سهام قتلت ابنها وحاولت تنتحر علشان معهاش فلوس

[devilishtigers]

دي مش ام ولا عندها قلب دي لو اشتغلت ولو تكنس وتمسح البيوت كانت جابت فلوس.
الله يرحم الطفل

[SHNORY]

ولما بنسمع عن مليونير انتحر وماتقوليش مافيش حد
لان فى كتير ومش عاوز اذكر اسماء علشان ماندخلش فى حوارات تانيه
يبقى ايه دخل الفقر فى الموضوع

ابرز مثال
بنت اوناسيس
مليارديره
وعندها يخوت وطيارات وجزيره كامله ملكها
وانتحرت
ربنا يعافينا من ما ابتلي به غيرنا

[Ahmed Samy]

ايمانها قليل ........أيوة

عقلها تعب ..........أيوة

نفسها ضعيفة ........أيوة

بس ما قدرش أقول ألومها ولا أعيب عليها
ولا انتقدها

كان الله في عونها و هي تقاسي عذاب الدنيا

[ahmed4000]

بس ما قدرش أقول ألومها ولا أعيب عليها
ولا انتقدها

استاذ Ahmed Samy

+1111111111

احنا مسئولين اكيد لاننا -كمجتمع- مبنطلعش فلوس كما ينبغى وادى الدليل ان فى ناس عايشة فى الظروف دى واسوأ واكيد في زيها الاف واحنا مش حاسين (واترجو ان محدش يقولى انا بطلع انا بتكلم على المجتمع ككل) الرسول بيتكلم على الشخص الى بينام وجاره جعان والدين بيتكلم ان لو الزكاة والصدقة طلعت صح مش حيبقى فى فقراء فمبالك بالناس اللى تحت خط الفقر بمرااااااااااااحل

والناس برده مصممة تنتقد وتقول قلة ايمان وكانت تروح تمسح وكانت تبيع فجل وده فعلا اللى بحسسنى اننا فى برج عاجى يعنى بنبص من فوق

حقول حاجة ببساطة تفتكروا الست دى من خمس ست سنين لو كانت سمعت عن واحدة قالت ان ام قتلت ابنها كانت حتقول ايه؟ راجعوا الردود اللى فوق وحتلاقوا انها كانت بتقول اكتر من الكلام اللى اتقال هنا


الدنيا ملهاش كبير ولا ليها عزيز ولا حد عارف بكرة حيحصله ايه

ومحدش يفتكر ان العلم ولا المال ولا العقل بيحمى (راجعوا قصص اخر كام سنة الدكتور اللى نشر واحد سرق منه فلوس....المهندس اللى قتل مراته وولاده....الخ)

اللهم ارزقنا حسن الخاتمة

[ahmad--ezzat]

فى ناس اسوء منها حاله وعايشين.... طبعا مفيش صبر ومفيش ايمان بالله...والشيطان لعب دوره الله يلعنه

[بحري]

أستاذ ahmed4000 أنا فاهم قصدك تماما
لكن النقطة هنا أن هناك فرق بين أن تكون متعاطفا ومشفقا وتشعر داخليا بالتقصير تجاهها وبين أن نعفيها من الخطأ واللوم
هي مخطئة نعم ..هل خطؤها من جنس خطأ (سفاح كرموز) لا..تستحق قدرا من التعاطف نعم..هل يعفيها هذا التعاطف من المسؤولية الشرعية والجنائية لا
ولو اعتبرنا مسببات الجريمة دوافع جبرية لكل إنسان لسقط مبدأ الثواب والعقاب...طالما بقي عندها عقل فهي مكلفة شرعا وقانونا..وطالما هي مكلفة إذن يمكن وصفها بالإصابة والخطأ والبراءة والذنب
مهم فهم نفسية المجرم لمعالجته ولمنع حدوث جرائم مستقبلا ولكن أيضا لابد من وجود تشريعات تحفظ حياة الناس وأعراضهم ودينهم

[ahmed4000]

أستاذ ahmed4000 أنا فاهم قصدك تماما
لكن النقطة هنا أن هناك فرق بين أن تكون متعاطفا ومشفقا وتشعر داخليا بالتقصير تجاهها وبين أن نعفيها من الخطأ واللوم
هي مخطئة نعم ..هل خطؤها من جنس خطأ (سفاح كرموز) لا..تستحق قدرا من التعاطف نعم..هل يعفيها هذا التعاطف من المسؤولية الشرعية والجنائية لا
ولو اعتبرنا مسببات الجريمة دوافع جبرية لكل إنسان لسقط مبدأ الثواب والعقاب...طالما بقي عندها عقل فهي مكلفة شرعا وقانونا..وطالما هي مكلفة إذن يمكن وصفها بالإصابة والخطأ والبراءة والذنب
مهم فهم نفسية المجرم لمعالجته ولمنع حدوث جرائم مستقبلا ولكن أيضا لابد من وجود تشريعات تحفظ حياة الناس وأعراضهم ودينهم

خالص مش قصدى التبرير ولا قصدى ان اللى عملته صح
انا كل تعليقى انى بلاحظ اننا لما نقرا اى خبر عن انتحار او جريمة بشعة نلاقى غالبيتنا نصبوا نفسهم قضاة
وانه المفروض كان يعمل كذا وانه كافر وفى النار....الخ
طيب على اساس ايه نصبت نفسك؟
انت عارف نفسك لو كنت مكانها كنت حتبقى الصابر القانت؟
علشان كده بقول بلاش نصدر احكام..اذا حد انتحر حسابه عند الله...اذا قتل ولسه عايش فنسيب حكمه للقاضى ونطلب من الله ان يعافينا مما ابتلى به عباده وان يحسن خاتمتنا

من الناحية التانية نفسي تبقى لينا مشاركة "اكتر" فى مساعدة الناس دى (انا قلت اكتر لان فى مشاركات فعلا بس مطلوب نزودها)

وحنزل قريب موضوع عن جمعية اسمها "اختار اسرة" ودى جمعية بتشوف الاسر المتعففة اللى من نوعية سهام وبتحاول تحلقهم من الاول ان حد يتكفل بيهم علشان يقدروا يكملوا تعليم او يكفوا مصاريفهم

[factorialx]

التصرف ده جهل

لان مش هي اللى بترزق وبيها او من غيرها ابنها كان هيجيلوا رزقه

وده دليل واضح على مستوي التفكير اللى بقي في المجتمع

لاننا بنربي ونخرج اجيال ميعرفوش حاجة وبنهتمش بتعليم الدين في المدارس

بالنسبة لرأيك اخي احمد

فهو راي يستحق الاحترام

ولاكن فيه جمعيات كتيرة زي الجمعية الشرعية وغيره بتساعد المحتاجين

وبتلم الاموال من كتييير من الاغنياء والمرفهين

مع إحترامي للجمعية الشرعية

بس مش هتقدر تساعد كل ال40% من سكان مصر اللي عايشين تحت خط الفقر


قال سبحانه في سورة الإسراء: {وَلَا تَقْتُلُوا أَوْلَادَكُمْ خَشْيَةَ إِمْلَاقٍ نَحْنُ نَرْزُقُهُمْ وَإِيَّاكُمْ إِنَّ قَتْلَهُمْ كَانَ خِطْئًا كَبِيرًا (31)}.

هي أكييد مسؤولة قدام ربنا
بس إحنا كمان مسؤولين

إحنا عملنا إيه فعلا
كلنا قاعدين في التكيف و محدش حاسس بالبشر دي
و مش العشرة جنيه اللي بتتبرع بيها فين و فين لصندوق الجامع في صلاة الجمعه هي دي اللي هتبرأك

بس بجد الللي بيتكلموا عليها لو جربوا يعيشوا شهر بدالها كلامهم هتغير 180 درجة

و ربنا يرحمنا

[misoalex]

استاذ ahmed samy

+1111111111

احنا مسئولين اكيد لاننا -كمجتمع- مبنطلعش فلوس كما ينبغى وادى الدليل ان فى ناس عايشة فى الظروف دى واسوأ واكيد في زيها الاف واحنا مش حاسين (واترجو ان محدش يقولى انا بطلع انا بتكلم على المجتمع ككل) الرسول بيتكلم على الشخص الى بينام وجاره جعان والدين بيتكلم ان لو الزكاة والصدقة طلعت صح مش حيبقى فى فقراء فمبالك بالناس اللى تحت خط الفقر بمرااااااااااااحل

والناس برده مصممة تنتقد وتقول قلة ايمان وكانت تروح تمسح وكانت تبيع فجل وده فعلا اللى بحسسنى اننا فى برج عاجى يعنى بنبص من فوق

حقول حاجة ببساطة تفتكروا الست دى من خمس ست سنين لو كانت سمعت عن واحدة قالت ان ام قتلت ابنها كانت حتقول ايه؟ راجعوا الردود اللى فوق وحتلاقوا انها كانت بتقول اكتر من الكلام اللى اتقال هنا


الدنيا ملهاش كبير ولا ليها عزيز ولا حد عارف بكرة حيحصله ايه

ومحدش يفتكر ان العلم ولا المال ولا العقل بيحمى (راجعوا قصص اخر كام سنة الدكتور اللى نشر واحد سرق منه فلوس....المهندس اللى قتل مراته وولاده....الخ)

اللهم ارزقنا حسن الخاتمة

انا مش حرد على الكلام ده عشان انا شايف استخفاف او مهاجمه لكلامى
بس اظن الرد ده برضه يقول الى على لسانى

فى ناس اسوء منها حاله وعايشين.... طبعا مفيش صبر ومفيش ايمان بالله...والشيطان لعب دوره الله يلعنه

واظن انها لو لجأت لربنا فى وقت زى ده مكنش الشيطان لعب فى دماغها

[venomixus]

الصلاه + الايمان بالله هم الوقاية من الوسوسة والنفس الأمارة بالسوء وطبعاً بيدوا الانسان مناعة وقوة لمقاومة الأمراض النفسية

[ahmed4000]

انا مش حرد على الكلام ده عشان انا شايف استخفاف او مهاجمه لكلامى
بس اظن الرد ده برضه يقول الى على لسانى

لا استخفاف ولا هجوم ولا مقصود بيه حد معين
ده فكر سائد وسط كل الناس
وحتى لما بنقد موضوع اننا عايشين فى دنيا تانية فانا اول واحد بنتقده هو نقسي

[blazer]

الموضوع زاد
زى ما حاجات كتير زادت فى مجتمعنا
النصب والسرقه والرشوه ,,,,, و الاغتصاب والتحرش والانتحار والزنا وحاجات كتير تانيه
لو كان الموضوع فقر كان بتوع الصومال كلهم انتحروا
الموضوع نفسى فى المقام الاول فى رئى
الست دى وقعت اكيد تحت ضغط نفسى فظييييع و مقدرتش تستحمه ومع الجهل والتخلف وقله الدين والايمان بلله كل دا خلاها تعمل كدا
واكيد هى كانت مقتنعه انها بتعمل الصح و بتريح ابنها من اللى هو فيه
ربنا يعافينا من اللى احنا فىه
قال تعالى :
(أَهُمْ يَقْسِمُونَ رَحْمَةَ رَبِّكَ نَحْنُ قَسَمْنَا بَيْنَهُمْ مَعِيشَتَهُمْ فِي الْحَيَاةِ الدُّنْيَا وَرَفَعْنَا بَعْضَهُمْ فَوْقَ بَعْضٍ دَرَجَاتٍ لِيَتَّخِذَ بَعْضُهُمْ بَعْضًا سُخْرِيًّا وَرَحْمَةُ رَبِّكَ خَيْرٌ مِمَّا يَجْمَعُونَ. وَلَوْلا أَنْ يَكُونَ النَّاسُ أُمَّةً وَاحِدَةً لَجَعَلْنَا لِمَنْ يَكْفُرُ بِالرَّحْمَنِ لِبُيُوتِهِمْ سُقُفًا مِنْ فِضَّةٍ وَمَعَارِجَ عَلَيْهَا يَظْهَرُونَ. وَلِبُيُوتِهِمْ أَبْوَابًا وَسُرُرًا عَلَيْهَا يَتَّكِئُونَ .وَزُخْرُفًا وَإِنْ كُلُّ ذَلِكَ لَمَّا مَتَاعُ الْحَيَاةِ الدُّنْيَا وَالآخرة عِنْدَ رَبِّكَ لِلْمُتَّقِينَ ). (الزخرف:32-35).
يعنى دى سنه الله فى ارضه اخرج زكاه ماللك وتصدق بما تستطيع و اعمل السنن والفروض وانت كدا يبقى عملت اللى عليك واللى يزود جزاءه عند ربنا كبييير
و لينا فى الراجل الصالح اللى عامل فى مسجد الفتح فى ميدان رمسيس كل يوم غذاء مجانى للفقراء فى كل اشهر السنه عبره _انا اسمع انا كان بادىء بكام ترابيزه فى رمضان فقط و ربنا فتح عليه ورزقه _

[ahmed ismail]

لماذا فى اذكار الصباح و المساء الدعاء التالى
اللهم انى اعوذ بك من الكفر و الفقر
لماذا قال الامام على رضى الله عنه لو كن الفقر رجلا لقتلته

رزق كل البشر على هذه الارض كلفه الله لهم
ولكن لماذا شرع لنا الله الزكاة و لماذا الصدقات مرغب بها؟
مينفعش نصدر على الناس احكام بقلة الايمان لان ديه مش وظيفتنا ده تجرؤ على مقام الربوبية
اللى مطلوب مننا علمه اننا نشوف الاسباب الحقيقة وراء تلك المرأة لتفعل فعلتها يا ترى هى مصابة باى نوع من المرض النفسى هو اللى دفعها لعمل كده ولا يا ترى هى عملت كده فعلا عشان خاطر قله ذات اليد فى كلا الحالتين نحن مسئولين عنها كمجتمع
سيدنا عمر بن الخطاب قال (لو عثرت بغلة فى العراق لسئلنى عنها الله لما لم تمهد لها الطريق يا عمر).
لو كل فرد فى الامة دفع زكاة المال اللى عليه فقط لما بقى محتاج فى هذة الامة و اعلموا انه ما نام فرد فى هذة الامة بدون عشاء الا تقصير من فرد عن سداد زكاة ماله
لو وجدت حكومة حقيقة تهتم بمواطنيها و تطبق شرع الله لما راينا مثل تلك الحوادث

مصيبتنا تبدأ من انفسنا حتى اكبر رأس فينا

[ahmed4000]

مينفعش نصدر على الناس احكام بقلة الايمان لان ديه مش وظيفتنا ده تجرؤ على مقام الربوبية
اللى مطلوب مننا علمه اننا نشوف الاسباب الحقيقة وراء تلك المرأة لتفعل فعلتها يا ترى هى مصابة باى نوع من المرض النفسى هو اللى دفعها لعمل كده ولا يا ترى هى عملت كده فعلا عشان خاطر قله ذات اليد فى كلا الحالتين نحن مسئولين عنها كمجتمع
سيدنا عمر بن الخطاب قال (لو عثرت بغلة فى العراق لسئلنى عنها الله لما لم تمهد لها الطريق يا عمر).
لو كل فرد فى الامة دفع زكاة المال اللى عليه فقط لما بقى محتاج فى هذة الامة و اعلموا انه ما نام فرد فى هذة الامة بدون عشاء الا تقصير من فرد عن سداد زكاة ماله
لو وجدت حكومة حقيقة تهتم بمواطنيها و تطبق شرع الله لما راينا مثل تلك الحوادث

مصيبتنا تبدأ من انفسنا حتى اكبر رأس فينا

+1111111111111111111111111111111111111111111111111 111111111111
ده بالظبط اللى بحاول اقوله من اول الموضوع

[mostafashokry]

بيعجنى الناس ألى فهاهمه الدنيا صح

الصلاه + الايمان بالله هم الوقاية من الوسوسة والنفس الأمارة بالسوء وطبعاً بيدوا الانسان مناعة وقوة لمقاومة الأمراض النفسية

أين هذه المرأة من الآيه "يحسبهم الجاهل أغنياء من التعفف تعرفهم بسيماهم لا يسألون النا س ألحافا"
(273) البقرة
و لكن الناس ألى بتتعاطف زياده عن اللزوم لازم ننبهم إن الست ديه الله أعلم بقلبها فجعل لها الفقر فتنه و على العكس ممكن يجعل لإنسان آخر الفقر نعمه و طبعاً من غير ما أشرح أظن أحنا بنشوف أمثلة كتيرة فلازم نتدبر فيها يا جماعة و نتأمل فيها بتجرد دون عاطفة يعنى مثلا لو شفت حد ملابسه رثة و يظهر عليه علامات الفقر يجب علينا أن نحمد الله أننا غير مبتليين بهذا الإبتلاء و نتفكر ليه ما كنش العكس أو على سبيل المثال و
أحنا رايحيين الشغل الصبح و راكبين العربيه و تلاقى الناس فى ميدان ألف مسكن و اقفين طابور عشان يروحوا شغلهم ..... مفروض الموضوع ده ما يعديش علينا بالساهل و نتفكر هل لو كان العكس كنا هنرضى ذى الجماعة الى راضيين بحالهم دووول و لا كنا هنتفتن ذى باقى الناس ولا كنا هنستحل الحرام و الا كنا ولا كنا...........
الله عز وجل داعنا فى أكثر من آيه إلى التدبر فى الأمثلة التى مثلها القرآن فى آيته و فى خلقه و وتدبر ما حولنا من الآيتات.
اعلموا أيها الأخوه الناقميين أنكم ليس بأكرم و لا أحن ولا أرحم من الله على هذه المرأه و لا هى نفسها أحن من الله على ولدها لو رسخ هذا الفكر فى الأذهان ما نقمتم من الحالة الأقتصاديه للبلد
و بأختصار هى فتن يفتن الله بها بعضهم ببعض و يسلم المؤمنون من هذه الفتن بمعنى إن الست ديه لو عندها إيمان كافى لرزقها الله من حيث لا تحتسب "و من يتقى الله يجعل له مخرجاً ويرزقه من حيث لا يحتسب"و إذا لزمت الإستغفار لرزقها الله " فقلت استغفروا ربكم أنه كان غفارا يرسل السماء عليكم مدرارا و يمددكم بأموال وبنين ويجعل لكم جنات و يجعل لكم أنهارا".
و حاجه أخيره معلش طولت عليكو
إن ده يدعونا كمان لما نيجى نخرج صدقة أو زكاه ما نستسهلش و نخرجها فى أقرب مصدر (بتوع الإشارات, البوابين) مع العلم البواب عندنا بانى بيت فى الكيلو 4.5
المهم ندور و نتعب و نهم نفسينا إننا ندور على ألى وصفهم القرآن بالعفه و بالغنا من كثره التعفف مش نصبها فى أقرب مكان لينا ونلخص ونخلص.بجد ألى صعبان عليه الست ديه يدور على الفقراء ألى مش ظاهرييين لينا فى المناطق الفقيرة و المعدمة .