

لان مش هي اللى بترزق وبيها او من غيرها ابنها كان هيجيلوا رزقه

وده دليل واضح على مستوي التفكير اللى بقي في المجتمع

لاننا بنربي ونخرج اجيال ميعرفوش حاجة وبنهتمش بتعليم الدين في المدارس

بالنسبة لرأيك اخي احمد

فهو راي يستحق الاحترام

ولاكن فيه جمعيات كتيرة زي الجمعية الشرعية وغيره بتساعد المحتاجين

وبتلم الاموال من كتييير من الاغنياء والمرفهين

[بحري]

الموضوع ده زاد جدا في مصر الفترة الأخيرة...الموضوع مش فقر فقط..أكيد الست عندها استعدادات نفسية لكده...نوع من المرض النفسي ومش مرتبط بالفقر..أي نعم الفقر عامل أساسي ومهم في كثير من الحالات..لكن هناك الكثير أيضا من الحالات لأغنياء بل وفاحشي الثراء يقتلون أنفسهم وأبناءهم بسبب (الخوف من المستقبل- الأخلاق أصبحت سيئة- أمريكت هتحتل مصر-إسرائيل هتضربنا بالنووي-...مخاوف كثيرة من هذه النوعية)
لكن هذا لا يمنع من ضرورة الوقوف على حل لهذا الفقر المنسي المتزايد كل يوم مما يفسح المجال لتزايد قائمة المنتحرين
ربنا يرحمنا

[n_i_t_e]

الموضوع ده زاد جدا في مصر الفترة الأخيرة...الموضوع مش فقر فقط..أكيد الست عندها استعدادات نفسية لكده...نوع من المرض النفسي ومش مرتبط بالفقر..أي نعم الفقر عامل أساسي ومهم في كثير من الحالات..لكن هناك الكثير أيضا من الحالات لأغنياء بل وفاحشي الثراء يقتلون أنفسهم وأبناءهم بسبب (الخوف من المستقبل- الأخلاق أصبحت سيئة- أمريكت هتحتل مصر-إسرائيل هتضربنا بالنووي-...مخاوف كثيرة من هذه النوعية)
لكن هذا لا يمنع من ضرورة الوقوف على حل لهذا الفقر المنسي المتزايد كل يوم مما يفسح المجال لتزايد قائمة المنتحرين
ربنا يرحمنا

+11111111
حضرتك دي ملحوظة ذكية جدا....
فعلا الموضوع مش فقر بس. زمان كان فى ناس كتيرة فقيرة و كانوا مبسوطين و كانوا بيتكاتفوا مع بعض. دلوقتى قليل لما نشوف الناس بتساعد بعض و الفقير محدش بيساعده الا ربنا و الناس مبقاش عندها خلق انهم يشيلوا بعض لأن كل واحد شايل أكتر من طاقته.
أعتقد أن المخاوف الدوليه زي موضوع أسرائيل و أمريكا مش مؤثر خصوصا أنها خطر جماعى يعنى بيهدد كل الناس و الواحد لما بتقابله مشكلة جماعية بتكون هينة شويه...لكن الخطر على المستوي الشخصى زي الأمثلة دي (الناس هيعاملوا ابنى وحش - هأريى عيالى ازاي - خايف على بنتى باليل من قطاعين الطرق - خايف مرتبى ميكفينيش بعد كده- مش حاسس بالأمان ) بتخلى الواحد يتخذ قراراته الفردية و عايش شايل هم الدنيا و عايز يستريح و يهرب منها.
للأسف ده مش جهل ..الضغوط النفسية بتعمل أي حاجة و أي واحد معرض للضغوط دي سواء متعلم أو جاهل حسب مقاومته النفسية و قوة ايمانه

[m_car]

دة منظومة كله مشترك فيها

ايمانك _ عقلك _ تعليمك _ الحكومة _ قوتك _ الناس اللى بتسرق حواليك _ الظلم اللى فى كل مكان _ جشع الناس _ لما الاقى غيرى بياكل وبيشرب ومعاه فلوس وانا مش عارف اغطى نفسى من البرد ولا اكل لقمة عيش ناشفة

نعمل ايه منظومة كبيرة احنا ممكن نلاقى واحد فى امريكا او اى دولة متقدمة جدااااااا مش لاقى ياكل وانتحر بس الموضوع كبييييييير بجد اوى اوى

الواجب مننا اننا نحافظ على الفلوس اللى معانا _ نساعد المحتاجين بكل المقاييس سواء فى رمضان او غير رمضان _ تتعظ من الحاجات دى وتحافظ على نفسك وعلى اللى حواليك


واذا الايمان ضاع فلا امان
الحديث ده دايما والدى يفكرنى بيه ويقولهولى

[Terrible_DaRsH]

و لسه واحد عنده 14 سنة سقط فى الاعدادية انتحر .

لا تعليق !

[ahmed4000]

قبل كده كان بيقى انتحار علشان الفقر

لكن لما تسمع نها قتلت ابنها وخنقاً دى مرحلة ابعد بكتير

وارجو للمرة التانية عدم توجيه كلام مثل الجهل وغيره وان الايمان لازم يبقى اقوى (مع ان دى حقيقة)

محدش يقدر يحس بمشاعر ام وهى مش قادرة تاكل عيالها فبمبالك تعليمهم ولبسهم ولعبهم

بس منقدرش ننصب نفسينا قضاة على الناس لان مفيش حد كبير على ربنا وكل منسمع قصة انتحار نلاقى ناس بتستغرب ازاى فقد ايمانه ازاى يأس..لكن بعد شهر حنلاقى حالة انتحار تانية وحيكون اللى انتحر واحد من اللى استغربوا قبل كده انتحار الاخرين

ادعوا بحسن الخاتمة يا جماعة مفيش حاجة مضمونة

وارجوكم كل واحد يحاول على اد ميقدر يحس بالناس اللى حواليه لان الفقر وصل لمراحل فظيعة حتقولى بطلع فلوس

حقولك واضح انك لازم تطلع اكتر واكتر لان الظروف بقت صعبة

ولو متعرفش حد ادفع للجمعيات الموثوقة وسيبهم هما يقوموا بالدور..لان دى مسئوليتنا جميعا وفى حديث بمعنى ان مفيش حد جائع الا لما يكون شخص تانى مانع للزكاة او الصدقة

[احمد عبدالله]

حسبى الله ونعم الوكيل

[sama_ahmed]

احنا بقينا فى زمن ما يعلم بيه الا ربنا
والله اعلم بعد كده هيحصل ايه.

[misoalex]

الموضوع ده زاد جدا في مصر الفترة الأخيرة...الموضوع مش فقر فقط..أكيد الست عندها استعدادات نفسية لكده...نوع من المرض النفسي ومش مرتبط بالفقر..أي نعم الفقر عامل أساسي ومهم في كثير من الحالات..لكن هناك الكثير أيضا من الحالات لأغنياء بل وفاحشي الثراء يقتلون أنفسهم وأبناءهم بسبب (الخوف من المستقبل- الأخلاق أصبحت سيئة- أمريكت هتحتل مصر-إسرائيل هتضربنا بالنووي-...مخاوف كثيرة من هذه النوعية)
لكن هذا لا يمنع من ضرورة الوقوف على حل لهذا الفقر المنسي المتزايد كل يوم مما يفسح المجال لتزايد قائمة المنتحرين
ربنا يرحمنا

كلام سليم جدا
القطه بتاكل عيالها لو حست انهم فى خطر

وانا شايف ان صاحب الموضوع بيتكلم عننا كأننا احنا الى عملنا فيها كده

انا اعرف ناس ظروفها اسوء منها واخواتها مكانوش بيصرفو عليها و اشتغلت اكتر من شغل وربت عيالها

معلش العيب مش فينا ومتقنعنيش ان عشان ملقتش تاكل موتت ابنها وموتت نفسها
دى لو راحت تبيع جرجير فى الشارع كانت لقت تاكل وتعيش

مش عاوزين نحمل نفسينا اكتر من طاقتها ومش كل حاجه حنرميها على بعضنا وعلى الناس الى قاعده فى التكيف

الى اعرفه ان ربنا الى بيوزع الارزاق وكل واحد بياخد حقه 24 قيراط

[sama_ahmed]

بس فى ناس كتيييير بتاخد اكتر من حقها..
لان لو كل واحد خد حقه بس كانت هتبقى بلدنا احسن من كده بمرااااااحل

[ابوهاشم]

بس فى ناس كتيييير بتاخد اكتر من حقها..
لان لو كل واحد خد حقه بس كانت هتبقى بلدنا احسن من كده بمرااااااحل

مافيش حد بياخد اكتر من حقه
والحق مش هو المال وبس
مال صحة اولاد سعاده راحة بال
ارضى بما قسمه الله لك تكون اغنى الناس
ياما ناس اغنياء وعندهم مليارات ومافيش سعاده
ولا راحة بال ويمكن مافيش اولاد كمان
وعندهم استعداد يستغنو عن اموالهم علشان طفل
ولما بنسمع عن مليونير انتحر وماتقوليش مافيش حد
لان فى كتير ومش عاوز اذكر اسماء علشان ماندخلش فى حوارات تانيه
يبقى ايه دخل الفقر فى الموضوع
نرجع للاصل واللى اتعلمناه من اصول الدين والشرع
بالفعل ياصديقى هو قلة ايمان
الله اعلم الطفل اللى امه مش لاقيه تأكله وموتته خنقا كان ممكن يصبح
رجل اعمال وغنى ومافيش حاجه بعيد عن ربنا
اتذكر قصة ملاك الموت الذى ابكته واضحكته

[misoalex]

مافيش حد بياخد اكتر من حقه
والحق مش هو المال وبس
مال صحة اولاد سعاده راحة بال
ارضى بما قسمه الله لك تكون اغنى الناس
ياما ناس اغنياء وعندهم مليارات ومافيش سعاده
ولا راحة بال ويمكن مافيش اولاد كمان
وعندهم استعداد يستغنو عن اموالهم علشان طفل
ولما بنسمع عن مليونير انتحر وماتقوليش مافيش حد
لان فى كتير ومش عاوز اذكر اسماء علشان ماندخلش فى حوارات تانيه
يبقى ايه دخل الفقر فى الموضوع
نرجع للاصل واللى اتعلمناه من اصول الدين والشرع
بالفعل ياصديقى هو قلة ايمان
الله اعلم الطفل اللى امه مش لاقيه تأكله وموتته خنقا كان ممكن يصبح
رجل اعمال وغنى ومافيش حاجه بعيد عن ربنا
اتذكر قصة ملاك الموت الذى ابكته واضحكته

تسلم ايدك يا ابو هاشم
الفقر ملوش دعوه خالص
دى قله ايمان بالله
او مرض نفسى اسمه الخوف من بكره

[Egyzizo]

موقف يدعو إلى البكاء :( ..

YouTube - Marillion - Rare Bird - Sympathy