تحذير من احدى الشخصيات فى المنتدى

[lancerevolution]

الحمد لله
لعل الفلوس الى خسرتها كنت هتعمل بهم حاجة تضرك

[shok]

طول ما لطماع موجود
النصاب بخير

[John_Samy_1]

ربنا يعوض على حضرتك. وحضرتك مؤمن فثق إن ماحدث حصل للخير وحضرتك تستفيد منه عشان المستقبل إنشاء الله.
أنا بس كان ليَّ سؤال و خاصة للأعضاء اللي اتعاملوا مع البورصة, أنا أعرف إن البورصة استثمار مش تجارة. وإن نوع التعامل في البورصة بطريقة التجارة بيعرض لمكاسب أو خسائر كبيرة في اوقات قليلة. انما الاستثمار هو دراسة وضع مؤسسة وخططها للسنوات المالية القادمة واستراتيجياتها لتحسين وضعها في السوق ( وديه بتكون مدد زمنية طويلة ) وباستثمر في اللي أنا مقتنع بيه. لو الشركة أو الإدارة بتنفذ بطرقة خطأ ساعتها اروح استثمر في مؤسسة تانية. هل ده صح ولا هي تجارة فعلا ونوع من أنواع اضراب واجري؟

[M.Osman]

ربنا يعوضك خير

بس هو اية لازمة 4 صفحات من غير ما يكون مكتوب فيها اسم "الشخصية" ؟

[ahmad--ezzat]

هو اسم الشخصيه هيبقى اعلان ولا ايه؟؟؟؟

[Abo_Lina]

هو حضرتك معترض إنك خسرت و لا إنك سمعت كلامها و لا إيه يعني ?
بالعضوة دي و من غيرها أنت خسرت و أي حد معرض للخسارة في البورصة

و ده درس لكل واحد إنك تشتغل في حاجة تعرف عنها معلومات و ماينفعش تخلي حد إن شاء الله أخوك يشوفلك شغلك

[bishoy02010]

ربنا يعوض عليك ويصبرك

[Mzeid]

ربنا يعوض حضرتك خير
بس لو ممكن اسم الشخصية علشان محدش يحاول يتعامل معاها و بكدة تكون حضرتك أفدت الاعضاء

[m_car]

ربنا يعوض عليك ياباشا

بس فى الاول والاخر انت اللى غلطان

طالما معاك فلوس شغلها فى مشروع انت تعرفه انما البورصة دى قمار وسرقة علنى تقوم تكرر الغلطة اكتر من مرة

لا يلدغ المؤمن من جحر مرتين وانت اكتر من مرة مالتلومش الا نفسك والنصاب بيعمل كده علشان بيلاقى اللى بيساعده

[ahmed4000]

انا حذرت من الموضوع ده اول متفتح وقدمت عليه مشاركة سيئة والحمد لله الادارة قفلته قبل ميبقى فى ضحايا اكتر
وبرده لقيت العضوة باعتلى انها ممكن تفتحلى حساب فوركس..على فكرة اسمها مش حيفرق لان مش المشكلة مين العضو المشكلة فى العرض نفسه اللى ممكن يجلك باى اسم "تعال وشارك معانا وحتكسب دهب من غير مجهود"


انا ممكن اقول ان العضوة مش لازم تبقى نصابة ولا فى انتقام ولا حاجة (حتتنقم ليه منك هى اكيد عايزة تكسب) لكنها واحد زى الوف فى البورصة فاكرة ان الموضوع سهل وان فلان ده عنده كل المعلومات وحيقولهالى ونكسب

وده ميمنعش غلط حضرتك وده نفس اللى بيحصل فى اى توظيف اموال...واحد يجى يقولك هات فلوس وانا حكسبك وانا اسمع كلامه بدون فهم وعايز اكسب

طيب ازاى اكسب من غير مجهود؟

هو فى فلوس بتيجى من الهوا؟؟؟؟

ولو جت من الهوا صدقنى حتطير فى الهوا ولا حتستفيد بيها حاجة

(على فكرة نفس الموضوع بيتم بصورة حسنة النية هنا على المنتدى..ناس بتحلل اسهم وناس تانى ماشية وراهم...ومع احترامى للطرفين...بس ازاى واحد يمشى ورا كلام واحد تانى حتى لو كان خبير الخبرا (ده مش مقصود بيه حد هنا علشان محدش يزعل) لان دى أفة البورصة المصرية كلها نسمع اى كلمة نجرى وراها وادخل على كل منتديات البورصة حتلاقى واحد عمال يحلل ويدى توصيات والناس وراه وهى مغمضة

وبعدين الناس تيجى تقولك البورصة وحشة وخسرتنا...طيب مانت لازم تخسر طبعا مدام ماشة بالطريقة دى


وبرده عايز ارد على الناس اللى عمالين يعلنوا فى البورصة

البورصة حلال مدام مبتشتريش فى شركة انتاجها حرام ومدام مبترميش فلوسك وخلاص

والبورصة لا هى فهلوة ولا سهلة ومحتاجة مجهود ودراسة وعلم والا مش حتكسب

[Karim_Monir]

اخي احمد
عوضك الله خيرا ان شاء الله عن ما فقدته ولا تحزن فامر المؤمن كله خير
بصفتي لا بشخصي اطالبك بكشف اسم الشخصية فورا لاني لا اقبل ذلك في منتداي مطلقا
اعتقد والله اعلم اول حرف منها d
صح ولا انا غلطان

[hussein]

ياريت كمان تقولنا ايه هى الاسهم اللى انت اشتريتها و خسرتك كل دا و كان فى انهو فترة بالظبط

[mada121977]

طول ما لطماع موجود
النصاب بخير

الف شكر ليك .. والله انا كل هدفى كان انى ارجع لرأس المال الخاص بى ولم اكن اطمع فى اى شىء اكثر من هذا ..
ياريت الناس تفكر قبل ماتكتب كلام جارح

هو حضرتك معترض إنك خسرت و لا إنك سمعت كلامها و لا إيه يعني ?
بالعضوة دي و من غيرها أنت خسرت و أي حد معرض للخسارة في البورصة

و ده درس لكل واحد إنك تشتغل في حاجة تعرف عنها معلومات و ماينفعش تخلي حد إن شاء الله أخوك يشوفلك شغلك

ماحدث حدث .. المشكله مش فى الخساره المشكله فى انك تعتمد على شخص وتثق فيه وفى الاخر يطلع اللى اعتمدت عليه غير جدير بالثقه والامانه

اخي احمد
عوضك الله خيرا ان شاء الله عن ما فقدته ولا تحزن فامر المؤمن كله خير
بصفتي لا بشخصي اطالبك بكشف اسم الشخصية فورا لاني لا اقبل ذلك في منتداي مطلقا
اعتقد والله اعلم اول حرف منها d
صح ولا انا غلطان

اخى العزيز كريم منير الحمدلله على كل حال وجزاك الله كل خير....
انا كنت منتظر موافقه الاداره بل الاعلان عن اسم الشخصيه حتى لا يتم الرجوع على شخصى باى تنبيه او تحذير من قبل الاداره .. العضوه تدعى meramor81

انا حذرت من الموضوع ده اول متفتح وقدمت عليه مشاركة سيئة والحمد لله الادارة قفلته قبل ميبقى فى ضحايا اكتر
وبرده لقيت العضوة باعتلى انها ممكن تفتحلى حساب فوركس..على فكرة اسمها مش حيفرق لان مش المشكلة مين العضو المشكلة فى العرض نفسه اللى ممكن يجلك باى اسم "تعال وشارك معانا وحتكسب دهب من غير مجهود"


انا ممكن اقول ان العضوة مش لازم تبقى نصابة ولا فى انتقام ولا حاجة (حتتنقم ليه منك هى اكيد عايزة تكسب) لكنها واحد زى الوف فى البورصة فاكرة ان الموضوع سهل وان فلان ده عنده كل المعلومات وحيقولهالى ونكسب

وده ميمنعش غلط حضرتك وده نفس اللى بيحصل فى اى توظيف اموال...واحد يجى يقولك هات فلوس وانا حكسبك وانا اسمع كلامه بدون فهم وعايز اكسب

طيب ازاى اكسب من غير مجهود؟

هو فى فلوس بتيجى من الهوا؟؟؟؟

ولو جت من الهوا صدقنى حتطير فى الهوا ولا حتستفيد بيها حاجة

(على فكرة نفس الموضوع بيتم بصورة حسنة النية هنا على المنتدى..ناس بتحلل اسهم وناس تانى ماشية وراهم...ومع احترامى للطرفين...بس ازاى واحد يمشى ورا كلام واحد تانى حتى لو كان خبير الخبرا (ده مش مقصود بيه حد هنا علشان محدش يزعل) لان دى أفة البورصة المصرية كلها نسمع اى كلمة نجرى وراها وادخل على كل منتديات البورصة حتلاقى واحد عمال يحلل ويدى توصيات والناس وراه وهى مغمضة

وبعدين الناس تيجى تقولك البورصة وحشة وخسرتنا...طيب مانت لازم تخسر طبعا مدام ماشة بالطريقة دى


وبرده عايز ارد على الناس اللى عمالين يعلنوا فى البورصة

البورصة حلال مدام مبتشتريش فى شركة انتاجها حرام ومدام مبترميش فلوسك وخلاص

والبورصة لا هى فهلوة ولا سهلة ومحتاجة مجهود ودراسة وعلم والا مش حتكسب

اخى الكريم انا مش عارف هل كلامى اتفهم غلط ولا ايه
انا عارف ان البورصه دراسه وعلم بس فى الدول المحترمه فقط مش فى الدوله دى اللى شغاله على الفهلوه والنصب ... يعنى حضرتك اما ييجى خبر معين ايجابى على شركه مافى البورصه والشركه الخاصه بحضرتك اول شركه تعرف بالخبر ده ايه اللى بيحصل بيخلوك تشترى فى الشركه دى ؟ صح
طيب انا دلوقتى قدام واحده بتدعى انها خبيره فى البورصه وان لها صلات باحد الميكرات الكبار فمن الطبيعى ان اى خبر لديها على اى سهم سيكون صحيح بنسبه كبيره ولهذا كانت المصداقيه فى البدايه متوفره ولكن ماحدث بعد ذلك اطاح بمصاقيه وثقه هذه الشخصيه .. ثم بماذا تبرر حضرتك طلبها المتكرر بان اقوم بفتح حساب فى شركه الفوركس بلندن واضع فيه ماتبقى من مال لدى وان تقوم سيادتها باداره الحساب وبدون ان اعلم عنه شىء ؟

ياريت كمان تقولنا ايه هى الاسهم اللى انت اشتريتها و خسرتك كل دا و كان فى انهو فترة بالظبط

حاضر ... فيه سهم اسمه الاسكندريه لتداول الاوراق الماليه اكيد حضرتك عارفه الخبيره القديره طلبت منى شراء السهم ب 40 جنيه على اساس صعوده السريع خلال اسبوعين الى60 جنيه ولكن ماحدث هو هبوط سريع الى ال 20 جنيه .. يعنى كده نصف رأس المال طار فى لحظه ... ثم طلبت منى شراء لكح والمشروعات الصناعيه (خارج المقصوره ) وكما حدث فى البدايه حدث فى النهايه وانهار السهمان بسبب خبر قصر فتره تداول سوق خارج المقصوره على يومين فقط فى اول يوليو ... فهل اذا كانت هذه الشخصيه كما تدعى انها على صله باحد الميكرات لم تكن تعرف هذا الخبر الهام فى سوق خارج المقصوره الذى جعل كل اسهم خارج المقصوره تتهاوى سريعا ؟؟؟

[zakiali]

انا عمري ما سمعت عن واحد كسب من البورصه .. كل الناس خسرانه .. كلهم بمعني الكلمه ... وأتحدي أي واحد يقولي انه عمل من البورصة دي فلوس . للأسف الطمع هو اللي بيدفع الناس للانقياد وراء الخرافات والأحلام .. يعني همه اللي بيجيبوه لنفسهم بمزاجهم .. يبقي الواحد ميرجعش يعيط بعد كده .... أنا برده من ضمن الناس الخسرانه دي لحسن حد يفتكر اني شمتان ! .. لله الأمر من قبل ومن بعد

[aif]

اولا ربنا يعوض عليك بالخير ان شاء الله
..
البورصة دي مغامرة معرضة للخسارة والمكسب وزي ما احنا متوقعين المكسب يجب ان لا نستبعد الخسارة
اللي عاوز اعرفه
هل الشخصية دي كانت عارفه ان الاسهم دي ح تخسر كدة وتعمدت انها تخسرك فيها ؟؟
هل هيا استفادت من خسارتك اي نوع من الاستفادة ؟؟
اعتقد انك لو كنت كسبت كان ح يكون افيد ليها علشان تحصل على حصتها في الربح كالاتفاق
انا شايف ان اللي حصل ممكن يكون غير اللي حضرتك متصوره
البورصة حصل فيها انهيارات رهيبة الفترة اللي فاتت وناس كتير خسرت مبالغ رهيبة
مش ممكن يكون اللي حصلك ده بناء على ترشيحها كان بسبب انهيارات بورصات اوروبا بعد احداث اليونان ....
انا ما اعرفش الزميله اللي انت بتتكلم عنها تماما ويمكن اول مرة الاحظ اسمها
لكن هل هيا تعمدت تضليلك ..... ولا اللي حصل كان سوء اختيار منها ؟؟؟؟