تحذير من احدى الشخصيات فى المنتدى

[AhmedGen2]

استاذ احمد المشكلة مش في مين دي او مين ده .
المشكلة في اللي بيمشي وراهم
عشان حضرتك تجري ورا توصية و تعمل بيها من غير ما تفهم ليه و ازاي و عشان ايه و لمده قد ايه

أنا معاك ..

لكن كان فيه شخصية فى المنتدى أفتكر كانت فاتحة موضوع عن مشروع خاص بالبورصة وفاكر انى استفسرت منها على الخاص.

فالغرض من ذكر الاسم التوضيح أكتر.

[Mzeid]

اولا : فين اسم الشخصيه طيب

؟؟؟؟

ثانيا : انا شايف ان حضرتك غلطان لأنك بتقول انك خسرت فيها قبل كده مبلغ كبير
وباردو دخلت بمبلغ كبير وخسرت بسبب واحد متعرفوش فا كان المفروض حضرتك تسأل مره واتنين وعشره

+1111

ربنا يعوض على حضرتك و إن شاء الله ترزق خيرا

[mada121977]

نسيت ان اذكر نقطه هامه جدا فى الموضوع وهى ان هذه الشخصيه وبعد خسارتى الكبيره فى السهم فى المره الاولى كانت تلح على باصرار غريب ان ادخل ماتبقى من مال فى مجال الفوركس على اساس ان سيادتها خبيره الخبراء فى الفوركس وان مكسب عمليه واحده فى الفوركس سيعيد مكسب خساره البورصه كلها فى فتره قصيره وكانت هذه الشخصيه تلح على بان اضع ماتبقى من المال فى حساب خاص بشركه الفوركس التى تتعامل معها فى لندن وان اقوم بعمل تفويض لسيادتها حتى تتحكم هى فى حسابى الخاص بالشركه .. يعنى احط القرشين اللى فاضلين فى لندن وادى لسيادتها تفويض كمان بالحساب بتاعى وانا بقى ابقى اقزقز لب على رصيف مستشفى الامراض العقليه فى العباسيه !! طبعا انا رفضت الفكره تماما ولذلك يبدو ان طلبها منى بشراء اسهم الشركه الخاسره فى المره الثانيه كان محاوله للانتقام منى لرفضى موضوع الفوركس التى كانت تصر عليه

[esam_comm]

ربنا يعوض عليك
بس لو معاك فلوس شغلها في حاجه مضمونه البورصه دي بالشكل اللي المصريين بيتعاملوا بيه زيها زي القمار او المراهنات

[mada121977]

ربنا يعوض عليك
بس لو معاك فلوس شغلها في حاجه مضمونه البورصه دي بالشكل اللي المصريين بيتعاملوا بيه زيها زي القمار او المراهنات

هو انا كان معايا فلوس دلوقتى العمليه متدهوره بشكل كبير.. دعوات حضرتك لينا ربنا يفرج عننا الكرب

[night_whisper]

انا عرفت حضرتك قاصد مين
ربنا يعوضك يا رب

[w-m-a]

صيغه المؤنث عائده على لفظ الشخصيه؟
ام الشخصيه انثى؟
رجاء التوضيح

[mada121977]

صيغه المؤنث عائده على لفظ الشخصيه؟
ام الشخصيه انثى؟
رجاء التوضيح

انا استخدمت لفظ (الشخصيه) تحديدا حتى تصبح الصيغه صيغه مؤنث .. هى فعلا انثى

[the-hero]

ربنا يعوض عليك
لعله خير لك انك خسرت

[powerofhelll]

ربنا يعوضك خير ان شاء الله

[mada121977]

ربنا يعوض عليك
لعله خير لك انك خسرت

الحمد لله على كل حال ... والله لم اكن ابغى الا وجه الله الكريم وكانت نيتى خير وربنا يعلم الفلوس اللى خسرتها دى كانت رايحه فين

ربنا يعوضك خير ان شاء الله

جزاك الله كل خير وابعد عنك كل مكروه

[w-m-a]

وصلت
ربنا يعوض عليك

[mada121977]

وصلت
ربنا يعوض عليك

امين .. شكرا لاهتمام حضرتك وجزاك الله خيرا

[mkhalifa73]

يا اخى فاضل ايه بعد الاذى اللى لحق بيك قول اسم الشخصيه علشان محدش تانى ينضر منها

[elassar2010]

يا اخى فاضل ايه بعد الاذى اللى لحق بيك قول اسم الشخصيه علشان محدش تانى ينضر منها

+999999
اولا ربنا يعوض عليك
ثانيا انا مستفدش من الموضوع شىء لان اسم الشخصية مجهول يعنى ممكن اعضاء تانية تشتغل معاة وتخسر زى حضرتك

انما لما حضرتك تقوا مين الشخصية حضرتك ممكن تنقذ اعضاء كتير من الخسارة